Prezident İlham Əliyev cari ilin 22 aprel tarixində Moskvada Rusiya Federasiyasının Prezidenti Vladimir Putin ilə təkbətək, həmçinin Baykal-Amur Magistralının 50 illik yubileyi münasibətilə dəmir yolu sahəsinin veteranları və işçiləri ilə birgə görüşü zamanı çıxışı etmişdir

Azərbaycan Respublikasının Prezidenti İlham Əliyev Rusiya federasiyasına səfəri zamanı bu ilin aprel ayının 22-də Moskva şəhərində Rusiya Federasiyasının Prezidenti Vladimir Putin ilə təkbətək, həm də Baykal-Amur Magistralının 50 illik yubileyi münasibətilə dəmir yolu sahəsinin veteranları və işçiləri ilə birlikdə görüşdə iştirak etmişdir. Görüş zamanı çıxış edən dövlətimizin başçısı Rusiya rəhbərliyinin, həmçinin Rusiya ictimaiyyətinin Heydər Əliyevin xatirəsinə göstərdikləri ehtiramın Azərbaycan xalqı tərəfindən yüksək qiymətləndirildiyini diqqətə çatdıraraq bildirdi ki, Ulu Öndər Heydər Əlirza oğlu Əliyev vaxtilə Ümumittifaq tikintisi adlandırılan nəhəng layihənin həyata keçirilməsində fəal iştirak edib və onun reallaşdırılmasına öz töhfəsini verib. Tarixin müxtəlif məqamları ölkələrimizi, xalqlarımızı daha da yaxınlaşdırır, münasibətlərimizin gələcəkdə də ardıcıl inkişafına töhfə verir. Daha ətraflı »

Tərtər Rayon İcra Hakimiyyətinin başçısı Müstəqim Məmmədovun sədrliyi ilə keçirilən müşavirədə YAP Tərtər Rayon Təşkilatının sədri Eldar Əsədov, rayon icra hakimiyyəti başçısı aparatının əməkdaşları, idarə, müəssisə və təşkilat rəhbərləri, İƏD üzrə nümayəndələr, bələdiyyə sədrləri iştirak ediblər.
Müşavirədə “Yaşıl dünya naminə həmrəylik ili” ilə bağlı Tədbirlər Planının icrasının təmin edilməsi, vətəndaş müraciətlərinə müvafiq qanunvericiliyin tələblərinə uyğun olaraq operativ surətdə baxılaraq vətəndaş məmnunluğunun təmin olunması, şəhid və qazi ailələrinin problem və sosial qayğılarının öyrənilib həlli istiqamətində mü-vafiq tədbirlərin görülməsi, İƏD üzrə nümayəndələr tərəfindən vergilərin yığılmasına köməklik göstərilməsi, əhali arasında daşınmaz əmlaklarının sığortalanması üçün maariflənmə işlərinin aparılması, şöbələr üzrə verilmiş tapşırıqların icra vəziyyəti, yerlərdə səyyar qəbulların təşkili, rayon ərazisində aparılan tikinti işlərinin mövcud qanunvericiliyin və şəhərsalma-arxitektura tələblərinə uyğun təmin edilməsi, aqrar sahədə aparılan mövsümi işlər, növbəti pambıq əkini üçün fermerlərlə bağlanmış müqavilələrin vəziyyəti, barama saxlanılacaq kümxanaların hazır vəziyyətə gətirilməsi, fermerlərin əkinlərini bəyan etmə prosesinə cəlb olunması, Tərtər şəhərində, o cümlədən bütün yaşayış məntəqələrində, yolkənarı ərazilərdə təmizlik-abadlıq işlərinin aparılması məsələləri müzakirə olunub.
Müzakirə olunan məsələlər barədə başçının birinci müavini Elvin Umudov, YAP Tərtər Rayon Təşkilatının sədri Eldar Əsədov, Tərtər Dövlət Aqrar İnkişaf Mərkəzinin direktoru Mehman Babayev, rayon Statistika İdarəsinin rəisi Ədalət Məmmədov və “MKT İstehsalat Kommersiya” MMC-nin Tərtər filialının direktor müavini Elmir Mustafayev çıxış ediblər. Daha ətraflı »

Böyüməkdə olan nəslin fiziki inkişafına daha çox fikir verilməli, bədən tərbiyəsinin tədrisi yaxşılaşdırılmalı, hər bir məktəbdə səmərəli idman məşğələləri üçün şərait yaradılmalı, uşaqlar fiziki cəhətdən hər vasitə ilə möhkəmləndirilməli, onların sağlamlığına qayğı göstərilməlidir.
                                                                           Heydər Əliyev, Ümummilli Lider

