Tərtərdə Səfərbərlik və Hərbi Xidmətə Çağırış üzrə Dövlət Xidmətinin Əməkdaşlarının peşə bayramı və Xidmətin yaradılmasının 11-ci ildönümü münasibəti ilə tədbir keçirilib.
Tədbirdə Tərtər Rayon İcra Hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, YAP rayon Təşkilatının sədri Eldar Əsədov, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin əməkdaşları, qazilər iştirak ediblər.
Əvvəlcə tədbir iştirakçıları Mərkəzi Meydanda Ulu Öndər Heydər Əliyevin abidəsinin və Şəhidlər Abidə kompleksinin önünə gül dəstələri düzüb, xatirələrini ehtiramla anıblar.
Sonra tədbir YAP Tərtər Rayon Təşkilatının iclas zalında davam etdirilib.
Öncə Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərin xatirəsi ehtiramla yad edilib.
Rayon icra hakimiyyəti-nin başçısı Müstəqim Məmmədov tədbir iştirak-çılarını Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yaradılmasının 11-ci ildönümü və peşə bayramları münasibəti ilə təbrik edib və ən xoş arzularını çatdırıb. Onlara səfərbərlik hazırlığının yüksəldilməsi istiqamətində apardıqları şərəfli və mə-suliyyətli işlərində uğurlar diləyib.
Rayon rəhbəri ötən dövr ərzində Səfərbərlik və Hərbi Xidmətə Çağırış üzrə Dövlət Xidmətinin Ali Baş Komandan İlham Əliyevin diqqət və qayğısı nəticəsində böyük inkişaf yolu keçdiyini, ordu quruculuğu prosesinin təkmilləşdirilməsinə öz töhfələrini verdiyini qeyd edib. Bildirib ki, gənclər arasında hərbi vətənpərvərlik tərbiyəsi gücləndirilib, orduda fərarilik halları aradan qaldırılıb. Azərbaycanda səfərbərlik hazırlığı işinin təşkili, vətəndaşların ilkin hərbi qeydiyyata alınması, xidmətə hazırlanması, müddətli hərbi xidmətə çağırılmasının təşkili sahəsində uğurlar əldə olunub. Daha ətraflı »
-
20FevDigər 11 illik şərəfli inkişaf yolu üçün şərhlər bağlıdır
-
20FevDigər Rayonumuzun ümumtəhsil məktəblərinin yuxarı sinif şagirdləri arasında rəsm müsabiqəsi keçirilib üçün şərhlər bağlıdır
Bu günlərdə rayon İcra Hakimiyyətinin, YAP rayon təşkilatının və rayon təhsil sektorunun təşkilatçılığı ilə Gənclər və İdman İdarəsinin inzibati binasında rayonun ümumtəhsil məktəblərinin yuxarı sinif şagirdləri arasında rəsm müsabiqəsi keçirilib.
Rəsm müsabiqəsinə məktəblilərin çəkdiyi 36 rəsm təqdim olunub.
Rayonun Gülabatlı kənd tam orta məktəbinin 8-ci sinif şagirdi Sarıyeva Könül Natiq qızı I yerə, Əskipara kənd tam orta məktəbinin 6-cı sinif şagirdi Salmanzadə İlkin Əlövsət oğlu II yerə, Səhlabad kənd tam orta məktəbinin 6-cı sinif şagirdi Babayev Yusif İlham oğlu III yerə layiq görülüblər. Qaliblərə YAP Tərtər Rayon Təşkilatı tərəfindən Təşəkkürnamə təqdim olunub.
Əməkdaşımız Elfuzə Vəliyeva müsabiqədə I yerə layiq görülən Könül Sariyevanı redaksiyamıza dəvət edərək, onun haqqında yazı hazırlayıb.Rəsm yarışmasının qalibi
Könül Sarıyeva əmisi, Birinci Qarabağ Müharibəsi şəhidi Ərşad Sarıyev adına Gülabatlı kənd tam orta məktəbin 8-ci sinif şagirdidir. Dərs əlaçısıdır. Könülgil ailədə 3 uşaqdırlar – 2 qardaş, 1 bacı. Hər üçü həm ailənin, həm də təhsil aldıqları məktəbin fəxridirlər.
