Günahsız Xocalı qurbanlarının qisası döyüş meydanında alındı

Azərbaycanın Ümummilli Lideri Heydər Əliyev deyib: “Bütövlükdə Azərbaycan xalqına qarşı yönəldilmiş Xocalı soyqırımı öz ağlasığmaz qəddarlığı və qeyri-insani cəza üsulları ilə bəşər tarixində bir vəhşilik aktıdır. Bu soyqırımı, eyni zamanda, bütün bəşəriyyətə qarşı tarixi bir cinayətdir. Xocalı faciəsi- Ermənistanın millətçi, vəhşi qüvvələri tərəfindən Azərbaycana qarşı edilən soyqırımıdır – vəhşiliyin görünməmiş təzahürüdür”.

Azərbaycan Respublikasının Prezidenti İlham Əliyev deyib: “Biz Xocalısız ərazi bütövlüyümüzün, suverenliyimizin tam bərpa olunduğunu hesab edə bilməzdik. Xocalının Azərbaycan xalqının tarixində və şüurunda o qədər böyük yeri var ki, bu faciə qəlbimizdə o qədər böyük yaralar salıb ki, Xocalı azad olunmadan biz sakitləşə bilməzdik”.

1992-ci ilin fevral ayının 25-dən 26-na keçən gecə Azərbaycan tarixinin ən dəhşətli səhifələrindən biri olan Xocalı soyqırımı aktı baş vermişdir. Daha ətraflı »

Azərbaycan Respublikasının Prezidenti İlham Əliyev cənabları cari ilin fevralın 15-də Serbiya Respublikasına rəsmi səfəri iki ölkə arasında münasibətlərin inkişafında mühüm mərhələ kimi dəyərləndirilir. Səfər çərçivəsində keçirilən görüşlər, imzalanan sənədlər və mətbuata verilən bəyanatlar Azərbaycan–Serbiya əlaqələrinin artıq strateji tərəfdaşlıq səviyyəsinə yüksəldiyini bir daha təsdiq etdi.

Səfər zamanı Prezident İlham Əliyev Serbiyanın Prezidenti Aleksandar Vuçiç ilə təkbətək və geniş tərkibdə görüşlər keçirdi. Dövlət başçıları arasında aparılan müzakirələrdə siyasi dialoqun dərinləşdirilməsi, iqtisadi əməkdaşlığın genişləndirilməsi, enerji təhlükəsizliyi və regional sabitlik məsələləri əsas yer tutdu. Görüşlər zamanı vurğulandı ki, Azərbaycan və Serbiya arasında münasibətlər qarşılıqlı hörmət, etimad və dostluq prinsiplərinə əsaslanır.

    Mətbuata bəyanatla çıxış edən Prezident İlham Əliyev bildirdi ki, iki ölkə arasında strateji tərəfdaşlıq uğurla inkişaf edir və artıq konkret nəticələr verməkdədir. O qeyd etdi ki, Azərbaycan Serbiya ilə siyasi əlaqələri daha da möhkəmləndirmək niyyətindədir və beynəlxalq təşkilatlarda qarşılıqlı dəstək ənənəsi davam etdiriləcək. Bu amil dövlətlər arasında möhkəm etimad mühitinin göstəricisidir. Daha ətraflı »

Serbiya xalqı bütün dövrlərdə öz dövlət suverenliyinin qorunması və möhkəmləndirilməsi istiqamətində böyük səylər göstərmişdir, qurbanlar vermişdir. Siz də əziz dostum, Serbiyanın Prezidenti kimi dövlətçiliyi, dövlət maraqlarını hər şeydən üstün tutursunuz. Məhz buna görə Sizin rəhbərliyinizlə Serbiya uğurla inkişaf edir, həm beynəlxalq müstəvidə böyük hörmət qazanmışdır, eyni zamanda, iqtisadi və sosial sahədə böyük islahatlar aparılmışdır. Bunun nəticəsində bu gün Serbiya – təbii sərvətləri olmayan bir ölkə buna baxmayaraq, iqtisadi cəhətdən uğurla inkişaf edir, öz gücünə arxalanır, heç bir yerdən heç bir yardım almır. Bugünkü şəraitdə, xüsusilə Avropa məkanında yerləşən ölkə üçün bu, xüsusi amil kimi qiymətləndirilməlidir. Burada mən Prezident Vuçiçin çox yüksək liderlik keyfiyyətlərini qeyd etmək istərdim. Bildiyiniz kimi, bizim təmaslarımız uzun illərdir ki, davam edir. Biz bir-birimizi yaxından tanıyırıq, səmimi söhbətlər aparırıq və dostluq münasibətlərimiz var. Bilirəm ki, Prezident Vuçiç Serbiya xalqına, dövlətinə, dövlət maraqlarına nə qədər bağlı olan insandır və hər bir ölkənin uğurunun arxasında məhz bu amillər dayanır. Biz, əlbəttə ki, Serbiyanın dostları kimi bunu yüksək qiymətləndiririk və buna görə sevinirik; Daha ətraflı »