Xalqını, vətənini, torpağını sonsuz məhəbbətlə sevən, bütün həyatını Azərbaycanın inkişafına, tərəqqisinə həsr edən, müasir Azərbaycanın müəllifi olan Heydər Əliyev hakimiyyətdə olduğu bütün dövrlərdə ölkəmizin daha da çiçəklənməsinə, beynəlxalq aləmdə tanınmasına, dövlətçiliyimizin möhkəmlənməsinə, milli-mənəvi dəyərlərimizin qorunub saxlanmasına, bütün sahələrlə yanaşı bədən tərbiyəsi və idmanımızın inkişaf etdirilməsinə çalışmış, uzaqgörən siyasəti nəticəsində ölkəmiz cəmiyyət həyatının bütün sahələrində böyük uğurlar əldə etmişdir.
Taleyinin sahibi olmaq, müstəqil dövlətini qurmaq hər bir xalqın ən böyük arzusudur. Ona görə müstəqillik həm ayrıca bir vətəndaş üçün, həm də bütöv xalqlar, millətlər üçün ən müqəddəs və ən şirin nemətdir. Bu neməti əldə etmək, müstəqillik arzusuna qovuşmaq nə qədər çətindirsə, onu qoruyub saxlamaq ondan da mürəkkəbdir. Bunu yola saldığımız son 30 il bir daha sübuta yetirdi. Bu illər ərzində biz azadlığımız, müstəqilliyimiz və torpaqlarımızın bütövlüyü uğrunda apardığımız mübarizədə çətinliklərdən keçdik, minlərlə şəhidlər verdik, əvəzində müstəqilliyimizi şərəflə qoruduq, Böyük Zəfərə nail olduq. Respublikamızda bədən tərbiyəsi və idmanın inkişafında Ümummilli Liderimiz Heydər Əliyevin xidmətləri əvəzsizdir. Gəncləri idman vasitəsilə layiqli Azərbaycan vətəndaşları kimi yetişdirmək, kütləvi bədən tərbiyəsi vasitəsilə xalqın fiziki hazırlığına, sağlamlığına nail olmaq, peşəkar idmançıların uğur-lu çıxışına kömək edib onların gücü ilə Azərbaycanı dünyaya tanıtdırmaq Ümummilli Liderimiz Heydər Əliyevin başlıca amalı, həyat kodeksi idi. “Ən qədim zamanlardan belə Vətənin düşmənlərdən qorunması məqsədilə Azərbaycanda güclü pəhləvanlar hazırlanmış, onlar öz şücaəti və cəsarəti ilə ölkəmizə şan-şöhrət gətirmişlər. Daha ətraflı »

Məmur kimi heç vaxt inzibatçı olmayan yazıçı…–Zahid İsmayılov

                                                                       Başı dumanlar-çənlər içində…
Milli Mətbuatımızın unudulan qələm sahiblərindən biri, Kəlbəcərin ağır günlərində ömrünü girov qoyan Zahid İsmayılovu daha çox söz adamı, qələm sahibi kimi tanıdıq, lakin, təəssüf ki… yada salmadıq…
Adı fəxrlə çəkilənlər şəxsiyyət kimi zaman-zaman yetişirlər. Onlar bu səviyyəyə çatmaq üçün həyatın çox sınaqlarından keçirlər. İnsan üçün ən böyük sınaq isə vətənpərvərlikdən başlanan yoldur. Bu, elə bir yoldur ki, onun məsafə ölçüsü yoxdur, sonu isə görünmür, uzandıqca-uzanır, bir sözlə, əməlisalehlər üçün cənnət son dayanacaq olur. Bu səbəbdən deyirlər ki, Vətən yolunda şəhid olanlar, yol çəkdirib, körp ü salanlar, su çəkdirənlər də dərs verən, elm öyrədən müəllimlər kimi, cənnətməkan olurlar.
Ta qədimdən xalqımızın belə ziyalıları çox olub və bu gün də həmin ənənə davam edir. Tikib-quranlar, yazıb-yaradanlar, elm öyrədənlər həyatda iz qoyub gedirlər, onların yerini isə gənc nəsillər tutur.
Şəxslərin şəxsiyyət kimi yetişməsində müxtəlif amillər rol oynayır ki, onlardan biri də doğulduğu məkan, tərbiyə aldığı ailə və ictimai mühitdir.
Tarixi şəxsiyyətlər yetişdirən el-obalarımız dünən də olub, bu gün də var. Onların yetişməsində ailə, cəmiyyət əsas rol oynasa da, ilk qədəm basdıqları məktəb, dərs aldıqları müəllimlər unudulmayıblar. Çünki buna onların mənəvi haqları olub.

