Laçın rayonu Azərbaycanın cənub-qərbində, dağlıq ərazidə  yerləşir. Əvvəllər Abdallar adlanan Laçın inzibati ərazi vahidi, 1924-cü ildən şəhər statusu alaraq 1930-cu ildən rayonun inzibati mərkəzinə çevrilmişdir. Heç təsadüfi deyildir ki, böyük strateji əhəmiyyətə malik bir rayon kimi tarix boyu torpağımıza göz dikənlər üçün Laçın “Qarabağın qara qapısı” düşmənə gözdağıolub.

1992-ci il mayın 18-də Ermənistan silahlı qüvvələri tərəfindən işğal olunan rayonun əhalisi etnik təmizləməyə məruz qalaraq, 300-dən artıq hərbi və mülki şəxs həlak olub və itkin düşmüş, işğal nəticəsində ərazidə aparılmış talan-qarətlə yanaşı 54 dünya, 200-dən çox yerli əhəmiyyətli tarixi abidə vandalizmə məruzqalmışdır.

Möhtərəm Prezidentimizin uzun illər apardığı məqsədyönlü siyasətin nəticəsi olaraq 2020-ci ilin sentyabrın 27-də başlayan və tarixə 44 günlük müharibə kimi düşən ikinci Qarabağ müharibəsində 30 illik işğala son qoyuldu. Azərbaycan Respublikası Prezidenti cənab İlham Əliyevin diplomatik məharəti, prinsipiallığı, dəmir iradəsi və Ordumuzun şanlı Zəfəri Ermənistanı kapitulyasiyaya və əraziləri boşaltmağa məcbur etdi. Daha ətraflı »

“Meliorasiya və su təsərrüfatı obyektləri bizim sərvətimizdir və bu sərvətdən səmərəli istifadə etməliyik” sözlərini tarixə yazmış Ulu Öndər Heydər Əliyev Azərbaycanın kənd təsərrüfatının inkişafında böyük əhəmiyyət kəsb edən meliorasiya və su təsərrüfatı kompleksinin yaradıcısı, müəllifi və təşkilatçısıdır.
Buna misal olaraq ötən əsrin 70-ci illərində Ulu Öndər Heydər Əliyevin təşəbbüsü və bilavasitə rəhbərliyi ilə Tərtər çayı üzərində tikilmiş Sərsəng və Suqovuşan Su Anbarlarını göstərmək olar. Həmin su anbarlarının tikintisi Tərtər və ətraf rayonların kənd təsərrüfatının inkişafında müstəsna rol oynayıb. Məhz bundan sonra bu rayonlar pambıqçılıq və digər sahələr üzrə intensiv inkişaf yoluna qədəm qoyub. Ulu Öndər su anbarlarının tikintisində işlərin gedişi ilə daim maraqlanıb, tövsiyələr verib və açılışlarda iştirak edib. Tikinti zamanı 25.7 mln m3 torpaq işləri, 540.4 min m3 dəmir-beton işləri görülmüş, 5.8 min ton metal-konstruksiyadan istifadə olunmuşdur. Hazırlıq işləri ilə birlikdə tikinti 144 aya, 1975-ci ildə yekunlaşmış, 1976-cı ilin sonunda istismara qəbul aktı təsdiq və qəbul edilmişdir.
Sağ sahil magistral kanalının ümumi uzunluğu 70.2 km təşkil edir.
Tərtərlilər və dirilik suyundan torpaqların suvarılmasında istifadə edən digər rayonların sakinləri Ümummilli Liderimizin bu qayğısını heç zaman unutma-yıblar.
Birinci Qarabağ müharibəsinin başlanması ilə Sərsəng və Suqovuşan Su An-barlarının işğal altına düşməsi kənd təsərrüfatımızı böyük çətinliklərlə üz-üzə qoydu.
Magistral kanallara suyun gəlməsi insanlarımızın ən böyük arzusu idi. Bu arzunu isə Ulu Öndərimizin layiqli davamçısı, möhtərəm Prezidentimiz İlham Əliyev və Şanlı Azərbaycan Ordusu reallaşdırdı. İşğala son qoyulması ilə insanların üzü güldü.
Erməni işğalına son qoyulduqdan sonra kanalın 5250 metrlik hissəsi əsaslı təmir edilmiş, qalan hissəsi isə layihə-smeta sənədlərinin hazırlanması yekunlaşdırıldıqdan, ərazi minalardan təmizləndikdən sonra əsaslı təmir olunub istifadəyə veriləcəkdir. Sol sahil magistral kanalı isə tam həcmdə–yəni 22.4 km hissəsi bütün hidrotexniki qurğularla birlikdə əsaslı təmir edilmişdir. Su anbarında toplanaraq istifadə edilən suvarma suyu 96200 hektar əkin sahələrinin suvarılmasına xidmət edir. Daha ətraflı »

