Keçən həftə od çərşənbəsini qeyd etdik. Təəssüf ki, həmişəki kimi tonqallar qalansa da, baharın gəlişinin sevincinə bir kədər də qatılmışdı. Axı, yenə də dünya çalxalanır, Ukraynada günahsız insanlar, körpələr qətlə yetirilir. Yer kürəsinin gözəl şəhərlərindən olan Kiyev, Xarkov, Odessada dəhşətli hadisələr yaşanır, nəninki hərbi, eləcə də mülki yaşayış binaları, xəstəxanalar aviasiya tərəfindən bombalanır.
İnsanlar sığınacaqlarda, metrolarda körpə uşaqlarla birlikdə bu dəhşətlərin nə zaman bitəcəyini gözləyirlər. Hamilə qadınlar öz körpələrini sığınacaqlarda dünyaya gətirirlər. Təhlükəsiz yerə çıxmaq imkanı olmayan, yeriyə bilməyən qocalar, xəstələr həyəcan siqnallarının səsindən huşunu itirirlər.
Müharibə haqqında çoxdan söhbət getsə də, heç kim belə bir qardaş qırğınına yol veriləcəyinə inanmırdı. Ona görə də evlərdəki ərzaq ehtiyatı tükənir, küçələrə isə çıxmaq mümkün deyil. İnsanların isə yadına heç nə düşmür, yalnız sülh və əmin-amanlıq istəyirlər. Daha ətraflı »

Azərbaycan Respublikasının Prezidenti İlham Əliyev Rusiya Federasiyasına rəsmi səfəri çərçivəsində fevralın 23-də TASS agentliyində bu ölkənin aparıcı kütləvi informasiya vasitələrinin rəhbərləri ilə görüşüb. Görüşdə birinci xanım Mehriban Əliyeva da iştirak edib.

Müxtəlif ekstremist, separatçı və dini-fundamentalist silahlı birləşmələr və qruplar tərəfindən təhlükələrin güclənməsi, habelə sərhədlərdə silahlanmanın səviyyəsinin aşağı salınması və Mərkəzi Asiyada nüvəsiz zonanın yaradılması cəhdləri bu qeyri-stabil regionun dövlət başçılarının birgə görüşünün əsasını qoydu. Çinlə sərhəd problemlərinin həlli məqsədi ilə 1996-ci ildə Çinin Şanxay şəhərində keçirilən bu qəbildən olan ilk birgə görüşdə Rusiya, Çin, Qazaxıstan, Tacikistan və Qırğızıstanın liderləri tərəfindən «Şanxay beşliyi» adlanan birlik yaradıldı. Bu görüşdə müntəzəm olaraq sammitlərin keçirilməsinə dair razılıq əldə edildi və sərhəd bölgəsində hərbi sahədə etimad tədbirlərinin güclənməsi haqqında saziş imzalandi. 1997-ci ildə Moskvada ümumi sərhəd bölgəsində olan hərbi qüvvələrin qarşılıqlı olaraq ixtisarı barədə birgə saziş imzalandı. Sənədlər sərhəd rayonlarında qoşunların sayının artırılmaması öhdəliyinə əməl olunmasına ciddi nəzarət mexanizmini müəyyən etdi və Mərkəzi Asiya regionunda siyasi həmrəylik və hərbsizləşdirmə yolunda ilk real addım oldu. Daha ətraflı »

Azərbaycan Qoşulmama Hərəkatının sədri kimi pandemiyaya qarşı mübarizədə beynəlxalq ictimaiyyətin səfərbər edilməsi istiqamətində qlobal liderliyini davam etdirir.

Möhtərəm Prezidentimiz cənab İlham Əliyev BMT Baş Assambleyasının sədrinin “Universal peyvəndlənmə üçün səylərin artırılması” mövzusunda yüksəksəviyyəli tematik müzakirələrdə iştirak edib.

