2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində törədilən genişmiqyaslı təxribatlar nəticəsində şəhid olmuş Əhmədzadə Məftun Seymur oğlunun əziz xatirəsinə.

Əzizimiz Məftun! Bu gün səni hamı bu adla çağırır. Hamımızın, hər bir ailənin əzizisən, doğmasısan. Şəklin əllərdə gəzir, şagirdlərin partalarının üzərinə qoyulur. Müəllimlər böyüyən nəslə sənin 26 illik əbədiyaşar ömrün haqqında məlumat verirlər.
Sənin haqqında danışanda gözlərimiz yaşarsa da, bu, kədər göz yaşları olmaqla yanaşı, həm də qürurdan doğan hisslərdir. Axı, sən bizim qürurumuz, fəxrimizsən.
Sən xatirələrdə çox güclü, təəssübkeş bir oğlan kimi yaşayırsan. Bunu Evoğlu kəndinin sakinləri, eləcə də səni tanıyan, sevən bütün insanlar, valideynlərin, doğmaların, “dayı” deyib, qollarını geniş açaraq özlərini qoynuna atan bacın uşaqları söyləyirlər.
26 illik qısa ömründə evinə ancaq halal, zəhmətlə qazanılan ruzi gətirmisən, haram tikəyə əl uzatmamısan. Daha ətraflı »

SƏDAQƏT

Nə açıq bir söz demişdi, nə vədə almışdı. Gözləri danışmışdı o qızla . Kəndlərinin sayılıb-seçilən gözəli ilə. Gözlə demişdi məni. Qayıdacağam. Əhdinə vəfasız çıxma. Səni gözü yolda, tənha qoymaram.
Baxışlarla möhkəmlənmişdi bu əhd, bu ilqar. Hamı qız qapısından boş dönən elçilərin üz-gözündən hər şeyi oxumuşdu. Heç ata-anası da heç nəyi qızlarının üzünə vurmamışdı. Başa düşmüşdülər bu lal sevdanı.
İnsanı yaşadan ümiddi, deyirlər. Ən son ölən də ümiddir. O qız da ümidin pənahına sığınıb gözləmişdi. Nigarançılıqdan üzülə-üzülə, gizli göz yaşları axıda-axıda gözləmişdi. Ta ümidi qırılana qədər.
Bir payız soraqlı nalə sevgisinin xəzanını gətirənə qədər gözləmişdi. Özünə söz vermişdi ki, ölənədək gözləyəcək.
Elinə arxa çevirməyən igidə verilmişdi bu söz. Və o sözündən çıxa bilməzdi. O igid canını Vətəninə qıydığı kimi, o gözəl də sevgisinə qıyırdı. Sədaqətin, dözümün sübutu kimi.

Rəfayə Əzizova

28 sentyabr 2020-ci il . Həmin gün Tərtər şəhərinin erməni silahlı qüvvələri tərəfindən atəşə tutulması nəticəsində 43 yaşlı Əliyev Mehman Sovet oğlu şəhid olub.

Bu gün  rayon rəhbəri Müstəqim Məmmədov şəhidin ildönümü münasibəti ilə onun ailəsində olub.

Şəhidin ruhuna dualar oxunub, onun keçdiyi ömür yoluna bir daha nəzər salınıb.

Mehman Əliyev 1977-ci ilin sentyabr ayının 4-də Tərtər şəhərində anadan olub. 1991-ci ildə Tərtər rayon Uşaq Musiqi Məktəbini,1996-cı ildə Ü.Hacıbəyov adına Ağdam Musiqi Texnikumunu qarmon ixtisası üzrə bitirib. Tərtər rayon Uşaq Musiqi Məktəbində müəllim işləyib.

Mehmanın özündən sora 3 övladı yadigar qalıb.

Ailə dövlət tərəfindən hərtərəfli qayğı ilə əhatə olunub.

Rayon rəhbəri şəhidin ailəsinə başsağlığı verərək, onlara səbr diləyib, şəhidlərin Tanrı dərgahında öz yerinin olduğunu bildirib, şəhid ailəsinin qayğıları ilə maraqlanıb.

Şəhidin ailə üzvləri onlara göstərilən xüsusi  diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

Allah bütün şəhidlərimizə rəhmət eləsin.

“Şəhidlər ölməz, Vətən bölünməz!”

