Prezident İlham Əliyev Masallı, Lerik və Göygöl Rayon İcra Hakimiyyətlərinin yeni başçılarını vəzifələrinə təyin olunmaları ilə əlaqədar qəbul edib. Dövlət başçısı görüşdə çıxış edib.

Prezident İlham Əliyev qeyd edib ki, son illərdə bütün rayonlarda regionların sosial-iqtisadi inkişafı Dövlət Proqramının icrası nəticəsində geniş abadlıq-quruculuq işləri görüldü, böyük infrastruktur layihələri icra edildi və uzun illər ərzində insanları narahat edən problemlərin böyük hissəsi aradan qalxdı.

Bu, rayonların sosial-iqtisadi inkişafına böyük töhfələr verdi. Elektrik enerjisi ilə təchizat, qazlaşdırma, yol infrastrukturu, suvarma, içməli su layihələri, sosial infrastruktur layihələri icra olundu, hər rayonda müasir xəstəxana, tibb ocaqları, bir çox məktəblər inşa edildi.

İnfrastruktur layihələr davamlı icra olunur. Prezident İlham Əliyev deyib ki, Lerik rayonu sovet vaxtında qazlaşdırılmamışdı. İmkan daxilində bütün işləri görməklə insanların rifah halı yaxşılaşdırılıb.

Yeni iş yerlərinin yaradılması xüsusi əhəmiyyət kəsb edir. Yeni infrastruktur layihələri iş yerlərinin yaradılmasına xidmət göstərir. Sahibkarlar da bölgələrdə bütün quruculuq işlərində fəal iştirak edirlər.

Bildirilib ki, Azərbaycan müstəqilliyə qovuşanda əhalimiz 7 milyondan bir qədər çox idisə, bu gün 10 milyondan çoxdur. Bu, təbii olaraq tələb edir ki, iş yerlərinin açılması prosesi daimi xarakter alsın. Eyni zamanda, ödənişli sosial işlərin yaradılması da geniş vüsət almışdır.

Bir neçə keçmiş icra başçısı cinayət məsuliyyətinə cəlb edilmişdir, bəzilərinin hökmü verilmişdir, bəzilərinin işləri məhkəmədədir. Bu onu göstərir ki, heç kim qanundan üstün ola bilməz. Daha ətraflı »

Hər bir xalqın milli-mənəvi dəyərlərini yaşadan, inkişaf etdirən onun dilidir. Dil hər bir xalqın varlığının ən əsas, bəlkə də yeganə təminatçısıdır. Azərbaycan xalqının da ana dili onun milli varlığını müəyyən edən başlıca amillərdəndir. Ana dilimiz xalqın keçdiyi bütün tarixi mərhələdə onunla birgə olmuş, onun taleyini yaşamışdır. Əsrlər, qərinələrdir ki, xalqımızın əbədiyaşarlığına xidmət edən ana dilimiz qədim tarixə malik olan, min illərin müxtəlif burulğanlarından alnıaçıq, üzüağ çıxaraq müasir dövrə gəlib çatmış ən böyük mənəvi sərvətimizdir. Ana dilimiz dövlət rəmzlərimiz olan himn, gerb, bayraq kimi müqəddəsdir.

Bu bir faktdır ki, Azərbaycan dilinin dövlət dili kimi qəbul edilməsi, qorunması və inkişafı ümummilli lider Heydər Əliyevin adı ilə bağlıdır.

Sovet hakimiyyəti dövründə  əhalisinin əksəriyyətinin azərbaycanlılardan ibarət olmasına baxmayaraq, respublikamızda Azərbaycan dili hakim dil deyildi. Ana dilimizin inkişaf etdirilməsi və zənginləşdirilməsi qeyri-mümkün idi və dövlət tərəfindən bu məqsədlə hər hansı bir tədbir də görülmürdü. Daha ətraflı »

Gənclərin İnkişaf və Karyera Mərkəzinin Tərtər nümayəndəliyinin üzvləri İkinci Qarabağ müharibəsi şəhidi, Tərtər rayon Köçərli kənd sakini Abbaslı Elnur Yaşar oğlunun məzarını ziyarət edib, məzarın üzərinə gül dəstələri qoyub.

Abbaslı Elnur 2019-cu ildən Azərbaycan Silahlı Qüvvələrinin sıralarında xidmət edirdi.

O, 2020-ci il oktyabrın 8-də Ağdərə istiqamətində gedən döyüşlərdə şəhid olub və anadan olduğu Köçərli kəndində dəfn olunub.

Allahdan şəhidimizə rəhmət, ailəsinə səbr diləyirik.

