Bu il rayonumuzun ümumtəhsil məktəblərini 601 məzun bitirib. Onların 13-ü fərqlənmə attestatı alıb. Məzunlardan 393-ü ali məktəblərə keçirilən imtahanlarda iştirak etmək üçün sənəd verib, 236 nəfər tələbə adını qazanıb.
Tələbə adını qazanan gənclərdən 4 nəfəri 600-dən, 30 nəfəri isə 500-dən çox bal toplayıb. Rayonun ümumtəhsil məktəblərindən ən yüksək nəticəni şəhər 2 və 5 nömrəli, Bəyimsarov, Sarov, Qaradağlı, Hacıqərvənd kənd tam orta məktəblərin məzunları göstərib. Belə ki, şəhər 2 saylı məktəb-liseyin 29, 5 nömrəli tam orta məktəbin 11, Bəyimsarov kənd tam orta məktəbin 12, Sarov kənd tam orta məktəbin 13, Qaradağlı kənd tam orta məktəbin 10, Hacıqərvənd kənd tam orta məktəbin 10 məzunu ali məktəblərə qəbul olub. İmtahanlarda 2 saylı məktəb-liseyin məzunu Oqtay Səfərov 631, 6 nömrəli tam orta məktəbin məzunu Mahir Vəlizadə 629, Evoğlu kənd tam orta məktəbin məzunu Səidə Allahverdiyeva 628, Qapanlı kənd tam orta məktəbin məzunu İlkin Mirzəyev 623 bal toplayaraq rayon üzrə ən yüksək nəticə göstəriblər.
Tərtər şəhər 5 saylı tam orta məktəbdən Orxan Müstafazadə,2 saylı məktəb-liseydən Araz Yusifzadə və İbrahim İbrahimli bu il Türkiyənin muxtəlif universitetlərində təhsil alacaqlar. Azadqaraqoyunlu kənd tam orta məktəbin məzunu Babək Əliyev və Əskipara kənd tam orta məktəbin məzunu Təbriz Qasımov Fövqəladə Hallar Akademiyasına, Qapanlı kənd tam orta məktəbin məzunu Elçin Əhmədzadə, Evoğlu kənd tam orta məktəbin məzunu Cavid Səfərov, Dəmirçilər kənd tam orta məktəbin məzunu Tahir Rəhimli Dövlət Sərhəd Xidməti Akademiyasına, Qapanlı və Köçərli kənd tam orta məktəblərin məzunları Elmir Məmmədov və Eltun Hüseynli Naxçıvanski adına hərbi liseyə daxil olublar.

XARİCİ UNİVERSİTETLƏRƏ QƏBUL OLANLAR

Yusifzadə Araz Yusif oğlu

Araz Yusifzadə 2002-ci ildə ziyalı ailəsində anadan olub.
Atası Yusif Yusifzadə biznesmen və menecment ixtisası üzrə ali təhsil almış, anası Heyran İbrahimova isə ali təhsilli rus dili müəlliməsidir. Baba və nənələri də ziyalıdırlar.
Araz orta təhsilini Gülarə Əkbərovanın direktor olduğu Tərtər şəhər 2 saylı məktəb-liseydə alıb. O, orta məktəbdə oxuyarkən özünü çalışqan və hazırlıqlı bir şagird kimi gös-tərib, müəllimlərinin və şagird dostlarının hörmətini qazanıb. Dərslərindən müvəffəq qiymətlər alıb.
Araz Yusifzadə uşaq yaşlarından idmanla da ciddi məşğul olub. Dəfələrlə kinqboksinq idman növü üzrə rayon, zona və respublika birincisi olub, diplomlar, medallar və kuboklar alıb.
Araz özü haqqında deyir:
“Bu yarışlar başqa bölgələrimizdə keçiriləndə mənim üçün daha maraqlı olurdu. O bölgələr barəsində ətraflı öyrənməyə çalışardım. Elə xaricdə təhsil almağıma səbəblərdən biri də bu maraqdan irəli gəlmişdi.
Hazırda mən Trakya Universitetinin iqtisadiyyat fakültəsinə qəbul olunmuşam. 4 il Türkiyə Respublikasında təhsil alacağam. Əlbəttə, burada təhsil illərində dillərin öyrənilməsi, intellektual səviyyənin artırılması üçün xeyli şərait vardır. İnanıram ki, universiteti də müvəffəqiyyətlə başa vurub, oxuduğum məktəbdə mənə dərs deyən müəllimlərimin, mənə yardımçı olan valideynlərimin, baba və nənələrimin etimadını doğruldacağam.

