Möhtərəm  Prezidentimiz cənab   İlham Əliyevin “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirədə çıxışı ölkəmizin rəqəmsal transformasiya prosesində yeni mərhələnin başlandığını nümayiş etdirdi. Dövlət başçısının bu istiqamətdə irəli sürdüyü strateji yanaşma Azərbaycanın müasir çağırışlara adekvat cavab vermək, idarəetməni daha çevik və şəffaf etmək, iqtisadiyyatı şaxələndirmək və vətəndaş məmnunluğunu artırmaq məqsədlərinə xidmət edir.

Cənab Prezident çıxışında vurğuladı ki, rəqəmsallaşma artıq seçim deyil, zərurətdir. Müasir dünyada rəqabət qabiliyyətli iqtisadiyyat qurmaq üçün informasiya texnologiyalarının tətbiqi, süni intellektin, böyük verilənlər bazasının və rəqəmsal platformaların geniş istifadəsi əsas şərtlərdən biridir. Bu baxımdan “Azərbaycanın yeni rəqəmsal arxitekturası” vahid fəaliyyət planı dövlət idarəçiliyində, iqtisadiyyatda və sosial sahədə rəqəmsal inteqrasiyanı təmin edən kompleks sənəd kimi qiymətləndirilir. Prezident vurğuladı ki, bütün dövlət qurumları bu plana uyğun fəaliyyət göstərməli, məlumat bazaları arasında inteqrasiya təmin edilməli və paralel sistemlər aradan qaldırılmalıdır.

Dövlət başçısı qeyd etdi ki, rəqəmsal həllər korrupsiya risklərini minimuma endirir, insan amilini azaldır və xidmət keyfiyyətini artırır. Bu isə vətəndaş məmnunluğunu yüksəldir və dövlətə inamı daha da möhkəmləndirir.

Cənab Prezident çıxışında rəqəmsal iqtisadiyyatın inkişafının qeyri-neft sektorunun genişlənməsində mühüm rol oynadığını vurğuladı. Xüsusilə rəqəmsal sahibkarlığın təşviqi, elektron ticarətin genişləndirilməsi və rəqəmsal ödəniş sistemlərinin inkişafı iqtisadi dövriyyənin şəffaflaşmasına və genişlənməsinə xidmət edir.

Prezident çıxışında süni intellekt texnologiyalarının tətbiqinə də toxundu. O qeyd etdi ki, süni intellekt dövlət idarəçiliyində qərar qəbuletmə prosesini sürətləndirə və optimallaşdıra bilər. Eyni zamanda, səhiyyə, təhsil, nəqliyyat və kənd təsərrüfatı kimi sahələrdə rəqəmsal həllərin tətbiqi məhsuldarlığın artmasına səbəb olacaq.

Dövlət başçısı bildirdi ki, Azərbaycan gələcəyin texnologiyalarını yalnız istehlak edən deyil, həm də yaradan ölkələr sırasında olmalıdır. Bu məqsədlə yerli kadr potensialının gücləndirilməsi və beynəlxalq əməkdaşlığın genişləndirilməsi vacibdir.

Yeni rəqəmsal arxitektura Azərbaycanın gələcəyini daha dayanıqlı, innovativ və güclü dövlət kimi formalaşdırmağa xidmət edəcək.

Eldar Əsədov,

YAP Tərtər rayon təşkilatının sədri

Azərbaycan Prezidenti İlham Əliyevin ABŞ-ın Vitse-prezidenti Cey. Di. Vensin Azərbaycana səfəri zamanı mətbuata bəyanat verib.