Bu gün Azərbaycan dünyada nadir ölkələrdəndir ki, qlobal güc mərkəzləri ilə artıq imzalanmış strateji tərəfdaşlıq formatında fəaliyyət göstərir. Prezident İlham Əliyevin sədrliyi ilə keçirilən və “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirə ölkəmizin gələcək inkişaf modelini müəyyən etmişdir. Dövlət başçısı vurğulayıb ki, süni intellektin tətbiqi, data mərkəzlərinin yaradılması və rəqəmsallaşma sahəsində aparılan islahatlar faktiki olaraq ölkələrin gələcək inkişafını şərtləndirir. Bu istiqamət artıq dövlətimizin əsas prioritetləri siyahısına daxil edilmişdir. Daha ətraflı »

ABŞ-ın Vitse-prezidenti Ceyms Devid Vensinin Azərbaycan Respublikasına rəsmi səfəri və bu səfər çərçivəsində Azərbaycan Prezidenti İlham Əliyevin mətbuata verdiyi bəyanat iki ölkə arasında münasibətlərin yeni mərhələyə qədəm qoyduğunu nümayiş etdirən mühüm siyasi hadisə kimi tarixə düşmüşdür. Bu səfər təkcə ikitərəfli əlaqələr baxımından deyil, həm də Cənubi Qafqazda sülhün, təhlükəsizliyin və uzunmüddətli əməkdaşlığın möhkəmləndirilməsi baxımından xüsusi əhəmiyyət daşıyır.

Möhtərəm Prezidentimiz  İlham Əliyev cənabları vurğulamışdır ki, ABŞ dünyanın aparıcı siyasi, iqtisadi və hərbi güclərindən biridir və bu ölkə ilə qurulan münasibətlər Azərbaycan üçün hər zaman strateji əhəmiyyət kəsb etmişdir.

Cənubi Qafqazın mürəkkəb geosiyasi şəraitində ABŞ-ın sülh və sabitliyə yönəlmiş təşəbbüsləri, Prezident İlham Əliyevin qeyd etdiyi kimi, regional proseslərə müsbət təsir göstərir. Vitse-prezident Vensinin səfəri regionda formalaşmaqda olan yeni siyasi reallıqlar fonunda baş tutmuş və Azərbaycan-ABŞ münasibətlərinin məhz bu reallıqlara uyğun şəkildə inkişaf etdirildiyini göstərmişdir.

Cənab Prezident İlham Əliyev bəyanatında xüsusi olaraq qeyd etmişdir ki, Azərbaycan ilə ABŞ arasında əməkdaşlıq təkcə diplomatik münasibətlərlə məhdudlaşmır. Enerji təhlükəsizliyi, regional nəqliyyat layihələri, təhlükəsizlik, terrorla mübarizə, müdafiə sənayesi və yüksək texnologiyalar sahəsində əməkdaşlıq münasibətlərin əsas sütunlarını təşkil edir.

Dövlət başçısı vurğulamışdır ki, strateji tərəfdaşlıq yalnız siyasi dialoq deyil, konkret nəticələrə əsaslanan praktik əməkdaşlıq deməkdir. Bu baxımdan imzalanan sənədlər, yaradılan işçi qrupları və müntəzəm siyasi məsləhətləşmələr iki ölkə arasında qarşılıqlı etimadın yüksək səviyyədə olduğunu təsdiqləyir.

Prezident İlham Əliyev bəyanatında Azərbaycan-Ermənistan münasibətlərinin normallaşdırılması prosesinə də toxunmuşdur. O bildirmişdir ki, Azərbaycan regionda davamlı sülhün bərqərar olunmasında maraqlıdır və bu istiqamətdə real addımlar atır. Sülh sazişinin paraflanması, nəqliyyat-kommunikasiya xətlərinin açılması və qarşılıqlı etimad tədbirləri Azərbaycanın konstruktiv mövqeyinin bariz nümunəsidir.