Tərtər rayon İcra Hakimiyyətinin başçısı Müstəqim Məmmədov rayonun Qaynaq kəndində doğulmuş, Vətən müharibəsində 28 sentyabr 2020-ci il tarixdə Talış kəndi istiqamətində gedən döyüşlərdə şəhid olmuş Məhərzadə Taleh Oktay oğlunun  ailəsində olub.

Şəhidin ailə üzvləri ilə görüşən rayon rəhbəri onlarla birlikdə 24 yaşlı Talehin keçdiyi döyüş yoluna nəzər salıb.

Taleh Məhərzadə 2013-cü ildə həqiqi hərbi xidmətdə olub. 2020-ci ildə isə müddətdən artıq hərbi xidmətə yazılıb. Onun qısa, ancaq mənalı ömür yolu, Vətənə olan sevgisi gənclərə bir örnəkdir.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq Sərəncamlarına əsasən Taleh Məhərzadə ölümündən sonra “Vətən uğrunda”,  “Laçının azad olunmasına görə”, “Suqovuşanın azad olunmasına görə”, “İgidliyə görə”  medalları ilə təltif edilib.

Şəhidin ikinci ildönümündə onun xatirəsi ehtiramla yad olunub, ruhuna dualar oxunub. İcra başçısı ailənin qayğıları ilə maraqlanıb.

Şəhidin ailə üzvləri onlara göstərilən xüsusi  diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

Allah bütün şəhidlərimizə rəhmət eləsin.

“Şəhidlər ölməz, Vətən bölünməz!”

Tərtər Rayon İcra Hakimiyyətinin başçısı Müstəqim Məmmədov, Milli Məclisin deputatı Sahib Alıyev və hüquq-mühafizə orqanlarının rəhbərləri ilə birlikdə şəhid Hacıyev Qubad Cəmil oğlunun ailəsi ilə görüşüb, onların problemləri və qayğıları ilə maraqlanıblar.

Görüşdə rayon rəhbəri Sentyabrın 13-də Ermənistan silahlı qüvvələrinin Azərbaycanın Kəlbəcər, Laçın, Daşkəsən və Zəngilan rayonları istiqamətində törətdiyi genişmiqyaslı təxribatlardan, bu təxribatların qarşısının alınması zamanı Azərbaycan Ordusunun şəhidlər verməsindən söhbət açıb. Qeyd olunub ki, 44 günlük Vətən müharibəsində qazanılan şanlı  zəfər kimi yenə də Azərbaycan əsgəri düşmənə layiqli cavablar verir. İcra başçısı 44 günlük Vətən müharibəsində tərtərli oğulların döyüşlərdə göstərdiyi sücaətlərdən də söhbət açıb, hər birinin qısa, lakin mənalı ömür yolunun gənclərə örnək olduğunu bildirib. Qarabağı görməyən gənclərin qəhrəmanlığı, peşakar döyüşçü olmaları sayəsində Müzəffər Ali Baş Komandanın rəhbərliyi altında torpaqlarımızın işğaldan azad olunduğunu, belə igid oğullar böyütdükləri üçün şəhid valideynləri qarşısında baş əydiyini bildirib. Qazanılan tarixi zəfərdən sonra işğaldan azad olunmuş torpaqlarda aparılan nəhəng quruculuq işlərindən söhbət açıb. Qeyd edib ki, dövlətimizin başçısı cənab İlham Əliyev və birinci vitse-prezident Mehriban xanım Əliyeva hər zaman şəhid ailələrinə diqqət və qayğı ilə yanaşır. Daha ətraflı »

Xalqımız öz igid oğullarını unutmur, həmişə onların xatirəsini əziz tutur, “Şəhidlər ölməz, Vətən bölünməz” deyir.

Azərbaycanın ərazi bütövlüyü uğrunda canlarından keçən şəhidlərimizə Allah rəhmət eləsin, qazilərimizə şəfa  versin!

Mərkəzi İcra hakimiyyəti orqanlarının və digər idarəetmə qurumlarının rəhbərlərinin yerlərdə vətəndaş qəbulu cədvəlinə uyğun olaraq 22 sentyabr 2022-ci il tarixdə Tərtər rayonunda vətəndaşları qəbul edən Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimov qəbuldan sonra rayon icra hakimiyyəti başçısı Müstəqim Məmmədov, Milli Məclisin deputatı Sahib Alıyev, hüquq mühafizə orqanlarının və digər qrumların rəhbərləri ilə birlikdə rayonun Evoğlu kəndindən olan şəhid Məftun Əhmədzadənin yeddi mərasimində iştirak edib, şəhidin ailəsinə başsağlığı veriblər.

