Bilirəm ki, bəzi sahibkarlar bəzi dövlət məmurlarına arxalanırlar, o dövr artıq keçibdir. Heç kimə arxalanmasınlar. Əgər hansısa bir dövlət məmuru sahibkarlara xüsusi şərait yaratmaq üçün qanunsuz əməllər edəcəksə, çox ciddi şəkildə cəzalandırılacaq.

İlham ƏLİYEV,
Azərbaycan Respublikasının
Prezidenti

UĞURLU NƏTİCƏLƏR VƏ MƏSUL HƏDƏFLƏR

Oktyabrin 9-da Azərbaycan Respublikasının Prezidenti İlham Əliyevin sədrliyi ilə Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib. Dövlət başçısı iclasda giriş və yekun nitqi söyləyib.
Prezident İlham Əliyev bildirib ki, 2018-ci il ölkəmiz üçün uğurlu il olub. Qarşıya qoyulan bütün vəzifələr uğurla və vaxtında icra edilib.
Həmçinin Azərbaycanda təhlükəsizlik, əmin-amanlıq, sabitlik qorunur, möhkəmlənir.
Dövlət başçısı deyib: “Azərbaycanda daxili risklər mənbəyi yoxdur və biz öz siyasətimizlə, görülən işlərlə özümüzü mümkün olan təhlükələrdən qoruyuruq və qoruyacağıq. Azərbaycan xalqının rahat həyatını təmin edirik və edəcəyik”. Daha ətraflı »

Mən Qarabağ müharibəsində şəhid olmuş iki qardaşın–Ədalət və Evarist Paşayevlərin bacısı-yam. El ağsaqqalı, tanınmış və hörmətli ziyalı olan atam Sabir Paşayevin ürəyi bu qanlı müharibənin gətirdiyi fəlakətlərə dözməyib dayandı. Mən özüm isə müharibənin içindən keçmiş, onun ağrısını-acısını yaşamış, gözləri ilə Torpaq, Ana Vətən uğrunda qurban getmiş oğulları görən, çox vaxt ön cəbhədə döyüşçülərin arasında olan, yaralanmış igidlərimizin qanını təmizləyən və bəzən onları ölümün pəncəsindən alan bir səhiyyə işçisiyəm.
Ölkə rəhbərinin şəhidlərimizin ruhuna və şəhid ailələrinə göstərdiyi diqqət və qayğını hamı kimi mən də çox yüksək qiymətləndirirəm. Daha ətraflı »

GƏRƏKLİ İNSAN

Şahbaz Hüseynov rayonumuzun Ağkənd kəndində yaşayır. Qocaman mədəniyyət işçisidir. Əmək fəaliyyətinə sıravi kolxozçu kimi başlasa da, 1964-cü ildən mərkəzi kitabxananın müdiri, Dəmirçilər kənd mədəniyyət evinin müdiri, kolxoz komsomol komitəsinin katibi, kənd sovetinin sədri və digər vəzifələrdə çalışıb. İşləyə-işləyə təhsilini artırıb. Hansı sahədə çalışmasından asılı olmayaraq, məsuliyyəti, işinə vicdanlı münasibəti və tükənməz enerjisi ilə seçilib. Müdiriyyətin və yoldaşlarının etibarını və etimadını qazanıb. Buna görə də indi Şahbaz Hüseynovun adı çəkiləndə, hamı onun haqqında xoş sözlər söyləyir.
Bu günlərdə Şahbaz müəllim redaksiyamızın qonağı oldu. Ömrün ahıllıq zirvəsindən ötən illərə birlikdə nəzər saldıq, onun üçün unudulmaz olan anları xatırladıq.
Daha ətraflı »

Yaxın günlərdə bir toy məclisində idim. Üz-gözündən nur tökülən bir kişinin oynamağa dəvət edilməsi və hörmətlə başına toplaşanları gördükdə özümu saxlamayıb soruşdum:
– Kimdir o kişi?
Yanımda əyləşənlərdən biri dedi: – Oğlanın dayısıdır.
Sonra dedilər ki, Qaynaq kəndində yaşayır, iş görən zaman öz traktorunun altında qalıb, xeyli əzilmişdi, gözünü də o vaxt itirib.
O vaxtdan onun haqqında yazmağı qarşıma məqsəd qoymuşdum. İş planındakı “Ahıllar günü” mövzusu sanki mənə yardımçı oldu. Görüşüb, söhbətləşdik.
Bu mülayim danışıqlı insan Həmid Hüseynovdur. Daha ətraflı »

