Təsərrüfatımız çoxsahəlidi. Torpaqdan səmərəli istifadə etməyə çalışan fermerlərimiz taxıl, pambıq əkir, malqara üçün yonca becərir, şəkər çuğunduru yetişdirirlər. Son illər şəkər çuğundurunun əkin sahələri genişləndirilir.
Mən özüm ailə üzvlərimlə birlikdə 18 hektar sahədə çuğundur becərirəm. Sahələrdə normal bitiş var.
Şəkər çuğunduru qiymətli ərzaq məhsulu olmaqla yanaşı onun becərilməsində, hazır məhsulu İmişlidəki şəkər çuğunduru zavoduna təhvil verib, pulunun alınmasında heç bir maneələrlə rastlaşmırıq. Bax, elə insanların bu sahəyə maraq göstərməsinin də başlıca səbəbi budur.
Indi çuğundur sahələrində becərmə işləri davam edir. Suvarma aparılır. Plantasiyalarda bol məhsul var

Tərlan Zeynalov,
Azadqaraqoyunlu

kəndində ailə fermer

təsərrüfatının başçısı

Ailə-fermer təsərrüfatının başçısı kimi pay torpağımdan başqa 12 hektar sahəni icarəyə götürmüşəm. Becərmə, suvarma işlərini vaxtında və normal qaydada keçirdiyim üçün hər mövsümdə bol taxıl, mal-qara üçün yonca tədarük edirəm. Əkin sahələrindən bol məhsul götürməyimizin bir səbəbi də Prezident İlham Əliyevin fermerlərə göstərdiyi qayğı, onlara subsidiyaların, güzəştli şərtlərlə mineral gübrələrin verilməsidir. Bu il 6 hektarda taxıl və bir o qədər də sahədə yonca becəririk. Taxıl sahələrində və yoncalıqlarda suvarma işləri müvəffəqiyyətlə davam etdirilir.
Cari ildə torpaqdan daha yüksək məhsuldarlıq gözləyirik. Çünki ötən payız taxıl səpini qurtaran kimi yağan yağışlar bitişin keyfiyyətini daha da yaxşılaşdırdı.
Taxıl və yonca sahələrində ziyanvericilərə qarşı dərmanlama işlərini də başa çatdırmışıq.
Əkinçiliklə yanaşı maldarlıq və qoyunçuluqla da məşğul oluruq. Həyətimizdə iribuynuzlu mal-qara və xeyli sayda qoyun-quzu bəsləyirik.
İşlərimizin gedişi deməyə əsas verir ki, bu il bütün sahələrdə məhsuldarlıq ötən ildəkindən çox olacaqdır.

Yunis Alışanov,
Dəmirçilər kəndində ailə-fermer
təsərrüfatının başçısı.

ONUN ƏKİNİNƏ QİQQƏT ARTIRILIR

Sovetlər dönəmində pambıqçılıq sahəsində Tərtər rayonunun adı həmişə qabaqcıllar sırasında çəkilərdi. Elə o zamanlar–1970-1980-ci illərdə Ulu Öndər Heydər Əliyevin Tərtərə səfərləri, əmək adamları ilə görüşləri insanların daim ruh yüksəkliyinə səbəb olardı.
Müstəqilliyimizin ilk illərində bu sahə bir qədər unudulmuşdu. Hazırda pambıqçılığın inkişafına diqqət və qayğı xeyli artıb.
Rayon statistika idarəsinin məlumatına əsasən, ötən il rayonumuzun ailə-kəndli və ev təsərrüfatları üzrə 550 hektar sahədə pambıq əkilmişdi. Həmin sahələrdən qəbul məntəqəsinə 893 ton məhsul təhvil verildi. Bu, hər hektardan 16,2 sentner məhsul deməkdi. Pambıqçılığı inkişaf etdirmək və bu sahədə çalışan insanların işə marağını artırmaq məqsədilə ölkə Prezidenti İlham Əliyev pambıq becərənlərə mineral gübrələrin, mühərrik yağlarının güzəştli şərtlərlə verilməsini, onların hektara 50 manat hesabı ilə subsidiyalarla təmin olunmasını nəzərdə tutan sərəncam imzalayıb. Daha ətraflı »

