Oktyabırın 3-də V Bakı Beynəlxalq Humanitar Forumunun iştirakçıları Finlandiyanın “İltalehti” jurnalının müxbiri Antero Eerola və fotoqraf Jael Karppanen cəbhə bölgəsində mövcud vəziyyətlə tanış olmaq məqsədi ilə Tərtər rayonuna səfər ediblər.
Qonaqlar əvvəlcə Tərtər Rayon İcra Hakimiyyətində olublar. Görüşdə rayon icra hakimiyyətinin başçısı Müstəqim Məmmədov onlara Ermənistanın dinc əhaliyə qarşı törətdiyi cinayətlər barədə ətraflı məlumat verib. Qeyd edilib ki, aprel hadisələri zamanı ermənilər beynəlxalq konvensiyalarla qadağan olunmuş kimyəvi silahlardan istifadə ediblər.
Sonra qonaqlar rayon ərazisində yerləşən N. saylı hərbi hissədə, məcburi köçkünlərin sıx yaşadığı Həsənqaya kəndində erməni artilleriyasının atəşi nəticəsində dağıntıya məruz qalmış mənzillərdə olmuş, məcburi köçkün ailələri ilə görüşüb, onların problemləri ilə maraqlanmışlar. Finlandiyalı jurnalistlər ermənilərin Qarabağa köçürülməsinin 150 illiyi münasibəti ilə Şıxarx qəsəbəsində özləri tərəfindən ucaldılmış “Marağa-150” abidəsinin qalıqlarına baxıblar.

Ümumdünya “Turizm günü” münasibətilə Heydər Əliyev Mərkəzində “Açıq qapı” günü elan edilmişdir.
Həmin gün şəhər 6 saylı tam orta məktəbin və 2 saylı məktəb-liseyin şagirdlərinin Heydər Əliyev Mərkəzinə ziyarəti təşkil olunmuşdur. Əvvəlcə şagirdlər Ümummilli Liderin həyat və fəaliyyətini özündə əks etdirən ekspozisiya zalında oldular. Sonra təşkil olunmuş sərgiyə tamaşa etdilər. Mərkəzdə fəaliyyət göstərən elektron kitabxana haqqında da ziyarətçilərə məlumat verildi.
Gördüyümüz bütün işlər, keçirdiyimiz uğurlu tədbirlər, apardığımız ekskursiyalar işimizin məsuliyyətini artırır və bizi daha uğurlu fəaliyyətə sövq edir.

Səlimə Yusibova,
Heydər Əliyev
Mərkəzinin direktoru

Bişkekdə keçirilən MDB Dövlət Başçıları Şurasının növbəti iclasında həmişəki kimi Serj Sarkisyanın yalan və iftiralarla dolu çıxışına möhtərəm Prezidentimiz İlham Əliyevin verdiyi sərt cavab əsl tərs şillə effekti verdi.
MDB Dövlət Başçıları Şurasının iclasında Sarkisyanın bu ilin aprel ayında cəbhə xəttində baş vermiş hadisələrlə bağlı şikayət xarakterli çıxışı növbəti dəfə onun özünü biabır etmişdir.
Prezident İlham Əliyev əlifba sırası ilə çıxış etməli olan Belarus Prezidenti Aleksandr Lukaşenkodan ona danışmaq üçün imkan verməsini xahiş etmiş və Ermənistan prezidentini yerinə oturtmuşdur. Prezident İlham Əliyev demişdir: “Təsəvvür edirsinizmi, vəziyyət kifayət qədər paradoksaldır. Ermənistan suveren dövlətin ərazisini işğal edir, onun ərazi bütöv-lüyünü pozur, Dağlıq Qarabağdan və ona bitişik yeddi rayondan yerli azərbaycanlı əhalini qovur, bir milyon insanı qaçqın və məcburi köçkün vəziyyətinə salır, işğal edilmiş ərazilərdə hər şeyi, o cümlədən tarixi, dini, mədəni abidələrimizi, bütün infrastrukturu dağıdır, –bu, ATƏT-in iki missiyasının məruzələri ilə təsdiq edilib–sonra isə 20 ildən artıq müddətdə danışıqlar prosesini imitasiya etməklə məşğul olur. Eyni zamanda, bu prosesin sonsuz olması üçün müxtəlif təxribatlara əl atır və onlardan biri məhz bu ilin aprelində oldu. Azərbaycanın dinc sakinlərinin beş yüzdən çox evi erməni ordusu tərəfindən artilleriya atəşinə məruz qaldı, yüzdən çox ev dağıdıldı, aralarında uşaqlar da olmaqla, təxminən on dinc vətəndaş qətlə yetirildi, həlak oldu.”
Serj Sarkisyan “Yalana cavab verməyin sadəcə mənası yoxdur” deməklə öz məğlubiyyətini açıq-aşkar nümayiş etdirdi.
Azərbaycan Prezidentinin “Mən yalana artıq cavab verdim” deməsi isə Ermənistan dövlətinin başçısına növbəti dəfə tərs şillə effekti verdi.

