Bakı, Azərbaycan, 30 avqust 2022, Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası (Dövlət Komissiyası) Beynəlxalq Qızıl Xaç Komitəsinin (BQXK) Azərbaycan Respublikasındakı Nümayəndəliyi ilə birlikdə Beynəlxalq İtkinlər Günü münasibətilə təşkil edilmiş tədbirə ev sahibliyi edib.

Tədbirin məqsədi itkin düşmüş şəxslərin identifikasiyası prosesinə olan humanitar yanaşmaya diqqəti cəlb etmək, o cümlədən dünyada və Azərbaycanda itkin düşmüş hesab edilən minlərlə insanın xatirəsini və itkindüşmənin onların ailələrinə yaşatdığı iztirab hissini yad etməkdir.

Dövlət Komissiyasının katibi, İşçi qrupunun rəhbəri İsmayıl Axundov açılış çıxışında qeyd etmişdir ki, Azərbaycan Respublikası beynəlxalq humanitar hüquq normalarına sadiq qalaraq 1993-cü ildən BQXK ilə sıx əməkdaşlıq şəraitində işləmişdir. Komissiya katibi  Ermənistanın Azərbaycana qarşı hərbi təcavüzü nəticəsində, I Qarabağ müharibəsində 3890 nəfərin, Vətən müharibəsində 6 nəfərin itkin düşmüş şəxs kimi qeydiyyata alındığını bildirmişdır.

Xüsusilə vurğulamışdır ki, Azərbaycan Respublikasının Prezidenti cənab İlham Əliyev tərəfindən itkin düşmüş şəxslərin sonrakı taleyinin müəyyən olunması üçün Dövlət Komissiyasının qarşısında mühüm vəzifələr müəyyən edilmişdir. Daha ətraflı »

Rayonun gələcək inkişafı ilə bağlı işlər görülür

Artıq ikinci ildir ki, qubadlılar bu tarixi başqa əhval-ruhiyyədə qarşılayırlar.
Düzdür, Qubadlı şəhəri mənfur düşmən tərəfindən yerlə-yeksan edilib, burada bir salamat bina yoxdur. Rayon sakinləri ilə görüşəndə Prezident İlham Əliyev deyib: “… biz Qubadlı rayonunun bütün kəndlərini, o cümlədən Qubadlı şəhərini yenidən quracağıq.Qubadlı şəhərinin baş planı hazırlanır və yəqin ki, yaxın aylarda təqdim ediləcəkdir. Əlbəttə ki, bu baş plan ən müasir normalara uyğun olacaq və Qubadlının təbiəti və tarixi keçmişi də memarlıqda nəzərə alınacaq”.
Bu gün qubadlılar Böyük Qayıdışdan danışarkən, ilk növbədə şəhidlərimizin xatirəsini yad edirlər. Onlardan biri Azərbaycanın Milli Qəhrəmanı Şükür Həmidovdur. Ali Baş Komandan, Prezident İlham Əliyev onun haqqında deyib: ”O, bütün hərbçilərimiz üçün, gənc nəsil üçün nümunədir, öz canını doğma diyar uğrunda fəda edib və şəhadət zirvəsinə ucalıb. Şəhidlərimizin xatirəsi əbədiləşdirilir və əbədiləşdiriləcək”.
Hazırda Qubadlı rayonunun gələcək inki-şafı ilə bağlı əməli-praktiki işlər aparılır.

“Yeni Tərtər”

Müstəqil Azərbaycan dövlətinin qurucusu – memarı, milli həmrəylik və bütövlüyü təmin edən azərbaycançılıq ideologiyasının banisi, xalqımızın və dövlətimizin xilaskarı, Ümummilli lider Heydər Əliyevin Azərbaycan xalqı qarşısındakı tarixi xidmətləri misilsizdir. Ulu öndər Heydər Əliyev fəaliyyətinin hər bir məqamı ilə xalqın, dövlətin, cəmiyyətin və onun üzvlərinin mənafeyinə xidmət etmiş, Azərbaycan dövlətinin və xalqının bütövlüyü uğrunda fədakarlıqla çalışmış, müstəqilliyimizin möhkəmləndirilməsi, dövlətçiliyimizin inkişafı, xalqın rifah halının daha da yaxşılaşdırılması üçün tarixi işlər görmüşdür

