Vaxt vardı ki, Novruz bayramı gələndə hər kəs bu bayramı işğal altında qalan torpaqlarımızda qeyd etməyi arzulayırdı. Bu barədə Ulu Öndər Heydər Əliyev deyib: “Gün o gün olacaq ki, Novruz bayramını bir dəfə Şuşada, o biri il Laçında, o biri il Kəlbəcərdə, Ağdamda, Füzulidə, Cəbrayılda, Zəngilanda, Qubadlıda keçirəcəyik. Əminəm ki, belə də olacaqdır. Mən buna inanıram və bu inamla yaşayıram, bu inamla işləyirəm və bu inamla da Azərbaycan xalqına rəhbərlik edirəm.”

Bu gün qürur hissi ilə deyirik ki, Azərbaycan xalqı ali hədəfinə çatmışdır. Azərbaycan Respublikasının Prezidenti, Müzəffər Ali Baş Komandan İlham Əliyev Ümummilli Liderin vəsiyyətini və Azərbaycan xalqının arzularını reallaşdırdı. Ali Baş Komandanın rəhbərliyi altında müzəffər Azərbaycan Ordusu doğma torpaqlarımızı işğaldan azad etdi və biz artıq həmin ərazilərdə Novruz bayramını qeyd edirik.

Azərbaycanın Birinci vitse-prezidenti Mehriban xanım Əliyevanın böyük səyi nəticəsində Novruz bayramı UNESCO tərəfindən Qeyri-Maddi Mədəni İrs üzrə Reprezentativ siyahısına daxil edilib.

Novruz təkcə onu keçirən türk xalqlarının deyil, ümumilikdə bəşəriyyətin mənəvi dəyəri hesab edilir. İslamdan əvvəl tarixi dövrə təsadüf olunan Novruz bayramı Azərbaycanla yanaşı bütün Şərqdə qeyd olunur. 23 fevral 2010-cu ildə BMT Baş Assambleyasının 64-cü sessiyasının iclasında martın 21-i “Beynəlxalq Novruz Günü” elan olunub.

Novruz bayramı Azərbaycan xalqının çoxçalarlı incəsənətinin güzgüsüdür, habelə milli mədəniyyətimizdə sülh, mehriban qonşuluq və tolerantlıq kimi ümumbəşəri dəyərlərə sadiqliyinin tarixi təcəssümüdür. Mehriban xanım Əliyevanın rəhbərliyi ilə Heydər Əliyev Fondunun mədəniyyətlə, incəsənətlə bağlı layihələri Azərbaycanın mənəvi, tarixi, mədəni irsinin qorunması işində əvəzolunmaz rol oynamışdır. Daha ətraflı »

