Cari ildə digər kənd təsərrüfatı bitkiləri ilə yanaşı 20 hektar sahədə pambıq əkib becərmişik.
Fermer Elcin İbrahimov 2 hektar, mən isə 3 hektar sahədə pambıq əkmişəm. Becərmə, suvarma işlərində ailə üzvlərim, yaxın qohumlarım iştirak ediblər. Səpindən başlamış indiyədək pambıqçılıqda tələb olunan bütün aqrotexniki tədbirlər yüksək səviyyədə yerinə yetirildiyindən, tarlalarda yaxşı məhsul hasilə gəlib. İndi dümağ pambıq kolları göz oxşayır. Sahənin hər kvadratmetrindəki şaxlarda 80-100 qoza var. Bu da hər hektardan ən azı 35-40 sentner “ağ qızıl” deməkdir.
Məqsədim məhsulu pambıqyığan maşınla toplamaqdır. Buna görə bitkilərin yarpaqlarının tökülməsi üçün sahələrə dərman vurmuşuq. Yaxın günlərdə pambıqyığan maşını tarlaya çıxaracağıq. Məhsulun itkisiz toplanması üçün texnikanın sazlığı da təcrübəli mexanizatorlar tərəfindən yoxlanılıb. Bir sözlə, hər şey qaydasındadır. Çalışırıq ki, zəhmətlə becərdiyimiz məhsulu son qozasınadək toplayaq.

Vüqar MAHMUDOV,
Bayandurlu kəndində fermer

Əkinçiyə yaxşı gəlir gətirən kənd təsərrüfatı bitkilərindən biri də şəkər çuğundurudur. Ölkə Prezidenti İlham Əliyev qeyri-neft sektorunun inkişaf etdirilməsi məsələsini qarşıya qoyanda, taxılçılıqla yanaşı həm şəkər çuğunduru, həm də pambıqçılığın inkişafına xüsusi önəm verib. Bu il bizim İsmayılbəyli kəndində şəkər çuğunduru əkib-becərən fermerlərin sayı xeyli çoxalıb.
Mən özüm ailə üzvlərimlə yanaşı 1 hektar, qonşu fermer Elşad Məmmədov 2,5 hektar, Fəxrəddin Axundov isə 3 hektar sahədə şəkər çuğunduru becərib.
Artıq bir neçə gündür ki, sahələrdə çuğundur yığımını başa çatdırmışıq. Mən 1 hektardan 60 ton, Elşad 2,5 hektardan 160 ton, Fəxrəddin isə 3 hektar sahədən İmişli şəkər zavoduna 200 ton məhsul təhfil verdik. Onu da qeyd edim ki, zavod bizimlə bağladığı müqaviləyə əsasən, becərmə işlərində olduğu kimi, hazır məhsulun sahədən daşınmasında da bizlərə yaxından köməklik göstərdi. İmişli şəkər zavodunun xüsusi yük maşınları hazır məhsulu sahədən zavoda pulsuz daşıdı.

İlqar ƏSƏDOV,
İsmayılbəyli Bələdiyyəsinin sədri, fermer

Indi kəndlinin yaxşı qazanc gətirən mənbələrindən biri də günəbaxandır.
Bu il Xoruzlu kəndində əməkçilər 405 hektar sahədə günəbaxan becərmişdilər. Bu il orta hesabla hər hektardan 24-25 sentner məhsul götürülüb. Bu da kənddə olan 16 ədəd subartezian quyusunun 13 ədədi ilə günəbaxan sahələri suvarılmasının nəticəsidir.
Fermerlərdən Qəzənfər Nəcəfov, Kamil Əbdüləzimov, Fazil İsmayılov, Elnur Mehdiyev və Mayıl Aslanov əvvəlki illərdə olduğu kimi bu il də sahələrdən yaxşı məhsul götürdülər.
Bir də bu bitkinin yaxşı cəhəti odur ki, bazar axtarmaq lazım gəlmir. Kənddəki “Patron” “Rekord” və “Oskar” şirkətlərinə təhvil verib, heç bir maniə ilə rastlaşmadan pulunu alırlar. Bir sözlə, bu məhsulun alıcısı kənarda yox, kənddədi. Elə buna görə də həm bizim Xoruzlu kəndində, həm də qonşu kəndlərdə günəbaxan əkən insanların sayı ilbəil çoxalır. Bu il qonşu Kəbirli kəndinin əməkçiləri 360 hektar sahədə günəbaxan əkmişdilər.

