İLHAM ƏLİYEV: “BU, BİR BAŞLANĞICDIR VƏ ƏMİNƏM Kİ, BUNDAN SONRA PAMBIQÇILIQ AZƏRBAYCANDA SÜRƏTLƏ İNKİŞAF EDƏCƏK, GENİŞ VÜSƏT ALACAQ”

AZƏRBAYCAN PREZİDENTİ PAMBIQÇILIĞIN İNKİŞAFI İLƏ BAĞLI DÖVLƏT PRİORİTETLƏRİNİ ELAN ETDİ:

•Ulu öndər Heydər Əliyevin ənənəsinə sadiq qalaraq mən pambıqçılığın inkişafı ilə bağlı birinci ümumrespublika müşavirəsinin keçirilməsi üçün Sabirabad rayonunu seçdim. Əminəm ki, pambıqçılığın bərpası işi sürətlə gedəcək, biz pambıqçılığın şöhrətini bərpa edəcəyik.
•Pambıqçılığın tənəzzülə uğraması göstərir ki, dövlət mütləq bu işlərə müdaxilə elməlidir. O mənada müdaxilə etməlidir ki, biz fermerlərə kömək göstərək, onların problemlərini həll edək və ölkəmizdə ənənəvi olan, ancaq əfsuslar ki, tənəzzülə uğrayan sahələri bərpa edək və inkişaf etdirək. Bu il bu sahədə dönüş ili olmuşdur.
•İxracyöııümlü məhsulların istehsalı bu gün ölkə qarşısında prioritet vəzifə olaraq dayanır və bu vəzifə icra edilməlidir. Bir qarış torpaq boş qalmamalıdır. Bu, məhsuldarlıgı artıracaq, insanlara daha da böyük maddi gəlir gətirəcək, dövlətə də bunun böyük xeyri olacaq.
•Bu ıl pambıqçılığın sürətli inkişafı üçün 3700 kənd təsərrüfatı texnikası alınmısdıı. Dövlət büdcəsindən bu məqsədlər üçün kifayət qədər böyük maliyyə vəsaiti ayrılıb.
•2017-ci ildə əgər bütün tapşırıqlar yerinə yetirilərsə biz 300 min ton pambıq istehsal edə bilərik. Gələn il pambıqçılıq 100 mindən çox iş yerinin yaradılmasına gətirib çıxaracaq. Gələcəkdə 200 min hektarda pambıq əkəcəyiksə, bu, təqribən 350-400 min insanın işlə təmin edilməsi deməkdir.
•Biz artıq pambıqçılığın inkişafı ilə bağlı uzunmüddətli strategiya üzərində işləyirik. Pambıqçılıq özündə bir çox önəmli amili birləşdirir. Bu, kənd təsərrüfatının sürətli inkişafı, yüz minlərlə iş yerinin yaradılması, ixrac potensialımızın inkişafı deməkdir və dövlətin özəl sektora praktiki diqqətinin, dəstəyinin təzahürüdür.
•“Əmək” ordeni də təsis etməliyik. Birinci ordeni pambıqçılara təqdim edə bilərik.
•Bu gün doğrudan da müasir ölkəmizin tarixində əlamətdar gün kimi qalacaq. Çünki biz bu gün pambıqçılığın şöhrətini bərpa edirik.