Mustafazadə Orxan İntiqam oğlu

Mən Tərtər şəhər 5 saylı tam orta məktəbdə təhsil almışam. Bu tədris ocağını əla qiymətlərlə bitirmişəm. Oxuduğum illərdə təkcə yaxşı qiymətlər almaqla kifayətlənməmişəm, müəyyən inşa yazı müsabiqələrində, müxtəlif intellektual yarışmalarda iştirak edərək qaliblər arasında sertifikat, diplom, fəxri fərmanlar almışam. “Bilik” Fondunun təşkil etdiyi yarışlarda dəfələrlə iştirak etmişəm. Onu da bildirim ki, Heydər Əliyev Fondunun könüllülərindən biri də mənəm. Fondun xətti ilə keçirilən tədbirlərdə dəfələrlə şəxsi yarışmalar təşkil edib, mükafatlara layiq görülmüşəm. Hələ uşaq yaşlarımdan bu cür fərqlənməyimdə mənim təhsil aldığım orta məktəbin rəhbərliyinin və müəllim kollektivinin çox böyük zəhməti olubdur. Mən repititor müəllimlərin və tədris kursunda hazırlaşmamışam. III qrupa imtahan verərək 502 balla Bakı Dövlət Universitetinin dövlət və ictimai münasibətlər fakültəsinə qəbul oldum. Öz şəxsi dünyagörüşümü artırmaq məqsədilə Türkiyədə təhsil almağı qərarlaşdırdım. Daha ətraflı »

Müasir dövrdə aktual olan problemlərdən biri də müəllim-şagird münasibətləridir. Bir çox təhsil müəsisələrində müəllim-şagird münasibətləri normal qurulur. Bu isə tədrisin keyfiyyətinə, şagirdlərin tərbiyəsinə və elmlərin lazımınca mənimsənilməsinə şərait yaradır.
Acınacaqlı haldır ki, bəzi məktəblərdə öyrədənin məsləhətinə qulaq asılmır, onların tapşırıqları yerinə yetirilmir. Buna bir səbəb də istər məktəbdə, istərsə də ailədə uşaqla düzgün məşğul olunmamasıdır. Bu işdə valideyn səhlənkarlığı da əsas şərtdir. Çünki şagird müəllimindən çox öz valideyninin yanında olduğu üçün ailədə məktəbliyə müəllimin dediklərinə məsuliyyətlə əməl etmək, təlim-tərbiyəyə düzgün riayət lazımlılığı öyrədilməlidir. Oğlan uşaqlarının çox vaxtlarını internet kulublarda keçirməsi, ümumiyyətlə, şagirdlərin 10-15 yaşlarından telefon işlətmələri onların təhsildən uzaqlaşmasına səbəb olur. Eyni zamanda məktəblilərdə ünsiyyət problemi yaranır və hətta özünə qapanma kimi hallar baş verir. Bu həm təhsilimizə, həm də gələcək nəslin sağlamlığına ciddi zərbə vurur. Daha ətraflı »

(Yarımçıq qalmış bir yazı)