2023-cü ilin “Heydər Əliyev ili” elan edilməsi hamı kimi bu çalışqan şagirdlərin də məsuliyyətini artırmışdır. Bu yaxınlarda “Heydər Əliyev ili”nə həsr olunmuş ümumtəhsil məktəbləri arasında keçirilən rəsm yarışmasında Könül Sarıyeva da iştirak edib. O, ağ parça üzərində fonda Azərbaycanın xəritəsi üzərində Ulu Öndər Heydər Əliyevin portretini işləyərək yarışmanın qalibi olub və birinci yeri tutub. Bununla əlaqədar Könüllə əlaqə saxlayıb fikirlərini öyrəndim. Söhbət zamanı məlum oldu ki, onun rəsmləri 5-ci sinifdə oxuduğu vaxtdan sərgilənir. “Şuşa ili” ilə əlaqədar “Xarı bülbül”, Xocalı hadisələrinə həsr olunmuş”Ana və övladı” tikmələri müvafiq müsabiqələrdə ona uğurlar qazandırıb. Rəsm çəkmək, parçalar üzərində onları işləmək Könülün boş vaxtlarının məşğuliyyəti hesab olunur. Bu işdə anası Ülviyyənin köməkliyi olub. “Könlüm keçir Qarabağdan“, “20 Yanvar” onun sevə-sevə işlədiyi rəsmlərdir. Daha ətraflı » -
15FevDigər Azərbaycanın enerji təhlükəsizliyinə verilən növbəti töhfə üçün şərhlər bağlıdır
Prezident İlham Əliyev cari ilin 13 fevral tarixində Bakıda “Gülüstan” sarayında müstəqillik dövrünün 1280 MVt gücündə ən böyük İstilik Elektrik Stansiyasının təməlqoyma mərasimində iştirak edib.
O bildirib ki, bundan sonra ölkəmizin enerji potensialı böyük dərəcədə güclənəcək və Mingəçevirin Azərbaycanın elektroenergetika mərkəzi kimi önəmi daha da artacaq. 2025-ci ildə Mingəçevir şəhərində yeni 1280 meqavat gücündə elektrik stansiyasının açılışı olacaq.
Mingəçevir hazırda elektroenergetika sahəsində bizim əsas şəhərimizdir. Mingəçevirdə fəaliyyət göstərən elektrik stansiyası bu gün ölkəmizin elektrik enerjisinə ehtiyacının böyük hissəsini ödəyir.
Prezident deyib ki, Mingəçeviri Qafqazın enerji mərkəzinə çevirən Ulu Öndər Heydər Əliyev olmuşdur. Onun rəhbərliyi və təşəbbüsü ilə 1976-cı ildə Mingəçevirdə böyük elektrik stansiyasının təməli qoyulmuşdur. Böyük stansiyanın birinci blokunun 1981-ci ildə Heydər Əliyevin şəxsən iştirakı ilə açılışı olmuşdur.
Müstəqilliyin ilk illərində məhz Mingəçevir Elektrik Stansiyası ölkəni elektrik enerjisi ilə təmin edirdi. Ümumi generasiya gücü 2400 meqavat olan stansiya ölkəmizin nəinki enerji potensialını, ümumiyyətlə, sənaye potensialının böyük hissəsini ödəyərək imkan verdi ki, hətta müstəqilliyimizin ən ağır illərində, ilk illərdə Azərbaycanda elektrik enerjisi ilə təchizat təmin edilsin.