Toplantı dünyada COVID-19 əleyhinə keyfiyyətli, təhlükəsiz, effektiv və məqbul qiymətə olan peyvəndlərdən istifadə məqsədilə bərabər imkanların təmin edilməsi ilə bağlı problemlərin davam etdiyi vaxta təsadüf edir.

Bu gün COVID-19 ilə qlobal mübarizə, onun nəzarət altında saxlanılması və yayılmasının qarşısının alınması, habelə dövlətlərə dəstəyin verilməsi üzrə səylərin əlaqələndirilməsində BMT sisteminin fundamental rolu danılmazdır və Ümumdünya Səhiyyə Təşkilatının səyləri əvəzolunmazdır.

BMT-dən sonra dünyanın ikinci ən böyük təşkilatı olan Qoşulmama Hərəkatının və Hərəkatın sədri kimi cənab Prezident İlham Əliyevin şəxsən bu məsələlərlə bağlı irəli sürdüyü çoxsaylı təşəbbüslər Pandemiya ilə mübarizənin qlobal səviyyədə effektiv təşkili baxımından böyük önəm kəsb edir. Daha ətraflı »

Azərbaycan Respublikası Prezidenti cənab İlham Əliyevin çıxışları zamanı vətəndaş amilinin xüsusi vurğulanması, mərkəzi və yerli icra hakimiyyəti orqanlarının rəhbərlərini qəbul edən zaman vətəndaş-məmur münasibətləri barədə söylədiyi fikirlər, məmurlara, daim xalqın içində olmaları və vətəndaş müraciətlərinə həssas yanaşılması haqda verdiyi tapşırıq və tövsiyələr, xüsusən də, sakinlərlə yerlərdə müntəzəm görüşlərin təşkili, vətəndaşların sosial qayğılarının yerlərdə dinlənilməsi və müraciətlərin operativ həlli istiqamətlərində əməli tədbirlərin görülməsi onu göstərir ki, vətəndaş amili cənab Prezidentimizin dövlət siyasətinin əsasını təşkil edir.

COVID-19 (koronavirus) infeksiyasının yayılması səbəbindən artıq 2 ildən çoxdur ki, yerlərdə keçirilən səyyar görüşlər qismən  dayandırılmışdı.  Prezident cənab İlham Əliyev və Birinci Vitse-Prezident Mehriban xanım Əliyevanın xüsusi diqqət və qayğısı ilə, əhalinin sağlamlığının və vətəndaş təhlükəsizliyinin təmin edilməsi, bu məqsədlə, cənab Prezident tərəfindən verilmiş ciddi tapşırıqlara uyğun olaraq, Nazirlər Kabinetinin 2021-ci il 16 yanvar tarixli Sərəncamı ilə təsdiq edilmiş “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na əsasən, əhali arasında vaksinasiya işlərinin aparılması və COVID-19 infeksiyasının yayılma təhlükəsinin və vətəndaşlar arasında yoluxma hallarının azalması, bu sahədə müsbət dinamikanın müşahidə olunması yerlərdə səyyar qəbulların yenidən keçirilməsinə şərait yaradır.
Xüsusi karantin rejiminin tələb və tövsiyələri, xüsusən də vətəndaşların peyvənd olunması ilə bağlı müvafiq (covid-19) passportu nəzərə alınmaqla, 2022-ci ilin mart ayından etibarən səyyar qəbullar-görüşlər yenidən bərpa olunacaq.

            2022-ci ilin mart ayında rayon icra hakimiyyəti başçısının keçirəcəyi səyyar qəbulların