Tərtər şəhəri ərazisində növbəti iməcilik aksiyası keçirilib.
İməclikdə Tərtər Şəhər Kommunal Təsərrüfatı İda rəsinin və DOST İş Mərkəzinin işçiləri fəal iştirak ediblər.
Aksiya çərçivəsində Tərtər şəhəri ərazisində olan alaq otları biçilərək təmizlənib, ağacların dibləri bellənərək yumşaldılıb, mövsümi budama işləri aparılıb, ağaclar və gül kolları suvarılıb, ərazidə olan tullantılar toplanaraq gö-türülüb.
Aksiyanın gedişində iştirakçılar şəhər sakinlərinə müraciət edərək gözəl Tərtərimizin təmiz və səliqəli saxlanmasında fəal iştirak etməyə çağırıblar.
İməcliyin keçirilməsində məqsəd ekoloji vəziyyətin sağlamlaşdırılması, cəmiyyətdə ekoloji mədəniyyəti, təbiətə qayğını təbliğ etmək ənənələrini davam etdirmək və ətraf mühitin qorunmasına töhfə verməkdən ibarətdir.
Şəhərimizin küçələrindəki yaşıllıqlara və gül-çiçəklərə qulluq işləri mütəmadi olaraq davam etdiilir.

  ABŞ-ın vasitəçiliyi ilə Vaşinqtonda Azərbaycan, Ermənistan və ABŞ nümayəndələrinin iştirakı ilə imzalanan son razılaşma bölgədə real sülhün bünövrəsini qoymaq istiqamətində mühüm addımdır. Bu bəyannamə, yalnız iki ölkə arasında deyil, həm də regionun ümumi geosiyasi mənzərəsində yeni mərhələ açır.

Səfər həmçinin iki ölkə Prezidenti arasında keçirilən görüş çərçivəsində ABŞ Prezidenti tərəfindən Azadlığa Dəstək Aktına 907-ci düzəlişin tətbiqinin dayandırılması barədə sərəncamın imzalanması ilə əlamətdar olub. Azərbaycan-ABŞ münasibətlərində keçmişin mənfi mirası olan 907-ci düzəlişin tətbiqinin ABŞ Prezidenti tərəfindən Prezident İlham Əliyevlə görüş çərçivəsində dayandırılması əhəmiyyətli rəmzi məna daşıyır.

Eyni zamanda səfər çərçivəsində hər iki ölkənin xarici işlər nazirləri tərəfindən “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında Saziş” layihəsi paraflanıb və ATƏT-in Minsk Prosesi və əlaqəli strukturlarının bağlanması ilə bağlı ATƏT-in fəaliyyətdə olan sədrinin ünvanına birgə müraciət məktubu imzalanıb.

