SABAHIMIZ ÖZ ƏLİMİZDƏDİR

Biz qloballaşan dünyada yaşayırıq. Qloballaşma obyektiv tarixi zərurətdən yaranır. Yəni bəşəriyyət elə bir məqama çatıb ki, qarşısına çıxan nəhəng problemləri bir və ya bir neçə dövlətin gücü ilə həll etməyə qadir deyil. Belə ümumbəşəri problemlər adekvat olaraq məhz ümumbəşəri güclə həll edilməlidir. Onların sırasına ekoloji problemlər, fəlakətlər (antropogen, texnogen və təbii), xəstəliklərlə mübarizə (şəkər, xərçəng, QİÇS), narkomaniya, qlobal istiləşmə, həmçinin kosmosun tədqiqi, nəhəng iqtisadi layihələr və s. daxildir.
Beynəlxalq (transmilli) təşkilatların (BMT…), beynəlxalq birliklərin (Avropa Birliyi…), şirkətlərin, firmaların yaranması məhz bu qloballaşma amili ilə şərtlənib. Bu baxımdan, yəni «güc (həm də xilas) birlikdədir» mövqeyindən qloballaşma proqressiv bir fenomendir və bəşəriyyətə firəvan gələcək vəd edir. Lakin qloballaşmanın əleyhdarları, yəni medalın əks üzü də vardır. Daha ətraflı »

1813-1828-ci illərə qədər Azərbaycanın sahəsi: təxminən 410 min kv.km.
1813-1828-ci illərdə işğal edilmiş Azərbaycan əraziləri: İran əsarəti altındakı Cənubi Azərbaycan – sahəsi təxminən 280 min kv. km.
Rusiya əsarəti altındakı Şimali Azərbaycan – sahəsi təxminən 130 min kv.km.
1918-ci ildə Rusiyanın təzyiqi ilə ermənilərə verilmiş İrəvan Xanlığı – sahəsi 9 min kv.km.
Rusiya əsarəti altındakı Dərbənd xanlığı – sahəsi 7 min kv.km.
1918-1920-ci illərdə Azərbaycan Demokratik Respublikasının qurulduğu ərazinin sahəsi – təxminən 114 min kv.km.
1920-ci ildə ADR-i işğal edən rus – Sovet imperiyasının bölüşdürdüyü Azərbaycan əraziləri:
Ermənistan Sovet Sosialist Respublikasının qismən nəzarətinə verilən Zəngəzur, Göyçə, Dərələyəz, Dilican və gür cülərin qismən nəzarətinə verilən (Gürcüstan Sovet Sosialist Respublikası) Borçalı – birlikdə sahəsi: təxminən 27,4 min kv, km. Daha ətraflı »

DİL XALQIN ADIDIR, XALQIN ÖZÜDÜR

Dil hər bir millətin maddi və mənəvi irsini qoruyan və inkişaf etdirən ən güclü vasitədir. Ana dili! Nə qədər möhtəşəm, nə qədər müqəddəs, əzəmətli bir qüvvə!
Ana dili! Bir dil ki, mehriban bir vücud öz şəfqət və məhəbbətini o dildə bəyan edir.
Füzuli zirvəli, Vaqif vüqarlı,
Mənim Qorqud dilim, Ələsgər dilim.
Ömrümün naxışı, bəxtimin xalı,
Dadda, şirinlikdə bal, şəkər dilim!

Bu dildə şeir də, mahnı da gözəldir. Bu dil zərifdir, incədir, ecazkardır. Nəsimi dözümlü, Füzuli kədərli, Səməd şöhrətli, Bəxtiyar ünvanlı ecazkar dilim. Daha ətraflı »

