Rayon Gənclər Mərkəzində 2018-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağı keçirilib.
Yığıncaqda hesabat məruzəsi ilə çıxış edən Tərtər Rayon İcra Hakimiyyətinin başçısı Müstəqim Məmmədov bildirib ki, 2018-ci ilin birinci rübü də sosial-iqtisadi inkişaf baxımından rayonumuz üçün uğurlu olmuşdur. Cənab Prezidentin daimi diqqət və qayğısı ilə tərtərlilər əvvəlki illərdə olduğu kimi, cari ilin birinci rübündə də bütün imkanlardan səmərəli istifadə etmişlər. Rayonumuzda quruculuq-abadlıq işlərinin aparılması davam etdirilmiş, infrastrukturun yaxşılaşdırılması, adamları narahat edən çətinliklərin, problemlərin aradan qaldırılması diqqət mərkəzində saxlanılmışdır. Daha ətraflı »

MÜDRİKLİK VƏ UCALIQ SİMVOLU

Zaman keçir. İllər bir-birini əvəz edir. Hər şey dəyişir. Dəyişməyən bircə həqiqət var: Heydər Əliyev həqiqəti. Bu həqiqət dövrümüzün yazılan, əsrlərlə silinməyən, bütün zamanlarda xatırlanan yaddaşıdır. Zamanı, bütöv bir dövrü, bəzən bir anı tarixləşdirən, əbədiləşdirən isə müdrik, dahi şəxsiyyətlərdir.
10 may 1923-cü il. Gözəl bir yaz günü. Həmin gün Naxçıvanda bir körpə dünyaya gəldi. Qayğılı, qayğısız günlər yaşaya-yaşaya böyüdü bu körpə. Vətənə, torpağa sevgi ilə böyüdü. Anasının südü ilə varlığına, ruhuna, canına hopdu bu sevgi. Özü də bilmirdi ki, bu sevgi sayəsində göz açdığı doğma vətənin taleyi bir gün onun dühası ilə bəlalardan nicat tapacaq.
Vaxt, zaman yetişdi. O, şərəfli ömür yolu keçərək Azərbaycan tarixinə qüdrətli bir şəxsiyyət kimi daxil oldu.
Bu, Heydər Əliyev şəxsiyyəti idi. Bu böyük insan Azadlıq və Ədalət uğrunda gedən savaşların xilaskarı kimi bir ömür yaşadı. Daha ətraflı »

MİNNƏTDARLIQ İFADƏ OLUNDU

Tərtər Rayon İcra Hakimiyyəti Başçısının növbəti səyyar qəbul-görüşü Hüsənli kəndində olub.
Qəbulda rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, ərazi icra nümayəndələri, bələdiyyə sədrləri və kənd sakinləri iştirak ediblər.
Əvvəlcə Hüsənli kənd İƏD üzrə nümayəndə Gülüstan Əhmədova kəndin sosial-iqtisadi inkişafı, əhalinin məşğuliyyəti, görülən işlər və mövcud problemlər barədə məlumat verib.
Sonra vətəndaşların müraciətləri dinlənilib.
Kənd ağsaqqalı Yusif Ağayev, məktəbin direktoru Cümşüd Həsənov, sakinlərdən Elşən Məmmədov, Məhərrəm Heydərov, Şöhlət Hüseynov, Şəmsi Əhmədov müxtəlif məsələlərlə bağlı müraciət ediblər. Müraciətlərin həlli barədə əlaqədar qurumlara tapşırıqlar verilib. Daha ətraflı »

Dini Qurumlarla İş üzrə Dövlət Komitəsinin (DQİDK) Ağcabədi bölgəsi üzrə şöbəsi və Tərtər Rayon İcra Hakimiyyətinin birgə təşkilatçılığı ilə rayonun Qazyan kənd tam orta məktəbində Dövlət Komitəsinin sifarişi ilə çəkilmiş “Şəhadət” sənədli filmi nümayiş etdirilib.
Tədbirdə Tərtər RİH başçısı Aparatının İctimaisiyasi və humanitar məsələlər şöbəsinin müdir müavinidini qurumlarla işin təşkilatçısı Elvin Umudov, DQİDK-nın Ağcabədi bölgəsi üzrə şöbəsinin əməkdaşı Pərviz Eyvazov, Tərtər rayon “Cümə” məscidi dini icmasının sədri və imam cüməsi Sadiq Cəfərov, Tərtər rayon Qazyan kənd tam orta məktəbinin direktoru Rəfail Abbasov, pedaqoji işçilər və yuxarı sinif şagirdləri iştirak ediblər.
Tədbiri giriş sözü ilə açan Tərtər RİH nümayəndəsi Elvin Umudov tədbirin əhəmiyyətindən danışıb.
DQİDK-nın Ağcabədi bölgəsi üzrə şöbəsinin əməkdaşı Pərviz Eyvazov radikal dini cərəyanların fəaliyyətindən və onlara qarşı mübarizənin başlıca üsullarından danışıb. Daha ətraflı »