Belə ki, 1969-cu ildən başlayan böyük inkişaf və rifah yolu Azərbaycanın gələcək tərəqqisinin əsası oldu. Ulu Öndər Heydər Əliyevin 1969-1982-ci illər ərzində Azərbaycana rəhbərlik etdiyi dövrdə həyata keçirdiyi  islahatlar və görülən tədbirlərin fonunda respublikamız sürətlə inkişaf edərək SSRİ miqyasında xüsusi yer tutmuşdur. Ulu Öndər Heydər Əliyevin rəhbərliyi ilə həyata keçirilən işlərin fonunda ölkəmiz sürətli inkişaf tempinə malik oldu və bütün sahələrdə mütəmadi inkişaf göstəriciləri qeydə alındı. Ulu Öndər Heydər Əliyev Azərbaycan xalqının və dövlətçiliyinin  xilaskarlıq missiyasını çiyinlərində daşıyaraq həyata keçirilməsini təmin etmişdir. Daha ətraflı »

24 avqust 2022- ci il tarixdə Qazaxıstan Prezidenti Kasım-Jomart Tokayevin Azərbaycana səfəri  onu göstərir ki, dövlətlər arasındakı dostluq və əməkdaşlıq  münasibətləri hər iki dövlət üçün  maraqlıdır. Bu dostluq və əməkdaşlığın inkişafını  analiz edəndə görürük ki, əməkdaşlıq yüksək səviyyədədir. Dostluğun bariz nümunəsi olaraq Azərbaycanın 44 günlük Vətən müharibəsində ölkəmizin  yeritdiyi siyasət, apardığı haqq-ədalət  müharibəsi  Qazaxıstan dövləti tərəfindən  birmənalı olaraq dəstəklənmişdir. Bu gün də Azərbaycanın inkişaf potensialı yetəri qədər yüksəkdir. Hazırda ölkələrarası əlaqələr yüksək şəkildə inkişaf edir. Azərbaycan və Qazaxıstan neft, rabitə, kənd təsərrüfatı sahəsində sıx əməkdaşlıq edir. Ən önəmli məsələlərdən biri də strateji münasibətlərin inkişafıdır. Bütün bunlar iki dövlət arasındakı əlaqələrin daha da güclənməsinə öz töhfəsini verir.

Qazaxıstan Prezidenti Kasım-Jomart Tokayevin Azərbaycana səfəri  bir daha sübut edir ki, Azərbaycanla Qazaxıstan arasında münasibətın yaxşılaşdırılması həm iqtisadi baxımdan, həm də insanların rifahının yüksəldilməsi, dostluq və qardaşlığın möhkəmləndirilməsi baxımından çox dəyərlidir. Ölkə başçımızın Qazaxıstan Respublikasının Prezidenti tərəfindən  Qazaxıstanın Ali Ordeni ilə təltif etməsi, eləcə də işğaldan azad olunmuş Füzuli rayonunda xüsusi uşaq yaradıcılıq mərkəzinin tikintisinə başlanılması, bünövrəsinin qoyulması bir daha sübut etdi ki, iki qardaş ölkə bir-birinə dəstək verməkdə və bu dəstəyi genişləndirməkdədir. Daha ətraflı »

2022-ci il 24 avqust tarixində Prezident İlham Əliyevin Qazaxıstan Respublikasının Prezidenti Kasım-Jomart Tokayevlə görüşü olub.

Prezident İlham Əliyev Qazaxıstanın ali ordeni ilə təltif edilib. Prezident İlham Əliyevin Qazaxıstan Respublikasının “Altın kıran” – “Qızıl qartal” ali ordeni ilə təltif edilməsi xalqlarımızın dostluğunun və qardaşlığının təsdiqi, Prezident İlham Əliyevin Azərbaycan-Qazaxıstan münasibətlərinin möhkəmlənməsi üçün gördüyü işlərə verilən yüksək qiymətdir.

Görüş zamanı qeyd olunub ki, Azərbaycan və Qazaxıstan bütün məsələlər üzrə eyni mövqeyi nümayiş etdirir. İkitərəfli münasibətlərdə və beynəlxalq problemlərə dair bütün məsələlərdə ölkələrimizin mövqeləri üst-üstə düşür. Qazaxıstan və Azərbaycan bir-birinə yaxın dövlətlərdir, biz strateji tərəfdaşlarıq, müttəfiqlərik.