HEYDƏR ƏLİYEV– 2023

XX əsr milli tariximizin ən qüdrətli siması

Bütün dövrlərdə hər bir xalqın tarixində onun xilaskarı kimi dərin izlər qoyan və xalqın fəxrinə çevrilən dahi şəxsiyyətlər olmuşdur. Azərbay-can xalqının da tarixində xilaskar kimi böyük fəxrlə yad etdiyimiz dahi şəxsiyyət Ulu Öndərimiz Heydər Əlirza oğlu Əliyevdir. Hazırda Azərbaycan Respublikasının vətəndaşları, bütün dünya azərbaycanlıları və türkdilli xalqlar müstəqil Azərbaycan Respublikasının yaradıcısı və memarı, XX əsr milli tariximizin ən qüdrətli siması olan görkəmli siyasi və dövlət xadimi Heydər Əliyevin anadan olmasının 100-cü ilini böyük həyəcan və sevinclə qarşılamağa hazırlaşır. Ümummilli lider Heydər Əliyevin bizlərə ərmağan etdiyi zəngin dövlətçilik irsi və həyat fəlsəfəsi hələ uzun müddət diqqət mərkəzində olacaqdır. Çünki Ulu Öndərin həyat və yaradıcılıq fəlsəfəsi öz xalqına həmişə sədaqətlə xidmət etmək, Azərbaycan Respublikasını müstəqil bir dövlət kimi formalaşdırmaq və onu dina-mik inkişaf yoluna qoymaq ol-muşdur. Məhz Heydər Əliyevin həyat və yaradıcılıq yoluna nəzər saldıqda Ulu Öndərin fəaliyyətinin ilk dövründən başlayaraq ömrünün sonuna kimi gördüyü işlərin bu fəlsəfəni həyata keçirmək məqsədi daşıdığının şahidi oluruq. Heydər Əliyevi fərqləndirən başlıca xüsusiyyətlər işlədiyi vəzifənin kiçikliyi və ya böyüklüyündən asılı olmayaraq yüksək əzmkarlığı hesabına məşğul olduğu problemi dərindən mənimsəməsi, özünə və ətrafındakılara qarşı tələbkarlığı, reallığı əks etdirən prinsipial mövqe tutması, üzərinə düşən vəzifəni maksimum səviyyədə uğurlu nəticə ilə yerinə yetirməsi olmuşdur.
Ötən əsrin 90-cı illərinin əvvəlində müstəqilliyini bərpa edən Azərbaycanın ərazisinin bir hissəsinin Ermənistanın təcavüzünə məruz qaldığı, xarici təzyiqlərin və daxili çəkişmələrin tüğyan etdiyi bir dövrdə xalqın təkidli tələbi ilə ikinci dəfə hakimiyyətə gələn Heydər Əliyev ölkəmizi dünyanın siyasi xəritəsindən silinmək və dövlətçiliyini itirmək təhlükəsindən xilas edərək dövlətin dayanıqlı siyasi və iqtisadi inkişaf yolunu müəyyən etmişdir. Türkiyə ilə Azərbaycan “bir millət–iki dövlətdir” deməklə dahi siyasətçi Heydər Əliyev türkdilli dövlətlərin hazırkı sıx birliyinin təməlini qoymuşdur. Məhz dövlət və xalq qarşısındakı bu əzəmətli və əhatəli xidmətlərinə görə Heydər Əliyev irsini daim öyrənmək, qorumaq, təbliğ və tətbiq etmək, bugünkü və gələcək nəsillərə çatdırmaq dövlətimiz və xalqımızın qarşısında duran ən vacib və aktuallığını heç vaxt itirməyən qlobal məsələdir. Bu mənada Prezident İlham Əliyevin 2023-cü ilin “Heydər Əliyev ili” elan etməsi barədə imzaladığı Sərəncam Azərbaycan xalqı, bütün dünya azərbaycanlıları və türkdilli xalqlar tərəfindən böyük rəğbət və ruh yüksəkliyi ilə qarşılanır. He-sab edirəm ki, 2023-cü ilin “Heydər Əliyev ili” kimi qeyd edilməsi Ümummilli liderimizin əziz xatirəsini böyük coşğu ilə yad etmək və əbədiləşdirmək istiqamətində həyata keçirilən ən mühüm tədbirlərdən biridir. Daha ətraflı »