Tərtər Rayon İcra Hakimiyyətinin başçısı Müstəqim Məmmədov 22 iyul Milli Mətbuat gününün 147-ci ildönümü və jurnalistika günü münasibətilə “Yeni Tərtər” rayon qəzetinin kollektivini və bölgədə fəaliyyət göstərən mətbuat işçilərini qəbul edib. Tədbirdə “Azərbaycan” qəzetinin bölgə müxbiri Lazım Quliyev, Bizim.mediyyanın bölgə müxbiri Elgün Gəncimsoy və digərləri iştirak ediblər.

İcra başçısı mətbuat işçilərini təbrik edərək, onlara şərəfli və məsuliyyətli işlərində müvəffəqiyyətlər arzulayıb. Qeyd olunub ki, Azərbaycan öz müstəqilliyini bərpa etdikdən sonra bir çox milli mənəvi dəyərlərə qayıdış mətbuat sahəsində özünü göstərib.

Azərbaycanda söz, fikir, mətbuat azadlığının formalaşması ulu öndər Heydər Əliyevin adı ilə bağlıdır. Ümummilli lider KİV-nin cəmiyyətdə rolunu yüksək qiymətləndirmiş, bu məsələyə böyük önəm vermişdir. Məhz buna görə də  “Jurnalistlərin dostu” olmuşdur. Bu gün isə möhtərəm Prezidentimiz cənab İlham Əliyev dövlət-mətbuat münasibətlərində Heydər Əliyev siyasətini uğurla davam etdirir. Azərbaycan Respublikasının Prezidenti  Cənab İlham Əliyevin diqqət  və qayğısı  nəticəsində mətbu orqanlarının maddi-texniki bazası möhkəmləndirilir, jurnalistlərin sosial- iqtisadi, mənzil-məişət şəraitləri yaxşılaşdırılır.

Respublika Prezidenti cənab İlham Əliyevin Azərbaycan mətbuatı haqqında  bir fikrini xatırlatmaq istəyirəm: “Bünövrəsi “Əkinçi” ilə qoyulmuş Milli Mətbuatımız bu gün  Azərbaycanın dünyada eşidilən səsidir”. Daha ətraflı »

Rayon İcra Hakimiyyətinin başçısı Müstəqim Məmmədov İctimai şuranın üzvləri ilə görüşərək, onları dinləmiş, şura üzvlərini düşündürən məsələlər barəsində müzakirələr aparıb. Rayon rəhbəri ictimai şuranın vətəndaşlarla hökumət arasında bir körpü rolunu oynadığını, vətəndaşların öz arzu və təkliflərini ictimai şura vasitəsi ilə açıq şəkildə çatdırıldığını qeyd edib.

Söhbət zamanı rayonda baş vermiş erkən nikah, şəhid ailələrində ailədaxili münaqişələr, qazilərin intiharı, şəhid ailələri və qazilərin mənzillə təmin olunmaları, şəhərin küçələrinin abadlaşdırılması zamanı sakinlərin yaratdıqları süni maneələr, bir qrup gəncin gecələr bir yerə toplanması ilə bağlı bir sıra məsələlər müzakirə edilib, ictimai şuranın üzvlərinin bu məsələlərin həllində rayon icra hakimiyyətinə dəstək olmaları nəzərə çatdırılıb.

Tədbirdə iştirak edən YAP rayon təşkilatının sədri Eldar Əsədov, rayon Ağsaqqallar şurasının sədri Faiq Məmmədov, ictimai şuranın üzvləri Rauf Həsənzadə, Svetlana Bağırova, Sətdar Nəcəfov, Emin Pənahov, şəhid atası Bəhruz İsgəndərov, Orxan Mustafazadə müzakirə edilən məsələlərlə bağlı öz fikr və mülahizələrini bildiriblər.

Rayon rəhbəri müzakirə edilən məsələlərin ictimai şuranın tədbirlər planına salınması və görülən işlərin mətbuatda işiqlandırılmasını tövsiyyə edib.

Şura üzvləri Tərtər rayon İcra Hakimiyyətinin fəaliyyətinin bütün sahələrində yaxından iştirak edəcəklərini, “İctimai iştirakçılıq haqqında” Qanuna uyğun olaraq fəaliyyət göstərəcəklərini və üzərlərinə düşən vəzifələri layiqincə yerinə yetirəcəklərini bildiriblər.

Suqovuşanda Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və “ZƏFƏR” Şəhid Ailələrinə Dəstək İctimai Birliyinin təşkilatçılığı ilə şəhid polkovnik-leytenant Soltan Məmmədovun anım gününə həsr olunmuş “Təki Vətən Yaşasın” adlı tədbir keçirilib.

Əvvəlcə Tərtər rayon İcra Hakimiyyətinin başçısı Müstəqim Məmmədov gələn qonaqları, şəhid ailələrini, qaziləri, veteranları qəbul edib, onlarla səmimi söhbət aparıb.