İlham Əliyev cənabları çıxışında Azərbaycanın beynəlxalq təhlükəsizlik təşəbbüslərində fəal iştirak etdiyini, terrorizmə qarşı mübarizədə ABŞ ilə birgə fəaliyyət göstərdiyini qeyd etmişdir. Azərbaycan hər zaman beynəlxalq öhdəliklərinə sadiq qalaraq qlobal təhlükəsizliyə töhfə verib.

Cənab Prezident Azərbaycan-ABŞ münasibətlərinin yalnız siyasi və iqtisadi sahələrlə məhdudlaşmadığını vurğulayaraq, humanitar, təhsil və mədəni əlaqələrin də mühüm rol oynadığını bildirmişdir. ABŞ-da təhsil alan azərbaycanlı tələbələr, elm və innovasiya sahəsində əməkdaşlıq, eləcə də mədəni mübadilə proqramları xalqlar arasında qarşılıqlı anlayışı və dostluğu möhkəmləndirir.

Möhtərəm  Prezidentimiz  İlham Əliyevin ABŞ-ın Vitse-prezidenti Cey. Di. Vensin Azərbaycana səfəri zamanı mətbuata verdiyi bəyanat Azərbaycan-ABŞ münasibətlərinin keyfiyyətcə yeni mərhələyə keçdiyini nümayiş etdirir. Bu səfər və səsləndirilən mövqelər bir daha göstərir ki, Azərbaycan beynəlxalq münasibətlər sistemində etibarlı tərəfdaş, regionda isə sabitlik və əməkdaşlıq mərkəzi kimi çıxış edir.

Eldar Əsədov,

YAP Tərtər rayon təşkilatının sədri

  Möhtərəm  Prezidentimiz cənab   İlham Əliyevin “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirədə çıxışı ölkəmizin rəqəmsal transformasiya prosesində yeni mərhələnin başlandığını nümayiş etdirdi. Dövlət başçısının bu istiqamətdə irəli sürdüyü strateji yanaşma Azərbaycanın müasir çağırışlara adekvat cavab vermək, idarəetməni daha çevik və şəffaf etmək, iqtisadiyyatı şaxələndirmək və vətəndaş məmnunluğunu artırmaq məqsədlərinə xidmət edir.

Cənab Prezident çıxışında vurğuladı ki, rəqəmsallaşma artıq seçim deyil, zərurətdir. Müasir dünyada rəqabət qabiliyyətli iqtisadiyyat qurmaq üçün informasiya texnologiyalarının tətbiqi, süni intellektin, böyük verilənlər bazasının və rəqəmsal platformaların geniş istifadəsi əsas şərtlərdən biridir. Bu baxımdan “Azərbaycanın yeni rəqəmsal arxitekturası” vahid fəaliyyət planı dövlət idarəçiliyində, iqtisadiyyatda və sosial sahədə rəqəmsal inteqrasiyanı təmin edən kompleks sənəd kimi qiymətləndirilir. Prezident vurğuladı ki, bütün dövlət qurumları bu plana uyğun fəaliyyət göstərməli, məlumat bazaları arasında inteqrasiya təmin edilməli və paralel sistemlər aradan qaldırılmalıdır.

Dövlət başçısı qeyd etdi ki, rəqəmsal həllər korrupsiya risklərini minimuma endirir, insan amilini azaldır və xidmət keyfiyyətini artırır. Bu isə vətəndaş məmnunluğunu yüksəldir və dövlətə inamı daha da möhkəmləndirir.

Cənab Prezident çıxışında rəqəmsal iqtisadiyyatın inkişafının qeyri-neft sektorunun genişlənməsində mühüm rol oynadığını vurğuladı. Xüsusilə rəqəmsal sahibkarlığın təşviqi, elektron ticarətin genişləndirilməsi və rəqəmsal ödəniş sistemlərinin inkişafı iqtisadi dövriyyənin şəffaflaşmasına və genişlənməsinə xidmət edir.

Prezident çıxışında süni intellekt texnologiyalarının tətbiqinə də toxundu. O qeyd etdi ki, süni intellekt dövlət idarəçiliyində qərar qəbuletmə prosesini sürətləndirə və optimallaşdıra bilər. Eyni zamanda, səhiyyə, təhsil, nəqliyyat və kənd təsərrüfatı kimi sahələrdə rəqəmsal həllərin tətbiqi məhsuldarlığın artmasına səbəb olacaq.

Dövlət başçısı bildirdi ki, Azərbaycan gələcəyin texnologiyalarını yalnız istehlak edən deyil, həm də yaradan ölkələr sırasında olmalıdır. Bu məqsədlə yerli kadr potensialının gücləndirilməsi və beynəlxalq əməkdaşlığın genişləndirilməsi vacibdir.