Qazaxıstanın Qarabağın yenidən qurulmasında iştirakı dostluğumuzun bariz təzahürüdür. Qazaxıstanın Azərbaycana hədiyyəsinin – işğaldan azad edilmiş ərazilərdə tikiləcək Uşaqların Yaradıcılığının İnkişafı Mərkəzinin təqdimatının keçirilməsi xalqımıza qardaşcasına münasibətin daha bir təzahürü, humanitar əməkdaşlığın daha bir elementidir. Bu əməkdaşlıq da uğurla inkişaf edir. Mərkəz Füzuli şəhərində tikiləcək. Füzuli şəhərinin tikintisinin Baş planı təsdiqlənib, artıq yaşayış fondunun ilk tikililəri başlayır. Məhz, həmin vaxtadək, bu mərkəz hazır olanda Füzulinin ilk sakinlərinin oraya köçürülməsi planlaşdırılır. Daha ətraflı »

Gənclərin İnkişaf və Karyera Mərkəzinin Tərtər nümayəndəliyinin gənci, könüllüsü və bir çox şahmat turnirlərinin qalibi Məhi Həsənzadə gənclərimizə  şahmat oyununun sirrləri, taktiki gedişlər, oynama qaydası haqqında məlumat verib.

Daha sonra gənclər öyrəndiklərini əyani olaraq tətbiq edib və şahmat oynayıblar.

Tərtər Rayon İcra Hakimiyyətində həftə ərzində vətəndaşlar qəbul edilir, onların problemlərinin həlli istiqamətində əməli addımlar atılır. Qəbullarda Tərtər Rayon İcra Hakimiyyəti başçısının müavinləri və şöbə müdirləri ilə yanaşı YAP Tərtər rayon təşkilatının sədri Eldar Əsədov da iştirak edir.

Fərdi qaydada baş tutan qəbullarda səsləndirilən müraciətlərin bəziləri yerindəcə öz həllini tapır. Araşdırılması vacib olan məsələlərlə bağlı isə müvafiq qurumlara tapşırıqlar verilir. Keçirilən bütün qəbullarda Azərbaycan Respublikasınım Prezidenti cənab İlham Əliyevin tapşırıq və tövsiyələrinə uyğun olaraq vətəndaş məmnunluğu təmin edilir.

Məlumat üçün bildiririk ki, Sənədlərlə və vətəndaşların müraciətləri ilə iş şöbəsinə yaxınlaşaraq, Tərtər Rayon İcra Hakimiyyəti başçısının, icra başçısının birinci müavininin, habelə Sosial-iqtisadi inkişafın təhlili və proqnozlaşdırılması, İctimai-siyasi və humanitar məsələlər, Hüquq, Memarlıq və tikinti,  Vətən müharibəsi iştirakçıları və şəhid ailələri ilə işin təşkili şöbələri üzrə qəbul günləri barədə məlumatı öyrənə, həmçinin Tərtər rayon icra hakimiyyətinə Rəqəmsal İcra Hakimiyyəti (https://rih.gov.az/) portalı vasitəsi ilə də müraciət edə bilərlər.

Avqustun 12-də Azərbaycan Respublikasının Prezidenti İlham Əliyev İsmayıllı rayonunun Basqal qəsəbəsində Azərbaycan Televiziyasına müsahibə verib.

Həmin müsahibədə qeyd olunb ki, dövlət başçısının bölgələrə səfərləri müntəzəm xarakter daşıyır. Bölgələrdə aparılan işlərə nəzarəti Prezident İlham Əliyev bilavasitə özü aparır.

İnfrastruktur layihələri icra edilir. İstər qazlaşdırma, istər elektrik enerjisi, su təchizatı, yolların tikintisi ilə bağlı çox böyük layihələr icra edilmişdir. İsmayıllı rayonunda qazlaşdırma 80 faizdən çoxdur, Ağsu rayonunda 100 faizə yaxındır. Bu iki rayonda son illərdə 10-dan çox elektrik yarımstansiyası inşa olunmuşdur və elektriklə təchizat tam təmin edilib. Yolların çəkilişi ilə bağlı – həm kənd yollarında, eyni zamanda, İsmayıllı-Muğanlı yolunun yeni hissəsində işlər icra edilir. Ağsuda və İsmayıllıda 160 çarpayılıq xəstəxana tikilmişdir, 100-ə yaxın məktəb inşa edilmiş, ya da əsaslı şəkildə təmir olunmuşdur. İş yerlərinin yaradılması ilə bağlı böyük layihələr icra edilib.

“Diri Baba” türbəsinin bərpası barədə danışan Prezident İlham Əliyev deyib ki, “Diri Baba” türbəsi öz nadirliyi ilə bütün Qafqaz bölgəsində seçilir. Yaşı 500 ildən çox olan bu türbə əsrlər boyu Azərbaycan xalqı tərəfindən müqəddəs yer kimi tanınıb.