2018-ci ildə Mingəçevir Elektrik Stansiyasının yenidən qurulması prosesi başlamışdır. Qısa müddət ərzində – artıq iki ildə 8 blok tamamilə yenidən qurulmuş və istifadəyə verilmişdir. 2020-ci ildə stansiya öz əzəli gücü ilə yenidən işləməyə başlamış və 2400 meqavat generasiya gücünə malik olmuşdur. Bərpa-yenidənqurma işləri nəticəsində təqribən 600 meqavatdan çox itirilmiş güclər bərpa edildi. Daha ətraflı »
-
14FevDigər Türkiyədə baş vermiş acı faciənin aradan qaldırılmasına bütün Azərbaycan xalqı dəstək göstərir üçün şərhlər bağlıdır
Fevralın 6-da Türkiyədə baş verən zəlzələ ilə bağlı qardaş ölkəyə birinci olaraq yardım əlini uzadan Azərbaycan olub. Bu yardım həm dövlət səviyyəsində, həm də könüllü olaraq bütün xalq tərəfindən göstərilir. Hər kəs baş verənləri öz ağrı-acısı kimi qəbul edərək, əlindən gələn yardımı etməyə çalışır.
Fevralın 6-da Azərbaycan Respublikasının Prezidenti İlham Əliyev Türkiyənin Prezidenti Rəcəb Tayyib Ərdoğana başsağlığı məktubu ünvanlayıb: “Kahramanmaraşda baş vermiş və qardaş Türkiyənin bir çox yerlərində hiss edilmiş güclü zəlzələ nəticəsində çoxsaylı insan tələfatı və dağıntılar barədə xəbər bizi olduqca kədərləndirdi. Bu ağır məqamda hər cür yardım göstərməyə hazır olduğumuzu bildiririk”. Dövlətimizin başçısı faciə ilə əlaqədar türk həmkarına, həlak olanların ailələrinə və yaxınlarına, qardaş Türkiyə xalqına şəxsən öz adından və Azərbaycan xalqı adından dərin hüznlə başsağlığı verib, yaralananlara şəfa diləyib. Prezident İlham Əliyev, həmçinin zəlzələnin nəticələrinin tezliklə aradan qaldırılmasını arzulayıb.
Fevralın 6-da Prezident İlham Əliyev Türkiyə Prezidenti Rəcəb Tayyib Ərdoğanla telefon zəngi etmişdir: “Türkiyədə baş vermiş zəlzələ nəticəsində çoxsaylı insan tələfatı və dağıntılarla bağlı xəbər Azərbaycanı çox sarsıtdı və kədərləndirdi”yini bildirən Azərbaycan Prezidenti qeyd edib ki, bu, böyük fəlakətdir və ölkəmiz Türkiyənin bu dərdinə şərik çıxır, Azərbaycan və Türkiyə hər zaman bir-birinin yanındadır.
Azərbaycan Respublikasının Birinci vitse-prezidenti Mehriban xanım Əliyeva fevralın 6-da Türkiyədə baş vermiş zəlzələ ilə əlaqədar rəsmi instaqram səhifəsində paylaşım edib: “Türkiyənin cənub-şərqində baş vermiş güclü zəlzələnin nəticələri barədə xəbərləri dərin kədər hissi ilə qarşıladım. Allah faciə zamanı həlak olanlara rəhmət eləsin. Onların doğmalarına və yaxınlarına dərin hüznlə başsağlığı verirəm. Yaralananların və xəsarət alanların tezliklə şəfa tapmasını arzulayıram. Uca Tanrıdan bütün Türkiyə xalqına güc və səbir diləyirəm!”.
Azərbaycan Respublikasının Prezidenti İlham Əliyev fevralın 8-də Türkiyə Respublikasının ölkəmizdəki səfirliyində olub, Türkiyədə baş vermiş zəlzələ nəticəsində çox sayda insanın həlak olması ilə əlaqədar başsağlığı verib və çıxış edib: “Azərbaycan hər zaman olduğu kimi, zəlzələdən sonra ilk dəqiqələrdən, ilk saatlardan qardaş Türkiyənin yanında idi. Azərbaycan öz dəstəyini, öz həmrəyliyini həmişə olduğu kimi nümayiş etdirir. Əgər bu acı faciənin fəsadlarının aradan qaldırılmasına bir balaca kömək edə bilmişiksə, bunu özümüz üçün şərəf bilirik”. Daha ətraflı »
-
10FevDigər HEYDƏR ƏLİYEV–2023 üçün şərhlər bağlıdır
Ulu Öndər Heydər Əliyevin irsi milli sərvətimizdir
“Ulu Öndər Heydər Əliyev arzularında yaşatdığı Azərbaycanı hələ birinci rəhbərliyi dönəmində qurmağa başlamış, arzu və istəklərini bu istiqamətə yönəltmişdir. Məhz buna görə də onun adı xalqın simvoluna, həyat və fəaliyyəti isə xalqın məhəbbət və sədaqət simvoluna çevrilmişdir”. Bu sətirlər rayonun ümumtəhsil məktəblərinin yuxarı sinif şagirdləri arasında “Ulu Öndər Heydər Əliyev irsi milli sərvətimizdir” mövzusunda keçiri-lən inşa yazı müsabiqəsinin qaliblərindən birinin ürək sözləridir.
