Tərtər Regional Aqrar Elm və İnnovasiya Mərkəzinin təlimçiləri tərəfindən İsmayılbəyli kəndində fermerlərə məxsus kümxanada “Baramaçılıqda aqrotexniki qaydalara düzgün əməl etməklə ipəkqurdunun bəslənməsi” mövzusunda təlim keçirilib. Pandemiya şəraiti ilə əlaqədar 10 nəfər kümçünün və aqrar sahə mütəxəssisinin iştirak etdiyi təlimlərdə ara məsafəsi qorunub, tibbi maskalardan istifadə edilib.
Təlim zamanı Tərtər Regional Aqrar Elm və İnnovasiya Mərkəzinin direktor müavini Namiq Məmmədov, mütəxəssisləri Süleyman Məmmədov və Flora Ələsgərova kümçülərin həyata keçirməsi gərəkən aqrotexniki tədbirlər haqqında öz təcrübələrini bölüşüblər. Tut ipəkqurdlarından bol məhsul əldə etmək üçün, onların bəslənməsi, saxlanma şəraiti qarşılıqlı diskusiya şəklində müzakirə olunub. Kümçüləri maraqlandıran suallar cavablandırılıb.

2021-ci ilin yanvar-mart ayları üzrə Tərtər rayonunda kənd təsərrüfatının ümumi məhsulunun faktiki qiymətlərlə dəyəri 8067.3 min manat təşkil etmişdir ki, onun 8024.3 min manatı və ya 99.5 faizi heyvandarlıq məhsullarının, 43 min manatı və ya 0.5 faizi bitkiçilik məhsullarının payına düşür. 2020-ci ilin yanvar-mart ayları ilə müqayisədə kənd təsərrüfatının istehsalı 0.3 faiz artmışdır.
                                                                                               Tərtər Rayon Statistika İdarəsi

İlin ən gözəl fəsillərindən biri sayılan yaz fəsli əkinçilikdə insanların həyatında həm faydalı, həm də əlverişli fəsil kimi hər zaman özünü göstərmişdir. Yaz fəsli torpaqda xüsusən də əkinçiyə lazım olan şərait amillərini yaradır. Azəri Yurdunun ta qədimdən torpaqda çalışan halal, zəhmətkeş insanları ilin ən gözəl yaz fəslini səbirsizliklə gözləmişlər. Bu fəslin sevinci Tərtər rayonunun əməkçi fermerlərindən də yan keçmir. Rayonun zəhmətkeş insanları hamılıqla öz təsərrüfatlarında yazın gəlişindən istifadə edərək, sidqürəklə alıntəri axıda-axıda ucsuz-bucaqsız tarlalarda çalışırlar. Hal-hazırda fermer təsərrüfatlarında mövsümə uyğun olaraq yaz səpinləri ilə əlaqədar işlərə başlanılmışdır.
Təsərrüfat sahibləri yaxşı bilirlər ki, əgər torpaqda ilin fəsilləri ilə əlaqədar aparılan işlər gecikərsə, nəticədə oradan gözlənilən məhsul aşağı səviyyədə olacaqdır. Daha ətraflı »

Tərtər rayonu üzrə 2020-ci ilin məhsulu üçün kənd təsərrüfatı bit-kilərinin əkin sahəsi 25572.6 hektar olmuşdur. Kənd təsərrüfatı bit-kilərinin əkin sahəsi 2019-cu ilə nisbətən 1280.7 hektar və ya 4.8 faiz azalmışdır. Əkin sahəsinin 10882.8 hektarını və yaxud 42.6 faizini dənli və dənli paxlalı bitkilər, 5134.8 hektarını və yaxud 20.1 faizini texniki bitkilər, 1444.5 hektarını və yaxud 5.6 faizini kartof, bostan və tərəvəz bitkiləri, 8110.5 hektarını və yaxud 31.7 faizini yem bitkiləri təşkil etmişdir.
2020-ci ildə dənli və dənli paxlalı bitkilərin əkini əvvəlki ilə nisbətən 288.6 hektar və yaxud 2.6 faiz, o cümlədən buğda əkini 1037 hektar və yaxud 14.6 faiz azalmış, arpa əkini 728.4 hektar və yaxud 19.1 faiz, digər dənli və dənli paxlalılar əkini 20 hektar və yaxud 7.6 faiz artmışdır. Nəticədə 2020-ci ildə qarğıdalı nəzərə alınmaqla ilkin çəkidə 45323.2 ton dənli və dənli paxlalı bitkilərin məhsulu toplanmışdır. Bu isə əvvəlki ilin müvafiq göstəricisindən 1565.9 ton və ya 3.6 faiz çoxdur.
Dənli və dənli paxlalıların tərkibində payızlıq buğda əsas yer tutur.
Belə ki, istehsal olunmuş taxıl məhsulunun 56.2 faizini və ya 25620 tonunu buğda təşkil etmişdir. Taxılın 36.3 faizi və ya 16436.1 tonu arpa, 6.6 faizi və ya 2981.9 tonu qarğıdalının, 0.6 faizi və ya 285.1 tonu digər taxıl məhsullarının payına düşür. Əvvəlki ilə nisbətən 2020-ci ildə buğda istehsalı 13.1 faiz, darı istehsalı 7.4 faiz, noxud istehsalı 48.5 faiz, lobya istehsalı 18.2 faiz azalmış, arpa istehsalı 27.7 faiz, dən üçün qarğıdalı istehsalı 2.8 dəfə, soya istehsalı 24.1 faiz artmışdır. 2020-ci ildə dənli və dənli paxlalı bitkilərin hər Daha ətraflı »

