Şəkildə gördüyünüz bu ikimərtəbəli yaraşıqlı bina şəhərimizin Nizami küçəsində inşa olunan 100 yerlik körpələr evi-uşaq bağçası üçün nəzərdə tutulub.
Burada mətbəxt, sanitar otağı, iş otağı, uşaqlar üçün oyun otağı, yataq otağı, kompüter otağı vardır. Bir sözlə, bura hər cür şəraiti olan uşaq bağçasıdır.
Müasir tələblərə cavab verən bu binanın ümumi sahəsi 1200 kvadratmetrdir.
İnşasına 2015-ci ilin əvvəllərində başlanmışdır. Dam örtüyü müasir mansard üslubunda vurulmuşdur.
Şəhərimizin ümumi gözəlliyini daha da artıran bu bina və burada yaradılan şərait balaca sakinlərin də xoşlarına gələcəkdir.
Körpələr evi-uşaq bağçası tezliklə istifadəyə veriləcəkdir.

MİTDİB.Bakı.Mediada İnnovativ Təşəbbüslərə Dəstək İctimai Birliyi (MİTDİB) Bakı şəhərində “KİV və müəllif hüquqları” mövzusunda konfrans keçirib. Beynəlxalq Mətbuat Mərkəzində keçirilən konfransa KİV təmsilçiləri və internet fəalları qatılıblar.
Tədbir, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilən “İnternet informasiya resursla-rında müəllif hüquqlarının qorunması təşəbbüslərinə yardım” layihəsi çərçivəsində baş tutub. Layihənin koordinatoru Müşfiq Ələsgərli bildirib ki, tədbirin keçirilməsində məqsəd KİV işçilərində, xüsusən, internet üzərindən xəbər yayan informasiya istehsalçılarında müəllif hüquqlarının qorunmasının vacibliyi barədə təsəvvür formalaşdırmaqdan ibarətdir: “İnternetin inkişafı KİV-də müəllif hüquqlarının qorunmasını çətinləşdirib. Bax-mayaraq ki, müəllif hüquqları həm qanunlarla qorunur, həm də ona hörmətlə yanaşılması Jurnalistlərin Peşə Davranışı Kodeksinin əsas tələblərindən biridir. Amma təəssüflə qeyd edilməlidir ki, bu gün əksər xəbər istehsal-çıları müəllif hüquqlarına nəinki hörmətlə yanaşmırlar, ümumiyyətlə bu sahədə anlayış geniş yayılmayıb. İnternetin inkişafı, medianın rəqəmsal müstəviyə köçməsi müəllif hüquqlarının qorunmasını çətinləşdirib. Həyata keçirdiyimiz layihə və tədbirlər bu problemin aradan qaldırılmasına yardım xarakteri daşıyır”. Daha ətraflı »

Bu günlərdə Bakıda Azərbaycan, Rusiya və İran prezidentlərinin üçtərəfli formatda keçirilən zirvə görüşü bütün dünyanın diqqət mərkəzində olmuşdur. Bu görüş yeni əməkdaşlıq formatının əsasını qoymuşdur. Üç dövlətin prezidentlərinin imzaladıqları birgə Bəyannamədə qeyd olunmuşdur ki, tərəflər bərabər hüquqlu və qarşılıqlı əməkdaşlıqlarının hərtərəfli inkişafını, eləcə də qarşılıqlı maraq kəsb edən məsələlərin bütün sahələri üzrə müxtəlif səviyyələrdə siyasi dialoqu intensivləşdirməyi və genişləndirməyi davam etdirəcəklər.
Bəyannamədə eyni zamanda regiondakı həll olunmamış münaqişələrə də diqqət yetirilmişdir. Bildirilmişdir ki, regiondakı həll olunmamış münaqişələr regional əməkdaşlığa əsas maneədir və bu xüsusda onların tezliklə beynəlxalq hüququn prinsip və normaları və bu çərçivələrdə qəbul edilmiş qərar və sənədlər əsasında danışıqlar vasitəsilə sülh yolu ilə həll olunması vacibdir.
Həmçinin bəyan olunmuşdur ki, tərəflər bərabər hüquqluluq və qarşılıqlı fayda prinsipləri əsasında iqtisadiyyatın müxtəlif sahələrində hərtərəfli əməkdaşlıqlarını intensivləşdirəcəklər.
Prezident İlham Əliyev zirvə görüşündə çıxışı zamanı bildirib: “Beynəlxalq birlik və təşkilatlar Azərbaycanın ərazi bütövlüyünü tanıyır və münaqişənin beynəlxaq hüquq normalarına uyğun, ədalətli həllinin tərəfdarıdır. BMT, Qoşulmama Hərəkatı, ATƏT, İslam Əməkdaşlıq Təşkilatı və digər beynəlxalq təşkilatlar Azərbaycanın ərazi bütövlüyünü birmənalı dəstəkləyirlər. Münaqişə ilə bağlı mövcud olan statuskvo qəbuledilməzdir. Münaqişə beynəlxalq hüquq normalarına uyğun və Azərbaycanın ərazi bütövlüyü çərçivəsində həll olunmalıdır”. Daha ətraflı »