Hazırda ölkəmizin qarşısında duran başlıca vəzifələrdən biri qeyri neft sektorunun, o cümlədən aqrar sahənin sürətli inkişafıdır. Məlum olduğu kimi, kənd əməkçilərinin yetişdirdikləri məhsulun taleyi həm də melioratorların işindən asılıdır.
Cari ildə rayonumuzda 7922 hektar sahədə taxıl, 4281 hektarda arpa, bundan başqa bostan-tərəvəz məhsulları, şəkər çuğunduru, qarğıdalı, günəbaxan, yem bitkiləri əkilmişdir. 2000 hektar sahədə isə pambıq becərilməsi nəzərdə tutulub. Məlumdur ki, rayonun yeganə təbii su mənbəyi Tərtər çayıdır. Onun üzərində tikilmiş Sərsəng Su Anbarı işğal altındadır. Buna görə də kənd təsərrüfatı bitkilərinin suvarılmasında və əhalinin kommunal-məişət ehti-yaclarının ödənilməsində əsas ağırlıq subartezian quyularının üzərinə düşür.
İdarəmizin balansında 474 subartezian quyusu vardır və bunlardan 467-i işlək vəziyyətdədir. Bu quyuların 14 ədədi cari ilin birinci rübündə balansa götürülmüşdür. Həmçinin cari ildə 7 ədəd yeni subartezian quyusunun qazılması və 3 ədəd quyu lüləsinin vurulması nəzərdə tutulmuşdur. Rüb ərzində 17 milyon 042 min kubmetr su çıxarılmış və bunun üçün 6 milyon 710310 kvt/saat enerji sərf edilmişdir. Cari və əsaslı təmir işlərinin yerinə yetirilməsi təmin olunmuşdur. Rüb ərzində 9 ədəd yeni nasos salınmış və 22 ədəd yeni idarəetmə şiti quraşdırılmışdır. Daha ətraflı »

Etibarlı ərzaq təminatı hər bir ölkənin iqtisadi sabitliyinin və sosial dayanıqlığının başlıca şərtidir. Ona görə də cəmiyyətin hər bir üzvünün ərzaq məhsullarına olan təlabatının tam ödənilməsi üçün davamlı olaraq müvafiq tədbirlərin həyata keçirilməsi çox vacibdir. Ümummilli lider Heydər Əliyevin və onun layiqli davamçısı, Azərbaycan Respublikasının Prezidenti İlham Əliyevin apardıqları düzgün siyasət nəticəsində ölkəmizdə kənd təsərrüfatı məhsulları istehsalında dinamik artım yaranmışdır.
Təkcə ötən il Azərbaycanda bu sahədə artım 6,6 faizə çatmışdır. Xüsusilə taxılçılıqda məhsuldarlıq yüksəlib. Lakin bununla belə ölkəmizdə istehsal edilən taxıl respublika əhalisinin 64 faizini təmin edir. Məhz buna görə də ölkənin taxılla təminatının idxalından asılılığının aradan qaldırılması ölkə başçısı tərəfindən ciddi məsələ kimi qarşıya qoyulmuşdur.
Kənd təsərrüfatının prioritet sahələrindən olan taxılçılığın inkişaf etdirilməsi üçün üç əsas amil vardır. Bunlar yüksək məhsuldar, xəstəliklərə davamlı və texnoloji keyfiyyətlərə malik sortların yetişdirilməsi, intensiv becərmə texnologiyasının tətbiqi və keyfiyyətli toxumdan istifadə olunmasıdır. Daha ətraflı »

Dünya təcrübəsi göstərir ki, hər hansı əkinçilik sistemi, ən yüksək perspektivli kənd təsərrüfatı şəraiti olursa olsun, yaxşı təşkil olunmuş bitki-mühafizə sistemi olmadan yüksək məhsul götürülməsinə zəmanət vermək qeyri-mümkündür.
Hal-hazırda bütün dünyada bitkiçilik sahəsində əsas yeri kimyəvi mübarizə üsulu tutur. Hansı ki, onun köməyi ilə əsas məhsul itkisi aradan qaldırılır.
Azərbaycan Respublikasının Prezidenti İlham Əliyevin dəfələrlə qeyd etdiyi kimi, aqrar sahənin inkişafı ölkədə ərzaq bolluğunun əsas və başlıca məsələsidir. Elə buna görə də biz də bütün bunları nəzərə alaraq kənd təsərrüfatı bitkilərinin xəstəlik və zərərvericilərdən, alaq otlarından qorunması üçün aqrotexniki, fiziki-mexaniki, ekoloji, kimyəvi və karantin tədbirlərinin ardıcıl aparılmasına çalışırıq.
Bildiyimiz kimi, kənd təsərrüfatı bitkilərinə ziyan vuran zərərvericilər siçanabənzər gəmiricilərdir. Rayonumuzun ermənilərlə 48 kilometr cəbhə boyu təmas xətti olduğuna görə bu ziyanvericilər becərilməyən torpaqlarda çoxalaraq bizim təsərrüfatda becərilən bitkilərə ciddi ziyan vurur. Daha ətraflı »