BARAMA İSTEHSALI ARTIR

Rayonumuzda baramaçılığın inkişafı üçün 2016-cı ildə təsərrüfatlarda 31 min 357 ədəd çəkil tingi əkilib. Ondan 30 min ədədi Çin Xalq Respublikasından gətirilib, 1357 ədədi isə yerli çəkil tingləridir. 2017-ci ildə isə 92 min ədəd çəkil tingi gətirilib və əkilib. Onun 40 min ədədi Çin Xalq Respublikasından gətirilib, 52 min ədədi isə yerli tingdir.
2018-ci ildə rayonumuza 100 min ədəd çəkil tingi gətirilib və əkilib. Ondan da 33 min ədəd Çin Xalq Respublikasından gətirilən, 67 min ədədi isə yerli çəkil tingləridir. Bütövlükdə 3 il müddətində rayonumuza 223 min 357 ədəd çəkil tingi gətirilib və əkilib. 2017-ci ildə rayonumuza 112 qutu ipəkqurdu toxumu verilib, ondan ümumi çəkidə 4610 kq, 2018-ci ildə 251 qutu ipəkqurdu paylanmış, ondan 10 min 228 kq barama məhsulu istehsal olunub. Bütövlükdə rayonumuzda 2017-2018-ci illərdə ümumi 14 min 838,6 kq barama istehsal olunub.

Tərtər Dövlət Aqrar İnkişaf Mərkəzi

Əvvəllər pambıqçılıq Tərtər rayonu üçün ənənəvi sahələrdən biri olub. Buranın iqlim şəraiti, torpağının bərəkətli olması, bol suyu bu sahənin inkişaf etdirilməsi üçün əlverişli sayılıb.
Azərbaycan müstəqillik qazandıqdan sonra ilk illər ölkədə yaranmış böhran vəziyyət pambıqçılığa da təsirini göstərib. Müəyyən çətinliklər səbəbindən adamların tədricən bu işə marağı azalıb. Ancaq ötən illərin təcrübəsi, əmək qələbələrinin doğurduğu sevinc hissləri, evlərə gələn halal qazanc və bunun müqabilində yaxşılaşan həyat tərzi unudulmamışdı. Ona görə də Prezident İlham Əliyev ölkədə pambıqçılıq sahəsinin inkişaf etdirilməsi məsələsini qarşıya qoyanda, bu işə ilk qoşulanlar cərgəsində tərtərlilər də oldu.
Ölkə başçısının bu qərarı hamı tərəfindən rəğbətlə qarşılandı. Ötən ilin yekunları isə sübut etdi ki, Tərtərdə pambığın əkilib-becərilməsi üçün həm lazımi şərait, həm də insanların həvəsi var. Bunlar birləşəndə isə qələbələr qazanılır. Ötən mövsümdə olduğu kimi. Daha ətraflı »

Kənd Təsərrüfatı İşçiləri Gününə həsr olunan tədbirin iştirakçıları əvvəlcə ulu öndərin şəhərin mərkəzi meydanındakı abidəsi önünə gül düzərək, xatirəsini ehtiramla yad etdilər. Sonra bayram yığıncağı Gənclər Mərkəzində davam etdirildi.
Mərasimi giriş sözü ilə açan Tərtər Rayon İcra Hakimiyyətinin başçısı Müstəqim Məmmədov rayonun iqtisadiyyatının əsasını aqrar sahə təşkil etdiyindən, əhalinin əksəriyyətinin kənd təsərrüfatı işləri ilə məşğul olduğundan, müharibə şəraitində yaşamağın bütün çətinliklərinə baxmayaraq, qəhrəman tərtərlilərin son illərdə, eləcə də cari ilin doqquz ayı ərzində bitkiçilik və heyvandarlıq məhsulları istehsalı üzrə yüksək nəticələr əldə edərək, respublikada ön cərgədə olduqlarından danışdı. Daha ətraflı »