Tərtər, Ağdam, Bərdə, Ağcəbədi və Laçın rayonlarından olan vətəndaşlar əsasən əmək hüquqlarının müdafiəsi, imtiyazlı şəxslərin dövlət hesabına mənzillə təminatı, məşğulluq, bərpa müalicəsi, əmək pensiyası hüququnun müəyyən olunması və s. məsələlərlə bağlı müraciət ediblər. Hər bir müraciətdə əksini tapan məsələ obyektiv şəkildə araşdırılıb, ayrı-ayrı müraciətlərlə bağlı hüquqi izahatlar verilib.
Səlim Müslümov Qarabağ müharibəsi əlillərinin və şəhid ailələrinin dövlət hesabına mənzillə təmin olunması ilə bağlı müraciətləri cavablandırarkən bu ilin ötən dövründə respublikanın müxtəlif bölgələrində 234 mənzilin həmin təbəqələrdən olan insanların istifadəsinə verildiyini bildirib: “Azərbaycan Prezidenti İlham Əliyevin 20 iyun 2014-cü il tarixli Sərəncamına əsasən, Qarabağ müharibəsi əlilləri və şəhid ailələri üçün mənzil tikintisi işləri bu bölgədə də uğurla aparılır. Keçən və cari ilin ötən dövründə Tərtər rayonunda 58 nəfər, Ağcabədi rayonunda 14 nəfər, Ağdam rayonunda 10 nəfər, Bərdə rayonunda 5 nəfər olmaqla, həmin rayonlar üzrə ümumilikdə 87 nəfər Qarabağ müharibəsi əlili və şəhid ailəsi müasir tələblərə cavab verən mənzillərlə təmin olunub. Bu rayonlar üzrə cari ildə daha 16 fərdi evin tikintisi də nəzərdə tutulub”.
Vətəndaşların bir qismi müraciətlərinə əsasən, nazirliyin aidiyyəti müəssisələrində bərpa müalicəsinə cəlb edilmək üçün qeydiyyata götürülüb. Daha ətraflı »

95 saylı Tərtər Dairə Seçki Komissiyasının sədri Həmid Mehdiyev bildirdi ki, Tərtər Seçki Dairəsi üzrə 41 seçki məntəqəsi fəaliyyət göstərirdi. Bunlardan 38-i ümumi, 3-ü qapalı məntəqədir.
Rayonun 8 seçki məntəqəsində (1,2,3,4,5,6,10 və 31 saylı) VEB kameralar quraşdırılmışdır. Məntəqələrdə səsverməni izləmək üçün 383 nəfər müşahidəçi qeydə alınmışdır. 7 seçki məntəqəsində EXİT POLL aparılıb.
Seçki dairəsi üzrə seçicilərin sayı 40558 nəfər təşkil edirdi. 80-100 yaş arasında olan seçicilərin sayı 1.074 nəfər, 100 yaşdan yuxarı olan seçicilərin sayı isə 23 nəfər idi. Referendumda ilk dəfə səs verən seçicilərin sayı 528 nəfər olmuşdur.
Referendumla bağlı bütün seçki məntəqələrinin hamısında hazırlıq iş-ləri vaxtında görülmüş, məntəqələr səsverməyə tam hazırlanmışdır.
Konstitusiyaya olacaq əlavə və dəyişikliklər seçicilərə vaxtında ətraflı şəkildə izah olunmuşdur. Bütün bu görülmüş tədbirlər 26 sentyabr – Referendum günü öz mübət nəticəsini vermişdir. Belə ki, seçkilər nümunəvi qaydada başa çatmış, həmin gün heç bir məntəqədə neqativ hal baş verməmişdir.
Dövlətə, dövlətçiliyə daim sədaqətli olan tərtərlilər bu referendumda da həmişəki ənənələrinə sadiq qalaraq, böyük fəallıq göstərmişlər.
Referendumda 28854 nəfər iştirak etmiş, səsverənlərin fəallığı 71,1 faiz olmuşdur