Mənfur qonşularımız olan ermənilərlə 48 kilometr təmas xəttində qərar tutan Tərtərimizdə quruculuq, abadlıq işləri ilə yanaşı yaşıllaşdırma işləri də daim diqqət mərkəzində saxlanılır. Salınan yaşıllıqlara qayğı ilə qulluq edildiyindən, həmin sahələr sanki sıx meşəliyi xatırladır.
Yaşıllıqların bolluğu təmiz hava, sağlam həyat tərzi deməkdir. Onsuz da gözəl iqlim şəraitinə malik və Murovdağın ətəyində yerləşən rayonumuzu bu yaşıllıqlar daha da yaraşıqlı göstərir.
Rayonda ekoloji tarazlığın qorunması məqsədilə cari ilin ilk üç ayında Bərdə, Ağdam və Gəncə istiqamətlərində asfalt yolun kənarlarında, rayonun yaşayış məntəqələrində və meşə zolaqlarında 9 minə yaxın müxtəlif növ ağaclar, 1500 ədəd gül kolları və 500 min ədəd həmişəyaşıl kolları əkilmişdir. İDEA İctimai Birliyinin təsisçisi və rəhbəri Leyla Əliyevanın təşəbbüsü ilə “Hərəyə bir ağac əkək!” aksiyası Tərtər rayonunda bu gün də öz aktuallığını saxlayır. Ona görə də rayon mərkəzində və kəndlərdə yaşıllaşdırma işləri prioritet bir vəzifə kimi qarşıya qoyulur və bu sahə həmişə həm rayon rəhbərliyinin, həm də vətəndaşların diqqət mərkəzində saxlanılır.

“Yeni Tərtər”

“Vətən uğrunda” Səyyar Təşviqat Dəstəsi Tərtər Rayon İcra Hakimiyyəti və Gəncə Qarnizonu Zabitlər Evinin təşkilatçılığı ilə, rayonumuzda “Əsgərə məktub” layihəsi çərçivəsində tədbir keçirib. Məqsəd cəbhənin ön xəttində xidmət edən hərbi qulluqçuların ruh yüksəkliyini daha da artırmaq və ordu ilə ictimaiyyətin əlaqələrinin möhkəmləndirilməsinə töhfə verməkdir.
Kütləvi hərbi maarifləndirici tədbirdə rayon ictimaiyyətinin nümayəndələri əsgərlərə həm video görüntü ilə, həm də yazılı müraciətlər edərək, öz arzu və istəklərini dilə gətirdilər.
Layihə çərçivəsində rayon mədəniyyət evində Qarabağ müharibəsi qaziləri ilə görüş keçirilib. Görüşdə “Vətən uğrunda” Səyyar Təşviqat Dəstəsi hərbi–vətənpərvərlik ruhunda film nümayiş etdirib.

“Yeni Tərtər”

50 İLLİK BİRGƏ YOL

–Məlumdur ki, bu il aprel ayında Tərtər rayon qəzetinin ilk nüsxəsinin çapdan çıxmasının 84 ili tamam olur. Sizin isə bu qəzetdə fəaliyyətinizin 50-ci ilidir. Bu barədə nə deyə bilərsiniz?
–Ömrümün 16-cı ilindən başlayaraq, rayon qəzeti ilə mənim həyatım bir-birinə bağlı olub. Amma “Qızıl bayraq”la tanışlığım bir az da əvvələ gedib çıxır. Orta məktəbdə oxuyanda gənc səyyahların respublika toplanışında komandamız birinci yeri tutmuşdur. Rayon qəzetində şəklimiz və haqqımızda yazı dərc olundu. Bundan sonra mən də jurnalist olmaq istədim.
1934-cü ildən müxtəlif adlarla nəşr olunan və hazırda “Yeni Tərtər” kimi fəaliyyətini davam etdirən qəzet bütün dövrlərdə rayonun güzgüsü olub və ətrafına minlərlə oxucu toplayıb. Bu, indi də belədir.
–Jurnalist olmağınıza görə kimə və nəyə minnətdarsınız? Daha ətraflı »