Dağlıq Qarabağın ilk azərbaycanlı təhsil ocaqlarından olan Ağdərə rayonunun Umudlu kənd məktəbi 1925-ci ildə açılmışdır.
Kənd əhalisi demək olar ki, başdan-başa savadsız idi. Odur ki, məktəb həm savadsızlığı ləğv etməli (“likbez”), həm də məktəb-yaşlılara təhsil verməli idi.
Zaman göstərdi ki, məktəb öz üzərinə düşən missiyaları şərəflə yerinə yetirmişdir.
Öz doğma torpağında anklav şəraitində yaşayan umudlular böyük həvəslə savadsızlığın ləğvinə başladılar və optimal müddətdə buna nail oldular.
Lakin kənddə müəllim çatışmırdı. Odur ki, az-çox savadı olan, yazıb-oxumağı bacaranlar müəllim kimi məktəbə cəlb olunurdular. Savadlı kadrlar isə kənardan (Qazaxdan, Şuşadan, Ağdamdan) gətirilirdi. Bu minvalla Umudlu məktəbinin ilk yerli müəllimləri yetişdi. Nərimanov Yunus Qasım oğlu, Əzizov Həmid Baxşalı oğlu, Naibov Əli Qara oğlu, Zeynalov Süleyman Hacı oğlu, Bağırov Miri Mirsəyyab oğlu, Qasımov Zilfi Məsim oğlu, Əbilov Baloğlan Binnət oğlu, Əzizov İslam Musa oğlu, Qasımov Sabir Nəsib oğlu.
Bu şəxslər Umudluda yerli təhsilin bərəkətli təməlini qoydular, ilk məktəbin ilk müəllimləri, halal bir kəndin Tanrı verdiyi təməl ziyalıları kimi bənzərsiz bir kəndin borc, şərəf, ləyaqət salnaməsini zamanın yaddaşına həkk etdilər. Bu şəxslər işləyə-işləyə sonradan müvafiq təhsil aldılar, şərəf borclarını axıradək yerinə yetirdilər.
Bu müəllimlərdən Yunis Nərimanov, Həmid Əzizov, Əli Naibov, Süleyman Zeynalov, İslam Əzizov II Dünya müharibəsinin od-alovundan keçərək yenidən doğma məktəbə-müqəddəs ocağa qayıtmışlar.
Umudlu məktəbinin təşkili və təşəkkülü dövründə kənddə pedaqoji təhsilli yerli bir mütəxəssis də olub–Qiyas Tanrıqulu bəy oğlu, Qazax Müəllimlər Seminariyasının məzunu. O da məktəbə müəllim kimi cəlb olunub. Lakin bəy oğlu olduğu üçün hökümət ona etimad göstərmirdi və müharibənin ilk günlərində o, cəbhəyə göndərildi, oradan isə “qara kağız”ı gəldi. Beləliklə, Umudlu kəndinin ilk təhsilli müəllimi qurban getdi. Daha ətraflı »

Umudlu kənd tam orta məktəbin IV sinif şagirdləri bu il ibtidai sinifi başa vurdular. Qısa olaraq bu sinif haqqında məlumat vermək istərdim. Çünki bu sinifin uşaqları ayrı-ayrılıqda çox böyük gələcəyi olan istedadlı uşaqlardır. 20 nəfər şagirddən ibarət olan bu sinif Zümrüd Rasim qızı Mustafayevanın əməyinin məhsuludur. Zümrüd müəllimə 40 ildir ki, Umudlu kənd tam orta məktəbində ibtidai sinif müəllimi kimi fəaliyyət göstərir. Onun yetirdiyi şagirdlər müxtəlif sahələrdə uğurlar qazanıblar. Bütün vaxtını şagirdləri ilə keçirmək, onlarla birlikdə olmaq bu müəllimin həyatının mənasını təşkil edir. Onun sevgi dolu fəaliyyəti şagirdlərinə də sirayət edib. Onlar da müəllimi kimi həyat doludurlar.
Zümrüd müəllimənin uzunmüddətli pedaqoji fəaliyyətində belə buraxılış siniflər çox olub.
Ancaq bu ilki IV siniflər rayon və məktəb tədbirlərində yaxından iştirak etmişdilər.
2018-ci il noyabrın 9-da “Bayraq meydanı”nda keçirilən ümumrayon tədbirində gözəl bir kompozisiya ilə çıxış etdilər. O cümlədən, Umudlu kənd tam orta məktəbin yetirməsi Elçin Qasımov da məktəbin özünün keçirtdiyi görüş tədbirində yüksək səviyyədə çıxış etdi.
Bütün bu çıxışlardan daha yaddaqalanı 2019-cu il fevralın 28-də Umudlu kəndinin işğalı ilə bağlı 6 saylı məktəbdə keçirilən “Umudluya qayıdacağıq” tədbirində daha geniş kompozisiya ilə çıxış etdilər. Bu tədbirdə isə rayon icra hakimiyyətinin başçısı Müstəqim Məmmədov və digər məsul şəxslər IV sinif şagirdləri ilə xatirə şəkili çəkdirdilər. Bu fidan balalar Zümrüd müəllimənin təşkilatçılığı ilə çox maraqlı “Son zəng” keçirdilər. Onlar özləri rəngarəng proqramlar hazırlamışdılar. Daha ətraflı »