2015-ci ildə Tərtər rayonunda iqtisadiyyatın əsas sahələri üzrə istehsal olunmuş məhsul və xidmətlərin ümumi həcmi 2014-cü ilə nisbətən 15,1 faiz artaraq 125,8 milyon manat olmuş, onun adam-başına düşən həcmi 11591,3 manat təşkil etmişdir. Son beş ildə rayonda əhalinin adambaşına düşən məhsul buraxılışı 35,8 faiz və ya 419,5 manat artmışdır.
Məhsul və xidmətlərin 63,7 faizi istehsal sahələrinin, 36,3 faizi xidmət sahələrinin payına düşmüşdür.
2015-ci ildə 48,1 milyon manatlıq və ya ümumi məhsulun 38,3 faizi qədər kənd təsərrüfatı sahəsində, 42,3 milyon manatlıq (33.6%) ticarət və xidmət sahəsində, 26,4 milyon manatlıq (21%) tikinti-quraşdırma işləri yerinə yetirilmiş, 5,6 milyon manatlıq (4,4 %) sənayedə, 2,8 milyon manatlıq (2,2%) nəqliyyat və anbar təsərrüfatı sahəsində, 0,6 milyon manatlıq (0,5%) informasiya və rabitə sahələrində məhsul və xidmətlər istehsal olunmuşdur.
2015-ci ildə rayonda əhalinin gəlirləri 2014-cü ilə nisbətən 0,2 % faiz artaraq 191 milyon manata çatmışdır. Son beş ildə rayonda əhalinin adambaşına düşən gəlirləri 6,6 faiz və ya 149,5 manat artmışdır.

Tərtər Rayon Statistika İdarəsi

 DAİM DƏSTƏKLƏYİRİK

Azərbaycan Respublikasının Prezidenti İlham Əliyev dəfələrlə qeyd edib ki, başda özüm olmaqla hər bir dövlət məmuru xalqın xidmətçisidir. Ona görə də bir sıra dövlət məmurlarının sadə vətəndaşlara yuxarıdan aşağıya baxması yolverilməz bir haldır.
Prezidentimizin biz sadə əmək adamlarının qayğısına qalmasını ölkədə hamı ürəkdən alqışlayır, onu sevir, daim onunla birgə olmağımızdan qürur duyuruq. Çünki hər bir sahədə çalışan insan, istər əkinçi olsun, istər maldar, istərsə də başqa peşə sahibi, düşünür ki, onun əməyinə qiymət verən, arxasında duran ölkə başçısı var. İndi insanları var qüvvə ilə işləməyə, torpağı sevməyə, ondan bol məhsul götürməyə ruhlandıran da budur.
Mən özüm çoxdan təsərrüfatla məşğul olan adamam. Uzun müddət pambıqçılıq briqadiri işləmişəm. Həmişə də briqa-damızın adı qabaqcıllar sırasında çəkilib. Daha ətraflı »

Seydimli kəndinin sakinləri hələ sovet dönəmindən təsərrüfata fərqli münasibətləri ilə seçiliblər. O illərdə ənənəvi pambıqçılıqla yanaşı əhali həm də fərdi qaydada həyətyanı sahələrdə meyvə, tərəvəz, çiyələk becərilməsinə maraq göstərirdi. Bu fərqlilik indi də seydimlilərin həyatında müşahidə olunur.
Hazırda burada bağçılığın inkişafına daha çox diqqət yetirilir. Bu iş elə qurulub ki, yetişdirilən meyvənin bazarı olsun. Ən iri bağ sahibkarları Nəsib Vəliyev (15 hektar), Ələkbər Abdullayev (4,8 hektar ) və Vahid Musayevdir ( 3 hektar).
Onlar yetişdirdikləri xurma, ərik və digər meyvələri əsasən Rusiyaya ixrac edirlər. Seydimli kənd İƏD üzrə icra nü-mayəndəsi Güloğlan Kərimovun dediyinə görə, bu il xurma bağlarında məhsul bol olub və onun satışı yaxşı təşkil edilib. Daha ətraflı »

Ölkə Prezidenti möhtərəm İlham Əliyevin sahibkarlara, fermerlərə, eləcə də ailə fermer təsərrüfatlarının üzvlərinə köməklik göstərməsi bizləri daha yaxşı işləməyə, Prezidentimizin ətrafında sıx birləşməyə şövq edir.
Mən özüm Ağdam köçkünüyəm. Xeyli vaxdır ki, Hüsənli kəndində dövlət torpağını icarəyə götürüb taxıl əkib becərirəm. Otən il 8 hektara taxıl səpmişdik. Becərmə, suvarma işlərini vaxtında aqrotexniki qaydalar əsasında apardığımız üçün hektarın məhsuldarlığı nəzərdə tutulandan çox oldu. Hər hektardan 35 sentner taxıl götürdük. Cari ilin bol məhsulu üçün taxıl sahələrini 2 hektar da artıraraq 10 hektara çatdırmışıq. Daha ətraflı »