Ötən ilin Novruz bayramında Azərbaycan xalqını Suqovuşandan təbrik edən Prezident İlham Əliyev deyib: “Mən xoşbəxt adamam ki, əziz, doğma xalqıma işğaldan azad edilmiş Qarabağdan Novruz bayramı münasibətilə təbriklərimi çatdırıram. Bu əziz gündə bir daha demək istəyirəm, bundan sonra da var gücümlə çalışacağam ki, Azərbaycan daim sürətlə inkişaf etsin, yüksələn xətlə getsin və qarşıda duran bütün vəzifələr icra edilsin. Qarabağ Azərbaycandır!”
Artıq üçüncü ildir ki, Müzəffər Ali Baş Komandan və qalib Azərbaycan Ordusu sayəsində Baharın gəlişini işğaldan azd edilmiş torpaqlarımızda da qeyd edə bilirik. Novruzda tonqal başında etdiyimiz dualar qəbul olunub, biz qələbə qazanmışıq. Məkrli düşmən sülh sazişinin imzalanması prosesini yubatsa da, əminik ki, Prezident İlham Əliyevin sərkərdəlik bacarığı, yüksək diplomatik səyləri nəticəsində bu məsələ də öz həllini tapacaq. Dövlət başçısı deyib: “Əminəm ki, biz bütün planlara, nəzərdə tutulmuş bütün məqsədlərə nail olacağıq və nail oluruq. Budur bugünkü Azərbaycan reallıqları. Bugünkü güclü Azərbaycan bütün bu işləri görməyə qadirdir”.
Xalqımız bizə tarixi Zəfəri bəxş edən şəhidlərimizi, qaziləri, bütün müharibə iştirakçılarını bir an belə unutmur. Elə gün olmur ki, rayon icra hakimiyyətinin başçısı Müstəqim Məmmədov rayon fəalları ilə birlikdə bir şəhid, qazi, veteran ailəsində olub, onların qayğıları ilə maraqlanmasın. Bu ailələri yaşadan, güclü edən də elə övladlarının xalqın qəlbində əbədi qalmasıdır.
Yudumuza Novruz – yeni gün gəlir. Torpaq oyanır, kəndlilər tarlalara çıxaraq yeni ilin bol məhsulunun bünövrəsini qoyurlar.
Qədəmlərin ruzili olsun, Bahar! Özünlə bərabər dünyamıza sülh və əmin-amanlıq gətir!

“Yeni Tərtər”

Bizim Yuxarı Qaradağlı kəndi uzun illər cəbhəyanı kənd kimi yaşayıb. Daim ermənilər tərəfindən təxribatlarla üzləşir, torpaqlarımızı rahat əkib-becərə bilmirdik. Birinci Qarabağ müharibəsində cavanlarımız Tərtər Özünümüdafıə Batalyo-nunun tərkibində düşmənə qarşı mübarizəyə qalxdılar. Mən özüm də müharibə veteranıyam.
Müzəffər Ali Baş Komandan, Prezident İlham Əliyevin rəhbərliyi altında 44 günlük Vətən müharibəsində qazandığımız Qələbə həyatımıza əminlik, rahatlıq, bunun nəticəsində evlərimizə ruzi-bərəkət gətirdi.
16 ildir ki, mən Yuxarı Qaradağlı ilə qonşu olan Qızıl Oba kəndində 37 hektar torpağı icarəyə götürmüşəm. Əsasən arpa, buğda və 3 hektarda yonca əkirəm. Açığını deyim ki, əvvəlki illərdə çox əziyyət çəksəm də, heç də həmişə məhsuldarlıq yüksək olmurdu. Səbəb isə su çatışmazlığı idi. Mənfur qonşularımız təsərrüfat işlərinin ən qızğın vaxtlarında Sərsəng Su Anbarından gələn suyun qarşısını kəsərək, fermerləri çıxılmaz vəziyyətdə qoyurduar.
, Vaxtilə açılışında Ulu Öndərimizin iştirak etdiyi və Azərbaycanın vəsaiti hesabına tikilən Suqovuşan Su Anbarından gələn su hazırda torpaqlarımıza dirilik gətirir.
Əvvəllər arpaya, buğdaya yalnız bitiş suyu verə bilirdik. Hal-hazırda isə bütün sahələrdə ikinci suvarma davam etdirilir. Bu işlə yanaşı, həm də sahələrə gübrə verilir ki, bunun da bol məhsul götürülməsində böyük əhəmiyyəti var.
Azərbaycanda fermerlərin fəaliyyəti üçün yaradılan münbit şərait, dövlət tərəfindən verilən dəstək kəndlilərin torpağın əkilib-becərilməsinə olan marağını artırıb. Gübrə ilə təmin olunuruq, aldığımız subsidiyalar hesabına həm vaxtında yüksək məhsuldar toxumlar əldə edir, həm də ailəmizin dolanışığını yaxşılaşdırırıq.
Bütün bunlara görə möhtərəm Prezidentimiz İlham Əliyevə öz təşəkkürümüzü bildiririk. Onu da qeyd etmək istəyirəm ki, nə qədər yorğun olsam da, evə gələndə beynəlxalq tədbirlərdə dövlətimizin başçısının çıxışlarını diqqətlə izləyirəm. Onun apardığı siyasət Ulu Öndər Heydər Əliyevin müəyyən etdiyi yolun davamı olaraq, xalqımızı xoşbəxt günlərə, uğurlu gələcəyə aparır.
Tərtərli fermerlər bu siyasəti ürəkdən bəyənir və bizə göstərilən diqqətə, qayğıya cavab olaraq, ölkədə kənd təsərrüfatının inkişafına öz töhfələrimizi veririk.

