“Kənd təsərrüfat ili” çərçivəsində ölkədə kənd təsərrüfatı məhsulları istehsalçılarına göstərilən yardım və güzəştlərin gücləndirilməsi, kənd təsərrüfatı sahəsində potensialın möhkəmləndirilməsi, kənd təsərrüfatı sahəsinin elmi təminatının və bu sahədə kadrların hazırlanmasının yaxşılaşdırılması, infrastrukturun gücləndirilməsi və elektron kənd təsərrüfatının yaradılması, təbliğat və təşviqat işinin təşkili nəzərdə tutulmuşdur.
Azərbaycan Respublikası Prezidentinin imzaladığı “Azərbaycan Respublikasının Kənd Təsərrüfatı Nazirliyi Sistemində fəaliyyət göstərən elmi tədqiqat müəssisələrinin maddi-texniki bazasının möhkəmləndirilməsi haqqında”, “Bitki-çiliyin inkişafına dövlət dəstəyinin gücləndirilməsi ilə bağlı əlavə tədbirlər haqqında” və digər mühüm sərəncamlar məhz bu vəzifələrin icrasına yönəlmişdir.
Nazirlər Kabinetinin 2015-ci ilin birinci rübünün yekunlarına həsr olun-muş yığıncağında möhtərəm Pre-zident İlham Əliyev qarşıya belə bir vəzifə qoymuşdur ki, “Azərbaycanda istehsal olunan bütün ərzaq məhsullarının bütün komponentləri Azərbaycanda istehsal olunsun, toxumdan tutmuş ta hazır məhsula qədər”.
Ərzaq təhlükəsizliyinin təmin olunması məsələsi rayonumuz üçün də çox aktualdır. Dövlətimizin daimi qayğısını və dəstəyini hiss edən kənd əməkçiləri bu işdə yaxından iştirak edir, keyfiyyətli ərzaq məhsulları istehsalını günü-gündən artırmağa səy göstərirlər.

Narın elmi adı “punika qranatumdur”. “Punika”-tünd qırmızı, “qranatus” isə dənə deməkdir. Nar bitkisi subtropik bitki olmaqla, 20 dərəcə şaxtaya tab gətirə bilir. Quraqlığa davamlı bitkidir, lakin yaxşı boy və məhsul verməsi üçün nar rütubətə tələb göstərir. Torpağa az tələbkar olmaqla müxtəlif mexaniki tərkibə malik torpaqlarda becərilə bilər. Yüksək məhsuldar və gəlirli bitkidir. Daha ətraflı »

İnkişaf yolu və müasirlik
İyulun 22-də Azərbaycan milli mətbuatının yaranmasının 140-cı ili tamam olur. Azərbaycan jurnalistikasının kеçdiyi şərəfli və keşməkeşli yol məhz 1875-ci il iyul ayının 22-dən – “Əkinçi” qəzetinin ilk nömrəsinin işıq üzü gördüyü gündən başlanır. Azərbaycan jurnalistləri bu günü öz peşə bayramları kimi qeyd edirlər. Daha ətraflı »

Milli -mənəvi dəyərlərimizin təbliğatşısı

2005-ci il avqustun 20-də 7 illik fasilədən sonra rayonumuzun qəzeti yenidən işıq üzü gördü. Qərara alındı ki, 1991-ci ildən “Tərtər” kimi oxucularının görüşünə gələn qəzetin adı dəyişdirilərək “Yeni Tərtər” olsun. Bunun da səbəbi vardı. Çünki İlham Əliyev Prezident seçiləndən sonra ölkə yeni inkişaf mərhələsinə qədəm qoymuşdu. Ulu Öndər Heydər Əliyevin siyasi xəttini uğurla davam etdirən möhtərəm Prezident bölgələrin inkişafına xüsusi diqqət yetirirdi. Digər rayonlar kimi, Tərtərdə də böyük quruculuq işləri görülürdü. Bu dəyişikliyi, inkişafı işıqlandırmaq, eyni zamanda rayonun tarixi baxımından maraqlı bir dövrünü qələmə alaraq gələcək nəsillərə çatdırmaq üçün rayon qəzetinin fəaliyyətini bərpa etmək vacib idi. Daha ətraflı »