                                                                Ömrünü jurnalistikaya bağlasa da…
Belə şəxsiyyətlərdən bi-ri də vaxtilə ucqar dağ rayonu kimi gözdən-könüldən uzaq düşmüş, 30 ilə yaxındır ki, erməni vandallarının əsarətində inləyən Kəlbəcərdə dünyaya göz açıb, respublikada tanındı, sayılıb-seçildi. Əslində, bilmirsən ki, onun yaradıcı insan olmasından, yoxsa məmur kimi üzərinə düşən vəzifə borcunu layiqincə yerinə yetirməsindən və elə bu yolda da ömrünü şam kimi əridib dağlarda dumanda-çəndə qalmasından söz açasan. Hər iki halda yazılası, deyiləsi çoxsaylı faktlar var. Daha ətraflı »

    Əziz “Yeni Tərtər”in kollektivi!

Sizi çalışdığınız qəzetin 90 illik yubileyi münasibəti ilə səmimi qəlbdən təbrik edir, uzun ömür, cansağlığı, yeni-yeni yaradıcılıq uğurları arzulayıram.

“Qəzet ictimai-siyasi həyatın güzgüsüdür,“ – deyirlər. Zaman-zaman rayon qəzeti də Tərtərin ictimai-siyasi həyatını işıqlandırıb, onun səhifələrində oxucular öz maraq dairəsinə uyğun yazılar görüb, oxuyub, yaddaşına həkk edib.

Bu gün informasiya bolluğudur. Onlarla saytlar fəaliyyət göstərir. Bu qədər informasiya bolluğunda “Yeni Tətrər” yenə də öz aktuallığını qoruyub saxlayır. Sözsüz, maddi çətinliklər istisna deyil. Ancaq qəzetimizi susmağa qoymur, onu yaşatmaq  üçün əlimizdən gələni əsigəmirik.

“Yeni Tərtər” qəzetinin 90 yaşı  tamam olur. Uzun illər ərzində bu mətbu orqan rayonumuzun tarixinin öyrənilməsində, təhsil, mədəniyyət və kənd təsərrüfatının inkişafında mühüm xidmətlər göstərib.

Müxtəlif dövrlərdə qəzet rayon sakinlərini cəmiyyətin qarşısında duran vəzifələrin yerinə yetirilməsinə səfərbər edib, düzü-düz, əyrini-əyri göstərərək, hər bir evdə,  ailədə maraqla oxunub. Daha ətraflı »

Prezident İlham Əliyev cari ilin 4 aprel tarixində Konqo Respublikasının Prezidenti Deni Sassu-Nqessonun Azərbaycana rəsmi səfəri ilə əlaqədar mətbuata bəyanat verib.

Bildirilib ki, İlk dəfədir ki, Konqo Respublikasının Prezidenti Azərbaycana rəsmi səfər edir.

Konqo ilə Azərbaycan arasında güclü dostluq əlaqələri yaradılacaqdır. İmzalanmış Əməkdaşlıq haqqında Bəyannamə münasibətlərimizin gözəl təməlidir. Bu, çox önəmli və sanballı bir sənəddir, bizim əməkdaşlığımızın perspektivlərini müəyyən edəcək.

Bizim siyasi əlaqələrimizin bundan sonra uğurla inkişaf edəcəyinə heç kimdə şübhə yoxdur.

Dövlət başçısı diqqətə çatdırıb ki, BMT və Qoşulmama Hərəkatı çərçivəsində mövcud əməkdaşlıq əlaqələri inkişaf olunacaq. Hər iki ölkə bundan sonra da beynəlxalq təşkilatlar çərçivəsində qarşılıqlı dəstək əsasında qarşılıqlı fəaliyyəti davam etdirəcək.

Qoşulmama Hərəkatına bu ilin yanvar ayına qədər 4 il uğurla sədrlik etmiş Azərbaycan Konqonun dəstəyini hər zaman hiss etmişdir. Bizim təşəbbüslərimizə Konqo hər zaman öz dəstəyini vermişdir və bunun nəticəsində sədrliyimiz dövründə Qoşulmama Hərəkatının institusional inkişafı da təmin edilmişdir. Daha ətraflı »