Diqqətə çatdırıb ki, Basqal ölkəmizin qədim kəndlərindən biridir. Bu yerin tarixi siması qorunmalıdır, eyni zamanda, burada yaşayan insanlar üçün daha yaxşı şərait yaradılmalıdır, iş yerlərinin açılması üçün yeni imkanlar olmalıdır. Basqal qəsəbəsində 179 otaqlı müasir otelin açılışı bölgənin turizm potensialını böyük dərəcədə genişləndirəcək. Basqaldakı oteldə 300-ə yaxın iş yeri açılır və orada işləyənlər də yerli sakinlərdır. Daha ətraflı »

Prezident İlham Əliyevin müharibə əlillərinə xüsusi qayğısını əks etdirən növbəti sosial dəstək proqramına start verilib. Nazirlər Kabinetinin yeni təsdiq etdiyi Qaydaya uyğun olaraq, Əmək və Əhalinin Sosial Müdafiəsi Nazirliyi tərəfindən Birinci Qarabağ Müharibəsi əlillərinə birdəfəlik ödəmələrin verilməsinə başlanılıb. Müharibə əlillərindən bir qrupu redaksiyamıza gələrək, onlara göstərilən qayğıya görə rayon qəzeti vasitəsilə Prezidentimizə təşəkkürlərini çatdırmağı xahiş ediblər.

Rəsul Məmmədov, I Qarabağ müharibəsi əlili, Tərtər rayonu üzrə DİN-in “Qələbə” Əlillər Cəmiyyətinin sədri: II qrup Qarabağ müharibəsi əliliyəm. 1991-1994-cü illərdə polis işçisi kimi Ağdərə istiqamətində gedən döyüşlərdə iştirak edib, yaralanmışam. Böyük oğlum Süleyman memar-dizayner, kiçiyi Məhərrəm isə idmançıdır. Ailəmiz daim dövlətimizin diqqət və qayğısını hiss edir. Buna görə də müharibədə əmək qabiliyyətimi itirsəm də, övladlarımın boya-başa çatdırılmasında heç bir çətinliyim olmayıb.Təqaüd alıram, indi isə cənab Prezidentin verdiyi birdəfəlik ödəmə ailəmizin maddi durumunun daha da yaxşılaşmasına kömək edəcək.
Biz I Qarabağ müharibəsi əlilləri 44 günlük Vətən müharibəsində də, bu gün də daim cənab İlham Əliyevin ətrafında sıx birləşərək, onun apardığı xarici və daxili siyasəti ürəkdən dəstəkləyirik. Təşəkkürlər, cənab Prezident! Allah Sizi qorusun!
Azər Quliyev, şəhər sakini, II qrup əlil: 1986-19888-ci illərdə Əfqanıstanda gedən müharibənin iştirakçısı olmuşam. Bu müharibədə müxtəlif növ texnikanı idarə etməyi öyrənmişdim. Ona görə də torpaqlarımıza qarşı erməni təcavüzü başlayanda, könüllü olaraq Vətənin müdafiəsinə qalxanların sırasında oldum. Əvvəlcə könüllü özünümüdafiə dəstələrinin tərkibində, 1991-ci ildən isə Tərtər Özünümüdafiə Batalyonunun tərkibində vuruşmuşam. BMP-nin sürücü-mexaniki idim. 1992-ci ilin may ayında minaya düşüb yaralandım, hospitaldan yarımçıq çıxıb, yenidən cəbhəyə qayıtdım və ikinci dəfə yaralandım. Daha ətraflı »

Hər səhər işə gələndə, şəhərimizin küçələrini təmiz və səliqəli görürəm. Bu mənzərə insanda xoş duyğular oyadır.
Ancaq axşamlar həmin küçələri tanımaq olmur. Hər yerə atılmış siqaret qutuları, dondurma kağızları, zibil qutularının kənarlarına tökülmüş məişət tullantıları əhvalımı pozur. Axı, niyə belə olmalıdır?
Mən əvvəllər Rusiyada ya-şamışam. Bu ölkədə belə bir qayda var: əgər kimsə içtimai qaydaları pozursa, dərhal ətrafdakıların qınağı ilə qarşılaşır. Ona görə də istirahət məkanlarında, küçələrdə körpə uşaqdan tutmuş böyüklərədək heç kim zibili yerə ata bilməz.
Bəs biz necə edirik? Anasının əlindən tutub dondurma yeyən uşaq kağızı yerə atır, valideyn dillənmir, maşınların pəncərələrindən əlimizə keçənləri yola səpələyirik, heç kim buna fikir vermir. Yəni bir növ laqeydlik var. Halbuki, belə hallarda ictimai qınaq lazımdır. Bu məsələlərdə də birliyimiz bizə çox kömək edə bilər.

Ülviyyə Quluyeva,
“Yeni Tərtər” qəzetinin
kompüterçisi