Yeni rəqəmsal arxitektura Azərbaycanın gələcəyini daha dayanıqlı, innovativ və güclü dövlət kimi formalaşdırmağa xidmət edəcək.

Eldar Əsədov,

YAP Tərtər rayon təşkilatının sədri

Azərbaycan Prezidenti İlham Əliyevin ABŞ-ın Vitse-prezidenti Cey. Di. Vensin Azərbaycana səfəri zamanı mətbuata bəyanat verib.

Daha ətraflı »

Prezident İlham Əliyevin 4 fevral 2026-cı ildə Əbu-Dabidə “Zayed İnsan Qardaşlığı Mükafatı”nın təqdimolunma mərasimində çıxış edib. Ölkə başçısı çıxışında bildirib ki, ilk növbədə, bu mükafata görə münsiflər heyətinə dərin minnətdarlığımı bildirmək istəyirəm. Birləşmiş Ərəb Əmirliklərinin banisi, mərhum Şeyx Zayedin adını daşıyan bu mükafata layiq görülmək mənim üçün böyük şərəfdir. O, elə bir böyük lider idi ki, onun uzaqgörənliyi və fəaliyyəti BƏƏ-ni dünyanın ən firavan və ən uğurlu ölkələrindən birinə çevirmişdir. Şeyx Məhəmməd atasının inkişaf, tərəqqi və davamlı müasirləşmə siyasətini davam etdirir.

Bu gün Birləşmiş Ərəb Əmirlikləri tarixi köklərinə möhkəm bağlı qalmaqla yanaşı, gələcəyə də inamla baxan, sülh və ahəngdar şəraitdə yaşayan bir cəmiyyətin necə qurulması baxımından həqiqətən də bir çox ölkələr üçün nümunədir.

Dinlərarası dialoqun inkişafına verdikləri töhfəyə, həmçinin sivilizasiyaların bir-birinə daha da yaxınlaşması istiqamətində göstərdikləri səylərə görə Əl-Əzhərin böyük imamı, doktor Əhməd Əl-Tayyibə və Roma Papası, Zati-müqəddəsləri Leoya dərin minnətdarlığımı bildirmək istəyirəm. Mərasimə ünvanladıqları xoş müraciətlərində bir daha Azərbaycan və Ermənistan arasında sülhün əhəmiyyətini vurğulayan bütün həmkarlarıma da minnətdarlığımı bildirirəm. Biz 30 ildən artıq müddətdə müharibə şəraitində olmuşuq. İndi isə artıq altı aydır ki, sülh şəraitində yaşayırıq. Daha ətraflı »

Müasir Azərbaycan dövlətinin qurucusu, Ümummilli Lider Heydər Əliyev hələ 90-cı illərin çətin şəraitində gəncliyə “Milli Sərvətimiz” kimi müraciət edərək, bu bayramı bizə əmanət etdi. Ulu Öndər yaxşı bilirdi ki, müstəqilliyi qorumaq onu qazanmaqdan daha çətindir və bu məsuliyyətli iş yalnız vətənpərvər, bilikli və sarsılmaz gəncliyin çiyinlərində yüksələ bilər. Bu gün biz bu salonda toplaşarkən, sadəcə bir təqvimi qeyd etmirik; biz dövlətimizin sarsılmaz gələcəyini, gəncliyimizin gücünü və birliyimizi bayram edirik!

Azərbaycanda Gənclər Gününün təsis edilməsi xalqımızın Ümummilli Lideri Heydər Əliyevin adı ilə bağlıdır. 1996-cı ildə keçirilən Azərbaycan Gənclərinin I Forumundan sonra, 1997-ci ildə imzalanan müvafiq Fərmanla 2 fevral Azərbaycanda Gənclər Günü elan edilmişdir. Bu, MDB məkanında və Şərqi Avropada gənclərə verilən ən yüksək dövlət dəyərinin ilk nümunəsidir.

Azərbaycanda gənclər siyasəti sadəcə bir fəaliyyət sahəsi deyil, dövlətçiliyimizin qorunması və gələcəyimizin təminatı strategiyasıdır. Bu strategiyanın təməli Ümummilli Lider Heydər Əliyev tərəfindən qoyulmuşdur. 1994-cü ildə Gənclər və İdman Nazirliyinin yaradılması, 1996-cı ildə müstəqil Azərbaycan gənclərinin ilk forumunun keçirilməsi gənclərin vahid bir qüvvə kimi formalaşmasına təkan verdi. Ulu Öndərin 2 fevralı “Gənclər Günü” elan etməsi gəncliyə verilən ən böyük mənəvi töhfə idi.