“Yeni Tərtər”

Müsəlman dünyasının müqəddəs Qurban bayramı ölkəmizin hər yerində olduğu kimi Tərtər rayonunda da böyük təntənə ilə qeyd edildi. Bu münasibətlə keçirilən tədbirdə çıxış edən rayon icra hakimiyyətinin başçısı Müstəqim Məmmədov rayon əhalisini müqəddəs Qurban bayramı münasibətilə təbrik etdi, onlara cansağlığı, uzun ömür, firavan həyat, bol ruzi arzuladı. Sonra Tərtər “Cümə” məscidi-nin axundu Sadiq Cəfərov qurban kəsiləcək heyvanlara dua oxudu. Dini ənənələrə uy-ğun olaraq qurban mərasimi başladı.
Həmin gün şəhid ailələrinə, əlillərə, ağsaqqallara, Böyük Vətən Müharibəsi veteranlarına, Çernobıl əlillərinə, tənhalara, yataq xəstələrinə və kimsəsizlərə, maddi imkanları zəif ailələrə, təmas xəttinə yaxın yerləşən kəndlərin sakinlərinə, ümumilikdə yeddi min ailəyə qurban payı verildi. Rayon ərazisində yerləşən hərbi hissələr də unudulmadı. Hərbi hissələrə də qurban payı göndərildi.
Qurban bayramı mərasimində iştirak edən sakinlər onlara göstərilən maddi və mənəvi dəstəyə görə möhtərəm Prezidentimizə öz minnətdarlıqlarını bildirdilər.

Sentyabrın 9-da Tərtər rayon Gənclər Mərkəzində Azərbaycan Respublikası Gənclər və İdman Nazirliyi, Dini Qurumlarla İş üzrə Dövlət Komitəsi Tərtər Rayon İcra Hakimiyyəti ilə birlikdə “Dini ekstremizm və onun fəsadları” mövzusunda maarifləndirici tədbir keçirmişlər.
Tədbirdə rayon gəncləri, din xadimləri və ictimaiyyətin nümayəndələri iştirak etmişlər.
Əvvəlcə tədbir iştirakçıları torpaqlarımızın azadlığı uğrunda həlak olmuş şəhidlərimizin xatirəsini bir dəqiqəlik sükutla yad etmişlər.
Tərtər Rayon İcra Hakimiyyəti başçısı aparatının ictimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Elvin Umudov Tərtər rayonunda dini və mənəvi-əxlaqi dəyərlərin qorunması, qadağan olunmuş dini təriqətlərin təbliğinin qarşısının alınması sahəsində görülən işlərin vəziyyəti ilə bağlı maarifləndirmə prosesinin müasir tələblərə uyğunlaşdırılması istiqamətində görülən işlərdən danışmışdır. Bildirmişdir ki, cari ilin iyun ayının 9-da Dövlət Müşaviri Kamal Abdulla rayonumuza səfər etmiş, Tərtər “Cümə” Məscidində dindarlarla görüşmüş, dövlətimiz tərəfindən onlara göstərilən diqqət və qayğıdan danışmışdır. Daha ətraflı »