KƏNDİN “VİZİT KARTI”

Hər kəndin özünəməxsusluğu var. Xüsusən də yaşayış məntəqəsinin girəcəyi sanki həmin yerin “vizit kartı” hesab olunur. İlk təəssürat da elə buradan başlayır.
Magistral yoldan Hacıqərvənd kəndinə dönəndə insanın qəlbi də, gözü də sevinir. Yolun hər iki tərəfində yerləşən və ildən-ilə bir az da boy atan həmişəyaşıl ağaclar bura xüsusi gözəllik verir. Son vaxtlar tikilən “Ehsan bulağı” da tərtibatı ilə diqqəti cəlb edir. Yolun lap əvvəlində isə hər iki tərəfdən gül əkiləcək.
Bu gözəllikləri yaradanlardan biri– kənd sakini Mehman Mehdiyevlə də elə burada görüşdük. O bildirdi ki, həyatda doğma yurddan, el-obadan əziz heç nə yoxdur. Onu abadlaşdırmaq, daha yaraşıqlı etmək isə hər kəsin vətəndaşlıq borcudur. Bu istək ürəkdən gəlməlidir. Mehman da kəndin adi sakinlərindən biri kimi həm özü bu iş üçün çalışır, həm də başqalarını həvəsləndirir. O deyir ki, Hacıqərvənd kəndində doğulub boya-başa çatan, hazırda respublikamızın digər şəhərlərində yaşayan yüzlərlə insan var. Əgər onların hər biri kəndə gəlişləri zamanı burada bir ağac əkcə, kəndimiz daha da gözəlləşər.

Kəndin mərkəzində Qarabağ müharibəsi şəhidlərinin şərəfinə abidə ucaldılıb. Bu qəhrəmanlar kəndin qüruruna çevriliblər. Bu barədə bizə şəhid atası Yusif Babayev danışdı. O dedi:
–Oğlum Raqub 1974-cü ildə doğulmuşdu. Bütün həmyaşıdları kimi vaxtı çatanda orduya çağırıldı. Raqub 6 ay Ağdərə istiqamətində döyüşdü. Döyüş dostları danışırlar ki, o, qorxmaz, igid bir əsgər kimi vuruşurdu. 1994-cü il yanvarın 14-ü Çıldıran əməliyyatı zamanı qəhrəman kimi həlak oldu.
Şəhid atası Azərbaycan Ordusunun bugünkü gücündən, qüdrətindən ürəkdolusu danışdı. Dedi ki, bütün xalqımız kimi şəhid ailələri də Prezident İlham Əliyevin apardığı siyasəti bəyənir və dəstəkləyirlər. Daha ətraflı »

2018-ci il yanvarın 1-i vəziyyətinə Hacıqərvənd kəndinin əhalisi 2908 nəfər təşkil edir. Burada 700 təsərrüfat, 550 ev var. Müstəqillik illəri hacıqərvəndlilərin də həyatını tamamilə dəyişib. Əvvəlki palçıqlı küçələr, işıqsız evlər, susuz həyətlər yoxdur. Telefonla danışmaq üçün rayon mərkəzinə getmək lazım deyil. Mobil telefonlardan əlavə, kənddə 275 nömrəlik EATS fəaliyyət göstərir. 96 evə internet xətti çəkilib. 2010-cu ildə isə yeni poçt binası istifadəyə verilib.
Kənd icra nümayəndəsinin müavini Vaqif Aslanov deyir:
–Son vaxtlara qədər əhalini narahat edən problemlərdən biri mavi yanacağın olmaması idi. Dövlət başçısının diqqət və qayğısı nəticəsində və rayon rəhbərliyinin yaxından köməkliyi ilə bu məsələ də həllini tapdı. Kəndin yarısında köhnə elektrik xətləri və dirəkləri dəyişdirilib, qalan hissəsinin də dəyişdirilməsi nəzərdə tutulub. Ümumiyyətlə, əhalini narahat edən hər bir məsələ diqqət mərkəzində saxlanılır və onlar qısa müddətdə həllini tapır.