Səfər zamanı, Azərbaycan, Amerika Birləşmiş Ştatları və Ermənistan liderlərinin Sammiti keçirilib və bu görüşün nəticəsində Azərbaycan və Ermənistan liderləri tərəfindən, habelə şahid qismində ABŞ Prezidenti tərəfindən Birgə Bəyannamə imzalanıb. Vaşinqton görüşünün nəticələrinə dair Birgə Bəyannamənin imzalanması Azərbaycanın irəli sürdüyü sülh gündəliyini təsdiq edib. “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında Saziş” layihəsinin paraflanması ilə bağlı müddəa çərçivəsində, Sazişin imzalanması və ratifikasiyasına nail olmaq üçün əlavə tədbirlərin görülməsinə ehtiyac olduğu təsbit edilib Daha ətraflı »

Prezident İlham Əliyev Ağ Evdə mətbuata bəyanatla çıxış edib və Azərbaycanın media nümayəndələrinə müsahibə verib.

Dövlət başçısı bildirib ki, biz həqiqətən də yeni tarixi səhifəyə imza atırıq.

Eyni zamanda, ABŞ və Azərbaycan arasındakı ikitərəfli münasibətlər yeni pilləyə qalxır və bizim strateji tərəfdaşlığımız artıq başlayır. Azərbaycan üçün bu, tarixi nailiyyətdir.

Strateji tərəfdaşlıq formatı bir çox sahəni əhatə edir – qarşılıqlı investisiya, ticarət, rabitə, süni intellekt, tranzit, müdafiə sahəsi, terrorçuluğa qarşı mübarizə və digər sahələr də buraya daxildir. Ümid edirik ki, bu və digər sahələrdə çox fəal şəkildə əməkdaşlığa imza atacağıq. Böyük imkanlar, fürsətlər açılır. Azərbaycan bu istiqamətdə inkişaf edəcək, ölkənin iqtisadiyyatını şaxələndirəcəyik və bu gün də olduğu kimi, işsizliyi daha da azaldacaq, eyni zamanda, gələcəyə böyük nikbinliklə baxacağıq.

Prezident deyib ki, bu gün Azərbaycan xalqının yaddaşına həkk olunacaq.

1992-ci ildə, – Azərbaycan cəmi bir il əvvəl öz müstəqilliyini bərpa edəndən sonra, – bizə tətbiq olunan məhdudiyyət 33 ildən sonra ləğv edilib.

Bu gün biz Cənubi Qafqazda sülhü bərqərar edirik. Bu, nəinki bizim bölgəmiz, eyni zamanda, bütün dünya üçün böyük bir imkandır. Beləliklə, həqiqətən də məhz “Tramp rifah və sülh marşrutu” rabitə, əlaqələr baxımından divarları yox edəcək, əlaqələr yaradacaq və bir sıra ölkələr üçün investisiya, sərmayə, sabitlik və rifah baxımından böyük imkanlar açacaqdır.

Prezident İlham Əliyev söyləyib ki, cənab Tramp Nobel Sülh mükafatına layiqdir.

Mən təklif etmək istəyirəm. Bəlkə biz Baş nazir Paşinyanla razılaşaraq birgə bir təşəbbüs də irəli sürək, Nobel sülh mükafatının sülh komitəsinə göndərək ki, cənab Tramp bu mükafata layiqdir. Müharibə içində olan iki ölkənin rəhbərləri kimi bu tarixi imzalanma mərasimində iştirak etmək həqiqətən də real bir nailiyyətdir və heç kəs bu nailiyyətə imza ata bilmirdi.

Qeyd olunub ki, Amerikada işgüzar səfərdə olmaq, əlbəttə ki, Azərbaycan-Amerika münasibətləri üçün çox önəmli bir məsələdir.

