Yanvarda doğulan şəhidlərimiz

Hüseynov Eşqin Cəsarət oğlu- 20 yanvar 1998-ci ildə Hüsənli kəndində doğulub.
Hüseynov Anar Rəhim oğlu- 9 yanvar 1997-ci ildə Tərtər şəhərində doğulub.
Məmmədov Taleh Arif oğlu- 1 yanvar 1999-cu ildə Hüsənlidə dünyaya göz açıb.
İsmayıllı Şamil Kamil oğlu- 4 yanvar 1993-cü ildə Dəmirçilər kəndində doğulub.
Əhmədzadə Mürşüd Müdahil oğlu- 4 yanvar 2000-ci ildə Evoğlu kəndində anadan olub

                                                                                   DÖYÜŞÇÜ XƏYYAM

Xəyyam Hüseyinli 1994-cü il iyun ayının 26-da Tərtərdə anadan olub. 1 saylı tam orta məktəbdə oxuyub. Əskəri xidmətini başa vurduqdan sonra bir müddət Rusiyada yaşayıb. Lakin doğma el-obadan ayrı qala bilməyib.Yenidən boya-başa çatdığı Tərtərə qayıdıb. Qərarlaşdırıb ki, müddətdən artıq xidmətə yazılsın. General Polad Həşimovun şəhid olması xəbəri Xəyyamın bu istəyini, mənfur erməniyə qarşı nifrət hissini birə-on artırıb. Odur ki, rayon hərbi komissarlığına müraciət edərək könüllü hərbi hissəyə müddətdən artıq xidmətə yazılır. 18 iyul 2020-ci il tarixdən qeydiyyata götürülür, lakin hərbi hissəyə təyin olunması biraz ləngidilmişdi. Bəlkə də ananın yeganə övladı olduğu üçün təyinatı gecikdirilirdi.
27 sentyabr 2020-ci il. Qəddar ermənilər öz məkrli siyasətlərini yeritməyə başladılar.Ərazilərimizi iriçaplı silahlarla atəşə tutdular. Atılan top və raketlərin səsindən qulaq tutulurdu. Elə ilk anlardan dinc əhaliyə ziyanlıq vurulur, dağıntı və itkilər olurdu. Xəyyam isə hələ də hərbi hissədə deyildi. İki gün şəhərdən kənara çıxmayan sakinlərlə bərabər qalır. Könüllü olaraq yaralı və şəhid olmuş sakinlərin daşınmasına öz köməkliyini göstərir. 29 sentyabrda onu könüllü olaraq “N” saylı hərbi hissənin həmlə bölüyündə qumbaraatan komandiri təyin edirlər. Bir neçə gün təlim keçdikdən sonra oktyabrın 3-dən mənfur düşmənlə döyüşə qatılır. Talış, Suqovuşan və Ağdərə istiqamətində gedən qanlı döyüşlərin fəal iştirakçısına çevrilir. Ürəyindəki nifrətini düşmənə göstərməyin artıq vaxtı idi. Odur ki, döyüş yoldaşlarını tək qoymayaraq igidliklə vuruşurdu.
Oktyabrın 7-də Ağdərə istiqamətində aparılan döyüş zamanı snayper gülləsindən yaralanan Xəyyamı hərbi hospitala çatdırırlar. Bir neçə gün müalicə götürdükdən sonra yarası sağalmamış 12 oktyabrdan hərbi hissəyə qayıdıb, döyüşünü davam etdirir. Özü bu barədə deyir: Daha ətraflı »

Şəhər 6 saylı tam orta məktəbində 44 günlük Vətən Müharibəsində böyük qəhrəmanlıq və şücaət göstərərək şəhidlik zirvəsinə ucalan baş leytenant, Murov fatehi, Kəlbəcərin işğaldan azad olunması uğrunda gedən döyüşlərdə qəhrəmancasına həlak olan Qənbər Qənbərlinin adına verilmiş sinfin açılışı olub.
Tədbirdə Qənbər Qənbərlinin valideynləri, şəhid ailələri, qazilər, veteranlar, müəllimlər və şagirdlər iştirak ediblər.
Məktəbin dil-ədəbiyyat müəllimi, V “b” sinfinin rəhbəri, Əməkdar müəllim Tahirə Quliyeva bildirib ki, məqsəd şəhidimizin adını əbədiləşdirmək, bugünkü şagirdlərimizə Qənbər Qənbərlinin və onun timsalında minlərlə şəhidimizin keçdiyi ömür yolunu tanıtmaq, böyüyən nəsli vətənpərvərlik Daha ətraflı »