Namiq Hüseynov,
Yuxarı Qaradağlı kəndi

Baharın yurdumuza qədəm qoyduğu günlərdə rayonumuzun Dəmirçilər kəndindən olan Vətən müharibəsi şəhidi Şamil İsmayıllının bacısının toy məclisi keçirilib. Məclisdə rayon rəhbəri Müstəqim Məmmədovla birlikdə ictimaiyyət nümayəndələri, şəhid ailələri, qazilər və veteranlar iştirak ediblər.
Bildirilib ki, möhtərəm Prezident İlham Əliyevin rəhbərliyi altında şəhidlərimizin, qazilərin canı, qanı hesabına əldə olunan Qələbənin sayəsində bu gün ölkəmizdə sülh və əmin-amanlıq bərqərar olub. Elimizdə–obamızda toy şənlikləri qurulur. Qədirbilən xalqımız bu yolda canını, sağlamlığını qurban verən igidlərimizi heç zaman unutmayacaq. Şamil kimi oğulların xatirəsi qəlbimizdə əbədi yaşayacaq.

Bakı şəhərində keçirilən toy məclisində şəhid Anar Hüseynovun ailə üzvləri ilə bərabər Tərtər Rayon İcra Hakimiyyətinin Başçısı Müstəqim Məmmədov, Milli Məclisin deputatı Sahib Alıyev, şəhid ailələri, qazilər, veteranlar iştirak ediblər.
Məclis Azərbaycanın Dövlət himni ilə başlayıb, sonra şəhidlərin ruhu bir dəqiqəlik sükutla yad edilib.
Tərtər Rayon İcra Hakimiyyətinin başcısı Müstəqim Məmmədov ailə həyatı quran bəy və gəlinin valideynlərinə gözaydınlığı verib, çütlüyə xoşbəxtlik, möhkəm ailə səadəti və cansağlığı arzu edib. Rayon rəhbəri dövlət başçısı cənab İlham Əliyevin və Birinci vitse-prezident Mehriban xanım Əliyevanın daim şəhid və qazi ailələrinin yanında olduqlarını, onların problemlərinə diqqət və qayğı ilə yanaşdıqlarını və möhtərəm Prezidentin bütün dövlət qurumlarının qarşısında bu həssas təbəqəyə aid olan insanların problemlərinin həllini bir nömrəli vəzifə kimi müəyyən etdiyini vurğulayıb. Şəhid ailələrinə, qazilərə və veteranlara göstərilən diqqət və qayğının dövlət siyasətinin prioritetlərindən olduğunu qeyd edib. Bildirib ki, şəhidlərimizin canı, qazilərimizin qanı hesabına əldə etdiyimiz Zəfərə görə onlara borcluyuq: “İstər şəhid ailələrinin, istərsə də qazilərimizin daim yanındayıq, onların sevincinə şərik olub, kədərlərinə üzülürük.” Daha ətraflı »