Bir çox önəmli məsələlər müzakirə edildi. Strateji Tərəfdaşlıq Xartiyasını hazırlamaq üçün Strateji İşçi Qrupu da yaradılmışdır və əlbəttə ki, bu sənədin böyük əhəmiyyəti var. Orada gələcək əməkdaşlıq istiqamətləri də açıq-aydın təsbit edilib. Bunlar qarşılıqlı sərmayə qoyuluşu, energetika, nəqliyyat, bağlantılar, tranzit, təhlükəsizlik, süni intellekt, müdafiə sənayesi və müdafiə sahələrində əməkdaşlığı və digər məsələləri ehtiva edir. Yəni, sadəcə olaraq, bu istiqamətlərin sadalanması onu göstərir ki, ölkəmiz qarşısında nə qədər böyük imkanlar açılır və artıq mənim göstərişimlə Azərbaycan tərəfini təmsil edəcək tərkib müəyyən olunub. Biz öz təkliflərimizi irəli sürəcəyik. Artıq mənim səfərim çərçivəsində Amerikanın bir neçə aparıcı şirkəti ilə görüşlər keçirilmişdir. Yəni, biz vaxt itirmək istəmirik. Onsuz da əvvəlki administrasiya dövründəki dörd ili mən itirilmiş illər kimi qiymətləndirirəm. Çünki əfsuslar olsun ki, Bayden administrasiyası zamanı Amerika-Azərbaycan əlaqələri Azərbaycan-Ermənistan əlaqələrinin girovuna çevrilmişdi. Bizim Amerika Birləşmiş Ştatları ilə əvvəlki dövrdə əldə edilmiş nailiyyətlər və potensial demək olar ki, dondurulmuş vəziyyətə salınmışdı. Ona görə indi biz vaxt itirə bilmərik. Xüsusilə cənab Trampın və onun administrasiyasının nümayəndələrinin – komandasının Azərbaycana olan müsbət münasibətini, yəqin ki, tamaşaçılar da bizim keçirdiyimiz görüşlərdən və mətbuat konfransındakı ab-havadan hiss ediblər. Daha ətraflı »

Fəxr edirəm ki, bu partiyanın üzvüyəm

Yeni Azərbaycan Partiyası təsis olunduqdan 8 ay sonra –25 iyul 1993-cü il tarixdə rayonumuzda partiyanın ilk təşkilatı yarandı. Bu gün fəxr edirəm ki, partiya veteranlarından biriyəm.
Əlbəttə, o dövrdə Yeni Azərbaycan Partiyasının üzvü olmaq elə də asan iş deyildi. Ancaq biz hər cür çətinliklərə dözürdük, çünki bu partiyanın rəhbəri hamımızın sevdiyi və inandığı bir insan – Heydər Əliyev idi.
Artıq o vaxtdan 32 il ötüb və zaman göstərir ki, biz yanılmamışıq.
Hazırda Yeni Azərbaycan Partiyasının üzvləri həyatımızın bütün sahələrində öndədirlər. Ulu Öndərimizin ideyalarını dönmədən həyata keçirən möhtərəm Prezidentimiz İlham Əliyevin rəhbərliyi ilə Azərbaycan 44 günlük müharibədə möhtəşəm qələbə əldə edib. İndi bütün dünya liderləri Azərbaycanla hesablaşırlar.
İşğaldan azad olunmuş yerlərə Böyük Qayıdış başlayıb. Vaxtilə düşmənin ayaq basdığı o yerlərdə möhtəşəm beynəlxalq tədbirlər keçirilir.
Bütün bunlar məni və siyasi həmfikirlərimi, bütövlükdə Azərbaycan xalqını ürəkdən sevindirir.
Qeyd etmək istəyirəm ki, YAP Tərtər Rayon Təşkilatı da ötən dövr ərzində inkişaf yolu keçib, onun sıraları qabaqcıl fəal gənclər hesabına möhkəmlənib. Sevindirici haldır ki, partiya üzvləri rayonumuzda keçirilən mühüm siyasi kampaniyalarda fəal iştirak edir və Yeni Azərbaycan Partiyasının əldə etdiyi qələbələrə öz töhfələrini verirlər.