Tərtər Rayon İcra Hakimiyyətinin başçısı rayonun rəhbər işçiləri, Qarabağ Seyid Ocaqları Birliyinin sədri, ilahiyyatçı-alim Seyid Camal Əzimbəyli və “Yeni Üfüq” İctimai Birliyinin sədri Sevinc Əzimbəyli ilə birlikdə N.saylı hərbi hissədə olmuş, onlara bayram sovqatı aparmışlar. Hərbçiləri Qurban bayramı münasibəti ilə təbrik edən rayon rəhbəri Müstəqim Məmmədov Ali Baş Komandan tərəfindən Milli Orduya, cəbhə bölgəsi olan Tərtər rayonuna göstərilən diqqət və qayğıdan söhbət açmış, ölkə rəhbərinə qəhrəman tərtərlilər adından öz minnətdarlığını bildirmişdir. Sonra Qarabağ Seyid Ocaqları Birliyinin sədri Camal Əzimbəyli, “Yeni Üfüq” İctimai Birliyinin sədri Sevinc Əzimbəyli, rayonun hərbi prokuroru Fuad Məmmədov, N. saylı hərbi hissənin komandiri Qiyas Abbasov, rayon prokuroru Azər Hətəmov, polis rəisi Rauf Məcidov, Səfərbərlik və Hərbi Xidmətə Çağırış üzrə Dövlət Xidmətinin rayon bölməsinin rəisi Ruslan Quliyev çıxış edərək əsgər və zabitləri müqəddəs Qurban bayramı münasibəti ilə təbrik etmiş, gənclərə öz tövsiyələrini vermişlər.
Qonaqlar hərbçilərlə bayram süfrəsi arxasında əyləşmişlər. Sonra Azərbaycan Müdafiə Nazirliyinin Hərbi Orkestrinin iştirakı ilə bayram konserti olmuşdur. Polkovnik Abdulla Qurbaninin təqdimatı ilə olan konsert proqramı hərbçilərdə vətənpərvərlik hisslərini gücləndirmişdir.

Qurban bayramı ərəfəsində rayonun ərazisində yerləşən hərbi hissələrdə “Açıq qapı” günü keçirildi. Tədbirdə rayon icra hakimiyyətinin nümayəndələri, əsgər valideynləri və doğmaları, müharibə veteranları, şəhid ailələri, təhsil, səhiyyə, mədəniyyət işçiləri, məktəblilər və rayon ictimaiyyətinin təmsilçiləri iştirak etdilər.
Nümayəndələr əvvəlcə hərbi hissələrdə əsgərlərin yaşayış, məişət şəraiti ilə tanış olub, xidməti və inzibati binalarda, əsgər yataqxanalarında, yeməkxanalarda oldular.
“Açıq qapı” günündə əsgər və zabitlər qarşısında çıxış edən rayon icra hakimiyyətinin başçısı Müstəqim Məmmədov onları Qurban bayramı münasibətilə təbrik etdi. Bildirdi ki, hər bir azərbaycanlının ən böyük arzusu Ermənistan tərəfindən işğal olunmuş torpaqlarımızın düşmən tapdağından azad olunması və Azərbaycan bayrağının Dağlıq Qarabağda dalğalanmasıdır. Bunun üçün hər birimiz üzərimizə düşən vəzifələri layiqincə yerinə yetirməliyik. Qələbə günü uzaqda deyil, biz Ali Baş Komandan, Prezident İlham Əliyevin rəhbərliyi altında torpaqlarımızı işğaldan azad edəcəyik və bayrağımız o gözəl torpaqlarımızda da dalğalanacaqdır. Daha ətraflı »

Tərtər çayının sağ və sol sahillərini birləşdirən, rayonumuzun Sarıcalı və Zolgörən kəndləri arasında inşasına cəmi bir ay əvvəl başlanmış mühüm strateji əhəmiyyətli körpünün tikintisi davam edir. Bu ərazilərdəki yaşayış məntəqələrinin insanlarının çoxdankı arzuları artıq reallaşmaq üzrədir.
Yeni körpü 3 aşırımlı olmaqla uzunluğu 106, eni 12 metrdir. 4 dayaq üzərində inşa ediləcək körpünün 2 dayağı tamamilə hazırdır, üçüncü və dördüncü dayaqların quraşdırılması işləri davam edir.
Hal-hazırda körpünün tikintisində hər gün 40 nəfər işçi qüvvəsindən və 15-ə yaxın texnikanın gücündən istifadə edilir. Yeni körpünün uzun-ömürlü və dayanıqlı olması üçün var qüvvəmizlə çalışır, keyfiyyəti diqqət mərkəzində saxlayırıq.
Onu da qeyd edim ki, körpünün sifarişçi təşkilatı “Azər-avtoyol” ASC, podratçı təşkilatı isə “Körpü-Bina Tikinti” MMC-dir.
Sifarişçi təşkilatın nümayəndələri vaxt-aşırı yanımıza gəlir, görülən işlərin keyfiyyətinə nəzarət edirlər.
Burada çalışan insanların hər birinin məqsədi keyfiyyətli iş görməkdir. Bu, bizim birinci işimiz deyil, hər birimizin bu sahədə kifayət qədər təcrübəmiz var.

Vidadi Məcidov,
körpü tikintisinin iş icraçısı