Rayon statistika idarəsinin məlumatına əsasən, bu il rayonumuzun təsərrüfatlarında 1.035,1 hektar sahəyə yüksək məhsuldar çiyid səpilib. Səpindən sonra becərmə, suvarma işləri aqrotexniki qaydalar əsasında aparıldığından, sahələrdə bol “ağ qızıl” hasilə gəlib. Artıq bir neçə gündür ki, pambıq tarlalarında məhsul toplanışına başlanıb. Bir sıra təsərrüfatlarda fermer və ailə-fermer təsərrüfatlarının üzvləri pambıq toplanışında yaxşı işləri ilə fərqlənirlər.
Cəmi bir neçə gün ərzində qəbul məntəqəsinə 315 tona yaxın məhsul təhvil verilib. Sentyabrın 30-dək Azadqaraqoyunlu kəndində 48 ton, Qarağacıda 55 ton, Qaynaqda 36 ton, Əksiparada 19 ton, Köçərlidə isə 20 ton məhsul toplanaraq qəbul məntəqəsinə təhvil verilib. Pambıqçılığın əvvəlki şöhrətini özünə qaytarmaq məqsədilə ölkə Prezidenti möhtərəm İlham Əliyevin pambıqçılığın inkişafına xüsusi diqqət yetirməsi, bu sahədə çalışan insanlara subsidiyaların verilməsi barədəki Sərəncamı “ağ qızıl” ustalarının marağını qat-qat artırmışdır.
Hamıya yaxşı məlumdur ki, tarixən Tərtər rayonunun pambıqçıları həmişə qabaqcıl olublar. Ulu Öndər dəfələrlə Tərtərdə olub, tarlaları gəzib, qabaqcıl əmək adamları ilə görüşüb, söhbət edib. Həmin insanların çoxu indi də bu görüşləri yaxşı xatırlayır. Elə buna görə də pambıqçılığın əvvəki şöhrətinin qaytarılması məsələsi bu sahədə çalışanların ürəyincə olub. Bu səbəbdən də gələn il rayonda pambıq əkini sahələrinin azı 2 dəfədən çox artırılması nəzərdə tutulub.

Mirzə Nəsir

Ulu Öndər Heydər Əliyevin Azərbaycana rəhbərlik etdiyi birinci dövrdə mən rayonumuzda o zamankı Nəriman Nərimanov adına kolxozun sədri işləyirdim. İşinin çoxluğuna baxmayaraq, bu dahi şəxsiyyətin respublikada pambıqçılığın inkişafına nə dərəcədə önəm verdiyinin canlı şahidiyəm. Heydər Əliyev tez-tez rayonlara, o cümlədən bizim Tərtərə (o zamankı Mirbəşirə) səfərlər edər, “ağ qızıl” ustaları ilə tarlalarda görüşər, onların istək və arzularını öyrənib yerinə yetirərdi. Elə həmin illərdə bizim Seydimli kəndindən 4 nəfər–Qiymət Cəfərova, Rəşid Cəfərov, Sədr və Qəzənfər İsayevlər SSRİ-nin ən yüksək mükafatına–Lenin ordeninə layiq görülmüşdür. Onlardan 3-ü həmin mükafatı pambıqçılıq sahəsindəki nailiyyətlərinə görə almışdır. Mən özüm isə “Əməkdə igidliyə görə” medalı ilə təltif olundum. Qiymət Cəfərovanın Lenin ordenini və mənim medalımı Ümummilli Liderimiz 1981-ci ildə Bakıda keçirilən təntənəli tədbirdə öz əlləri ilə sinəmizə taxdı.
Ümumiyyətlə, həmin illərdə pambıqçılıq kəndli ailəsinin dolanışıq yeri idi. Bu sahədən əldə olunan gəlirlə insanlar ev tikdirir, lazımi məişət avadanlıqları alır, uşaqlarını ali məktəblərdə oxutdururdular.Ona görə də hazırda bu məsələyə möhtərəm Prezident İlham Əliyev tərəfindən yüksək qayğı və diqqət göstərilməsi kəndimizdə hamının, xüsusilə də yaşlı nəslin ürəyincədir. Biz də öz növbəmizdə pambıqçılıq sahəsindəki zəngin təcrübəmizi əsirgəməyəcəyik. Dövlətimizin dəstəyi ilə pambıqçılıq sahəsi yenidən əvvəki kimi insanlarımıza xeyir-bərəkət gətirəcək.