Daha ətraflı »

Prezident İlham Əliyevin 4 fevral 2026-cı ildə Əbu-Dabidə “Zayed İnsan Qardaşlığı Mükafatı”nın təqdimolunma mərasimində çıxış edib. Ölkə başçısı çıxışında bildirib ki, ilk növbədə, bu mükafata görə münsiflər heyətinə dərin minnətdarlığımı bildirmək istəyirəm. Birləşmiş Ərəb Əmirliklərinin banisi, mərhum Şeyx Zayedin adını daşıyan bu mükafata layiq görülmək mənim üçün böyük şərəfdir. O, elə bir böyük lider idi ki, onun uzaqgörənliyi və fəaliyyəti BƏƏ-ni dünyanın ən firavan və ən uğurlu ölkələrindən birinə çevirmişdir. Şeyx Məhəmməd atasının inkişaf, tərəqqi və davamlı müasirləşmə siyasətini davam etdirir.

Bu gün Birləşmiş Ərəb Əmirlikləri tarixi köklərinə möhkəm bağlı qalmaqla yanaşı, gələcəyə də inamla baxan, sülh və ahəngdar şəraitdə yaşayan bir cəmiyyətin necə qurulması baxımından həqiqətən də bir çox ölkələr üçün nümunədir.

Dinlərarası dialoqun inkişafına verdikləri töhfəyə, həmçinin sivilizasiyaların bir-birinə daha da yaxınlaşması istiqamətində göstərdikləri səylərə görə Əl-Əzhərin böyük imamı, doktor Əhməd Əl-Tayyibə və Roma Papası, Zati-müqəddəsləri Leoya dərin minnətdarlığımı bildirmək istəyirəm. Mərasimə ünvanladıqları xoş müraciətlərində bir daha Azərbaycan və Ermənistan arasında sülhün əhəmiyyətini vurğulayan bütün həmkarlarıma da minnətdarlığımı bildirirəm. Biz 30 ildən artıq müddətdə müharibə şəraitində olmuşuq. İndi isə artıq altı aydır ki, sülh şəraitində yaşayırıq. Daha ətraflı »

Müasir Azərbaycan dövlətinin qurucusu, Ümummilli Lider Heydər Əliyev hələ 90-cı illərin çətin şəraitində gəncliyə “Milli Sərvətimiz” kimi müraciət edərək, bu bayramı bizə əmanət etdi. Ulu Öndər yaxşı bilirdi ki, müstəqilliyi qorumaq onu qazanmaqdan daha çətindir və bu məsuliyyətli iş yalnız vətənpərvər, bilikli və sarsılmaz gəncliyin çiyinlərində yüksələ bilər. Bu gün biz bu salonda toplaşarkən, sadəcə bir təqvimi qeyd etmirik; biz dövlətimizin sarsılmaz gələcəyini, gəncliyimizin gücünü və birliyimizi bayram edirik!

Azərbaycanda Gənclər Gününün təsis edilməsi xalqımızın Ümummilli Lideri Heydər Əliyevin adı ilə bağlıdır. 1996-cı ildə keçirilən Azərbaycan Gənclərinin I Forumundan sonra, 1997-ci ildə imzalanan müvafiq Fərmanla 2 fevral Azərbaycanda Gənclər Günü elan edilmişdir. Bu, MDB məkanında və Şərqi Avropada gənclərə verilən ən yüksək dövlət dəyərinin ilk nümunəsidir.

Azərbaycanda gənclər siyasəti sadəcə bir fəaliyyət sahəsi deyil, dövlətçiliyimizin qorunması və gələcəyimizin təminatı strategiyasıdır. Bu strategiyanın təməli Ümummilli Lider Heydər Əliyev tərəfindən qoyulmuşdur. 1994-cü ildə Gənclər və İdman Nazirliyinin yaradılması, 1996-cı ildə müstəqil Azərbaycan gənclərinin ilk forumunun keçirilməsi gənclərin vahid bir qüvvə kimi formalaşmasına təkan verdi. Ulu Öndərin 2 fevralı “Gənclər Günü” elan etməsi gəncliyə verilən ən böyük mənəvi töhfə idi.