Ötən həftə Azərbaycan Respublikasının Prezidenti İlham Əliyev Qəbələ rayonuna səfər edib.
Dövlət başçısı əvvəlcə xalqımızın Ümummilli Lideri Heydər Əliyevin Qəbələ şəhərinin mərkəzindəki abidəsini ziyarət edərək önünə gül dəstəsi qoyub. Sonra Prezident İlham Əliyev Qəbələdə Heydər Əliyev Fondunun təşəbbüsü ilə inşa olunan uşaq bağçasının açılışında iştirak edib.
Qəbələyə səfəri çərçivəsində Azərbaycan Prezidenti İlham Əliyev Vətəndaşlara Xidmət və Sosial İnnovasiyalar üzrə Dövlət Agentliyinin Qəbələ regional “ASAN xidmət” mərkəzinin açılışında iştirak edib.
Bundan sonra Prezident İlham Əliyev Qəbələdə inşası davam edən turizm və idman infrastrukturu layihələri ilə tanış olaraq görülən işlərlə bağlı müvafiq tapşırıq və tövsiyələrini verib.
Prezident “Qəbələ” Park-Bulvar kompleksinin yenidənqurmadan sonra istifadəyə verilməsi mərasimində, həmçinin “Qafqaz Tufandağ Mountan Resort” hotelinin açılışında iştirak edib.
Qəbələyə səfəri çərçivəsində Prezident, Silahlı Qüvvələrin Ali Baş Komandanı İlham Əliyev Dövlət Sərhəd Xidmətinin Şəki Sərhəd Dəstəsinin “Laza” sərhəd zastavasında yaradılan xidmət və məişət şəraiti ilə tanış olub.
Sonra Prezident Nohurqışlaq Tüntül-Yengicə avtomobil yolunun əsaslı təmirdən sonra açılışında iştirak edib. Daha ətraflı »

YENİ PARK SALINIR

Rayonumuzda tikinti-quruculuq işləri ilboyu mütəmadi şəkildə davam etdirilir. Belə işlərdən biri də Tərtər çayı sahilində 2,5 hektar ərazidə yeni parkın tikintisidir. Bura minlərlə maşın torpaq daşınıb tökülərək hamarlanmışdır. Beləliklə də ərazinin səviyyəsi çaydan xeyli yuxarı qaldırılmışdır.
Parkdan keçən Buruc arxı 300 metrdən çox məsafədə beton kanal şəklinə salınmışdır. Yeni salınan parkda quruculuq-abadlıq işləri davam etdirilir. Bu park Tərtər əhalisinin ən sevimli istirahət mərkəzlərindən biri olacaqdır.

Şəhərimizdə 8 ədəd çoxmərtəbəli yaşayış binalarının dam örtükləri dəyişdirilmiş, fasad və giriş hissələri suvanıb, rənglənmişdir. Bu işlərin görülməsi üçün əhalinin məşğulluğunun təmin olunması məqsədilə 100 nəfər Tərtər sakini işə götürülmüşdür. Təmir işləri davam edir.

YAP Tərtər Rayon Təşkilatının inzibati binasında son tamamlama işləri başa çatmış, binanın otaqları müasir tipli mebel və avadanlıqlarla təmin olunmuşdur.

Cari ilin aprel ayında erməni silahlı birləşmələrinin növbəti təxribatı zamanı Tərtər şəhəri də daxil olmaqla 17 yaşayış məntəqəsində 256 yaşayış evinə, 4 məktəb binasına, 2 tibb məntəqəsinə, 1 körpələr evi-uşaq bağçasına, qaz, işıq, su, rabitə təsərrüfatına, əhalinin malqarasına və digər əmlaklarına müxtəlif dərəcədə zərər dəymişdir. Möhtərəm Prezidentimizin diqqət və qayğısı sayəsində zərər çəkmiş yaşayış evlərinin təmir-bərpası üçün vəsait ayrılmış və bu işlərin icrasına dərhal başlandığından görülən işlər yaxın günlərdə başa çatdırılacaqdır.

Ötən ilin iyun ayından etibarən Tərtər şəhərinin və ətraf 11 kəndin içməli su və kanalizasiya sisteminin qurulması iayihəsinin icrası davam etdirilir. İndiyədək 52317 metr kanalizasiya xətti çəkilmiş, yaxud layihədə nəzərdə tutulan işin 70 faizi yerinə yetirilmişdir.
Yerüstü qurğulardan tutumu 5000 kubmetr olan su anbarından birinin tikintisi 100 faiz başa çatdırılmış, ikinci su anbarının tikintisi 65 faiz yerinə yetirilmişdir. Artezianlararası yüksək gərginlikli elektrik xətlərinin çəkilişi 90 faiz yerinə yetirilmişdir.

“Yeni Tərtər”

Rayonumuzun təsərrüfatlarında bitkilərin suvarılması əsasən subartezian quyularının hesabına həyata keçirilir.
Rayon ərazisində artezianların vəziyyəti barədə müfəssəl məlumat almaq məqsədilə subartezian quyuları istismarı idarəsinin rəisi Əli Əliyevlə əlaqə saxladıq. Əli müəllim bildirdi ki, hal-hazırda rayonumuzun ərazisində 474 ədəd subartezian quyusu var. Onların 467 ədədi işlək vəziyyətdədir.
Ölkə Prezidenti möhtərəm İlham Əliyevin son sərəncamına əsasən Tərtər rayonunda daha 14 ədəd subartezi-an quyusunun qazılması nəzərdə tutulub. Həmin quyuların artıq beşi qazılıb. Artezianlar hər kənddə biri olmaqla Mamırlı, Qaynaq, Kəbirli, Xoruzlu və Ələsgərli kəndlərində qazılmışdır.

“Yeni Tərtər”