                                                                                            Qrafiki

                                                                                     BİR XALQIN FƏRYADI

Tarix düşmən qüvvələrin dinc əhaliyə kütləvi divan tutmasının çox nümunəsinə şahiddir: qırmancla, xəncərlə, qılıncla, ən uzağı güllə ilə… Məğlub edilmiş, çarəsiz insanları tabe etmək o qədər də çətin deyil, buna nə güllə lazımdır, nə də mərmi. 10 min nəfərlik bir şəhərin üstünə müasir silahların bütün növləri ilə hücum etmək, qaçıb canını qurtarmaq istəyənləri isə hər yerdə pusquya salıb gülləbaran etmək nümunəsini isə tarixə özünü zavallı kimi qələmə verib, ali bir xalq olduğunu zənn edən erməni yırtıcı toplumu “hədiyyə” etdi. Bu amansız qətliamı ağlını tamamilə itirmiş, təpədən-dırnağadək silahlanmış erməni millətçi faşistləri dünyaya qorxub-çəkinmədən nümayiş etdirdilər. Bu müdhiş “insan ovu”nu öz iyrənc və xəyanətlərlə dolu tarixlərinə “zəfər” kimi yazan təcavüzkar Ermənistan ərazisində millətçi dövlət qurduğu Azərbaycanın Xocalı şəhərini 1992-ci ilin 25–26 fevral geçəsində yer üzündən sildi, onun dinc əhalisinə qarşı tarixin ən amansız soyqırımını törətdi. O gecə və sonrakı günlərdə işgəncə ilə qətlə yetirilən yüzlərlə soydaşımızın günahsız şəhidliyinin çoxsaylı şahidləri tarixin ən dəhşətli insan qırğınından keçdilər. Onların hər dəfə söylədikləri Xocalı yaramızın qurumayan qanı timsalındadır.
Xocalı faciəsi Xatın, Lidisa, Oradur soyqırımı kimi insanlıq tarixinə düşmüş qanlı bir hadisədir. Azərbaycan xalqı 200 il ərzində erməni millətçi-şovinistlərinin davamlı olaraq etnik təmizləmə, soyqırımı siyasətinə məruz qalıb. Daha ətraflı »

                                                  Bu faciə heç zaman unudulmayacaq

30 il əvvəl fevralın 26-da dünyanın gözü qarşısında tarixdə öz amansızlığı, qəddarlığı ilə seçilən ən dəhşətli soyqırım – Xocalı faciəsi törədilib. Bu soyqırım nəticəsində şəhərin 613 sakini, o cümlədən 106 qadın, 63 uşaq və 70 qoca qətlə yetirilib. 1275 nəfər əsir götürülüb, 150 nəfərin taleyi barədə hələ də məlumat yoxdur. Öz havadarlarının köməyinə arxalanan mənfur düşmən xalqımıza bu müsibəti yaşatmaqla, azərbaycanlıların gözünü qırmaq, beləliklə də torpaqlarımızı işğal etmək məqsədini güdürdü. Lakin onlar öz niyyətlərinə çata bilmədilər. Ək-sinə, bu dəhşətli faciə düşmənə olan nifrəti daha da artırdı və bu amal uğrunda mübarizədə xalqımızı birləşdirdi. Nəticədə Ali Baş Komandan İlham Əliyevin rəhbərliyi altında cəmi 44 gün ərzində işğal altında olan torpaq-larımızı geri aldıq. Ədalət bərpa olundu və biz haqlı olduğumuzu bütün dünyaya sübut etdik.
Ötən əsrin 90-cı illərinin əvvəlində Azərbaycanın haqq səsinin dünya ictimaiyyətinə çatdırılması üçün kifayət qədər məqsədyönlü işlər görülməmişdi. Daim məzlum xalq rolunda çıxış edən ermənilər isə hətta burada baş verən hadisələri dünyaya erməni xalqının müsibəti kimi təqdim edirdilər. Xocalı faciəsi barədə həqiqətlərin dünya birliyinin diqqətinə çatdırılmasında, onun soyqırım kimi tanıdılmasında başlıca rol Heydər Əliyev Fonduna və şəxsən Fondun prezidenti, Azərbaycan Respublikasının Birinci vitse-prezidenti Mehriban xanım Əliyevaya məxsusdur. Fond bütün dünyada “Xocalıya ədalət” kampaniyasını keçirir və bu faciənin soyqırım kimi tanıdılmasına nail olur. Bu kampaniyanın təşəbbüskarı Heydər Əliyev Fondunun vitse-prezidenti Leyla Əliyevadır. Daha ətraflı »