BİZİM XALQIN VƏTƏNDAŞI DA VAR, VƏTƏN DAŞI OLAN ÖVLADI DA

Vətənpərvərlik hissi insana ta uşaqlıqdan aşılanır. Evin içindən–atadan, anadan başlayan sevgi xalqla, vətənlə yaşanır, əbədiləşir. Hər birimiz doğmalarımızın sevgisindən, isti ocağımızdan hərarət alıb doğma evimizdən, həyətimizdən ayrıla bilmirik. Sonra bağçada, məktəbdə müəllimlərimizdən öyrəndiklərimiz–dilimizin əlifbasını, mədəni və milli adətlərimizi mənimsəyərək sevməyə başlayırıq. Daha sonra yaşadığımız torpağın-yurdun sahi binə çevrilərək onu qorumağa çalışırıq. Bu da bizdə vətənpərvərlik hissinə çevrilərək qanımıza, canımıza hopur. Oluruq vətənin vətəndaşı və sonra isə Vətən daşı. Vətən daşı olmaq üçün isə vətənə qəlbən vurğunluq lazımdır. Məlumdur ki, torpaqlarımızın 20%-i işğal altındadır. 25 ildir Vətən torpaqları öz vətəndaşının yo-lunu gözləyir. Daha ətraflı »

Bu ilin 6 ayının yekunları məni sevindirir. Nazirlər Kabinetinin iclası, o cümlədən xalqa verilən hesabatdır. Biz bunu müntəzəm olaraq edirik. Eyni zamanda, verdiyim tapşırıqlar yerinə yetirilməlidir ki, biz müsbət dinamikanı daha da artıraq.

İlham Əliyev,
Azərbaycan Respublikasının Prezidenti

HUMANİZM PRİNSİPLƏRİNİN BƏRQƏRAR EDİLMƏSİNƏ TÖHFƏ VERƏN ÖLKƏ

Bugünkü dünyamız, indiki həyatımız ötən əsrlərdə olduğuna bənzəmir. Hər şey sürətlə dəyişməkdədir. Bəlkə də XXI əsrin bir günlük kəşfləri bəşəriyyəti ötən bir əsrdə olduğu qədər irəli aparır. Bəli, biz inkişaf edirik. Lakin insanlar nə qədər irəli getsələr də, sanki bəlalar, fəlakətlər bir o qədər də çoxalır. Dünyanı müharibələr, terror, digər xoşagəlməz hadisələr bürüməkdədir. Nədir bunun səbəbi və çıxış yolu nədədir?
Bu sual indi bütün ölkələri, o cümlədən Azərbaycanı düşündürməkdədir. Bəzi ölkələrdən fərqli olaraq, Azərbaycan dünyaya multikulturalizmin real həyatdan götürülmüş nümunələrini nümayiş etdirərək, çıxış yolunu ayrı-ayrı dinlərin, xalqların, konfessiyaların, etnosların birgə mehribançılıq və dinc şəraitdə yaşamasında olduğunu sübut edir. Yəni çıxış yolu insanlığın ən uca dəyərlərinin qorunub saxlanılmasında, humanizm prinsiplərinə əməl olunmasındadır. Daha ətraflı »

Nazirlər Kabinetinin 2017-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan ic-lasında geniş nitq söyləyən Azərbaycan Respublikasının Prezidenti İlham Əliyev ölkəmizin 2017-ci ilin birinci yarısındakı inkişafını müsbət qiymətləndirib. Qeyd edib ki, dünyada baş verən müharibələr, münaqişələr, qanlı toqquşmalar şəraitində Azərbaycanda sabitlik möhkəmlənir. Prezident deyib: “Sabitliyin mənbəyi Azərbaycan xalqıdır, xalq – iqtidar birliyidir”.
Ölkənin xarici siyasətindən bəhs edən Prezident bildirib ki, bu siyasətin əsas məsələsi Ermənistan-Azərbaycan, Dağlıq Qarabağ münaqişəsidir. Bu ilin birinci yarısında danışıqlar istiqamətində heç bir nəticə əldə edilməsə də, münaqişənin həlli ilə bağlı önəmli hadisələr də baş vermişdir və Azərbaycanın haqlı mövqeyi daha da böyük dəyər qazanmışdır.
İyulun 4-də Füzuli rayonunun Alxanlı kəndində baş verən mövbəti erməni təxribatı barədə danışan ölkə başçısı deyib: “Bu, hərbi cinayətdir. Bu, erməni faşızminin təzahürüdür və bu cinayətə görə Ermənistan öz cavabını almışdır. Bu, misli görünməmiş vəhşilikdir. Balaca Zəhranın və onun nənəsinin öldürülməsi erməni faşizminin eybəcər sifətini bütün dünyaya göstərdi.”Azərbaycan Ordusu bu cinayəti cavabsız qoymadı. Er-mənilərə layiqli cavab verildi və məhz bundan sonra danışıqlar davam etdirildi. Daha ətraflı »