Fazil Əbdüləzimov,
Xoruzlu kənd İƏD-i üzrə icra nümayəndəsi

Respublikamız dünyanın pambıqçılıq ölkələrindən biri hesab edilir. Azərbaycanda pambıqçılığın inkişaf etdirilməsi üçün zəngin ənənə və böyük potensial mövcuddur.
Azərbaycan Respublikasının Prezidenti cənab İlham Əliyevin bilavasitə təşəbbüsü və rəhbərliyi ilə son illər ölkəmizdə reallaşdırılan iqtisadi islahatlar, sahibkarlıq fəaliyyətinin təşviq edilməsi, onlar üçün münbit şəraitin yaradılması istiqamətində atılan addımlar, imzalanan fərman və sərəncamlar artıq öz bəhrəsini verməkdədir.
Tərtər rayonunda 2017-ci ildə 3123 hektar sahədə çiyid səpilib. Rayonda pambıq əkini və tədarükü ilə 2 məntəqə məşğul olur. “Qarabağ Regional” filialının Tərtər məntəqəsi və Tərtər Pambıq İstehsalı və Tədarükü Məntəqəsi.
“Qarabağ Regional” filialının Tərtər məntəqəsində 2017-ci ilin pambıq mövsümündə 125 nəfər daimi işçi çalışır. Pambıq qəbulunda və emalında isə əlavə olaraq 120 nəfər işçi cəlb olunub. Daha ətraflı »

Çoxdan unudulan sahəyə çevrilən pambıqçılığın yenidən inkişaf etdirilməsi, ölkə Prezidenti tərəfindən bu sahəyə ayrılan subsidiyalar, pambığın hər kiloqramının qiymətinin əvvəlki ilə nisbətən artırılması biz fermerlərin bu sahəyə olan marağını qat-qat yüksəldib.
Bu il kəndimizdə 36,5 hektar sahədə pambıq əkmişik. Onun 33 hektarını mən, 2 hektarını Vüqar Şirinov və 1,5 hektarını isə fermer Qəzənfər Hüseynov əkib.
Həmin sahələrin hamısında pambıqçılıqda tələb olunan aqrotexniki tədbirlər həyata keçirilib.
Əkinçilikdə suvarma xüsusi əhəmiyyət kəsb edir. Həmin sahələrin 33 hektarı “Xoruzlu yeri “deyilən sahədəki artezianla, 2 hektarını “Zolgörən” deyilən sahədəki artezianla, 1,5 hektarı isə 40 hektar deyilən sahədəki subartezianla suvarılıb. Həmişə çalışırıq ki, su itkisinə yol verməməklə artezianların gücündən səmərəli istifadə edək.
Pambıqçılıqda çoxillik təcrübəmizə arxalanaraq bol məhsul hasilə gəlməsinə nail olmuşuq. Daha ətraflı »

Ölkə Prezidenti İlham Əliyevin tapşırığına əsasən torpaq mülkiyyətçilərinin əkin sahələrini suvarma suyu ilə təmin etmək üçün Tərtər rayonunun 13 kəndində 16 ədəd subartezian quyusu vurulub. Həmin quyuların biri də bizim ərazidəki “Kəndin altı” deyilən yerdə qazılıb. Kənd sakinləri həmin artezianın suyundan istifadə etməklə kənd təsərrüfatı bitkiləri əkib becərir, yaxşı məhsul götürürlər.

Torpaq mülkiyyətçiləri Qüdrət Nəsirov, Mətləb İsmayılov və Mehman Baxışov ölkə başçısının qeyri neft sektorunu inkişaf etdirmək barədəki tapşırığına əməli işləri ilə cavab verirlər.
Qüdrət Nəsirov bu il adıçəkilən ərazidə 3 hektar sahədə yonca və bir hektarda arpa becərmişdi. Arpa sahəsindən hektarın məhsuldarlığı 35 sentner oldu. Yoncalıqlarda isə 4 dəfə biçin keçirilib, məhsuldarlıq yüksəkdir. Daha ətraflı »

Biz ata-babadan heyvandarlıqla məşğul olan insanlarıq. Ailəmizin qazancı daim bu sahədən çıxıb.Elə indiki kimi. Hal-hazırda 300 başdan çox xırdabuynuzlu qoyun-quzu və 15 baş ətlik cavan mal-qara bəsləyirik.