Adil Hüseynov,
partiya veteranı

PARTİYA ÜZVLƏRİ HƏMİŞƏ ÖNDƏDİRLƏR

Tərtər Rayon İcra Hakimiyyətinin və YAP rayon təşkilatının birgə təşkilatçılığı ilə YAP Tərtər Rayon Təşkilatının yaranmasının 32–ci ildönümü münasibəti ilə tədbir keçirilib.
Tədbirdə Tərtər rayon İcra Hakimiyyətinin başçısı Müstəqim Məmmədov, YAP rayon təşkilatının sədri Eldar Əsədov, idarə, müəssisə, təşkilat rəhbərləri, İƏD üzrə nümayəndələr, ərazi partiya təşkilatı sədrləri, partiya veteranları və fəalları iştirak ediblər.
Tədbir iştirakçıları əvvəlcə Ulu Öndər Heydər Əliyevin Mərkəzi Meydanda ucaldılmış abidəsini ziyarət edib, önünə gül-çiçək dəstələri düzərək xatirəsini ehtiramla anıblar.
Sonra tədbir YAP rayon təşkilatının inzibati binasında davam etdirilib.
Əvvəlcə Dövlət himni səsləndirilib, sonra Ümummilli Lider Heydər Əliyevin, torpaqlarımızın su-verenliyi uğrunda canlarını fəda etmiş şəhidlərin və dünyasını dəyişmiş YAP üzvlərinin xatirələri bir dəqiqəlik sükutla yad edilib.
Tədbirdə çıxış edən Tərtər rayon İcra Hakimiyyətinin başçısı Müstəqim Məmmədov rayon təşkila-tının üzvlərini səmimi qəlbdən təbrik edərək, onlara işlərində uğurlar arzulayıb.
Rayon rəhbəri Azərbaycan xalqının ən ağır, taleyüklü dövründə Ümummilli Lider Heydər Əliyev tərəfindən Yeni Azərbaycan Partiyasının təsis edilməsindən və cəmiyyətin aparıcı, intellektual, vətənpərvər kəsiminin YAP-ın sıralarında birləşməsindən, Ulu Öndərin xalqın təkidli tələbi ilə yenidən hakimiyyətə qayıdışının tarixi əhəmiyyətindən geniş bəhs edib.
Bildirib ki, Yeni Azərbaycan Partiyasının ölkəmiz üçün çətin tarixi dövrdə yaranması heç kim üçün sirr deyil. Keçən 32 il ərzində partiyanın bugünkü inkişafının böyük səylərin, qətiyyətin nəticəsi olduğunu böyük əminliklə qeyd edə bilərik. Partiya sıralarında bütün kateqoriyadan olan insanların təmsil olunması isə onu deməyə əsas verir ki, YAP xalqın partiyasıdır.
İcra başçısı o dövrdəki ictimai-siyasi durumdan, Azərbaycanın vətənpərvər və ziyalı insanlarının nicat yolunu Ümummilli Lider Heydər Əliyevin hakimiyyətə qayıtmasında gördüklərindən, onların Ulu Öndərə müraciət ünvanlamalarından, müraciəti ünvanlayan məşhur “91-lər”in öz tarixi missiyalarını şərəflə yerinə yetirmələrindən danışıb.
Bu müraciətə cavab olaraq Yeni Azərbaycan Partiyasının təsis konfransının keçirilməsindən 7 ay sonra YAP-ın iqtidar partiyasına çevrildiyini, Yeni Azərbaycan Partiyası təsis olunduqdan 8 ay sonra isə – 25 iyul 1993-cü il tarixdə rayonumuzda partiyanın ilk təşkilatı yarandığını qeyd edib. Daha ətraflı »