Bu gün bu siyasət Prezident İlham Əliyev tərəfindən keyfiyyətcə yeni mərhələyə yüksəldilib. “Azərbaycan gəncliyi” Dövlət Proqramları, gənclərin xaricdə təhsili üzrə xüsusi proqramlar və Gənclər Fondunun fəaliyyəti gənclərimizin qlobal rəqabətə davamlı bir nəsil kimi yetişməsini təmin etmişdir. Biz bu gün fəxrlə deyə bilərik ki, müasir Azərbaycan gəncliyi həm texnoloji biliklərə malikdir, həm də öz milli köklərinə dərindən bağlıdır

Müasir Azərbaycanın inkişaf modelində gənclərin yaradıcı potensialından geniş istifadə olunur. Ölkə Prezidenti cənab İlham Əliyevin rəhbərliyi ilə həyata keçirilən “Azərbaycan gəncliyi 2011–2015-ci illərdə” və sonrakı dövrləri əhatə edən Dövlət proqramları gənclərin fəaliyyət imkanlarını genişləndirmişdir.

Azərbaycan bu gün Prezident İlham Əliyevin rəhbərliyi ilə öz tarixinin ən qüdrətli dövrünü yaşayır. Ölkəmiz artıq yalnız regionun lideri deyil, həm də qlobal enerji təhlükəsizliyinin qarantı və beynəlxalq nəqliyyat qovşaqlarının mərkəzidir.

Azərbaycan gəncləri üçün ən həlledici sınaqlardan biri də 2020-ci il sentyabrın 27-də başlayan və noyabrın 10-dək davam edən Vətən müharibəsi oldu. Rəşadətli Azərbaycan Ordusunun sıralarında Vətən uğrunda mətanətlə vuruşan qəhrəman gənclərimiz adlarını xalqımızın ən yeni tarixinə qızıl hərflərlə yazdılar. Məhz onların rəşadəti sayəsində qazanılan bu Şanlı Zəfər sayəsində Azərbaycan ərazi bütövlüyünü bərpa etdi, xalqımız otuz illik həsrətdən sonra tarixi torpaqlarına qovuşdu. Sevindirici haldır ki, gənclərimiz Vətən uğrunda döyüşlərlə yanaşı, arxa cəbhədə də yüksək fəallıq göstərib, ölkəmizlə bağlı həqiqətlərin, işğalçı Ermənistanın əzəli torpaqlarımızda törətdikləri vandallıq aktlarının beynəlxalq ictimaiyyətin diqqətinə çatdırılmasında fəal iştirak ediblər.

Müasir Azərbaycan gənci süni intellekt, rəqəmsal iqtisadiyyat və innovativ texnologiyalar dövrünün lideridir. Ölkə başçısının qeyd etdiyi kimi, bizim gənclərimiz həm milli dəyərlərə sadiqdir, həm də dünya elminə açıqdırlar. Bu vəhdət Azərbaycanın gələcək onilliklərdəki inkişafının əsas təminatıdır.

Eldar Əsədov,

YAP Tərtər rayon təşkilatının sədri

1996-cı il fevralın 2-də keçirilən Azərbaycan Gənclərinin I Forumunda Ulu Öndər Heydər Əliyev gənclər qarşısında tarixi bir vəzifə qoymuşdur: “Hər bir Azərbaycan gənci hər şeydən çox, hər şeydən artıq müstəqil Azərbaycanın bu günü, gələcəyi haqqında düşünməlidir”.

Ulu Öndər Heydər Əliyevin gənclər siyasəti.“Bizim xalqımızın gələcəyi gənclərdir. Gənclər isə gərək həm fiziki cəhətdən sağlam olsunlar, həm də yüksək şüura, yüksək biliyə, yüksək əxlaqa, yüksək tərbiyəyə, yüksək elmə malik olsunlar. Bunlar hamısı bir-birinə sıx bağlıdır.”

