Yeni inşa olunan binalardan biri də Tərtər Rayon Kənd Təsərrüfatı İdarəsinin binasıdır. Bu möhtəşəm bina Tərtər–Bərdə magistral yolunun sağında yaşıllıqlar qoynunda salınıb. Bina ikimərtəbədən və mansartdan ibarətdir. Fasad hissəsinin aqlay daşı ilə üzlənməsi binanın görkəmini daha da gözəlləşdirir. Yeni bina 28 otaqdan ibarətdir. Hər mərtəbədə iki ədəd sanitar qovşağı var.
Yanğından mühafizə məqsədi ilə binanın həyətində su hovuzu, otaqları su ilə təmin etmək üçün daha bir hovuz və kanalizasiya xəttinə qoşulmuş şanbo (quyusu var)
Binada bitki mühafizə idarəsi, toxum müfəttişliyi, texniki nəzarət müfəttişliyi, baytarlıq diaqnostika laboratoriyası yerləşir.

“Yeni Tərtər”

Səhiyyə Nazirliyinin və Tərtər Rayon İcra Hakimiyyətinin təşkilatçılığı ilə talassemiyalı və hemofiliyalı xəstələrə dəstək olmaq məqsədilə rayon mərkəzi xəstəxanasında qanvermə aksiyası keçirilib. Aksiyada rayonda fəaliyyət göstərən idarə, müəssisə və təşkilatların kollektivləri, ictimaiyyət nümayəndələri, gənclər könüllü olaraq iştirak ediblər.
Aksiyada 200-ə yaxın insan qan verib

Əsaslı təmirdən sonra yeni istifadəyə verilmiş Tərtər Rayon Mədəniyyət Mərkəzində Azərbaycan Respublikasının Əməkdar artistləri Gülüstan Əliyeva və Teyyub Aslanın iştirakı ilə “Ey Vətən” adlı konsert oldu.
Əvvəlcə rayon icra hakimiyyətinin başçısı Müstəqim Məmmədov Prezident İlham Əliyevin rəhbərliyi ilə ölkəmizdə, o cümlədən Tərtərdə gedən sosial-iqtisadi inkişafdan danışdı. Sonra incəsənət ustalarına öz təşəkkürünü bildirdi və tədbir iştirakçılarını 31 dekabr Dünya Azərbaycanlılarının Həmrəyliyi Günü və Yeni il bayramları münasibəti ilə təbrik etdi. Daha ətraflı »

Mingəçevir Media Mərkəzində “Media etikası və media hüququ” mövzusunda Mingəçevir, Ağdaş, Bərdə, Tərtər, Oğuz və Göyçay bölgələrindən olan jurnalistləri üçün seminar keçirilib. Yayımların Monitorinq Mərkəzi İB-nin təşkilatçılığı ilə baş tutan tədbirdə təlimçi, media eksperti Ələsgər Məmmədli jurnalistlərin informasiya əldə etmək hüququ və ifadə azadlığı, məhdud informasiyalar, dif-famasiya, özəl həyat sirləri, ifadə azadlığının Avropa İnsan Haqları Məhkəməsi tərəfindən qorunma standartları, sosial mediada defomativ ifadələrin məsuliyyəti, etik davranış standartları haqqında ətraflı məlumat verib.
Seminar iştirakçıları informasiya əldə etmək hüququ ilə bağlı bilgilərini kazusların müzakirəsi zamanı artırmaq imkanı qazanıblar. Onlar adi iş rejimində, ekstremal şəraitdə, qəza zamanı, fövqəladə hadisələrdə jurnalistlərin qarşılaşdığı halları və çətin durumdan çıxış yollarını müzakirə ediblər.

Azərbaycan Qızıl Aypara Cəmiyyəti Tərtər Rayon Bölməsinin sədri Etibar Heydərovun təşkilatçılığı ilə rayonun təmas xəttində yerləşən Şıxarx-1, Şıxarx-2 və Həsənqaya məktəbliləri üçün BQXK-nın sosial-psixoloji proqram çərçivəsində “Aydın səma altında” əyləncəli yeni il şənliyi təşkil etmişdir.
Bu əyləncəli proqrama rayon rəhbərliyi tərəfindən xüsusi diqqət ayrılmışdır. Şənlikdə iştirak edən bütün şa-girdlərə yeni il hədiyyələri paylanmışdır. Məktəblilər arasında yarış keçirilmiş, fərqlənən məktəbə BQXK tərəfindən xüsusi hədiyyələr verilmişdir. Həsənqaya kəndi məktəbinə isə yeni il şənliyi üçün hazır yolka bağışlanmışdır. Daha ətraflı »

Qoç (21 mart-19 aprel). İstirahət haqqı qazandınız. Bundan öncəki “Həyat mübarizədir” devizi altında keçən iki çətin ildən sonra hər şey geridə qaldı. Zəhmətinizin bəhrəsini görmək zamanı gəldi. Hər şey heç də ayaq altına xalı kimi sərilməyəcək. İstədiyinizi almaq üçün səy göstərməlisiniz. Diqqətli olun!
Buğa (20 aprel-20 may).  Həyatdan zövq almaq zamanı gəldi. Meymun ilinin uğursuzluqları geridə qaldı. Hər şey yağ kimi olmayacaq, amma çəkdiyiniz əziyyətlərin kompensasiyasını alacaqsınız. 3 il ardıcıl həyatdan keyf almaq şansınız var.
Əkizlər (21 may-20 iyun). Pozitiv zaman. Xoruz ili gözəl başlayacaq. Əkizlər üçün hər mənada pozitivlə dolu olacaq bu il. Onlar havada möcüzə hiss edəcəklər. Növbəti 4 il sizin iliniz olacaq. Daha ətraflı »