Rayonda taxıl biçini uğurla başa çatdı. 9506,6 hektar taxıl sahəsindən 34 min 579,6 ton məhsul yığıldı. Hər hektardan orta məhsuldarlıq 36,4 sentner olmuşdur. 6908,9 hektar buğda sahəsindən 26 min 430,2 ton buğda, 2597,7 hektar arpa sahəsindən 8149,4 ton arpa istehsal edilmişdir. Hər hektardan orta məhsuldarlıq buğda üzrə 38,3 sentner, arpa üzrə 31,4 nentner olmuşdur. 2016-cı ilə nisbətən buğdanın məhsuldarlığı 1 sentner, arpanın məhsuldarlığı 4,2 sentner artmışdir.

Tərtər Rayon Statistika İdarəsi

TƏBRİKLƏR

TELEFONOQRAM

Hörmətli “Yeni Tərtər”çilər! Sizi Azərbaycan Milli Mətbuatı və Jurnalistika Günü münasibəti ilə səmimi təbrik edirəm!
Müstəqil Azərbaycanda mətbuata və mətbuat işçilərinə böyük önəm verilir. Mətbuat cəmiyyətimizi daim irəli aparan bir qüvvə hesab olunur.
Rayon icra hakimiyyəti aparatının yaxın köməkçisi olan “Yeni Tərtər” qəzeti də hazırda Tərtərdə həyata keçirilən uğurlu iqtisadi islahatların, quruculuq işlərinin, sosial layihələrin işıqlandırılmasında fəallıq göstərir.
Kollektivinizə çətin və şərəfli işində yeniyeni müvəffəqiyyətlər, hər birinizə cansağlığı arzulayıram.

Müstəqim Məmmədov,
Tərtər Rayon İcra Hakimiyyətinin başçısı

TELEQRAM

“Yeni Tərtər” qəzetinin baş redaktoru Tofiq Yusifə.
Hörmətli Tofiq müəllim! Sizi və yaradıcı kollektivinizi 22 iyul – Azərbaycan milli mətbuatının yaranmasının 142 illiyi münasibətilə təbrik edir, sizə şərəfli peşənizdə, respublikamızın sosial-iqtisadi, mənəvi həyatının işıqlandırılmasında mətbuat işçilərinin rolunun daha da artırılmasında yeni-yeni yaradıcılıq uğurları arzulayırıq. Qələminiz iti, sözünüz kəsərli olsun!

Raqub Məmmədov,
Ağdam Rayon İcra Hakimiyyətinin başçısı
Daha ətraflı »

ÖNCÜL QÜVVƏ

YAP Tərtər Rayon Təşkilatının yaradılmasının 24-cü ildönümünə həsr olunmuş tədbir keçirildi. Tədbir istirakçıları hörmət əlaməti olaraq Ulu Öndər Heydər Əliyevin büstünü ziyarət edərək önünə güllər qoydular.
Tədbir rayon icra hakimiyyətinin iclas zalında davam etdirildi. Ümummilli Lider Heydər Əliyevin və YAP sıralarından dünyasını dəyişənlərin xatirəsi 1 dəqiqəlik sükutla yad edildi.
Sonra YAP Tərtər Rayon Təşkilatının sədri Ramiz Şabanov geniş məruzə etdi. Bildirdi ki, bu gün yaranmasının 24-cü ildönümünü qeyd etdiyimiz YAP Tərtər Rayon Təşkilatının təsis konfransı 1993-cü ilin iyul ayının 25-də keçirilərək rayon təşkilatı yaradıldı. Təşkilatımız yarandığı vaxt onun üzvlərinin sayı cəmi 88 nəfər idisə, indi 83 ərazi ilk təşkilatı özündə 6073 nəfər partiya üzvünü birləşdirir. Partiya üzvlərinin 3312 nəfəri və ya 52%-i qadın, 48%-i isə kişidir. Daha ətraflı »