Ölkəmiz ikinci dəfə müstəqillik əldə etdikdən sonra bir çox sahələr kimi mətbuatda da islahatlar aparılmağa başlandı. Senzura aradan götürüldü, qəzet və jurnallara sərbəstlik verildi. İndi hər bir Azərbaycan vətəndaşı Ədliyyə Nazirliyindən qeydiyyatdan keçib, müstəqil qəzet nəşr etdirə bilər.
Lakin şərtlərin bu qədər asan olması cəmiyyətimizə fayda verməklə yanaşı, həm də “reket jurnalistika” kimi bir bəlanı meydana gətirdi ki, bu gün onunla mübarizə hər birimizi ciddi surətdə düşündürür.
Reket jurnalistika nədir? Məlumdur ki, hər bir işi görməzdən əvvəl onun maddi bazası barədə düşünmək lazımdır. Bu baza necə yaranacaq, hansı yollarla tənzimlənəcək və s. Məsələn, rayon qəzeti olaraq biz abunəçilərimizin hesabımıza köçürdükləri vəsait hesabına fəaliyyət göstəririk. Bəs, heç bir abunəçisi, reklam bazarı olmayan mətbu orqanlar nə edirlər? Qapı-qapı düşüb, mədəni “dilənçilik” lə məşğul olurlar. Yəni hər hansı bir materialı yazmamışdan əvvəl bunun müqabilində müəyyən miqdarda pul tələb edirlər. Daha ətraflı »

TƏRTƏRİN ÜÇÜNCÜ MİLLİ QƏHRƏMANI

Biz indiyədək elə bilirdik ki, Tərtərin iki Milli Qəhrəmanı var–Vəzir Orucov və Elman Hüseynov. Lakin indilərdə öyrəndik ki, tərtərli 3-cü Milli Qəhrəman da olub. Bu, Füzuli Rüstəmovdur
* * *
İnsan dünyaya gələndə necə böyüyəcəyindən, həyatının necə davam edəcəyindən xəbəri olmadığı kimi, ömrünün də harada tamamlandığından xəbərsiz olur, yaşının hansı çağında bu dünya ilə vidalaşacağını düşünmür. Xoşbəxt insan odur ki, hansı yaşda, harada işıqlı dünyanı tərk etməyindən asılı olmayaraq, yaddaşlarda qalır, ürəklərdə anılır.
Füzuli Salah oğlu Rüstəmov Tərtərin Hüsənli kəndində doğulmuşdur. O, 1965-ci ilin şaxtalı bir qış günündə – 25 dekabrda dünyaya gələndə ata-ananın sevinci, fərəhi yerlə göy arası olmuşdu. Füzuli bu sevinc və sevgi ilə böyüyürdü. Daha ətraflı »

HƏMİŞƏ HÖRMƏTLƏ YAD EDİLİR

Torpaqlarımızın bütövlüyü uğrunda canlarından keçib şəhidlik zirvəsinə ucalan vətən oğullarından biri də Həsənov Feyruz Nəbi oğludur.
Feyruz 1962-ci ildə rayonumuzun Azadqaraqoyunlu kəndində anadan olub. Orta təhsilini doğulduğu kənd məktəbində alıb. Qohumları, doğmaları təhsil illərində onun yaxşı oxumasından, nümunəvi şagird olmasından həmişə danışırlar. Orta təhsilini başa vurduqdan sonra o zamankı Sovet ordusu sıralarında xidmət edib. Rayon polis şöbəsində işləyib. Öz çevikliyi, silahlardan yaxşı baş çıxarması dostları, yoldaşları arasında onun hörmətini daha da artırıb.
O illərdə mənfur ermənilərin torpaqlarımıza göz dikməsi həmyaşıdları kimi bir polis nəfəri olaraq Feyruzu da ciddi narahat edirdi. Ermənilərə qarşı bir sıra döyüşlərdə yaxından iştirak etdi. 1992-ci ilin aprel ayında keçmiş Ağdərə rayonunun Marquşevan kəndi uğrunda gedən döyüşlərdə 30 yaşında şəhid oldu. Daha ətraflı »