Rayonun 34 tam, 10 ümumi orta məktəbində “Son zəng” çalındı. Bu il rayon üzrə 598 nəfər şagird XI sinfi, 743 nəfər şagird isə IX sinfi bitirir.
Məktəblərdə təşkil olunan “Son zəng” tədbirlərinə rayon icra hakimiyyətinin, idarə, müəssisə və təşkilatların nümayəndələri də qatıldılar. Bütün ümumtəhsil məktəblərində tədbir dövlət bayrağının gətirilməsi, Dövlət himninin səsləndirilməsi ilə başlandı.
Sonra məktəblilərin hazırladıqları rəngarəng musiqi nömrələri, müəllimlərin, valideynlərin, məzunların çıxışları bir-birini əvəz etdi.

Tərtər şəhərində və təmas xəttinə yaxın yerləşən kəndlərin ümumtəhsil məktəblərinin “Son zəng” tədbirlərində iştirak edən rayon icra hakimiyyətinin başçısı Müstəqim Məmmədov məzunları təbrik edərək, onlara uğurlar arzuladı. Müstəqil Azərbaycanımızın gələcəyinin gənclərimizdən asılı olduğunu söylədi. Məzunlara dövlətimizə və dövlətçiliyimizə sədaqətli olmağı, həyat yollarında inamla addımlamağı tövsiyə etdi. İlbəil təhsil sahəsinə artan dövlət qayğısı, bu sahədə atılan yenilikçi addımlar, qabaqcıl dünya təcrübəsindən bəhrələnməklə çağdaş təlim metodlarının tətbiqinin bu gün təhsilimizin inkişafına əlverişli zəmin yaratdığını bildirdi. Rayon rəhbəri millətin gələcəyi olan təhsilin tərəqqisinə cənab Prezidentin xüsusi diqqət və qayğı göstərdiyini diqqətə çatdırdı. Sonda məzunlara hansı peşəyə yiyələnməsindən asılı olmayaraq öz bilik və bacarıqları sayəsində möhtərəm Prezidentimizin rəhbərliyi ilə günbəgün tərəqqi edən Azərbaycanın çiçəklənməsi naminə töhfələr verməyi, dövlətimiz üçün layiqli vətəndaş, ailələri üçün layiqli övlad olmalarını arzuladı.
Çalınan “Son zəng” məzunları sinif otaqlarına deyil, müstəqil həyata səslədi və tədbir iştirakçılarına xoş anlar yaşatdı.

“Yeni Tərtər”