Hər fəslin öz gözəlliyi var. Payızın gözəlliyi ondadır ki, əksər məhsullar payız fəslində hasilə gəlir, yığılır. İstər tərəvəz məhsulları olsun, istərsə də bağlardakı mer-meyvə, su olmasa, heç bir bolluqdan danışmağa dəyməz. Elə buna görə də əbəs yerə demirlər ki, su həyatdır. Susuz yaşamaq mümkün deyil.
İnsanların tələbatını həm də kəndlinin becərib, hasilə gətirdiyi meyvə-tərəvəz, göy-göyərti məhsulları təmin edir. Ancaq bu il bazardakı qiymətlərin baha olmasının səbəblərindən biri də ermənilər tərəfindən Sərsəng Su Anbarından Tərtər rayonunu suvarma suyu ilə təmin edən su kanallarının qarşısının əkin-biçin vaxtı qəsdən kəsilməsidir. Buna görə də suvarma suyu bəzi kəndlərimizdə qıt olur və ya çatışmır. Daha ətraflı »

MÜXTƏLİF XALQLARIN AİLƏ BÜDCƏSİNƏ MÜNASİBƏTİ

Məlumdur ki, azərbaycanlılar digər xalqlara nisbətən daha səxavətli, qonaqpərvər və əliaçıqdırlar. Ancaq bütün bunlar o zaman yaxşıdır ki, israfçılığa çevrilməsin. Bunun üçün hər bir ailədə düzgün planlaşdırma aparılmalıdır. Qənaət etmək xəsislikdən deyil, ağıldan irəli gələn bir xüsusiyyətdir. Bəzi insanlar bəhsəbəhsə girərək bahalı ad günləri, toylar keçirir, bunun üçün hətta borca girir və kredit götürürlər və bu məclislərdə həddən artıq israfçılığa yol verilir. Sonradan borcu qaytara bilmədikdə ciddi problemlər yaranır.
Bu yaxınlarda Ukraynada olarkən onların mətbəxinin həm sadəliyinə, həm də insan orqanizmi üçün faydalılığına heyran qaldım. Bizdə isə tamamilə əksinədir.
Fransızlar qonaqlığa öz şərab şüşələri ilə birgə gedirlər. Bu hədiyyə ev sahiblərinin çox xoşuna gəlir. Fransızların digər sevimli hədiyyəsi isə gül və çiçəklərdir. Daha ətraflı »

Son 15 il ərzində iqtisadi baxımdan Azərbaycan qədər sürətlə inkişaf edən ikinci ölkə olmamışdır. İqtisadiyyat 3,2 dəfə artmışdır və bu artım bu gün davam edir. Təsadüfi deyil ki, cəmi 26 yaşı olan ölkəmiz Davos Dünya İqtisadi Forumunun iqtisadiyyatların rəqabətqabiliyyətlilik hesabatına görə, dünya miqyasında 35-ci yerdədir.

İlham ƏLİYEV,
Azərbaycan Respublikasının
Prezidenti

YÜKSƏLİŞ MƏRHƏLƏSİ

Qədim və zəngin dövlətçilik ənənələrinə malik Azərbaycan xalqı keçmişinin müəyyən dövrlərində ta-rixin hökmü ilə böyük imperiyalar tərkibinə qatılmaq məcburiyyətində qalmışdır.
Azərbaycan Xalq Cümhuriyyəti məhz dünyanın siyasi nizamının yenidən qurulduğu bir vaxtda, XIX əsrin axırları və XX əsrin əvvəllərində Azərbaycanın yaşadığı parlaq mədəni yüksəliş mərhələsinin məntiqi yekunu kimi meydana çıxmışdı.
Rusiyada çarizmin süqutundan sonra bolşeviklərin hakimiyyəti ələ keçirməsi ilə keçmiş imperiya ərazisində mürəkkəb geosiyasi vəziyyət yaranmışdı. Dünyanın aparıcı dövlətlərinin Bakı neftinə marağının siyasi çarpışmaları daha da gərginləşdirdiyi belə bir şəraitdə Azərbaycanın tərəqqipərvər siyasi elitası müstəqil milli dövlətçiliyin yaradılması naminə birləşdi. Daha ətraflı »

AZƏRBAYCAN GÜCLÜ, MÜASİR DÖVLƏTƏ ÇEVRİLİB

1991-ci ildə Sovet İttifaqı bir dövlət kimi dünya xəritəsindən silindi. Həmin ilin oktyabrın 18-də Azərbaycan Ali Soveti dövlət müstəqilliyi haqqında Konstitusiya aktı qəbul etdi və Azərbaycan Respublikası suveren dövlət kimi dünya birliyinə üzv oldu. Lakin Azərbaycan özünün əsl müstəqilliyini ümummilli lider Heydər Əliyevin hakimiyyətə qayıdışından sonra əldə etdi.
Heydər Əliyev özü ilə bərabər ölkəmizə siyasi müdriklik gətirdi. Məhz bundan sonra vaxtilə Sovet İttifaqının ucqar bir respublikası sayılan Azərbaycanın sürətli inkişafı başladı. Daha ətraflı »