Yeni ildə pulsuz qalmayın. İnanclara görə, bayram günü pulsuz qalanlar ili ehtiyac içində keçirəcək.
Evdən zibil atmayın
Yeni il axşamı evi süpürmək və ya zibil atmaq olmaz, əks halda
ailədə mehribanlıq olmaz. «Bəs bayram iməciliyi necə olsun?»
– deyə soruşursunuzsa, təmizlik işlərini bayrama bir
həftə qalmış bitirin. Sadəcə dekabrın 30-u evi yüngülvari yığışdırın, amma 31-i heç nəyə əl vurmayın.
Bayram masası. Süfrə müxtəlif naz-nemətlə bol olmalıdır ki, il də bolluq içində keçsin.
Masaya düz-çörək qoymağı unutmayın, ənənəyə görə bu, firavanlıq simvoludur.
Bayramda pulsuz qalmaq olmaz, yoxsa ili ehtiyac içində keçirəcəksiniz. Əgər pulunuz yoxdursa, borc götürün.
Amma bayramqabağı borc qaytarmaq məsləhət deyil, əks təqdirdə, bütün ili borclu qalacaqsınız.
Bir çoxları inanır ki, ili təklikdə keçirsə, bütün ili tənha qalacaq.
Ona görə bayramda kimisə tapmağa çalışırlar, bu insanı bəyənməsələr belə. O zaman ili təklikdə keçirməsəniz belə, pis əhval-ruhiyyədə olacaqsınız. Bundansa bayramqabağı bütün qohum-əqrəbanızı telefonla təbrik edin və bayramda tək olacağınızı söyləyin. Daha ətraflı »

Yeni ilə bənzər bayramın keçirilməsi haqqında məlumatlar b. e. 3-cü minillikdə Mesopatamiyaya aiddir.
Şam ağacını bəzəmək ənənəsi ilk dəfə orta əsrlərdə müasir Almaniyanın ərazisində əmələ gəlmişdi.
1 yanvardan etibarən yeni ili I Pyotrun sərəncamından sonra qeyd etməyə başladılar.
İlk dəfə Şaxta baba 1840-cı ildə Odoyevskinin “İriney babanın nağılları”nın personajı kimi xatırlanır. “Şaxta daşıyıcısı”- nın kökləri isə slavyan mifologiyasına gedir.
Qarqız və Şaxta baba isə sovet vaxtlarında yaranmışdılar. İlk dəfə 1937-ci ildə bayramda Qar qızın və Şaxta babanın dueti baş tutmuşdu.
Rəsmi olaraq Yeni ilin əsas personajının ad gününü 18 noyabrda qeyd edirlər.
Qar qızının vətəni Kostrom əyalətidir.
“Qar qızı” pyesinin müəllifi Aleksandr Ostrovskiy də Kostrom əyalətindəndir.
İspaniyada və Kubada Yeni ildə 12 üzüm yemək kimi bir adət var.
Yeni ildə fişəng partlatmaq adəti Asiyadan gəlib. Bunun mənası ondadır ki, fişəng nə qədər rəngarəng və yüksək səsli olsa, pis ruhlar bir o qədər qorxarlar. Daha ətraflı »

Bu bayramın yaranmasının azı 25 əsrlik tarixi var. İlin dəyişməsini bayram etmək adəti ilk dəfə qədim Mesopotamiyada yaranıb. Eramızdan əvvəl IV minilliyin sonunda Şumer, Babilistan, Assuriya kimi bu günümüzə qədər gəlib çatan mədəni irsiylə hələ də bizi heyrətləndirən mədəniyyət mərkəzləri burada təşəkkül tapıb. Tarixçi alimlərin fikrincə, məhz həmin dövrdə burada Yeni ilin gəlişi ilk dəfə bayram edilib. Martın axırında Dəclə və Fərat çaylarında suyun səviyyəsi artanda əkinbiçin işləri başlayarmış. İnsanlar yeni ilin gəlişini də elə o zaman qeyd etmişlər. 12 gün ərzində təntənəli mərasimlər davam edərmiş. Xeyir tanrısı Mərdükün şər qüvvələr və ölüm üzərində hakimiyyəti başlayarmış. Babilistan əsirliyində olan yəhudilər Yeni il bayramı ənənəsini babillərdən öyrənərək sonradan onu yunanlara ötürüblər. Yunanlar vasitəsilə isə bu ənənə Qərbi Avropaya yayılıb. Daha ətraflı »

-Anacan, sən həqiqətən də istəyirsən ki, yeni ili evdə keçirim?
– Əlbəttə.
– Onda 31-i gecəsi harasa get.
***
Əziz Şaxta Baba, bəlkə bu il çoxlu pulla gələsən, hə?
“Əziz rus xanımları, bəsdir Şaxta Babadan kişi istədiniz! Artıq Tacikistan və keçmiş sovet ölkələrinin kişilərinin yarısı bizə köçüb”.

***
Əziz Şaxta Baba!
Mənə bu Yeni ildə əsl tapança hədiyyə elə. Yoxsa oyuncaq tapançanı gəzdirməkdən yoruldum.
İmza: Sahə müvəkkili
***
Uşağın:
– Şaxta Baba, sən doğruçusan? – sualından sonra Şaxta Baba sertifikatını, vergi bəyannaməsini, lisenziyasını uşağa göstərdi. Daha ətraflı »