Müsabiqədə 35 nəfər yuxarı sinif şagirdi iştirak edib. Tərtər Təhsil Sektorunun müdiri Oqtay Sarıkişiyev müsabiqənin yekunları barədə danışarkən deyib ki, hər bir şagirdin inşası yüksək yer tutmağa layiqdir. Çünki uşaqlar Ulu Öndər haqqında fikirlərini o qədər böyük məhəbbətlə ifadə etmişlər ki, bu sətirləri həyəcansız oxumaq mümkün deyil. Yazılarda həmçinin Ümummilli Liderimizin ideyalarının onun siyasi varisi, hamımızın sevimlisi olan, bizə möhtəşəm Qələbə sevincini yaşadan Prezident İlham Əliyev tərəfindən layiqincə davam etdirildiyi göstərilib.
Müsabiqənin qalibləri artıq müəyyənləşdirilib. Daha ətraflı » -
10FevDigər HƏR ZAMAN YANINDAYIQ, TÜRKİYƏ! üçün şərhlər bağlıdır
Fevralın 6-sı gecə saatlarında qardaş Türkiyənin on vilayətində baş verən zəlzələ dünyanın bütün humanist xalqları kimi Azərbaycan xalqını da sarsıtdı. Bu qarşısıalınmaz təbii fəlakət hamımızın qəlbini kədərlə doldurdu. Bütün türk xalqı fəlakətdən zərərçəkənlərə kömək üçün səfərbərdir. Dövlət qurumları ilə bərabər vətəndaşlar da əllərindən gələn köməyi etməyə çalışırlar. Xilasedicilərin köməyinə gələn kütlə zərərçəkənləri xilas etmək üçün gecəli-gündüzlü çalışır.
Azərbaycan dövləti həmişə olduğu kimi qardaş Türkiyənin yanındadır. Bir millət, iki dövlətin sarsılmaz birliyi bu çətin vəziyyətdə bir daha sınandı. İlk Azərbaycan olmaqla bütün humanist dövlətlər köməyə gəldilər.
Prezidentimizin tapşırığı ilə FHN-nin yüzlərlə xilasedicisi təyyarə ilə fəlakət zonasına yola salındı. Onlar çətin hava şəraitində dağıntılar altında qalanların xilası üçün gecə-gündüz çalışırlar. Zəlzələdən zərərçəkənlər üçün yaradılan ianə fonduna hər saat yüzlərlə adam müraciət edir. Hümanitar yardım gətirənlərin isə sayı-hesabı yoxdur. İsti adyallar, yorğan-döşək, pal-paltar, isti ayaqqabılar, uşaq bezləri, yaşıdlarının dərdini yüngülləşdirməyə çalışan azyaşlılar öz oyuncaqlarını belə türk soydaşlarına göndərmək üçün gətirirlər. Bu işə tərtərlilər də qoşulublar. Rayon sakinləri zəlzələdən zərər çəkənlərə hu-manitar yardım göstərmək üçün əllərindən gələn köməkliyi etməyə çalışırlar. Daha ətraflı » -
10FevDigər Qəhrəman Tərtərdən qardaş Türkiyəyə üçün şərhlər bağlıdır
Birliyimizin təcəssümü
Qardaş Türkiyədə təbii fəlakət nəticəsində minlərlə insanın həyatını itirməsi, yaralanması, evsiz-eşiksiz qalması hər bir azərbaycanlı tərəfindən ürək ağrısı ilə qarşılandı. Lakin bununla yanaşı Azərbaycan dərhal birinci olaraq Türkiyəyə kömək əlini uzatdı. Qardaş ölkəyə yardım göstərmək məqsədilə bütün vətəndaşlarımız səfərbər olublar.