TƏRTƏRLİLƏR NOVRUZ BAYRAMINI SEVİNCLƏ QEYD EDİBLƏR

Azərbaycan xalqının milli-mənəvi dəyərlərini özündə yaşadan Novruz Tərtər rayonunda böyük sevinc və coşqu ilə qeyd olunub.
Mərkəzi Meydan bəzədilib, meydanda Novruzun simvolu olan səməni qurulub.
Təşkil olunan bayram tədbirində rayon icra hakimiyyətinin başçısı Müstəqim Məmmədov, Milli Məclisin deputatı Sahib Alıyev, hüquq-mühafizə orqanlarının rəhbərləri, YAP Tərtər Rayon Təşkilatının və rayon Ağsaqqallar Şurasının sədrləri, şəhid ailələri, qazilər, idarə, müəssisə və təşkilatların kollektivləri, inzibati ərazi dairəsi üzrə nümayəndələr və rayon ictimaiyyətinin nümayəndələri iştirak ediblər.
Əvvəlcə tədbir iştirakçıları Mərkəzi Meydanda Ulu Öndər Heydər Əliyevin abidəsini ziyarət edib, önünə gül-çiçək dəstələri düzüblər.
Sonra rayon rəhbəri Dədə Qorqudla bayram tonqalını alovlandırıb.
Tədbir iştirakçıları bayram münasibətilə təşkil edilmiş əl işləri və xalq sənətkarlığı nümunələrindən ibarət sərgi ilə tanış olublar. Bayram şənliyində milli adət və ənənələrimiz nümayiş etdirilib.
Novruzun personajları olan Kosanın və Keçəlin məzhəkəli oyunları, gənc idmançıların çıxışları maraqla qarşılanıb. Dədə Qorqudla Bahar qız şənlik iştirakçılarına xoş arzularını çatdırıb, elimizə, obamıza sülh, əmin-amanlıq diləyiblər. Sonra rayon Mədəniyyət Mərkəzinin foyesində Qadın İcma Resur Mərkəzinin üzvlərinin hazırladığı əl işlərindən ibarət satış-sərgi nümayiş olunub. Bayram şənliyi rayon Mədəniyyət Mərkəzinin zalında davam etdirilib.
Tədbirdə çıxış edən Tərtər Rayon İcra Hakimiyyətinin başçısı Müstəqim Məmmədov tərtərliləri bayram münasibətilə təbrik edərək, onlara cansağlığı, ruzi-bərəkət və firavanlıq arzulayıb. Bildirib ki, Novruz bayramı əsrlərin sınağından çıxmış, ta bu günədək gəlib çatmış milli-mənəvi dəyərlərimizi, adət-ənənələrimizi özündə yaşadan milli bayramımızdır. Xalqımız min illərdir ki, Novruzun gəlişini bayram edir.
Artıq 4 ildir ki, 44 günlük Vətən müharibəsində düşmən üzərində qazanılan möhtəşəm Qələbə–Zəfər günü Odlar yurdu Azərbaycanımıza əbədi bir bahar gətirib. Bu baharı bizə gətirən şəhidlərimizə-işğaldan azad edilmiş torpaqlarımızda aparılan lokal xarakterli antiterror əməliyyatlarında canlarını qurban vermiş oğullarımıza Ulu Tanrıdan rəhmət diləyir, şəhid analarının qarşısında baş əyir, qazilərimizə cansağlığı arzulayırıq.
Şəhidlərin, qazilərin, müharibə veteranlarının–Azərbaycanımızın döyüşən igid oğul və qızla-rının sayəsində uzun illərdən sonra soydaşlarımız doğulub-böyüdükləri torpaqları ziyarət edə bildilər. Doğma Qarabağımıza–Şuşaya, Xankəndinə, Xocalıya, Ağdama, Cəbrayıla, Qubadlıya, Ağdərəyə və digər işğaldan azad olunmuş torpaqlara gedə bildilər. İşğaldan azad edilmiş torpaqlarımızda qalanan bayram tonqalları neçə illik yurd həsrətimizə, nisgilimizə son qoydu, qəlblərdəki doğma yurd həsrətinin buzlarını əritdi, bir daha düşmənə mənəvi zərbə vurdu, şəhidlərimizin ruhu şad oldu. Daha ətraflı »

Milli Məclisin deputatı Sahib Alıyev Novruz bayramında Tərtər Rayon İcra Hakimiyyəti başçısının birinci müavini Elvin Umudov və Vətən müharibəsi iştirakçıları və şəhid ailələri ilə işin təşkili şöbəsinin müdiri Ülvi Nəcəfovla birlikdə Qarabağ iqtisadi rayonunda keçirilən lokal xarakterli antiterror tədbirləri zamanı şəhid olan Cavid Hüseynovun, Emin Abbaszadənin, Elnur İbrahimovun, Ruslan Lalayevin və Rəşad Vəlizadənin ailələrini ziyarət ediblər.
* * *
Milli Məclisin deputatı Sahib Alıyev İlaxır çərşənbə günü Tərtər Rayon İcra Hakimiyyəti başçısının birinci müavini Elvin Umudov və Vətən müharibəsi iştirakçıları və şəhid ailələri ilə işin təşkili şöbəsinin müdiri Ülvi Nəcəfovla birlikdə rayonun Seydimli, Xoruzlu, Səhləbad, Qaynaq və Hacıqərvənd kəndlərində şəhid ocaqlarını ziyarət edib, birinci Qarabağ savaşında sağlıqlarını itirmiş qazilərlə görüşüb, çərşənbə tonqalını Hacıqərvənd kəndində birinci Qarabağ savaşı əlili Vidadi Hüseynovun həyətində qalayıblar.