Tədbirdə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin İcraçı direktoru Aygün Əliyeva, Tərtər RİH-nin başçısı Müstəqim Məmmədov, “Zəfər” İB-nin sədri Sevinc Alızadə, Millət vəkilləri İlham Məmmədov, Müşfiq Məmmədli, Sahib Alıyev, şəhid polkovnik-leytenant Soltan Məmmədovun həyat yoldaşı Tünzalə Məmmədova, şəhidin ailə üzvləri, yazıçı-publisist Həmid Herişçi, Şəhid polkovnik-leytenant Soltan Məmmədovun xatirəsinə həsr olunmuş “Yuxuda görmüsən” kompozisiyasının müəllifi, Bakı Musiqi Akademiyasının professoru, şəhid polkovnik-leytenant Rəşad Atakişiyevin xanımı Könül Hüseynova, şəhidin döyüş yoldaşları, vətən müharibəsi qaziləri, şəhid ailələri və media nümayəndələri iştirak ediblər. Daha ətraflı »

  Məlumat verdiyimiz kimi, “Beynəlxalq Əlillər Cəmiyyəti” İB-in (BƏC İB) Krım şöbəsinin rəhbəri Natalya Postemskaya bir neçə gündür ki, Bakıdadır. Bu Natalya xanımın Bakıya ikinci səfəridir.

Natalya Postemskaya Azərbaycan incəsənətinə, sənətkarlarına böyük dəyər verir. Respublikamıza ötən səfəri zamanı o, Xalq artisti Gülyanaq Məmmədova ilə yaxından tanış olmuş və Azərbaycan musiqisinə valehliyini bildirmişdir. Gülyanaq xanıma xüsusi rəğbəti olan Natalya Postemskaya bu səfəri zamanı yenə də onunla görüşmüşdür.

Natalya xanım ürək sözlərini mətbuat vasitəsi ilə çatdırmağı xahiş etmişdir:

• Gülyanaq xanım gözəl səsə malik sənətkar olmaqla yanaşı, həm də gözəl qəlbə, ürəyə malik bir xanımdır. Mənim gördüyüm qədər Gülyanaq xanım aztəminatlı ailələrin xeyir işlərində sənəti ilə bağlı xeyirxahlığını əsirgəmir. Nə yaxşı ki, belə insanlar var. Mən də Gülyanaq xanımı tanıdığım üçün xoşbəxtəm. Elə bilirəm Azərbaycanda bacım və rəfiqəm var. Gülyanaq xanımın simasında bütün Azərbaycanlı xanımlara xoşbəxtlik arzulayıram.

Məlahət Abdullayeva

“Əlillər Dünyası” qəzetindən

Prezident İlham Əliyev və Avropa Komissiyasının Prezidenti xanım Ursula Fon der Lyayen 18 iyul tarixində birgə bəyanatla çıxış ediblər. Qeyd olunub ki, Azərbaycan enerji sahəsində Avropa Komissiyası ilə on beş ildən artıq əməkdaşlıq edir. 2006-cı ildə Avropa İttifaqı ilə Azərbaycan arasında Anlaşma Memorandumu və 2011-ci ildə Cənub Qaz Dəhlizi ilə bağlı Birgə Bəyannamə imzalanmışdır.

Azərbaycanın başlatdığı və Avropa İttifaqının dəstəklədiyi enerji layihələri Avropanın enerji xəritəsini tamamilə dəyişdirir. Öncə neft hasilatı sonra, qaz hasilatı baş verdi. Xəzər dənizini Qara dəniz və Aralıq dənizi ilə birləşdirən neft kəməri çəkildi. 3500 kilometr uzunluğu olan Cənub Qaz Dəhlizi boru kəməri sistemlərini inteqrasiya etdi və bununla Azərbaycanın təbii qazı Avropa qitəsinə çatdırılır. İki ildən az müddətdə Cənub Qaz Dəhlizi tam gücü ilə işləyir. Bütün seqmentlər istismar olunur.

Enerji təhlükəsizliyi məsələləri bu gün heç zaman olmadığı qədər vacibdir. Azərbaycan ilə Avropa İttifaqı arasında enerji sahəsində uzunmüddətli, proqnozlaşdırılan və çox etibarlı əməkdaşlıq əlaqələrinin mövcudluğu böyük əhəmiyyətə malikdir.

