Nazirlər Kabineti yanında Operativ Qərargahın sərəncam və tövsiyələrinə uyğun olaraq
koronavirus (COVİD – 19) infeksiyasının rayon ərazisində yarada biləcəyi təhlükənin qarşısının alınması məqsədilə Tərtər şəhərinin küçələrində, çoxmənzilli binalarda ictimai yerlərdə dezinfeksiya işləri mütamadi davam etdirilir.

                                                                          EL HƏKİMİ

Mən sizə Bakının 6 nömrəli xəstəxanasının alerqoloqu, həkim Vəfa İbrahimovadan danışacağam.
Balaca Zəhra xəstələnmişdi. Onu Vəfa həkimin yanına apardım. Zəhranı həkim müayinə etdi və müalicə yazdı. Birdən ha-radan gəldiyimizi soruşdu. Mən Qəhrəman Tərtərdən gəldiyimizi söylədim. Vəfa həkim dedi: “Doğrudan da, Tərtər Qəhrəman şəhərdir. 1992-ci il aprel döyüşləri və 2020-ci il Vətən müharibəsində də Tərtərlilər bir an da olsa öz torpaqlarından çıxmadı. Mən deyərdim ki, Tərtərin hər bir vətəndaşı uşaqdan böyüyə hamısı qəhrəmandır. Ölkə Prezidenti İlham Əliyev Tərtər haqqında söyləyib: “Tərtər şəhərində olan vətəndaşlar kişi kimi mərd durublar. Deyiblər ki, öldü var, döndü yoxdu, burdan heç hara getməyəcəyik. Nə qədər mərmi düşüb. Minlərlə mərmi təkcə Tərtərə düşüb” “.
Həkim Zəhranın bütün dərmanlarını bizə bağışladı və qeyd etdi ki, mənim Qəhrəman Tərtərlilərə böyük hörmətim var.
Bu gün mən Vəfa həkimə ailəmiz adından və balaca Zəhra Kərimli adından çox sağ ol deyirəm və ona həmişə uğurlar arzu edirəm. Qoy Ulu Tanrı həmişə sizə yar olsun!

                                                                                                                               Səbuhi Kərimov

                                                  VAKSİNASİYANIN ƏHƏMİYYƏTİ

Səhiyyə Nazirliyinin baş infeksionisti Təyyar Eyva-zov koronavirusa qarşı peyvəndlənmə barədə müsahibə verib.
Həmin müsahibəni təqdim edirik:
-Adətən peyvəndlərin tətbiqi necə həyata keçirilir?
-Vaksinasiya prosesi mərhələlərlə həyata keçirilir. Ayrı-ayrı mərhələdə peyvənd olunan insanlar qrupunu hər bir ölkə özü müəyyənləşdirir. Əksər ölkələrdə birinci mərhələdə əhalinin risk qruplarına aid edilən daha həssas hissəsi bu prosesə cəlb olunur. Bu əhali qruplarına ilk növbədə tibb xidməti işçiləri, tənəffüs sisteminin xroniki xəstəlikləri olan şəxslər, yaşı 65-dən yuxarı olan insanlar və digərləri aiddir. Daha ətraflı »

Böyük Britaniyada sürətlə yayılan yeni növ koronavirus Gürcüstanda da aşkar olunub.
Bu barədə Gürcüstan Səhiyyə Nazirliyinin Xəstəliklərə Nəzarət Milli Mərkəzinin sədrinin müavini Paata İmnadze keçirdiyi brifinqdə məlumat verib.
P.İmnadze deyib: “Koronavirusun yeni növü ilə bağlı üç nəfər test olunub və onlardan birində, 50 yaşlı kişidə test müsbət nəticələnib. Hazırda virusa yoluxan şəxs klinikada nəzarət altındadır. Onun təmasda olduğu insanlar araşdırılır”.
Paata İmnadzenin sözlərinə görə, yeni növ virus mövcud virusdan daha sürətli ötürmə qabiliyyətinə malikdir.
O, bu səbəbdən də təhlükəsizlik tədbirlərinin gücləndirilməsinin və qorunmanın vacib olduğunu bildirib.

                                                                                QIŞ FƏSLİNİN XƏSTƏLİKLƏRİ

Havaların kəskin soyuması özü ilə bərabər bəzi mövsümi xəstəlikləri də gətirir. Bu zaman xroniki xəstəliklər daha da kəskinləşməyə başlayır. Soyuq hava şəraiti angina, bronxial-astma və digər xəstəliklərin yayılmasına münbit şərait yaradır. Bəzən bir çoxumuz yaranan xəstəliklərə etinasız yanaşırıq. Amma unutmayaq ki, bu xəstəliklər insanların normal əmək fəaliyyətinə mane olan əsas amillər sırasında birinci yerdə dayanır.
Payızın son günlərində havaların soyuması immuniteti zəif olan orqanizmlər üçün daha təhlükəli hesab edilir. Ümumiyyətlə, fəsi l dəyişkənliyinə hər orqanizm fərqli reaksiya verir.
Əgər insan tam sağlamdırsa, bunun ona hər hansı təsiri olmur. Amma sağlamlığında problem yaşanan, immun sistemi zəif olanlar tez bir zamanda bu dəyişkənliyə reaksiya verirlər. Bəs soyuq qış aylarında xəstəliklərdən necə qorunmaq olar? Daha ətraflı »