                           XOCALI HADİSƏLƏRİNİN ŞAHİDİ BU GÜN QAZİ VƏ ƏSGƏR ANASIDIR

         Qaysaq bağlamayan yaralar
Bu qadın rayonumuzda məcburi köçkünlər üçün salınmış yeni qəsəbədə yaşayan Leyla Qəmbərovadır. Onun haqqında məqaləni redaksiyamıza 3 saylı orta məktəbin V sinif şagirdi Hüseyn İsayev tarix müəllimi Kifayət Kərimova ilə birlikdə gətirmişdi.
Hüseynin məktubundan öyrəndik ki, 8 yaşında ailəsi ilə birlikdə Xocalı müsibətləri ilə üzləşən Leyla xanım, baş verənləri bu gün də anbaan yaşayır.
Məktubun izi ilə Qəmbərovlar ailəsinin qonağı olduq və onların həm keçmişi, həm də bu günü haqqında söhbətlərini dinlədik.
Leyla xanımın dediklərindən:
– Əvvəlcə biz Xankəndində yaşayırdıq. Ailədə 3 bacı, 1 qardaş idik. Atam bizə görə çox narahat olurdu. Çünki elə bir gün yox idi ki, ermənilər nəsə bir təxribat törətməsinlər. Nəhayət, atam bizi də götürüb Xocalıya köçmək qərarına gəldi. Xocalıda bizim kimi ailələr çox idi. Heç kimin ağlına da gəlməzdi ki, günlərin birində burada məskunlaşan dinc sakinlərin başına od ələnəcək, evləri yerlə-yeksan olacaq. Daha ətraflı »

Əvvəla, diqqət yetirsək görərik ki, Türkiyə ilə imzalanmış Şuşa Bəyannaməsi ilə Rusiyayla imzalanmış Moskva Bəyannaməsi arasında çox ciddi fərq var. Hətta bağlanmış müqavilələrin adları da fərqlidir. Belə ki, Türkiyə ilə imzalanmış Şuşa Bəyannaməsi “Azərbaycan Respublikası ilə Türkiyə Respublikası arasında müttəfiqlik münasibətləri haqqında” Bəyannamə, Rusiya ilə imzalanmış sənəd isə “Azərbaycan Respublikası ilə Rusiya Federasiyası arasında qarşılıqlı müttəfiqlik fəaliyyəti haqqında” Bəyannamə adlanır. Sənədləri müqayisəli şəkildə öyrənmək lazımdır ki, Türkiyə ilə imzalanmış sənəddə bir çox məsələlərin Rusiya ilə imzalanmış sənəddə əksini tapmadığına şahid olasan. Digər diqqət çəkən məqam odur ki, Şuşa Bəyannaməsinə görə Azərbaycan və Türkiyə xarici siyasət məsələlərini koordinasiya edərək, bir birinə yardım göstərirlər (hərbi yardım da daxil olmaqla) müddəası təsbit edildiyi halda, Rusiya ilə imzalanmış bəyannamədə belə bir bənd öz əksini tapmır.

                                                                                                                                                                                      Eldar Əsədov,

                                                                                                                                                                              YAP Tərtər Rayon     

                                                                                                                                                                            Təşkilatının sədri            

Bu kimi fikirlər olduqca əsassız iddiadır. Əksinə, Azərbaycan məhz hər hansı ittifaqı nəzərdə tutan inteqrasiya proseslərinə (RF-Belarus İttifaqı) qoşulmadığına görə,  RF ilə ikitərəfli sənəd imzalayır. Avropa İitifaqı ilə münasibətlərdə də analoji vəziyyət yarandıgından , Azərbaycan “Şərq tərəfdaşlığı” proqramına deyil, ikitərəfli sazişin bağlanmasına üstünlük verdi və artıq bu istiqamətdə çox ciddi irəliləyişlər var. Müqavilə ilə tərəflərin toxunulmazlığına, ərazi bütövlüyünə, suverenliyinə, müstəqil siyasətinə zəmanət verən sənəd necə “SSRİ-nin bərpası”nı şərtləndirə bilər?