Diqqətə çatdırılıb ki, Azərbaycan ilə Avropa İttifaqı arasında bir çox sahələri əhatə edən, o cümlədən neft, qaz və bərpaolunan enerji mənbələrini, hidrogeni, enerji səmərəliliyini və digər məsələləri nəzərdə tutan enerji dialoqu mövcuddur. Azərbaycanda bərpaolunan enerjinin istehsalı sahəsində böyük potensial Avropa İttifaqı tərəfindən artıq yüksək dəyərləndirilir. Külək və günəş enerjisinə artıq sərmayə qoyuluşu prosesinə başlanıb. Daha ətraflı »

“Heydər Əliyev fenomeni: müdriklik və qətiyyət örnəyi” mövzusunda konfrans keçirilib

Rayon icra hakimiyyətinin və YAP rayon təşkilatının təşəbbüsü ilə Ulu Öndər Heydər Əliyevin siyasi hakimiyyətə gəlişinin 53-cü ildönümünə həsr olunmuş “Heydər Əliyev fenomeni: müdriklik və qətiyyət örnəyi” mövzusunda konfrans keçirilib.
Konfransda rayon icra hakimiyyətinin başçısı Müstəqim Məmmədov, Milli Məclisin deputatı Sahib Alıyev, YAP rayon təşkilatının sədri Eldar Əsədov, hüquq mühafizə orqanlarının rəhbərləri, rayon ağsaqqallar şurasının sədri Faiq Məmmədov, icra nümayəndələri, idarə, müəssisə və təşkilatların rəhbərləri, KİV nümayəndələri iştirak ediblər.
Tədbir iştirakçıları öncə Ümummilli Liderin abidəsini ziyarət edə-rək, xatirəsini böyük ehtiramla yad edib, önünə gül-çiçək dəstələri dü-züblər.
Sonra tədbir rayon icra hakimiyyətinin akt zalında davam etdirilib.
Konfransı giriş sözü ilə açan rayon icra hakimiyyətinin başçısı qeyd edib ki, Ümummilli liderimizin Azərbaycan rəhbərliyinə gəlməsinin 53 ili tamam olur.
Məhz həmin vaxt Azərbaycanın müstəqilliyə gedən yolunun əsası qoyulub. Azərbaycanın 1960-cı illərin sonundan başlanan və XXI əsrə adlayan tarixinin 34 illik bir dövrü Ulu Öndər Heydər Əliyevin adı ilə bağlıdır. Heydər Əliyev vətəndaş, şəxsiyyət, Lider kimi bütün bu illərdə Azərbaycanın məsuliyyətini öz çiyinlərində daşımışdır. O, dövlətimizi və xalqımızı bir millət kimi tarixin ağır və sərt sınaqlarından çıxarmışdır. Müasir Azərbaycan adlandırdığımız müstəqil məmləkəti, onun bugünkü həqiqətlərini, işıqlı sabahının etibarlı bünövrəsini yaratmışdır. Daha ətraflı »

Rayonumuzun həyatının güzgüsü

Azərbaycan milli mətbuatının yaranmasından 147 il ötür.
Milli mətbuatımızın əsası 1875-ci il iyulun 22-də ilk nömrəsi nəşr olunan “Əkinçi” qəzeti ilə qoyulub. Qəzetin nəşri və redaktoru Azərbaycan milli maarifçilik hərəkatının banilərindən biri, təbiətşünas alim Həsən Bəy Zərdabi olub. O zamanlarda bütün Qafqazda böyük əks-səda doğuran bu qəzetdə Mirzə Fətəli Axundzadə, Seyid Əzim Şirvani, Nəcəf Bəy Vəzirov, Əsgər ağa Gorani və həmin dövrün başqa tanınmış ziyalıları çalışıblar.
“Əkinci”nin nəşri 1877-ci ilin sentyabrınadək davam edib və 56 sayı işıq üzü görüb. Buna baxmayaraq, mətbuatımızın ilk qaranquşu hesab edilən bu qəzet xalqın maarifləndirilməsində, Azərbaycan milli mətbuatının inkişafında misilsiz xidmətlər göstərib. Qeyd olunmalıdır ki, bu mətbu orqanın sadə, anlaşıqlı dili onu həm ziyalılara, həm də sadə insanlara sevdirmişdi. Qəzetin insanlara təsir dairəsinin genişlənməsi çar Rusiyasının xoşuna gəlməyib və onun nəşrini dayandırıblar.
O vaxtdan bizim günümüzədək Azərbaycan mətbuatı daim cəmiyyətimizdə böyük nüfuza malik olub və bir növ baş verən prosesləri əks etdirən güzgüyə çevrilib.
Milli mətbuatımızın inkişafı Ulu Öndər Heydər Əliyevin adı ilə bağlıdır. Ümummilli Liderin 1993-cü ildə xalqın təkidli tələbi ilə hakimiyyətə qayıdışı həyatımızın bütün sahələrində olduğu kimi, milli mətbuatımızın inkişafında da yeni mərhələnin başlanğıcı oldu.
1998-ci ildə Heydər Əliyev tərəfindən Azərbaycan mətbuatı üzərindən dövlət senzurası ləğv edildi, beləliklə də söz və mətbuat azadlığının əsası qoyuldu. Daha ətraflı »