Mərasimdə bütün şəhidlərin ruhuna dualar oxunub, keçdikləri döyüş yoluna nəzər salınıb, xatirələri ehtiramla anılıb.

Qeyd edək ki, Tərtər rayonunun Evoğlu kənd sakini 1996-cı il təvəllüdlü, Azərbaycan Silahlı Qüvvələrinin hərbi qulluqçusu, müddətdən artıq həqiqi hərbi xidmət keçən əsgər Əhmədzadə Məftun Seymur oğlu Ermənistan tərəfindən 12-13 sentyabr 2022-ci il tarixində sərhəddə törədilən genişmiqyaslı təxribatın qarşısının alınması zamanı şəhid olub. Daha ətraflı »

Torpaqlarımızın bütövlüyü uğrunda gedən döyüşlərdə şəhidlik zirvəsinə ucalan Tərtər rayonunun Yuxarı Qapanlı kənd sakini Hacıyev Rüstəm Firqani oğlununun doğum günü məzarı önündə qeyd olunub.

Bu münasibətlə Tərtər Rayon İcra Hakimiyyətində Vətən müharibəsi iştirakçıları və şəhid ailələri ilə işin təşkili şöbəsinin müdiri Ülvi Nəcəfov, YAP Tərtər rayon təşkilatının sədri Eldar Əsədov, şəhidlərin ailə üzvləri, qazilər, veteranlar, kənd sakinləri və şəhidin yaxınları şəhidin məzarını  ziyarət edərək önünə gül dəstələri düzüb, ruhuna dualar oxuyublar.

Rüstəm Hacıyev 1999-cu ilin sentyabr ayının 22-də Tərtər rayonunun Yuxarı Qapanlı kəndində anadan olmuşdur. Daha ətraflı »

Vətən müharibəsi şəhidi Verdiyev İsax Ədalət oğlu 21 sentyabr 1997-ci ildə Tərtər şəhərində anadan olub. Sentyabrın 27-də başlayan Vətən Müharibəsində fəal iştirak edib. O, oktyabr ayının 6-da Füzuli istiqamətində gedən döyüşlərdə şəhidlik zirvəsinə yüksəlib. 7 oktyabr 2020-ci ildə yaşadığı Sumqayıt şəhərində Şəhidlər xiyabanında dəfn edilib. Azərbaycan Respublikası Prezidentinin Sərəncamı ilə ölümündən sonra “Vətən uğrunda”, “Füzulinin azad olunmasına görə” medalları ilə təltif edilib.

Allahdan bütün şəhidlərimizə rəhmət, qazilərimizə can sağlığı diləyirik.

Ermənistan tərəfindən sərhəddə törədilən geniş-miqyaslı təxribatın qarşı-sının alınması zamanı şəhid olan Azərbaycan Silahlı Qüvvələrinin hərbi qulluqçusu, müddətdən artıq həqiqi hərbi xidmət keçən əsgər, 1996-cı il təvəllüdlü Əhmədzadə Məftun Seymur oğlunun cənazəsi sentyabrın 16-da doğulduğu Tərtər rayonunun Evoğlu kəndinə gətirilib.
Şəhidlə vida mərasimində Tərtər Rayon İcra Hakimiyyətinin başçısı Müs-təqim Məmmədov, hüquq-mühafizə orqanlarının rəhbərləri, “N” saylı hərbi hissənin əsgər və zabitləri, şəhid ailələri, qazilər, veteranlar, rayon ictimaiyyətinin nümayəndələri, kənd sakinləri, şəhidin doğmaları və döyüş yoldaşları iştirak ediblər.
Mərasimdə cənazə na-mazı qılınıb, şəhidin ruhuna dualar oxunub.
Kənd qəbiristanlığındakı dəfndə izdiham yaşanıb və mərasim iştirakçıları “Şəhidlər ölməz, Vətən bölünməz!” şüarı səsləndiriblər. Dəfn mərasimində cənazənin üzərindəki üçrəngli Azərbaycan bayrağı Tərtər Rayon İcra Hakimiyyətinin başçısı Daha ətraflı »