Yurdumuza Bahar gəlir! Vətənimizin hər yerində yazın gəlişi Günəşin bərq vuran işığında, qəlblərə hərarət gətirən ilıq, isti nəvazişində bir daha duyulmaqdadır. Sanki təbiət də bu gün şıltaqlığına, ərköyünlüyünə son qoymuşdur. Ağacdan-ağaca qonaraq oxuyan quşların nəğməsi, ağ örpəyə bürünən meyvə ağacları və bu çiçəklərin üstündə həvəslə vızıldaşan bal arıları insanın ruhuna bir yenilik, bir sevinc gətirir.
İlin ən gözəl fəslidir Bahar. Bu fəsil gözəllik fəsli, xoş əhval-ruhiyyə fəslidir.
Baharın ilk gününü xalqımız sevinclə, bayramla qarşılayır. Təbiətin oyanması Novruzdan başlanır və Azərbaycan xalqı bunu çox təntənəli şəkildə qeyd edir.
Novruz “yeni gün” deməkdir. Xalq şaxtadan, soyuqdan, qışın əziyyətindən qurtulmasının ilk gününü bayram edir. Novruz səmimiyyət bayramı, xoş arzular bayramıdır. Novruza hələ 1 ay qalmış xalq bayrama hazırlaşır. El arasında həmin bu aya Novruz ayı deyilir.
Novruzda növbənöv bayram şirniyyatları bişirilir, xonçalar bəzədilir. Səməni öz yaşıl qaməti ilə evlərin bəzəyinə çevrilir. Səməni yaşıllıq, bolluq deməkdir. Səməni təbiətin canlanmasına, çöllərin yaşıllığa qərq olmasına, ağacların yarpaq açmasına, gələcək bolluğa, firavanlığa işarədir. Bayramın ən ləziz təamı isə plovdur. Hər evdə bayram gecəsi hökmən plov bişirilir, qohum-qonşuya, kimsəsizlərə, qapıya papaq atanlara pay verilir, hamı sevinir, küsülülər barışır, insanlar deyir-gülür, şənlik edir, bir-birinə xoş günlər arzulayırlar. Daha ətraflı »

Ətraf mühitin mühafizəsi günün aktual məsələsidir

Hər bir dövrün özünün həllini tələb edən problemləri var. XXI əsrdə qlobal iqlim dəyişikliyi ilə əlaqədar insanları düşündürən və çox ciddi narahat edən məsələlərdən ən başlıcası bəşəriyyəti gözləyə biləcək su qıtlığıdır. Bununla bağlı alimlərimiz həyəcan təbili çalır.
Belə bir vaxtda Mingəçevir Dövlət Universitetinin və Avropa Komissiyasının Erasmus+proqramının GEOCLIC layihəsi çərçivəsində fəaliyyət göstərən GEOCOF ofisi ilə birgə təşkil etdiyi müsabiqə xüsusi aktuallığı ilə seçilir.
Müsabiqəyə təqdim olunan fotoşəkillər maarifləndirici xarakter daşımaqla, insanları düşündürür, susuz həyatın olmadığını anladır.
Təqdirəlayiq haldır ki, həmyerlimiz, Mamırlı kənd tam orta məktəbin coğrafiya müəllimi Səbuhi Kərimov həmin müsabiqədə iştirak edərək, III yerə layiq görülüb.
Bu barədə Səbuhi müəllim deyir:
–Müsabiqənin məqsədi ətraf mühitin mühafizəsi barədə içtimaiyyətin məlumatlılığını artırmağa töhfə vermək idi. Bu məsələdə gənclərin üzərinə böyük vəzifə düşür. Mən də təqdim etdiyim fotoda bunu nəzərə almağa çalışmışdım. Əldə etdiyim nəticəyə görə kitab, ekoçanta və sertifikatla mükafatlandırılmışam. Müsabiqəni təşkil edənlərə öz təşəkkürümü bildirirəm.

“Yeni Tərtər”

Prezident İlham Əliyev cari ilin 9 mart tarixində “Dünya bu gün: Çağırışlar və ümidlər” mövzusunda X Qlobal Bakı Forumunda çıxış edib. Dövlət başçısı qeyd edib ki, Qlobal Bakı Forumu aparıcı beynəlxalq forumlardan birinə çevrilib.

Bakı Qlobal Forumunun iştirakçılarının təmsilçilik səviyyəsi və intellektual potensialı aparıcı beynəlxalq konfranslara uyğundur. Tədbirdə 60 ölkədən 350 nəfər iştirakçı var. Onların sırasında 50-dən artıq hazırkı və sabiq prezident və baş nazir var. Müzakirələrin səviyyəsi kifayət qədər yüksək olacaq.