Zəlzələdən zərərçəkənlərə yardım aksiyasına Qəhrəman Tərtərin vətəndaşları da fəal qoşulublar. Bununla bağlı sosial şəbəkələrdə paylaşım edən Nursəfa Abbasov deyir ki, hər bir tərtərli türkiyəli qardaşlarımıza yardım etmək üçün əlindən gələni əsirgəmir. Bu, ürəkdən gələn bir istəkdir. Yalnız maddi deyil, həm də mənəvi dəstək, birliyimizin təcəssümüdür.
Şəhərimizin Ədalət Paşayev küşəsində yerləşən yardım-toplama məntəqəsində olaraq, sakinlərdən bir neçəsi ilə söhbət etdik.
Samirə Həsənova, Zeynalabdin Tağıyev küçəsi-nin sakini:
– 2 övlad anasıyam. Televizorda dağıntılar altından çıxarılan körpələri görəndə, göz yaşlarımı saxlaya bilmirəm. Qardaş ölkənin xalqına səbr və dözüm arzulayıram. İnanıram ki, birlikdə, əl-ələ verərək bu ağır dönəmdən keçəcəyik. Hər bir tərtərli ailəsi kimi, mən də gücüm çatan yardımı gətirmişəm ki, türkiyəli balalar soyuqdan əziyyət çəkməsinlər. Daha ətraflı » -
10FevDigər İcra başçısının səyyar qəbul- görüşləri üçün şərhlər bağlıdır
Belə görüşlər zamanı problemlər yaxından öyrənilir,operativ tədbir görülür
Prezident İlham Əliyevin tapşırıq və tövsiyələri əsasında son illərdə rayon rəhbərinin bilavasitə yerlərdə həyata keçirdiyi səyyar qəbul-görüşlər bəhrəsini verməkdədir. Belə görüşlər zamanı hər bir kəndin ümumi problemləri daha yaxından öyrənilir, həm də ayrı-ayrı vətəndaşlar üzləşdikləri çətinliklərlə bağlı birbaşa müraciət edə bilirlər ki, bu da məsələlərin operativ həllinə kömək edir.
Səyyar qəbul-görüşlərdə müxtəlif sahələri təmsil edən rəhbər işçilərin iştirakı da operativliyin təmin edilməsinin şərtlərindən biridir.
Nəticədə ötən il həm rayon icra hakimiyyətinə, həm də yuxarı təşkilatlara ünvanlanan şikayət məktublarının sayı xeyli azalıb.
Bu günlərdə Hüsənli kəndində keçirilən səyyar qəbul-görüşdə kənd sakinləri səmimi şəraitdə rayon rəhbərinə öz fikirlərini çatdırıblar, onları narahat edən məsələlərin həllində köməklik göstərilməsini xahiş ediblər.
Məhəmməd Məmmədovu, Bəxtiyar Qəhrəmanovu, Anar Mustafayevi, İradil Cəfərovu, Tural Əhmədovu, Sənan Əhmədovu, Kamal Hümbətovu diqqətlə dinləyən icra başçısı müraciətlərlə bağlı əlaqədar təşkilatların rəhbərlərinə müvafiq tapşırıqlar verib, araşdırması müəyyən vaxt tələb edən məsələlər isə nəzarətə götürülüb.
Səyyar qəbul-görüşdə icra başçısı eyni zamanda dünyada və ölkəmizdə baş verən proseslər barədə sakinlərə ətraflı məlumat verib. Bildirib ki, Azərbaycan Prezidenti cənab İlham Əliyevin həyata keçirdiyi uğurlu daxili və xarici siyasət nəticəsində ölkəmizin iqtisadi və siyasi potensialı artır və getdikcə daha çox ölkələr Azərbaycanla əməkdaşlığa üstünlük verirlər.