Daim özünün xeyirxah ənənələri ilə seçilən şəhər 1 saylı tam orta məktəbinin müəllim və şagird kollektivlərinin üzvləri, valideynlər qazi və şəhid ailələrində olublar. Direktor əvəzi İntiqam Nuriyevin, müavinlərdən Ziyafət Rüstəmovanın, Tofiqə Ələkbərovanın, Ələmdar Eminovun, müəllimlərdən Ramilə Heydərovanın, Aliyə Balakişiyevanın, Ülviy-yə Məmmədovanın, Mehriban Məmmədovanın və başqalarının, həmçinin şagird və valideynlərin bu təşəbbüsdə yaxından iştirak etmələri həmrəyliyimizin daha bir nümunəsi oldu. Onlar həmin ailələrdə olaraq bu insanlara unudulmamaq hissini yaşatdılar, şagirdlərə isə unutqan olmamağı aşıladılar.
Məktəbin direkitor müavini Ziyafət Rüstəmova deyir ki, şəhidlərimizin ruhu qarşısında, qazilərimiz qarşısında mənəvi borcumuzu azacıq da olsa ödədiyimiz üçün rahatlıq tapdıq.
Şəhid ailələrinin üzvləri və qazilər isə qonaqlara öz təşəkkürlərini bildirərək söyləyiblər ki, dövlətimiz onlara hər cür maddi və mənəvi dəstək göstərir. Bununla yanaşı, şəhid analarının da, qazilərimizin də bu həmrəyliyə böyük ehtiyacı var. Çünki ən böyük dərd birlikdə çəkiləndə bir az yüngülləşir. Belə görüşlərin şagirdlərin vətənpərvərlik tərbiyəsinə də böyük təsiri var.
Bu cür tədbirlər yalnız bayramlarda deyil, ilboyu davam etdiriləcək.

“Yeni Tərtər”

                                                                                        AĞAC KÖLGƏSİ

Yolçular artıq xeyli yol qət etmişdilər. El yolu nə qədər maraqlı, ətraf nə qədər mənzərəli olsa da, yorğunluq hiss edilməkdə idi. Bir tərəfdən də isti onları təntidir, aclıq hissi baş qaldırırdı. Döngəni burulanda yolun solunda, meşənin ətəyində qayalara söykənmiş üçbucaq şəkilli bir düzəngah göründü. Ortalıqda qol-budaqlı bir agac da vardı.Yaxınlaşanda gördülər ki, agacın kökgəsində qırmızı daşların arasından bir bulaq çağlayır. Deməli, bu Daşbulaq idi və Sərsəngə lap az, kəndə isə yeddi-səkkiz kilometr qalırdı. Əl-üzlərini yudular, bulağın sərin suyundan doyunca içdilər. Ağacın dibindəki daşların üstündə oturub dinclərini almağa başladılar. Düzəngahda qayanın dibinə bir köç düşmüşdü. Səyyar alaçıq qurulmuşdu. Alaçığın yanında bir qadın sac asıb yuxa bişirirdi. Qadın birdən sacın arxasından qalxdı. Sonra əlində bir ağ bükülü onlara yaxınlaşdı. Əlindəki süfrəni onların qənşərindəki yastı daşın üstünə açdı və dinməzcə də qayıdıb getdi. Yolçular isti yuxaya bükülmüş qoyun pendirini ləzzətlə yeyib qalxdılar və yollarına davam etdilər. Heç kim heç nə demədi. Sözə ehtiyac yox idi. Mənzil Umudlu kəndinə idi. Təyinat almış bu iki gənc müəllim gəlib Umudlu məktəbinə yetişdilər. Onların ömür yolları dogma məktəbin ömür yoluyla qoşalaşaraq 1991-ci ildən davam etdi. Daha ətraflı »