Prezident İlham Əliyev bildirib ki, Nizami Gəncəvinin müdrikliyi və istedadı Azərbaycan xalqının istedadını və müdrikliyini təcəssüm etdirir. Nizami Gəncəvi Azərbaycanın qədim şəhərlərindən olan özünün doğma Gəncə şəhərində dünyaya göz açıb, yaşayıb, orada vəfat edib və dəfn olunub.

Azərbaycan Qoşulmama Hərəkatında 2019-cu ildə öz üzərinə götürdüyü və 120 dövlətin yekdil qərarı ilə daha bir il – 2023-cü ilədək uzadılmış sədrliyini başa çatdırır. Azərbaycan bir az passiv Qoşulmama Hərəkatını canlandırmağa çalışdı. Bu məqsədlə biz beynəlxalq tədbirlər və üç Zirvə toplantısı təşkil etdik. Biz COVID-19-a dair BMT Baş Assambleyasının Xüsusi Sessiyasının təşkilinin təşəbbüskarı olduq. Biz fəal çalışaraq pandemiya ilə mübarizə sahəsində məlumat bazasının yaradılmasına nail olduq ki, daha sonra o, Ümumdünya Səhiyyə Təşkilatı tərəfindən istifadə edildi. Biz Zirvə toplantılarından birini pandemiya ilə mübarizəyə həsr etdik. Biz pandemiyanın ilk aylarında peyvənd millətçiliyinə və peyvəndlərin qeyri-bərabər paylanılmasına etiraz səsimizi ucaltdıq. Biz COVID-19-dan sonrakı dövr məsələsinə diqqət yönəltdik. Bununla yanaşı, biz əksəriyyəti Qoşulmama Hərəkatına üzv olan 80-dən artıq ölkəyə maliyyə və humanitar yardım etdik. Biz koronavirusla mübarizəni dəstəkləmək üçün Ümumdünya Səhiyyə Təşkilatına 10 milyon ABŞ dolları həcmində birbaşa ianə etdik. Biz Qoşulmama Hərəkatının institusional inkişafını təmin etməyə çalışdıq. Bu məqsədlə Qoşulmama Hərəkatının 60 illik tarixində ilk dəfə ölkəmizin təşəbbüsü ilə Parlament Şəbəkəsi yaradıldı. Daha ətraflı »

Qarabağ savaşında, ölkəmizin ərazi bütövlüyünün təmin olunması uğrunda mübarizədə tərtərlilərin qəhrəmanlıq salnaməsi yazdığını, əsl vətənpərvərlik nümunəsi göstərdiyini sübut etməyə ehtiyac yoxdur. Qarabağ uğrunda döyüşlərdə, o cümlədən Birinci Qarabağ savaşında düşmənə bur qarış da torpaq verməyən, 44 günlük Zəfərdə sanballı payı olan, Ermənistan quldurları tərəfindən hər gün başına raket, artilleriya mərmiləri yağdırılan, amma qəddini bükməyən, düşmən qarşısından bir addım da geri çəkilməyən Tərtər əyilməz qüruru, yenilməz döyüş əzmi, düşmənə vurduğu sarsıdıcı zərbələri ilə yeni tariximizə şərəfli səhifələr yazdı.
Ana vətənin hər qarışını göz bəbəyi kimi qoruyan tərtərlilər bu gün onun hər bucağını cənnətə döndərmək uğrunda fədakarlıq göstərirlər. Yazıçı Anarın ulu Dədə Qorqudun dili ilə söylədiyi “Torpağı qorumasan, əkib-becərməyə, əkib-becərməsən, qorumağa dəyməz” kəlamı tərtərlilərin həyatına biçilib. Müharibənin vurduğu yaraları sağaltmaq, şəhid ailələrinə, qazilərə, müharibə iştirakçılarına diqqət və qayğıkeşlik göstərmək, raketlərin, artilleriya mərmilərinin dağıtdığı çoxsaylı evləri bərpa etmək, yaxud yenidən tikmək üçün bu gün də rayonun bütün qüvvələri səfərbərdir. Başqa cür ola da bilməz. Çünki düşməndən alınan qisas, ermənilərin məğlubiyyəti ölkəmizin hər yerində olduğu kimi, Tərtərdə də böyük ruh yüksəkliyi yaratmışdır.
Qarabağ uğrunda müqəddəs savaşda qazanılan Qələbə artıq bizim üçün qürurverici tarixə çevrilib. Dövlətin gördüyü tədbirlər sayəsində müharibənin Tərtərə vurduğu yaralardan əsər-əlamət qalmayıb. Dağılıb yerlə yeksan olan evlər, dağılan ərazilər yenidən qurulub. Rayon mərkəzi bahar libasındadır. Küçələr, meydanlar abad görkəmi, yaraşığı ilə göz oxşayır. Qarabağ işğalda olduğu illərdə suya həsrət qalan kəndlərə indi Tərtər çayının mayası bərəkət olan suyu gəlir. Taleyini torpağa, halal zəhmətə bağlayan Tərtər kəndlisinin qaməti düzəlib, qırışığı açılıb. Daha ətraflı »