Heyvandarlıqdan yaxşı gəlir götürməyin əsas səbəbi bu sahəyə marağın olmasıdır. Müasir tipli tövlələrimiz var. Hər il ana qoyunlardan 70-90 baş quzu alırıq. Həm qoyun-quzular, həm də ətlik cavan mallar arasında xəstəliklərə qarşı profilaktiki tədbirləri vaxtaşırı yerinə yetirdiyimizə görə, heyvanlar arasında ölüm halları müşahidə olunmur. Mal-qaranın hamısı sağlam və gümrahdır.
Maldarlıqla məşğul olan daha bir fermer qonşu Ağkənddən olan Talıb Bayramovdur. Onun da mal-qara bəsləməkdə yaxşı səriştəsi var. Biz bir-birimizlə tez-tez görüşür, təcrübəmizi bölüşürük Talıb həyətində 20 baş ətlik cavan mal saxlayır. Onun 3 hektardan çox yonca sahəsi evinin yaxınlığındadır. Daha ətraflı »

Mən Kovdadıq kəndində yaşasam da, Bəyimsarov kəndindən 30 hektar torpaq sahəsi icarəyə götürüb pambıq əkmişəm. Artıq çoxdan gözlədiyimiz gün gəlib çatdı. Bir zaman cərgəaralarında becərmə işləri görən insanlar indi ağ önlük bağlayaraq pambıq toplanışına başlayıblar.
Sahəmizin yaxınlığında subartezian quyusu var. Bu il həmin artezianın köməyilə bitkiləri vaxtlı-vaxtında, keyfiyyətlə suvardığımıza görə tarlalarda bol “ağ qızıl” hasilə gəlib. Pambıqçı qızlarımızdan Sücayət, Əfsanə Hüseynovalar, Sevda Rəcəbova, Rəfiqə Quliyeva hər gün adama xeyli pambıq toplayırlar. Yığıma başladığmı ilk günlər məhsul toplanışına 7-8 nəfər çıxırdı. Onların sayı günbəgün artır.
Hamılıqla məqsədimiz gərgin zəhmət hesabına hasilə gətirdiyimiz məhsulu son qozasınadək itkisiz toplayıb qəbul məntəqəsinə təhvil verməkdir. Daha ətraflı »

RAYONUMUZDA ƏRZAQ MƏHSULLARININ İSTEHSALI, SATIŞI VƏ TƏDARÜKÜ ARTIR

Əvvəllər Azərbaycanda qeydə alınan sürətli inkişafda neft sektorunun rolu aparıcı olub. Son illər isə ölkənin ümumi iqtisadi artımında qeyri-neft sektoru önə çıxmaqdadır. Əgər I, II Regional İnkişaf Proqramları yerinə yetirilərkən diqqət əsasən bölgələrdə infrastruktur layihələrin icrasına yönəldilirdisə, indi iqtisadi şaxələndirmə, qeyri-neft sektorunun ümumi daxili məhsuldakı çəkisinin artırılması, yerlərdə yeni istehsal müəssisələrinin açılması, iş yerlərinin yaradılması Prezident İlham Əliyev tərəfindən qarşıya qoyulan mühüm vəzifələrdir.
Həmin vəzifələr III Regional İnkişaf Proqramı çərçivəsində rayonumuzda da uğurla icra edilməkdədir. Bu sahədə Tərtərdə bir sıra işlər görülür, böyük canlanma, ruh yüksəkliyi müşahidə olunur. Daha ətraflı »

Bizim nümayəndəlik Kəbirli və Bayandurlu kəndlərini əhatə edir. Rayonumuzun əksər təsərrüfatlarında olduğu kimi bu kəndlərin də əhalisi əkinçilik və maldarlıqla məşğul olur. Kəbirlidə təsərrüfatların sayı 225, Bayandurluda isə 119-dur.
Kəbirli kəndinin torpaq sahəsi 670 hektar, Bayandurluda isə 350 hektardır. Ərazimizdə 14 subartezian quyusu işləyir. 9-u Kəbirli kəndi ərazisindədir.
Kənd əməkçiləri bütün təsərrüfat sahələrini, o cümlədən əkinləri subartezianların suyu ilə suvarırlar.
Bu il Kəbirli kəndində 70 hektarda buğda, 15 hektarda arpa, 160 hektarda günəbaxan, 31 hektarda qarğıdalı, 20 hektarda tərəvəz, 130 hektarda yonca, 6 hektarda kartof əkib becərmişlər. Kənddəki fermer və ailə-fermer təsərrüfatlarının başcıları ölkə prezidenti cənab İlham Əliyevin qeyri neft sektorunu inkişaf etdirmək barədəki tapşırığına əməl edərək təsərrüfatın bütün sahələrində nəzərdə tutulandan xeyli çox məhsul götürmüşlər.
Elə sovet dönəmində də bizim camaat torpaqdan yaxşı məhsul götürürdü. İndi kəndliyə dövlət tərəfindən göstərilən dəs-tək, subsidiyaların ayrılması bu sahədə çalışanların işə olan həvəsini qat-qat artırıb. Daha ətraflı »