Hər bir dövlətin inkişafı, müstəqilliyinin möhkəmləndirilməsi və dövlətçiliyinin gücləndirilməsi birbaşa gələcəyin etibarlı təminatı olan kadr hazırlığından asılıdır. Çağdaş dünya çağırışlarına cavab verən təhsil sisteminin yaradılması ölkəmizin inkişaf konsepsiyasının mühüm tərkib hissəsinə çevrilib.
Bu sahədə əsası ümummilli liderimiz tərəfindən qoyulan islahatlar bu gün Prezident İlham Əliyev tərəfindən yeni mərhələdə uğurla davam etdirilir. Təhsil sahəsində atılan genişmiqyaslı addımlar böyük nailiyyətlər əldə edilməsinə və dövlətimizin sürətli inkişafına əsas baza yaradan amildir.
Təhsil sahəsində görülən bütün işlər savadlı, istedadlı gənclərin yetişməsinə və cəmiyyətin intellektual potensialının artmasına zəmin yaradır. “Cəmiyyət təhsilsiz inkişaf edə bilməz”, – deyən ulu öndərimiz Heydər Əliyevin müəyyənləşdirdiyi və dövlət başçısı İlham Əliyevin uğurla davam etdirdiyi təhsil siyasəti bu gün öz bəhrələrini verməkdədir.
Qədim diyarımızda təhsilin inkişafı ilə əlaqədar olaraq həyata keçirilən tədbirlər kadr potensialının gücləndirilməsinə xidmət edir. Gənclərin səsi beynəlxalq səviyyəli tədbirlərdən gəlir. Biz də onların ardıcılı olaraq, bu gün respublikanın təhsil sistemində yaradılmış yüksək şəraitdən səmərəli istifadə etməli, qarşımıza qoyulan vəzifələrin yerinə yetirilməsində fəal olmalıyıq. Daha ətraflı »

Tərtər Rayon İcra Hakimiyyətinin ümummilli lider Heydər Əliyevin anadan olmasının 96-cı ildönümü münasibəti ilə hazırlanmış tədbirlər planına uyğun olaraq YAP rayon təşkilatı, təhsil şöbəsi və Gənclər və İdman İdarəsi birlikdə rayonun ümumtəhsil məktəblərinin şagirdləri arasında “Ümummili lider Heydər Əliyev–şərəfli ömrün salnaməsi” mövzusunda inşa yazı müsabiqəsi keçirib.
Tədbiri rayon icra hakimiyyəti başçısının ictimai-siyasi və humanitar məsələlər şöbəsinin müdir müavini Elvin Umudov açaraq, müasir dövlətçiliyimizin qurucusu, ümummilli lider Heydər Əliyevin doğma Vətən və xalq qarşısındakı müstəsna tarixi xidmətlərindən danışıb. Tədbir iştirakçılarına ulu öndərin həyat və fəaliyyəti haqqında geniş məlumat verib.
Yekun turunda ümumtəhsil məktəblərindən 44 nəfər şagird iştirak edib.

“Yeni Tərtər”

Təhsil xəzinədir, əmək onun açarı
Seyid Əzim ŞİRVANİ
Müasir təhsil metodlarından götürülən nümunələr əsasında ölkəmizdə tədris prosesi daha yüksək səviyyədə inkişaf edir. İstedadlı tələbələr gələcəkdə Azərbaycanın müxtəlif sahələrdə uğur qazanmasına səbəb olur. Ümummilli Lider Heydər Əliyev deyib: “Təhsil hər bir dövlətin, ölkənin, cəmiyyətin həyatının, fəaliyyətinin mühüm sahəsidir. Cəmiyyət təhsilsiz inkişaf edə bilməz”.
Xüsusilə, xarici dilləri öyrənmək gələcək karyera həyatında işləmək üçün insana kömək olur.
Abituriyentlər qarşısına qoyduğu məqsədə çatmaq üçün gündəlik dərs proqramlarına ciddi və məsuliyyətlə hazırlaşmalıdırlar.
Bu yazımla hər kəsi rayonumuzu tanıdan bir tələbə ilə tanış edəcəyəm. Yaqut Qurbanzadə 2001-ci ildə Tərtərin Səhlabad kəndində anadan olub. Ailənin kiçik övladı olan bu qız Tərtər şəhər 6 nömrəli tam orta məktəbin məzunudur. O, 2018-ci ildə imtahanda yüksək nəticələr əldə edərək 628 balla Xarici Dillər Universitetinin İngilis dili fakültəsinə qəbul olaraq tələbə adını qazandı.
Atası Eyvaz Qurbanov Qarabağ müharibəsi veteranıdır. Eyvaz Ağdərəətrafı və Qarabağ döyüşlərində iştirak edib. BDU-nun hüquq fakültəsini bitirdikdən sonra Tərtər və Goranboy rayonlarında müstəntiq işləyib. 6-cı sinifdə oxuyarkən atasını itirdiyini deyən Yaqut ailə yükünün qardaşının öhdəsinə düşdüyünü bildirdi. Daha ətraflı »