Ulu Öndər Heydər Əliyev (8 dekabr 2002-ci il)

Ulu Öndər tərəfindən hələ 1 fevral 1997-ci il tarixində imzalanmış Sərəncama (https://e-qanun.az/framework/53392) əsasən fevralın 2-si Azərbaycan Gəncləri Günü elan edilib. Həmin vaxtdan etibarən bu gün MDB məkanında və Şərqi Avropa ölkələri arasında ilk dəfə olaraq Azərbaycanda Gənclər Günü təntənəli şəkildə qeyd edilməyə başlanıb; Daha ətraflı »

Möhtərəm Prezidentimiz  İlham Əliyev cənabları 20 Yanvar 2026-cı il tarixində İsveçrənin Davos şəhərində keçirilən Dünya İqtisadi Forumu çərçivəsində “Euronews” televiziya kanalına verdiyi müsahibədə qeyd olunur ki, Azərbaycanın müasir dövrdə beynəlxalq siyasətdə tutduğu mövqeyin, qlobal proseslərə baxışının və strateji prioritetlərinin beynəlxalq ictimaiyyətə çatdırılması baxımından xüsusi əhəmiyyət daşıyır. Simvolik olaraq 20 Yanvar tarixində baş tutan bu müsahibə, həm də Azərbaycan xalqının müstəqillik və suverenlik uğrunda apardığı mübarizənin mahiyyətinin dünyaya bir daha xatırladılması kimi dəyərləndirilə bilər.

Müsahibə zamanı Prezident İlham Əliyev cənabları qlobal siyasi və iqtisadi proseslərin hazırkı mərhələdə ciddi dəyişikliklərə məruz qaldığını vurğulayaraq bildirmişdir ki, beynəlxalq münasibətlər yeni bir mərhələyə qədəm qoyur. Bu mərhələdə əvvəlki dövrlərdə əsas götürülən qaydalar və beynəlxalq hüquq mexanizmləri bir çox hallarda effektivliyini itirir, güc faktoru və milli maraqlar daha ön plana çıxır. Dövlət başçımiz qeyd etmişdir ki, belə bir şəraitdə hər bir ölkə öz daxili potensialına, iqtisadi imkanlarına və milli Daha ətraflı »

Bölgənin digər ölkələri-uzun illər Gürcüstan, indi isə artıq Ermənistan enerji ehtiyatlarını Azərbaycandan idxal edir. Avropa və Avropa İttifaqı ilə isə enerji əməkdaşlığımız artmaqdadır. Artıq 16 ölkəyə təbii qaz ixrac edirik və onların 10-u Avropa İttifaqının üzvüdür. Boru kəməri qazı ilə coğrafi əhatəsinə görə Azərbaycan dünyada birinci yerdədir.Azərbaycan təbii resurslara, nəqliyyat sisteminə və müasir boru kəmərlərinə malikik. Bir çox Avropa ölkəsi ilə yaxşı münasibətlərimiz var və bu, onlar üçün öz enerji təhlükəsizliyini gücləndirmək imkanıdır. Azərbaycan üçün isə bu, premium bazarda ehtiyatlarımızı satmaq fürsətidir. Baxmayaraq ki, qazı təkcə Avropaya satmırıq, bu yaxınlarda Suriyaya da ixrac etməyə başlamışıq. Ancaq qiymət baxımından ən yaxşı bazar, əlbəttə ki, Avropa bazarıdır.

Beynəlxalq hüquq normaları dünya ictimaiyyətinin bütün üzvləri üçün artıq mütləq görünmür.Buna görə strateji məqsədimiz milli maraqlar əsasında nəticələri əldə etməkdən ibarət idi və beynəlxalq hüquqa tam riayət edərək düzgün hesab etdiyimizi həyata keçirmək idi. Gördüyümüz hər bir iş – istər siyasi inkişaf, istərsə də suverenliyimizin və ərazi bütövlüyümüzün bərpası beynəlxalq hüquqa və Daha ətraflı »

1990-cı il yanvar faciəsinə aparan yol azərbaycanlıların Ermənistandakı tarixi torpaqlarından növbəti kütləvi deportasiyasının, Dağlıq Qarabağın Ermənistana birləşdirilməsi cəhdlərinin geniş vüsət aldığı 1987-ci ildən başlayıb. Artan xətt üzrə davam edən gərginliyin qarşısını almaq əvəzinə, Sovet rəhbərliyi Azərbaycan xalqına qarşı dəhşətli cinayət törədib.