Bu gün bu siyasət Prezident İlham Əliyev tərəfindən keyfiyyətcə yeni mərhələyə yüksəldilib. “Azərbaycan gəncliyi” Dövlət Proqramları, gənclərin xaricdə təhsili üzrə xüsusi proqramlar və Gənclər Fondunun fəaliyyəti gənclərimizin qlobal rəqabətə davamlı bir nəsil kimi yetişməsini təmin etmişdir. Biz bu gün fəxrlə deyə bilərik ki, müasir Azərbaycan gəncliyi həm texnoloji biliklərə malikdir, həm də öz milli köklərinə dərindən bağlıdır

Müasir Azərbaycanın inkişaf modelində gənclərin yaradıcı potensialından geniş istifadə olunur. Ölkə Prezidenti cənab İlham Əliyevin rəhbərliyi ilə həyata keçirilən “Azərbaycan gəncliyi 2011–2015-ci illərdə” və sonrakı dövrləri əhatə edən Dövlət proqramları gənclərin fəaliyyət imkanlarını genişləndirmişdir.

Azərbaycan bu gün Prezident İlham Əliyevin rəhbərliyi ilə öz tarixinin ən qüdrətli dövrünü yaşayır. Ölkəmiz artıq yalnız regionun lideri deyil, həm də qlobal enerji təhlükəsizliyinin qarantı və beynəlxalq nəqliyyat qovşaqlarının mərkəzidir.

Azərbaycan gəncləri üçün ən həlledici sınaqlardan biri də 2020-ci il sentyabrın 27-də başlayan və noyabrın 10-dək davam edən Vətən müharibəsi oldu. Rəşadətli Azərbaycan Ordusunun sıralarında Vətən uğrunda mətanətlə vuruşan qəhrəman gənclərimiz adlarını xalqımızın ən yeni tarixinə qızıl hərflərlə yazdılar. Məhz onların rəşadəti sayəsində qazanılan bu Şanlı Zəfər sayəsində Azərbaycan ərazi bütövlüyünü bərpa etdi, xalqımız otuz illik həsrətdən sonra tarixi torpaqlarına qovuşdu. Sevindirici haldır ki, gənclərimiz Vətən uğrunda döyüşlərlə yanaşı, arxa cəbhədə də yüksək fəallıq göstərib, ölkəmizlə bağlı həqiqətlərin, işğalçı Ermənistanın əzəli torpaqlarımızda törətdikləri vandallıq aktlarının beynəlxalq ictimaiyyətin diqqətinə çatdırılmasında fəal iştirak ediblər.

Müasir Azərbaycan gənci süni intellekt, rəqəmsal iqtisadiyyat və innovativ texnologiyalar dövrünün lideridir. Ölkə başçısının qeyd etdiyi kimi, bizim gənclərimiz həm milli dəyərlərə sadiqdir, həm də dünya elminə açıqdırlar. Bu vəhdət Azərbaycanın gələcək onilliklərdəki inkişafının əsas təminatıdır.

Eldar Əsədov,

YAP Tərtər rayon təşkilatının sədri

1996-cı il fevralın 2-də keçirilən Azərbaycan Gənclərinin I Forumunda Ulu Öndər Heydər Əliyev gənclər qarşısında tarixi bir vəzifə qoymuşdur: “Hər bir Azərbaycan gənci hər şeydən çox, hər şeydən artıq müstəqil Azərbaycanın bu günü, gələcəyi haqqında düşünməlidir”.

Ulu Öndər Heydər Əliyevin gənclər siyasəti.“Bizim xalqımızın gələcəyi gənclərdir. Gənclər isə gərək həm fiziki cəhətdən sağlam olsunlar, həm də yüksək şüura, yüksək biliyə, yüksək əxlaqa, yüksək tərbiyəyə, yüksək elmə malik olsunlar. Bunlar hamısı bir-birinə sıx bağlıdır.”

Ulu Öndər Heydər Əliyev (8 dekabr 2002-ci il)

Ulu Öndər tərəfindən hələ 1 fevral 1997-ci il tarixində imzalanmış Sərəncama (https://e-qanun.az/framework/53392) əsasən fevralın 2-si Azərbaycan Gəncləri Günü elan edilib. Həmin vaxtdan etibarən bu gün MDB məkanında və Şərqi Avropa ölkələri arasında ilk dəfə olaraq Azərbaycanda Gənclər Günü təntənəli şəkildə qeyd edilməyə başlanıb; Daha ətraflı »