Sayəddin Musayev,
Seydimli kəndi

“Bir daha demək istəyirəm ki, 2016-cı il pambıqçılığın inkişafı üçün həlledici il olacaq. Bu, bir başlanğıcdır və əminəm ki, bundan sonra pambıqçılıq Azərbaycanda sürətlə inkişaf edəcək, geniş vüsət alacaq. Dediyim kimi bunun, həm insanlara, həm də dövlətə böyük xeyri olacaq.”
Fikrimi cənab Prezidentimiz İlham Əliyevin Sabirabad rayonunda keçirilmiş zona müşavi-rəsindəki nitqində söylədiyi sözlərlə başlamağım təsadüfi deyildir,
Mən uşaqlığımı kənddə pambıq tarlalarında keçirmişəm. Onun becərilməsinin, yığılmasının, ailələrə gətirdiyi sevincin şahidi olmuşam. Çöllərimizin “ağ qızıl”ının evlərimizə gətirdiyi bin-bərəkətin bəhrəsini görmüşəm.
Kolxoz quruculuğu dövründə pambıqçılıq briqadiri işləyirdim. 1996-cı ildən torpaqlar paylanandan sonra fermer təsərrüfati ilə məşğul oluram. Hər il 4 hektardan yuxarı pambıq sahəsi əkib becərirəm. Doğrudur, əvvəllər bəzi çətinliklərimiz olurdu. Artıq bir neçə ildir dövlətimiz tərəfindən köməklik göstərildiyindən, bu çətinliklər arxada qalıb. Şəraitimiz üçün əlverişli olan daha məhsuldar toxum sortlarından alıb əkirik. Becərilməsində lazım olan gübrələrdən maksimum dərəcədə istifadə edirik. Yığım zamanı texnikadan lazımınca istifadə etməyə çalışırıq. Hər şeydən əvvəl pambıq əkinindən istifadə etmək kənd əhalisinin yaşam tərzinə öz müsbət nəticəsini göstərir. Ən azı 20-25 ailənin do-lanışığının normal ol-masına kömək edir. Daha ətraflı »

Cari pambıq mövsümündə bizim məntəqənin kollektivinin də üzü gülür. Ona görə ki, pambıqçılıq sahəsində uzun illər hökm sürən durğunluq tədricən aradan qaldırılır. Xüsusən Azərbaycan Prezidenti İlham Əlıyevin Sabirabad rayonunda keçirdiyi müşavirədən sonra Tərtər pambıqçılarının da məsuliyyəti birə-beş artıb. Bütün qüvvələr məhsulun tarlalardan vaxtında yığılmasına yönəldilib.
Əgər ötən mövsümdə təsərrüfatlardan cəmi 358 ton “ağ qızıl” qəbul etmişdiksə , hal-hazırda bu rəqəm fiziki çəkidə 113,26 ton təşkil edir. Maşınla yığıma isə hələ yeni başlanıb. Texnika tam qüvvə ilə işləyəndən sonra gündəlik təhvil verilən məhsulun miqdarı artacaq.
Rayonumuzda elə təsərrüfatlar var ki, artıq bu ildən pambıq əkini sahələrini genişləndirmişlər. Bunlar Qazyan, Qaynaq,Əskipara, Güləbatlı və Sarov kəndlərinin fermerləridir. Gələn mövsümdə isə pambıqçılıq sahəsinə diqqət daha da artırılacaq. Bu, həm əhalinin gəlirlərinə müsbət təsir göstərəcək, həm də sosial problemlərin həllinə, xüsusən əhalinin işlə təmin olunmasına kömək edəcək.
Bu mövsümdən başlayaraq bizim məntəqədə də işçilərin sayı artıb. Hər kəs arzulayır ki, məhsulumuz bol, işimiz çox olsun.
İnsanlar pambıqçılıq sahəsində əvvəlki ənənələrin bərpa edilməsinə görə möhtərəm Prezidentimiz İlham Əliyevə öz minnətdarlıqlarını bildirirlər.
Onu da qeyd etmək istəyirəm ki, mövsüm başlamazdan əvvəl məntəqədə bütün hazırlıq işlərini başa çatdırmışdıq. Ona görə də işimizdə heç bir çətinlik yoxdur.

Fəqani Babışov,
CTS Agro MMC-nin
Tərtər Pambıq İstehsalı və Tədarükü
Məntəqəsinin direktoru

Pambıqçılıq respublikamızın əsas sərvətlərindəndir. Xalqımızın şərəfidir, şöhrətidir.

Heydər Əliyev,
Ümummilli Lider

Bu, bir başlanğıcdır və əminəm ki, bundan sonra pambıqçılıq Azər-baycanda sürətlə inkişaf edəcək, geniş vüsət alacaq.