Tədbirdə Tərtər Rayon İcra Hakimiyyətinin başçısı Müstəqim Məmmədov, Milli Məclisin deputatı, Qərbi Azərbaycan İcması İdarə Heyətinin üzvü İlham Məmmədov, Qərbi Azərbaycan İcmasının Bərdə rayonu üzrə sədri Fəzair Piriyev, YAP rayon təşkilatının sədri Eldar Əsədov, hüquq mühafizə orqanlarının rəhbərləri, Qərbi Azərbaycandan müxtəlif vaxtlarda deportasiya olunmuş vətəndaşlar, rayonun ziyalıları və ictimaiyyət nümayəndələri iştirak ediblər.
Tədbir iştirakçıları əvvəlcə Ümummilli Lider Heydər Əliyevin Mərkəzi Meydanda ucaldılmış abidəsini ziyarət edib, önünə gül dəstələri düzərək xatirəsini ehtiramla anıblar.
Sonra təqdimata gələnlər Mədəniyyət Mərkəzinin foyesində Qərbi Azərbaycana həsr olunmuş kitab və fotosərgiyə baxıb, Qərbi Azərbaycan mətbəxi ilə tanış olublar.
Tədbirdən öncə Ümummilli Lider Heydər Əliyevin və torpaqlarımızın suverenliyi uğrunda canlarından keçmiş şəhidlərin xatirəsi bir dəqiqəlik sükutla yad edilib və Dövlət Himni səsləndirilib.
Sonra “Qərbi Azərbaycan TV”-nin hazırladığı “Qərbi Azərbaycan İrsi” silsilə nəşri ilə bağlı hazırlanmış videoçarx nümayiş olunub.
Tədbiri açan Tərtər Rayon İcra Hakimiyyətinin başçısı Müstəqim Məmmədov çıxış edərək nəşrin mövzusunun əhəmiyyəti, məqsədi və aktuallığı barədə danışıb. Bildirib ki, Azərbaycan Respublika-sının Prezidenti İlham Əli-yevin tövsiyəsi ilə Qərbi Azərbaycan ərazisində azərbaycanlıların tarixən yaratdığı dövlətçilik ənənələri, maddi və qeyri-maddi mədəni irsi, məruz qaldıqları tarixi ədalətsizliklər və cinayətlər, itirdikləri maddi-mənəvi sərvətlər haqqında davamlı tədqiqatlar aparılmaqdadır. Bu istiqamətdə müasir elmi yanaşmalara uyğun yeni fundamental araşdırma – “Qərbi Azərbaycan İrsi” tədqiqatlar seriyası nəşr edilməyə başlanılıb. “Qərbi Azərbaycan İrsi: Ermənistanda azərbaycanlıların mad-di-mədəni irsinin – qəbiristanlıqların sistemli qaydada dağıdılmasının nəticələri və beynəlxalq hüquqi məsuliyyətə dair hesabat və materiallar” kitabının I cildi seriyanın ilk nəşridir və Azərbaycan, ingilis, rus dillərində nəfis tərtibatla çap edilib. Daha ətraflı »

İyulun 19-da Azərbaycan Respublikasının Prezidenti İlham Əliyevin III Şuşa Qlobal Media Forumunda çıxış edib. Ölkə başçısı çıxışında bildirib ki, üçüncü dəfədir ki, belə bir mühüm tədbir Qarabağda keçirilir.

Şuşa Media Forumu artıq ənənəvi xarakter alıb. Ümid edirəm ki, bu ənənə davam edəcək və vaxt keçdikcə qonaqların sayı artır, coğrafi əhatə daha da genişlənir. Bütün bunlar bir daha göstərir ki, ən mühüm mövzuların mehriban şəraitdə açıq müzakirələrinə böyük ehtiyac var. Söhbət təkcə mediadan deyil, həmçinin qlobal gündəlikdən gedir. Dünyada vəziyyət sürətlə dəyişir. Əgər ötən il Şuşada keçirilmiş Forumdan başlasaq görərik ki, nə qədər çox dəyişikliklər baş verib.