DÜNYANI HEYRAN QOYAN İNSAN

Azərbaycan deyəndə göz önündə əzəmətli, əlçatmaz bir zirvə –Heydər Əlyev zirvəsi ucalır. Xalq və dövlət naminə gərgin, qətiyyətli, fədakar və yorulmaz fəaliyyəti dövlətçilik tariximizdə yeganə şəxsiyyəti – xalqımızın böyük oğlu Heydər Əliyevi Azərbaycan xalqının Ümummilli lideri səviyyəsinə yüksəldib. Dahi şəxsiyyət Azərbaycanda siyasi hakimiyyətə gəlməklə yaşadığımız bu firavan günlərin, aydın səhərlərin, zəfərə və qələbəyə gedən yolun, əbədi və dönməz müstəqilliyin təməlini qoyub.
Dahi rəhbər Heydər Əliyevin hakimiyyətə gəlməsi ilə iqtisadiyyatın artımına görə o vaxt SSRİ respublikaları arasında qabaqcıl mövqeyə çıxan Azərbaycan məhz bu gün dünyada ən sürətli inkişaf edən ölkələrdən biri kimi tanınır. Ən önəmlisi də odur ki, bu inkişaf, bu yüksəliş istər o dövrdə, istərsə də indiki zamanda həyatımızın bütün sahələrində özünü göstərir. Ümummilli Lider Azərbaycana rəhbərlik etdiyi illər ərzində əldə edilməsi mümkün olmayan işləri gerçəkləşdirdi. Vətənə, xalqa, doğma el-obaya, torpağa hədsiz məhəbbəti və sədaqəti, qurub-yaratmaq amalı ona bütün işlərində çıraq oldu.
Heydər Əliyev ölkənin bir çox problemlərinin həllinin açarını özünəməxsus nadir keyfiyyətləri və uzaqgörən siyasəti nəticəsində tapmışdır. Yalnız həmin problemlərin həllindən sonra Azərbaycan üçün inkişaf və tərəqqi yolları açılmışdır. Məhz həmin siyasətin nəticəsidir ki, bu gün Azərbaycan həm siyasi, həm də hərbi arenada öz gücünü göstərmiş, 30 il əvvəl itirilən torpaqlarımızın qaytarılmasına nail olmuşdur.
Bir şəxsiyyət kimi Heydər Əliyev nə qədər açıq olsa da, müasirləri üçün sirr olaraq qalır. Onun siyasi portretini tam dolğunluğu ilə yaratmaq müşkül işdir. Çünki bu, bütöv bir dövrü təsvir etməyə cəhd göstərmək olardı. Bütöv bir dövrü təsvir etmək isə son dərəcə çətin bir vəzifədir. Daha ətraflı »