İlham Əliyev,
Azərbaycan Respublikasının Prezident

Tərtər rayonunda Prezident İlham Əliyevin sədrliyi ilə sentyabrın 17-də Sabirabad rayonunda keçirilən müşavirədə pambıqçılığın inkişafı ilə bağlı verilən tapşırıqların icrası ilə əlaqədar qarşıda duran vəzifələr müzakirə edilib.
Hüquq-mühafizə orqanlarının, aidiyyəti idarə, müəssisə və təşkilat rəhbərlərinin, pambıq qəbulu məntəqələrinin əməkdaşlarının, pambıq istehsalçılarının, fermerlərin, keçmiş qabaqcıl briqadirlərin, sürücü mexanizatorların, kənd inzibati ərazi dairəsi üzrə nümayəndələrin və bələdiyyə sədrlərinin iştirak etdiyi toplantıda çıxış edən Tərtər Rayon İcra Hakimiyyətinin Başçısı Müstəqim Məmmədov Sabirabad rayonunda pambıqçılığın inkişafına dair ümumrespublika müşavirəsində ölkə rəhbərinin respublikamız üçün çox mühüm olan pambıqçılığın inkişafını prioritet məsələ kimi qarşıya qoyduğunu, pambıqçılıqla bağlı çox dəyərli göstərişlər verdiyini bildirdi. Respublika rəhbəri regionların inkişaf etdirilməsində kənd təsərrüfatının əsas sahəsi kimi pambıq əkiləcək sahələrin artırılmasının, genişləndirilməsinin və bu sahədə keçmiş ənənələrin bərpa olunmasının vacibliyini diqqətə çatdırdı, bunun, həm insanlar, həm də dövlət üçün böyük gəlir gətirəcəyini əminliklə söylədi. Daha ətraflı »

1972-ci ildə o zamankı İliç adına kolxo-zun sədri rəhmətlik Əyyub Nəbiyevlə pambıqçılığa dair respublika müşavirəsində iştirak edirdik. Söz Əyyub müəllimə veriləndə bildirdi ki, bu il yetişdirdiyimiz məhsulun 80 faizini maşınla toplayacağıq. Ulu Öndər elə buradaca sual verdi:
–Niyə 80 faizini? Məhsulun hamısını maşınlarla yığmaq mümkün deyilmi?
Əyyub müəllim bir an fikirləşib cavab verdi:
–Mümkündür və biz bunu edəcəyik.
Həmin il İliç adına kolxozda yetişdirilən “ağ qızıl”ın hamısı texnikanın gücü ilə toplandı. Bu-nun sayəsində kolxoz pambıqçılıqdan çox böyük gəlir götürdü və hətta 30 nəfərə əməkdə qazandığı nailiyyətlərə görə mükafat olaraq “Jiquli-011” markalı minik maşınları verildi. İlin sonunda kolxozçular əməkgününə yaxşı pul aldılar. Yəni Heydər Əliyevin hakimiy-yətdə olduğu dövrdə biz pambıqçılığın Azərbaycan kəndlisinin həyatına necə firavanlıq gətirdiyinin şahidi olmuşuq və əminik ki, müasir dövrdə bu ənənələrin bərpası mümkündür, hətta o dövrdə olduğundan da artıq nailliyyətlər əldə edə bilərik. Ona görə ki, indi elm və texnika daha sürətlə inkişaf edib və əkinçilikdə ən müasir texnologiyalardan istifadə edilir.
Ötən illərlə bağlı daha bir xatirə daim yaddaşımdadır. 1981-ci il idi. O zaman mən 3 nömrəli komsomolçu-gənclər briqadasına başçılıq edirdim. Briqadamızın kollektivi 100 hektar sahədən maşınlarla 317 ton pambıq toplamışdır. Bütövlükdə isə həmin mövsümdə 400 tondan çox məhsul tədarük etdik. Həmin nailiyyətimizə görə kollektivin başçısı kimi məni “Şərəf nişanı” ordeni ilə təltif etdilər. Daha ətraflı »