Hər bir səyyar qəbul-görüşdə olduğu kimi, bu dəfə də rayon rəhbəri həmin kəndin tam orta məktəbinin müəllim və şagird kollektivi ilə görüşüb. O bildirib ki, uzun müddət düşmənlə bir neçə kilometr məsafə boyunca təmas xətti olan Hüsənli kəndinin sakinləri daim qəhrəman kimi yaşayıb, vətənpərvər övladlar böyüdüblər. Bu sahədə məktəb kollektivi də çox iş görüb, həm təhsildə, həm də vətənpərvərlikdə nümunə olan gənclər yetişdiriblər. Bunun nəticəsidir ki, Birinci Qarabağ müharibəsində olduğu kimi, 44 günlük Vətən müharibəsində də məktəbin məzunları adlarını Azərbaycan tarixinə yazıblar. Daha ətraflı » -
10FevDigər Oğuz yurdu Göyçə mahalının məşhur ziyalısı üçün şərhlər bağlıdır
O, həm də Tərtər rayonunun yetirməsi idi
Fizika-riyaziyyat elmləri doktoru, professor Əliyev Bayram Zeynal oğlu 1971-ci ildə Göyçə mahalının Bala Məzrə kəndində anadan olub. O, uşaq olarkən ailəsi deportasiyaya məruz qalıb və digər həmkəndliləri ilə birlikdə Tərtər rayonunda məskunlaşıb. Son günlərinə qədər Bayram müəllim Bala Məzrədə keçən uşaqlığının və o yerlərin həsrətini çəkib.
Bayram Əliyev 1960-cı il-də Tərtər rayonunun Qaradağlı kənd orta məktəbini bitirib. Elə həmin il Bakı Dövlət Universitetinin Fizika fakültəsinə daxil olub və 1965-ci ildə universiteti bitirib. 1966-cı ildə Elmi Şuranın qərarı ilə aspiranturaya göndərilən Bayram Əliyev Sankt-Peterburq şəhərində oxuyub. Təhsilini başa vurduqdan sonra riyaziyyat elmləri namizədi, dosent, 1990-cı ildə isə fizika-riyaziyyat elmləri doktoru, professor elmi dərəcəsini alıb.
Bayram Əliyevin 178 elmi məqaləsi işıq üzü görüb və həmin məqalələr Yaponiyada, İngiltərədə, Fransada, Almaniyada və keçmiş SSRİ-nin respublikalarında nəşr olunan jurnallarda çap edilib.
Bayram müəllim 45 il ərzində Azərbaycan Texnologiya Universitetinin Ümumi və tətbiqi fizika kafedrasına rəhbərlik edib. Daha ətraflı » -
10FevDigər “Münaqişədən təsirlənən icmalarda qadın liderlərin inkişafı” üçün şərhlər bağlıdır
Avropa İttifaqının “Stabillik və Sülhə Yardım” (IcSP) layihəsinin “Bacarıqların Artırılması və Vətəndaşların İştirakı ilə Sülh Quruculuğu: Mərhələ 2” (PeaCE-2) proqramı çərçivəsində “Qadınlar Arasında Həmrəylik” İctimai Birliyinin ekspertləri tərəfindən rayonumuzda “Münaqişədən təsirlənən icmalarda qadın liderlərin inkişafı” adlı layihə çərçivəsində görüşlər keçirilmişdir.
Tərtər rayon Qadın Resurs Mərkəzində keçirilən görüşdə vətəndaş cəmiyyəti təşkilatlarının nümayəndələri, şəhər 6 saylı tam orta məktəbdə keçirilən görüşdə isə 2 məcburi köçkün icmasının nümayəndələri iştirak ediblər.
Görüşdə əvvəlcə Tərtər Rayon İcra Hakimiyyəti Başçısı Aparatında ictimai-siyasi və humanitar məsələlər şöbəsinin baş məsləhətçisi Rəqsanə Məmmədli çıxış edərək iştirakçıları salamlamış, tədbirin əhəmiyyətindən danışmışdır. İctimai birliyin ekspertləri Şərqiyyə Dadaşova, Telman Dadaşov və Aliyə İmanova yu-xarıda qeyd olunan mövzuda çıxış edib, təlimdə iştirak edən qadınların suallarını cavablandırıblar.
Yeni ismarıclar