Rayon 8 avqust 1930-cu ildə təşkil edilmişdir. 10 sentyabr 1939-cu ilədək Cera-bert, 1991-ci ilə qədər Mardakert, həmin tarixdən ləgv olunana kimi Ağdərə adlanıb. 1992-ci ilin oktyabrında Azərbaycan hökümətinin qərarı ilə Ağdərə rayonu ləğv edilərək ərazisi Tərtər, Ağdam, Kəlbəcər rayonları arasında bölünmüşdür.
1992-ci ildə Azərbaycan ordusunun hücumu nəticəsində Ağdərə rayonu ərazisinin bir çox hissəsi erməni işğalçılarından azad edilir. Lakin 7 iyul 1993-cü ildə ermənilər Ağdərə şəhərini və rayonun bir çox kəndlərini yenidən işğal etdilər. Hal-hazırda keçmiş Ağdərə rayo-nunun bir neçə kəndi Azərbaycanın nəzarətində olsa da, Ağdərə şəhəri də daxil olmaqla bir çox əraziləri ermənilərin nəzarəti altındadır. Daha ətraflı »

Zorakılıq hazırkı dünyanın ən eybəcər sifətlərindən biridir. Elə bil ki, zorlu-zorsuz əyyamı gəlib. Kim zorludursa, söz onundur, diktə və “qanun” onun tərəfindədir. İstəsə döyər, istəsə əzər, istəsə öldürər. Bu, ictimai icma qu- ruluşundan üzü bəri belədir və belə də davam edir. Lakin zorakılıq Allahın sevmədiyi işdir. Bu, şeytan vəsvəsəsinin məhsuludur. Daha ətraflı »

“Zəhmətsiz keçən ömrə ömür söyləməyiblər” 

Rayonumuzun ziyalısı–həm rəhbər işçilər, həm sadə zəhmətkeşlər arasında böyük nüfuza malik bir şəxsiyyət haqqında yazmaq istəyirdim. Hərçənd onun heç bir təqdimata ehtiyacı yoxdur.
Milli mətbuatımızın 140 illik yubileyi bu istəyimin həyata keçməsinə və həmin ziy­­alı ilə söhbətimə rəvac verdi. Yubileylə bağlı kimdən yazmaq istədiyimi qəzetimizin baş redaktoru Tofiq Yusifə bildirəndə tərəddüd etmədən onun adını çəkdi. Bu insan bir ağsaqqal, savadlı və dünyagörüşlü, təcrübəli jurnalist, şair, nümunəvi ailə başçısı, həm də qayğıkeş ata Qədir Allahverdiyevdir.
… Və mən SSRİ Jurnalistlər İttifaqının, Azərbaycan Jurnalistlər Birliyinin üzvü, “Şərəf nişanı” ordenli, bir çox medallarla təltif olunmuş Qədir Allahverdiyevlə görüşüb, ondan müsahibə aldım. Daha ətraflı »

Azərbaycanda sosial müdafiə sisteminin ən önəmli istiqamətlərindən biri də ailə, qadın və uşaq problemləridir.

Ailə, Qadın və Uşaq Problemləri üzrə Dövlət Komitəsi yaradıldıqdan sonra dövlətimizin «Sağlam ailə» siyasəti formalaşdı. Eyni zamanda, «Azərbaycan Respublikasında Dövlət Qadın Siyasətinin həyata keçirilməsi haqqında» Heydər Əliyevin 6 mart 2000-ci il tarixli Fərmanı gender siyasətinin təbliğinə, qadınların içtimai və siyasi həyatda fəal iştirakına, qaçqın və məcburi köçkün qadınların məşğulluğuna nə qədər önəm verdiyini bir daha təsdiq etdi. Bunun məntiqi davamı olaraq 10 oktyabr 2006-ci ildə «Gender (kişi və qadınların) bərabərliyinin təminatları haqqında» Azərbaycan Respublikasının qanunu qəbul edildi. Daha ətraflı »

İllərin uca zirvəsi

 Mənfur ermənilərin zaman-zaman yeritdiyi iyrənc siyasət soydaşlarımızı öz  yurd-yuvalarından didərgin salmışdır. Insanlar deportasiyalara məruz qalmış,  min cür əzab-əziyyətlə tikdikləri ev-eşiklərini qoyub getmişlər. Belə insanlardan  biri də 1945-ci ildə Qərbi Azərbaycanın Dərələyəz mahalının Əzizbəyov (Söylən)  rayonundakı Herher kəndində yaşayan İman Almuradovdur.
Onların ailəsi 1949-cu ildə deportasiya olunaraq Yevlax rayonunun Malbinəsi  kəndinə gəliblər. Daha ətraflı »

 Mənbəyini indi əsarətdə qalan Kəlbəcər dağlarından götürən Tərtər çayı rayonumuzu  iki hissəyə bölür. Ta qədimdən Tərtər rayonunun və ona yaxın olan bir sıra rayonların  əhalisi bu çayın suyundan həm içməli su kimi, həm də əkin sahələrini suvarmaq üçün  istifadə edərdi. Daha ətraflı »