Bu günlərdə özünün 90 yaşını qeyd edəcək Tərtər rayon qəzeti bütün çoxillik tarixi dövründə həmişə məktəblilər tərəfindən çox sevilib. Onlardan hansısa qəzetdə özü haqqında dərc olunan ilk məqaləni oxuyub, kimisi ilk imzasını görüb və bu ilklər həyatlarında böyük rol oynayıb, seçimlərinə uğurlu təsir edib.
Şəhər 1 saylı tam orta məktəbin şagirdləri Malik və Mələk Şirinzadələr qəzetimizi çox sevir və mətbuata maraq göstərirlər. Onu da qeyd edək ki, onların ulu nənəsi Fatma xanım Şirinova vaxtilə uzun illər Tərtərdə Mətbuat Yayımı İdarəsinin rəisi olub, yəni bu ailədə böyüyən övladlar həmişə evlərində qəzet və jurnal görüb və bunları seviblər.
Üç ildir ki, bizimlə qonşu olan bu uşaqlar ilaxır çərşənbədə uğurlu qədəmlərilə kollektivimizi təbrik edirlər. Milli geyimdə əllərində bayram xonçası tutmuş uşaqların gəlişi hər birimizdə xoş ovqat yaradır. Bir də ona görə sevinirik ki, milli ənənələrimiz yaşayır və böyüyən nəsil də gələcəkdə bu ənənələri davam etdirəcək. Malik və Mələk həm də dərs əlaçısı və fəal ictimaiyyətçidirlər. Yolunuz uğurlu olsun, əziz uşaqlar!

“YENİ TƏRTƏR”

Yaxşı ki, qar yağdı

Yağdı və pislikləri örtdü. Sadəcə örtmədi, həm də əritdi, yox etdi. Yox, yanılıram. Yox etməsi mümkün deyil, əridib torpağa qarışdırdı. Göylərə yüksələn hisi-tozu, ah-nalələri, yalvarışları , alqışları soyuq və saf dənələri ilə təmizlədi. Saf olanları uca Tanrıya göndərdi, pislikləri torpağa qaytardı. Qaytardı ki, onları torpaqdan başqa heç nə gizlədə bilməz. Eybləri örtən torpaq! Müqəddəs torpaq, canlılara can verən, cansızları ağuşuna alıb yenidən yaşadan torpaq! Əzizlərimizi səndən, məndən daha yaxşı əzizləyən torpaq. Ayaqlarımla sənə toxunanda milyon dəfə üzr istəyirəm. Axı, sən sadəcə qara torpaq deyilsən. Sən körpədən qocayadək bizlərin sığınacaq yerisən. Yaxşı ki, qar yağdı. Yağdı və yağmaqda davam etdi. Hava saflaşdı, təmizləndi. Torpağın istisi azaldıqca qar örtüyü qalınlaşdı. Bakı küləyi həmişə yağan qara qənim kəsilir, onu qovur, ora-bura çırpır, əridir. Ancaq bu gün hava sakit, küləksizdir. Pəncərələr qarın, buzun yaratdığı əsərlərlə bəzənir, təbiət, o möcüzəli rəssam bənzərsiz gözəlliklər yaradır. Şəhər başdan – başa qar örtüyünə bürünür. Qar örtüyü üzərində möhtəşəm qürurlu bir heykəl görürəm. O sənsən, Ana! Onu yalnız mən görürəm, o yalnız mənə aiddir. Ana! Sən dünyanı dəyişdiyin gündən ikinci dəfədir ki, şəhər beləcə ağ yaylığa bürünür və saf örtük üzərində sənin heykəlin ucalır. Sənə yaxınlaşmaq, qarşında diz çöküb danışmaq istəyirəm. Danışmaq istəyirəm sən gedəli olan günlərimdən, günahlarımdan, dərdlərimdən danışmaq istəyirəm. Danışa bilmirəm, susuram. Sənin saf dünyan məni ovsunlayır. Ana! Daha ətraflı »