Birmənalı şəkildə qəbul etmək lazımdır ki, bundan sonra SSRİ-nin hər hansı şəkildə bərpası, geriyə qayıdış mümkün deyil. Müttəfiqlik sazişi ilə ittifaq sazişini eynişəldirənlər ciddi şəkildə yanılırlar.

Qərəzkarlar Prezident İlham Əliyevin fevralın 2-də gənclərlə görüşündə SSRİ dövründə Azərbaycan torpaqlarının Ermənistana necə verilməsi hadisələri barədə söylədiklərinə , Prezidentin  bir sıra Sovet rəhbərlərinin Azərbaycan xalqına qarşı xəyanətini vurğulamasına diqqət yetirsələr,  kimlərinsə Azərbaycan hakimiyyətinin SSRİ-ni bərpa etmək prosesində guya iştirakı barədə danışması, yəqin ki, onların bütövlükdə   Azərbaycan dövlətinin yürütdüyü siyasətdən bixəbəliklərindən qaynaqlanır.

                                                                                                                                                                                         Eldar Əsədov,

                                                                                                                                                                                  YAP Tərtər Rayon

                                                                                                                                                                               Təşkilatının sədri

Dövlət başçısının Moskvaya səfəri, Vladimir Putinlə apardığı müzakirələr, imzalanan Müttəfiqlik Bəyannaməsinin məzmunu və əldə edilən nəticələr yenidən Azərbaycanın Cənubi Qafqazın lider dövləti olaraq qəbul edilməsini təsdiqləyir, ölkəmizlə Rusiyanın əməkdaşlığı strateji səviyyəyə yüksəltməkdə maraqlı tərəf kimi çıxış etdiyini göstərir.

2022-ci 22 fevral tarixli Moskva Bəyannaməsi ilə Azərbaycan və Rusiya arasında münasibətlər keyfiyyətcə yeni müttəfiqlik səviyyəsinə yüksəlir. Bəyannamənin 43 bəndi var və qarşılıqlı fəaliyyətin ən mühüm sahələrini əhatə edir. Bəyannamədə aşağıdakılar qeyd olunub: Rusiya və Azərbaycan öz münasibətlərini müttəfiqlik qarşılıqlı fəaliyyəti əsasında qurur, aktual beynəlxalq problemlər üzrə eyni və ya yaxın mövqelər tutmaqla o cümlədən ikitərəfli səviyyədə də daxil olmaqla konstruktiv əməkdaşlığı dərinləşdirirlər, eləcə də qarşılıqlı maraq kəsb edən məsələlər üzrə beynəlxalq təşkilat və forumlar çərçivəsində qarşılıqlı fəaliyyət göstərirlər.

Bundan başqa ölkələr tərəflərdən birinin fikrincə sülhə təhlükə yarada bilən, sülhü pozan və ya tərəflərdən birinin təhlükəsizlik maraqlarına təsir edən vəziyyət yarandığı, eləcə də bu cür vəziyyətin yaranması təhdidi olduğu təqdirdə onun nizamlanması məqsədilə təxirəsalınmaz məsləhətləşmələrin aparılmasına hazırlıqlarını ifadə edirlər.

Tərəflər milli maraqlara cavab verən və üçüncü ölkələrə qarşı yönəlməyən ikitərəfli hərbi-siyasi əməkdaşlığı inkişaf etdirir, hərbi qarşılıqlı əməkdaşlığı dərinləşdirəcəklər.

Onlar həmçinin təhlükəsizliyin təmin edilməsi, sülhün və sabitliyin qorunub-saxlanması məqsədilə bir-birinə BMT Nizamnaməsi, ayrı-ayrı beynəlxalq müqavilələr əsasında və tərəflərdən hər birinin beynəlxalq-hüquqi öhdəliklərini nəzərə almaqla hərbi yardım göstərilməsi imkanını nəzərdən keçirə bilərlər. Daha ətraflı »