Payız-qış mövsümü COVID-19 pandemiyası dövründə bir qədər problem yarada bilər.
Hazırda Azərbaycanda epidemioloji vəziyyət nəzarət altındadır. Buna baxmayaraq, qarşıda bizi soyuq fəsil gözləyir. Payız-qış mövsümü gəlir. Bu mövsümdə respirator, tənəffüs yolu ilə yoluxan xəstəliklər, hava-damcı xəstəlikləri çoxalır. Ona görə də payız-qış mövsümü COVID-19 pandemiyası dövründə bir qədər problem yarada bilər. Belə ki, COVID-19 xəstəliyinə hər hansı bir respirator xəstəliyin qoşulması gözlənilə bilər. Bu, ilk növbədə qrip xəstəliyidir. Bu səbəbdən hazırda qrip əleyhinə vaksinasiya daha çox aktuallaşır.
Bunu Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında tibbi-elmi komitənin sədri, professor Akif Qurbanov deyib. Daha ətraflı »

Artıq payız fəslinin bitməsinə sayılı günlər qalıb. Addım-addım qış fəslinə doğru irəliləyirik. Bu mövsümün xarakterik xüsusiyyətlərindən biri də orqanizmdə müəyyən dəyişikliklərin baş verməsidir. Mütəxəssislər də təsdiqləyirlər ki, payız-qış mövsümündə kəskin respirator infeksiyalar və qrip müşahidə olunur. Ən yüksək risk qrupuna 1 yaşdan 65 yaşa qədər olan insanlar daxildir. Xüsusilə də fəsil dəyişikliyi xroniki xəstəliyi olanlara daha çox təsir edir. Bu zaman orqanizm istənilən virusa qarşı zəifləyir və bir sıra əlamətlərlə özünü göstərir. Mütəxəssislər deyirlər ki, dünyanı cənginə alan COVID-19-la mübarizə apardığımız vaxtda mövsümi xəstəliklərin də bir tərəfdən baş qaldırması insanları çətin durumla üz-üzə qoyur. Maraqlıdır, xəstələnərkən korornovirusa, yoxsa mövsümi xəstəliyə yoluxduğunu necə müəyyən etmək olar?
Mütəxəssislər bildirirlər ki, koronavirusla müqayisədə bəzi mövsümi xəstəliklərə qalib gəlmək bir o qədər çətin deyil. Bunun üçün peyvəndlərin vurulması vacib hesab olunur. İmmun sisteminin zəifləməsi və bədən temperaturunun normada qalması üçün həkimlər təbii qidalanmaya da üstünlük verməyi məsləhət görürlər. Bildirilir ki, mövsümi meyvələrdən istifadəyə və su balansına xüsusi diqqət yetirilməlidir.

21-ci əsrdə baş verən koronavirus infeksiyası (COVID-19) pandemiyası (törədici SARS-CoV-2 virusu) 2019-cu ilin dekabr ayında Çində başlamış və hazırda bütün dünyaya yayılmaqda davam edir. Azərbaycan daxil olmaqla, bütün dünyada koronavirus infeksiyasına tutulmuş xəstələr arasında COVID-19-un uşaqlar üçün böyüklərə nisbətən yüksək risk təşkil etmədiyi müəyyən edilmişdir. Bəzi uşaqlar və körpələr COVID-19 ilə xəstələnsə də, bu günə qədər xəstələnmə hallarının əksəriyyətini böyüklər təşkil edir. Lakin koronavirus infeksiyası pandemiyası uşaqlarda emosional dəyişikliklərin yaranmasına səbəb olur. Daha ətraflı »

Mövsüm dəyişikliyi zamanı insan orqanizmində immunitet zəifliyi yaranır. Bunun nəticəsində bronxit, astma, qrip və soyuqdəymə kimi müxtəlif xəstəliklər əmələ gəlir.

Payız xəstəlikləri bəzi insanlarda özünü halsızlıq, yorğunluqla büruzə versə də, bəzilərində yuxusuzluq, iştahsızlıq, depressiya ilə müşahidə olunur.
Yaşlı nəslin nümayəndələrinə, eləcə də ürək-damar, təzyiq oynaması xəstəliklərindən əziyyət çəkənlərə qrip peyvəndi olmalarını məsləhət görürlər. Hər bir fəslin özünəməxsus xəstəlikləri olsa da, payız soyuqdəymə ilə başlayan və ağır fəsadlar yarada bilən xəstəliklər fəslidir. Payızda xəstəliklərə yoluxma ehtimalını azaltmaq üçün yayın sonlarından orqanizmə ciddi qulluq etməyi məsləhət görürlər. Daha ətraflı »

Koronavirus–sosial, ictimai-siyasi, irqi, dini fərqləri nəzərə almadan insanlığa qarşı ünvanlanmış total müharibədir.
Azərbaycan Respublikasının Prezidenti İlham Əliyev Yer kürəsini bürümüş koronavirus biomüharibəsində fövqəladə bacarıq nümayiş etdirmiş, ölkəsini və xalqını xilas etmək vəzifəsini həyata keçirmiş qalib Baş Komandandır. Azərbaycan Respublikası biomüharibənin qarşısını almaq üçün düşünülmüş qabaqlayıcı tədbirlərin həyata keçirilməsi baxımından dünya ölkələrini qabaqlamışdır.
Prezident İlham Əliyevin qəti tapşırıq-ları əsasında qısa müddətdə ali və orta təhsil müəssisələrində tədris prosesinin dayandırılması, ölkə miqyasında genişmiqyaslı dezinfeksiya tədbirlərinin təşkili, ölkəmizin sərhədlərinin bağlanmasına dair qonşu
dövlətlərlə danışıqların aparılması və qəti qərarların qəbul edilməsi koronavi-rus biomüharibəsində gələcək qələbənin əldə olunmasının əsas təminatına çevrilmişdir.
Paralel olaraq dövlət başçımızın rəhbərliyi ilə pandemiya dövrünün çağırışlarına uyğun olaraq yeni işlək strukturların yaradılması və bir sıra dövlət Daha ətraflı »