Açar sözlər: tolerantlıq, multikulturälizm, din, forum
Tolerantlıq ruhu “Azərbaycan” adlı bədəndə mükəmməl tarazlıq və harmoniya halında minillərdir ki, yaşayır və inkişaf edir. Dünyanın bütün xalqları kimi Azərbaycan xalqı da bu günə tarixin çox çətin və rəhmsiz sınaqlarından keçərək gəlib çatmışdır. Lakin “azərbaycanlı” adlanan etnik mədəni fenomen heç vaxt başqasının yurduna, malına, elinə göz dikməyib, xor baxmayıb. Belə bir fakta nəzər salaq, 2016-cı il aprel döyüşü zamanı rus jurnalisti erməni qızlardan soruşur: “Azərbaycan ordusunun Xankəndinə girəcəyi sizi qorxutmur?”. Onların cavabı isə belə olur, “Yox, çünki Azərbaycan əsgərləri qadınlara, qocalara və uşaqlara toxunmurlar”.
Ən qədim zamanlardan ölkəmizin ərazisində dünyanın müxtəlif dini əqidələrinə sitayiş edən insanlar yaşamışdır. Lakin tarix boyu bu məmləkət də bir dəfə də olsun etnik müxtəliflik zəminində ayrı-seçkilik aktı baş verməmişdir. XIX əsrdə Azərbaycan maarifçiləri Şərq tarixində ilk dəfə olaraq islam ideologiyasının Avropa elm və texnologiyaları ilə birgə mövcudluğunun və harmoniyasının mümkün olduğunu və vacibliyini elan etmiş, islamda ən mübahisəli məqamlardan biri olan “cihad” fenomenini “insanın şəxsi cahilliyinə qarşı müharibə elan etməsi” kimi qiymətləndirmişlər. Daha ətraflı »

DÜŞÜNCƏLƏRİN MEMARI

Azərbaycanın günbəgün inkişafında, çiçəklənməsində, dünya xalqları arasında yüksək mövqe tutmasında qadınlarımızın xüsusi xidmətləri vardır. Müstəqillik əldə etdikdən sonra Azərbaycan qadınlarının fəallığı birə-beş artdı. Bacarıqlı və istedadlı xanımlarımız cəmiyyətimiz tərəfindən xüsusi rəğbətlə qarşılanır.
Hər birimiz həyatda tutduğumuz mövqeyə görə birinci növbədə müəllimlərimizə borcluyuq. Çünki onların əməyi danılmazdır, əvəzolunmazdır. Bu haqda dinimizin və tariximizin dəyərli şəxsləri hikmətli kəlamlar deyiblər. Ən qürurverici peşənin sahibləri şagirdlərinin uğurlarına öz nailiyyətlərindən daha çox sevinir, onların səsinin zirvələrdən gəlməsini arzulayırlar. Belə bir aforizm var: “Müəllim bir memar, ya mühəndisdir ki, insanların düşüncələrini, ağlını düzəldir”. Cəmiyyətə yararlı insanların yetişməsi məhz müəllimlərdən asılıdır. Müəllim elə bir insandır ki, səhv yolda olan şagirdi pislikdən çəkindirər, onu yüksək səviyyədə tərbiyə edər. Müəllim adı XIX əsrdə “molla”, XX əsrdə “mirzə”, XXI əsrdə artıq “müəllim” kimi formalaşmışdır. Nə qədər şərəfli peşədir müəllimlik!. Çünki fəhlənin, həkimin, nazirin, hətta müəllimin də müəllimi olur.
Müəllim və həkimlik peşəsində qadınların sayı daha çoxdur. Məhz cəmiyyətin savadlı və tərbiyəli olması məsuliyyəti müəllimlərin öhdəsinə, sağlam nəslin yetişməsi yükü isə həkimlərin çiyinlərinə düşür. Daha ətraflı »