Bu yaxınlarda ölkə Prezidenti İlham Əliyevin sədrliyi ilə pambıqçılığın inkişafına dair Sabirabadda keçirilən respublika müşavirəsini televiziyada diqqətlə izlədim. Bu xəbər məni həm sevindirdi, həm də bir neçə il geriyə–Azərbaycanda pambıqçılığın sürətlə inkişaf etdirildiyi günlərə qaytardı. Bu da əbəs deyil. Bəlkə də başqa peşə sahibi olsaydım, bir o qədər də təsirlənməzdim
Mən 1971-ci ildən 1981-ci ilə kimi bizim dörd kəndi birləşdirən “Özbəkistan” kolxozunda pambıqçılıq briqadiri işləmişəm. O zaman pambıq sahələrindən daim yüksək məhsul götürdüyümüzə görə əməyim yüksək qiymətləndirilirdi. SSRİ Ali Soveti Rəyasət Heyətinin Fərmanı ilə “Əmək igidliyinə görə” medal almışam.
Müxtəlif fəxri döş nişanlarına layiq görülmüşəm. Dəfələrlə Fəxri fərman, tərifnamə və digər həvəsləndirici mükafatlar almışam. İşlədiyim illərdə qabaqcıl əmək adamı kimi rayon və kənd Sovetinin deputatı seçilmişəm. Partiya sıralarına qəbul olunmuşam. Nümunəvi işimin nəticəsi kimi “QAZ-24” markalı minik avtomobili ilə mükafatlandırılmışam. Bax, bütün bu saydıqlarımın hamısı pambıqçılıqda qazanılan yüksək nəticələrin məhsuludur.
Yaxşı yadımdadır, 1976-cı il idi. Ulu Öndər Heydər Əliyev Tərtərdə olanda qabaqcıl təsərrüfat kimi bizim briqadaya da gəlmişdi. Adamlarla səmimi görüşdü, söhbət elədi. Briqadir kimi məni sorğu-suala tutdu. Bu, sanki bizə qolqanaq verirdi. Daha ətraflı »

Sentyabrın 1-i vəziyyətinə rayonda 12 min 412 hektar taxıl sahəsi (qarğıdalısız) biçilib döyülmüş və hər hektardan orta hesabla 34 sentner olmaqla bütövlükdə həmin sahələrdən 42 min 203 ton taxıl məhsulu götürülmüşdür. İstehsal olunan taxıl məhsullarının 29 min 586 tonu buğda, 11 min 647 tonu arpa olmuşdur. Hər hektardan orta məhsuldarlıq buğda üzrə 37,3 sentner, arpa üzrə 27,2 sentner olmuşdur. Bu dövrdə 153 hektar qarğıdalı sahəsindən qu-ru dənə çevirməklə 632 ton məhsul toplanmış, hər hektardan orta hesabla 47,2 sentner qarğıdalı dəni götürülmüşdür. 195 hektar lobya sahəsindən hər hektardan orta hesabla 49,6 sentner olmaqla bütövlükdə 967 ton lobya məhsulu toplanmışdır.
Mövsüm ərzində sahələrdən 2 min 148 ton dən üçün günəbaxan, 5 min 831 ton kartof, 11 min 416 ton tərəvəz, 77 ton bostan məhsulları, 5 min 299 ton meyvə, 309 ton üzüm toplanmışdır. Hektarın orta məhsuldarlığı günəbaxan üzrə 23,4 sentner, kartof üzrə 109,2 sentner, tərəvəz üzrə 127,5 sentner, bostan məhsul-ları üzrə 154,6 sentner olmuşdur. Məhsul toplantısı davam edir.
2016-cı ildə 1035 hektar sahədə pambıq, 1187 hektar sahədə şəkər çuğunduru əkilmişdir. Əvvəlki ilə nisbətən pambığın əkin sahəsi 88,2 faiz, şəkər çuğundurunun əkin sahəsi 64 faiz artmışdır. Rayonda pambıq yığımına başlanmışdır. Qəbul məntəqəsinə 13,2 ton məhsul təhvil verilmişdir. Yığım davam edir. Eyni zamanda cari ildə 271,7 hektar sahədə təkrar əkin aparılmışdır.
Təsərrüfatlarda payız-tarla işləri davam etdirilir. Təmiz herik şumu da daxil olmaqla cari ilin payızlıq əkinləri üçün 3 min 770 hektar sahə şumlanmışdır.

Tərtər Rayon
Statistika İdarəsi