Əlbəttə ki, ilk növbədə, mətbuat belə tədbirlərə qatılır, bütün hekayələri söyləyir, bu dəyişiklikləri, hadisələri təsvir edir və öz cavabını, rəyini bildirir. Bugünkü görüşü burada, yeni tikilmiş Konqres Mərkəzində, Xankəndinin Zəfər meydanında keçirmək qərarına gəldik. Beləliklə, əminəm ki, bura qonaqlar üçün maraqlı olacaq, yenidənqurma, eləcə də 30 ildən artıq bu yerlərdən didərgin düşmüş insanların qayıtması baxımından ərazilər azad olunandan sonra görülmüş işlərə baxmaq cəlbedici olacaq.

Cənab prezident qeyd edib ki, ötən il 197 ölkənin iştirakı ilə keçirilmiş COP29 ölkədə ilin tədbiri oldu. Belə bir mühüm iqlim dəyişmələri konfransında bütün dünyada çox böyük auditoriya var idi. Qeydiyyatdan keçmiş 77 min iştirakçı oldu. Qeyd etdiyim kimi, təxminən 200 ölkədən nümayəndə gəlmişdi. Onların sırasında 70 dövlət və hökumət başçısı var idi. Bu, həmin mövzunun əhəmiyyətini aydın şəkildə göstərdi. Həmçinin bir çox insan Bakıya, Azərbaycana ilk dəfə idi ki, səfərə gəlmişdi. Qlobal iqlim gündəliyinə töhfəmizə gəldikdə deyərdim ki, Azərbaycan ekologiyaya hörmətlə yanaşan ölkədir. Biz elektrik enerjisinin istehsalında nə kömürdən, nə də ki, yanacaqdan istifadə edirik. Biz yalnız su və təbii qaz ehtiyatlarından istifadə edirik və bu yaxınlarda Günəş enerjisindən istifadəyə başlamışıq.

2030-cu ilə qədər artıq imzalanmış investisiya müqavilələri əsasında biz ən azı 6 giqavatlıq yaşıl enerjini, o cümlədən Günəş, külək və su elektrik enerjisini istehsal edəcəyik. Su elektrik enerjisi Qarabağ və Şərqi Zəngəzurda əsas yer tutur. Biz ümumi 280 meqavat gücündə 30 kiçik su elektrik stansiyasını artıq istismara vermişik. Beləliklə, yaşıl gündəliyimiz həqiqətən çox genişdir. Eyni zamanda, Azərbaycanın mesajı ondan ibarət idi ki, biz həmin məsələyə realist və praqmatik yanaşmalıyıq. Hamımız anlayırıq ki, biz planeti qorumalıyıq. Lakin ətraf mühit böhranına ən çox rəvac verənlər, yəqin ki, bu yükü öz üzərinə götürməlidirlər. Daha ətraflı »

Azərbaycan Respublikasının Prezidenti Yanında Vətəndaşlara Xidmət və Sosial İnnovasiyalar üzrə Dövlət Agentliyinin Bərdə regional “ASAN xidmət” mərkəzinin səyyar xidmət avtobusu iyul ayının 1-dən 30-na dək Tərtər sakinlərinə xidmət göstərəcəkdir. Səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Dövlət Sosial Müdafiə Fondu və İqtisadiyyat Nazirliyi yanında Əmlak Məsələləri Dövlət Xidməti tərəfindən təqdim olunur.
* Tibb xidməti
* Bank xidməti (dövlət rüsumlarının və xidmət haqlarının qəbulu)
* Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi
* Mənzillər üzərində mülkiyyət hüquqlarının dövlət qeydiyyatına alınması barədə çıxarışların verilməsi
* Yaşayış evləri (fərdi) üzərində mülkiyyət hüquqlarının dövlət qeydiyyatına alınması barədə çıxarışların (ilkin qeydiyyat istisna olmaqla) verilməsi Daha ətraflı »