Azərbaycana göndərilən ordu hissələrinin tərkibinə Stavropoldan, Rostovdan, Krasnodardan səfərbər edilmiş erməni zabit və əsgərləri, hərbi məktəblərdə təhsil alan erməni kursantları da cəlb edilmişdi. 1990-cı il yanvarın ortalarında SSRİ Müdafiə və Daxili İşlər nazirliklərinin, habelə başqa xüsusi təyinatlı hərbi birləşmələrin 66 min nəfərdən çox əsgər və zabiti Bakı şəhərinə gətirilərək, Qala və “Nasoslu” aerodromlarında, Respublika stadionunda, Salyan kazarmasında yerləşdirilmişdir.

1990-cı il yanvarın 19-dan 20-nə keçən gecə birbaşa Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridildi, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirildi. Daha ətraflı »

Hesabat yığıncağında Tərtər Rayon İcra Hakimiyyətinin başçısı Müstəqim Məmmədov, Azərbaycan Respublikası Prezidentinin Administrasiyasının  Ərazi-təşkilat məsələləri şöbəsinin Regionların sosial-iqtisadi inkişafının təhlili sektorunun müdiri Müşfiq Osmanov, hüquq mühafizə orqanlarının rəhbərləri, RİH Başçısı yanında Şuranın üzvləri,  şəhid ailələri, qazilər, idarə, müəssisə, təşkilat rəhbərləri, inzibati ərazi dairələri üzrə nümayəndələr və bələdiyyə sədrləri iştirak ediblər.

Tədbir iştirakçıları əvvəlcə Ümummilli Lider Heydər Əliyevin Mərkəzi Meydanda ucaldılmış abidəsini ziyarət edib, önünə gül dəstələri düzərək xatirəsini ehtiramla anıblar.

Sonra tədbir rayon Mədəniyyət Mərkəzində davam etdirilib. Tədbir iştirakçıları öncə mərkəzin foyesində  rayonda istehsal edilən məhsulların sərgisinə baxıblar.

Yığıncaqda Tərtər Rayon İcra Hakimiyyətinin başçısı Müstəqim Məmmədov hesabat məruzəsi ilə çıxış edib. Rayon rəhbəri 2026-cı ilin tərtərlilər üçün yaddaqalan tarixi hadisə ilə başladığını, yanvar ayının 13-də Azərbaycan Respublikasının Prezidenti cənab İlham Əliyevin 48 il öncə Ümummilli Liderin açılışını etdiyi Tərtər Eletromexanika zavodunda aparılan geniş yenidənqurma işlərindən sonra zavodun açılışını etdiyini bildirmiş, dövlət başçısının rayonda yerləşən hərbi təyinatlı sənaye obyektinə göstərdiyi bu diqqət və qayğının rayon ictimaiyyətinin əhval ruhiyyəsini daha da yüksəltdiyini, insanlarda sabaha  inamı, görülən işlərə güvəni və yeni inkişaf mərhələsinə keçid əzmini daha gücləndirdiyini qeyd etmişdir. Daha ətraflı »

Azərbaycan xalqının müasir tarixində 20 Yanvar faciəsi xüsusi yer tutur. 1990-cı ilin 20 yanvar gecəsi sovet imperiyasının totalitar rejimi tərəfindən Bakıda və ölkənin bir sıra bölgələrində dinc əhaliyə qarşı həyata keçirilən hərbi müdaxilə nəticəsində yüzlərlə günahsız insan qətlə yetirilmiş, minlərlə insan yaralanmışdır. Bu qanlı hadisə Azərbaycan xalqının azadlıq və müstəqillik arzularını boğmaq məqsədi daşısa da, əksinə, milli iradəni daha da gücləndirmiş, müstəqillik yolunda dönüş nöqtəsinə çevrilmişdir.

1980-ci illərin sonlarında SSRİ-də gedən siyasi böhran, mərkəzi hakimiyyətin zəifləməsi və Azərbaycan xalqının artan milli azadlıq tələbləri Moskvanı ciddi narahat edirdi. 1990-cı ilin yanvarında bu tələblərin qarşısını almaq məqsədilə Sovet Ordusunun böyük hərbi kontingenti Bakıya yeridildi. Fövqəladə vəziyyət elan olunmadan həyata keçirilən bu əməliyyat nəticəsində qadınlar, uşaqlar, yaşlı insanlar və gənclər amansızcasına qətlə yetirildi.

Tanklar və zirehli texnika dinc sakinlərin üzərinə sürüldü, küçələrdə atəş açıldı, təcili tibbi yardım maşınları belə hədəfə alındı. Rəsmi məlumatlara görə, 20 Yanvar faciəsi nəticəsində 130-dan çox insan şəhid olmuş, 700-dən artıq şəxs yaralanmış, yüzlərlə insan qanunsuz olaraq həbs edilmişdir

20 Yanvar faciəsi Azərbaycan xalqının yaddaşında yalnız bir faciə deyil, eyni zamanda milli şüurun oyanışı, azadlıq iradəsinin təzahürü kimi həkk olunmuşdur. Sovet rejiminin zorakılığı xalqın mübarizə əzmini sındıra bilmədi. Əksinə, bu qanlı hadisə Azərbaycan xalqını daha da birləşdirdi və müstəqillik uğrunda mübarizəni sürətləndirdi.

1991-ci ildə Azərbaycanın dövlət müstəqilliyinin bərpa olunmasında 20 Yanvar şəhidlərinin qanı ilə yazılan tarix mühüm rol oynadı. Onlar azadlıq ideyasını canları bahasına qoruyaraq gələcək nəsillərə örnək oldular.

20 Yanvar hadisələrinə ilk dəfə düzgün siyasi qiymət Ümummilli Lider Heydər Əliyev tərəfindən verilmişdir. O, faciədən dərhal sonra – 1990-cı il yanvarın 21-də Moskvada Azərbaycanın daimi nümayəndəliyində çıxış edərək bu qanlı əməliyyatı açıq şəkildə pisləmiş, onu insanlığa qarşı cinayət adlandırmışdır. Sonralar Ulu Öndərin təşəbbüsü ilə 20 Yanvar faciəsinə dövlət səviyyəsində siyasi-hüquqi qiymət verilmişdir.

Bu gün  Möhtərəm Prezidentimiz  İlham Əliyevin rəhbərliyi ilə 20 Yanvar şəhidlərinin xatirəsi daim uca tutulur, onların ailələrinə dövlət qayğısı göstərilir, şəhidlik anlayışı Azərbaycan cəmiyyətində ən ali dəyər kimi qorunur.

Hər il yanvarın 20-də Azərbaycan xalqı Şəhidlər xiyabanını ziyarət edir, 20 Yanvar şəhidlərinin məzarları üzərinə qərənfillər düzür, onların əziz xatirəsini dərin ehtiramla yad edir. Bu gün gənc nəsil üçün də vətənpərvərlik, mübarizə və fədakarlıq dərsi kimi mühüm əhəmiyyət daşıyır.

20 Yanvar şəhidləri öz canları ilə sübut etdilər ki, Azərbaycan xalqı azadlıq və müstəqillik yolundan heç vaxt dönməyəcək. Onların xatirəsi qəlbimizdə əbədi yaşayacaq, göstərdikləri qəhrəmanlıq gələcək nəsillərə örnək olacaqdır.

20 Yanvar faciəsinin 36-cı ildönümündə biz şəhidlərimizin ruhu qarşısında baş əyir, onların müqəddəs xatirəsini dərin hörmət və ehtiramla anırıq. Bu tarix bizə bir daha xatırladır ki, müstəqillik asan qazanılmayıb və onu qorumaq hər bir Azərbaycan vətəndaşının müqəddəs borcudur.

Eldar Əsədov,

YAP Tərtər rayon təşkilatının sədri