20Noy
MƏQSƏD ƏHALİNİN SƏMƏRƏLİ MƏŞĞULLUĞUNU TƏMİN ETMƏKDİR
Bu günlərdə rayon Gənclər Mərkəzində “Müasir mərhələdə dövlət məşğulluq siyasətinin gücləndirilməsi, bu sahədə mövcud olan problemlərin həlli və əhalinin səmərəli məşğulluğunun təmin edilməsi” mövzusunda “dəyirmi masa” keçirilib. “Dəyirmi masa”da rayonda fəaliyyət göstərən 25-ə qədər idarə, müəssisə və təşkilatların nümayəndələri iştirak edib.
Tədbiri rayon məşğulluq mərkəzinin direktoru Azər Ağayev açıb.
“Dəyirmi masa”da əhalinin sosial müdafiəsini və səmərəli məşğulluğunu təmin etmək, işə götürənlərlə məşğulluq xidməti arasında əlaqələri yaxşıladırmaq, sosial müdafiəyə daha çox ehtiyacı olan və işə düzəlməkdə çətinlik çəkən vətəndaşlar üçün kvota tədbiq edilməsi qaydaları barədə və digər sahələrdən söhbət gedib.
Müzakirə şəklində keçən tədbirdə rayon subartezian quyuları istismarı idarəsinin nümayəndəsi Ruqiyyə Ağayeva, suvarma sistemləri idarəsinin nümayəndəsi Anaxanım Səfərova, rayon təhsil şöbəsinin işçisi Gülxar Abbasova, məşğulluq mərkəzinin işçiləri Tağı Məmmədov, Qədir Ələkbərov, Elxan Bağırov yaxından iştirak ediblər.
“Yeni Tərtər”
Teqlər: Xəbərlər
10Noy

Tərtər Rayon İcra Hakimiyyəti və YAP Tərtər Rayon Təşkilatı birgə Yeni Azərbaycan Partiyasının yaradılmasının 25-ci ildönümünə həsr olunmuş tədbir keçirdilər. Öncə Ulu Öndər Heydər Əliyevin abidəsi önünə gül-çiçək dəstələri qoyuldu.
Yubiley tədbiri Tərtər rayon Mədəniyyət və Turizm şöbəsinin iclas zalında davam etdirildi, YAP rayon təşkilatının sədri Ramiz Şabanov yubiley tədbirini açdı. Ümummilli Lider Heydər Əliyevin əziz xatirəsi bir dəqiqəlik sükutla yad edildi.
Tədbirdə partiya fəalları, ərazi ilk partiya təşkilat sədrləri, idarə, müəssisə rəhbərləri və kütləvi informasiya vasitələrinin nümayəndələri iştirak edirdilər.
Azərbaycanın dövlət himni səsləndikdən sonra YAP Tərtər Rayon Təşkilatının sədri Ramiz Şabanov tədbir iştirakçılarına Yeni Azərbaycan Partiyasının yaranmasının 25-ci ildönümü münasibəti ilə təbriklərini çatdırdı və geniş məruzə ilə çıxış etdi. Daha ətraflı »
Teqlər: Xəbərlər
10Noy

Tərtər Rayon İcra Hakimiyyəti hörmətli ziyalı, tədqiqatçı, folklorşünas, şairə-publisist, uzun illər rayon qəzetinin ştatdankənar müxbiri kimi səmərəli fəaliyyət göstərən Nubar Mədətlinin anadan olmasının 84 illiyi münasibətilə redaksiyada tədbir keçirib.
Tədbirdə rayon icra hakimiyyətinin başçısı Müstəqim Məmmədov, Sənədlərlə və Vətəndaşların müraciətləri ilə iş şöbəsinin müdiri Svetlana Əzizova, Bərdə Regional Mədəniyyət və Turizm İdarəsinin baş məsləhətçisi, Tərtər rayonu üzrə nümayəndə Gündüz Mürsəlov, Qaraqoyunlu kənd İƏD üzrə icra nümayəndəsi Nazim Xəlilov və “Yeni Tərtər” qəzeti redaksiyasının kollektivi iştirak ediblər.
Nubar müəllimi ad günü münasibəti ilə ürəkdən təbrik edən rayon rəhbəri Müstəqim Məmmədov qeyd edib ki, insanı cəmiyyətdə ucaldan, nüfuz sahibi edən onun vətənpərvərliyi və zəhmətsevərliyidir. Bu baxımdan Nubar Mədətli qibtə olunası insanlardan biridir. Daha ətraflı »
Teqlər: Xəbərlər
10Noy

Dünyaya gələn hər bir körpə çiçək kimi gözəldir. Amma təəssüf ki, bəzən biz valideynlər, müəllimlər, bütövlükdə cəmiyyət bu zərif çiçəkləri lazımınca qoruya bilmirik. Buna görə də onlar hələ açılmamış solurlar. Bəs, nədir bunun səbəbi? Hansı bəlalardır balalarımızı uçuruma aparan? Elə bir yol ki, ordan qayıtmaq ya mümkün deyil, ya da olduqca çətindir.
Bütün bunlar barədə bu günlərdə rayon Gənclər Mərkəzində təşkil olunan geniş tədbirdə söhbət getdi. Tədbirdə hüquq-mühafizə orqanlarının nümayəndələri, səhiyyə işçiləri, müəllimlər, şagirdlər, rayon ictimaiyyətinin digər nümayəndələri iştirak edirdilər.
Rayon polis şöbəsinin rəisi Rauf Məcidov narkomaniyanın cəmiyyətimizə vurduğu ağır zərbələrdən, erkən nikahın zərərindən, dini radikalizmin təhlükəsindən bəhs edən geniş və dolğun məruzə söylədi və sonda belə bir fikir ifadə etdi ki, bu bəlaların aradan qaldırılması üçün cəmiyyət üzvlərinin vətənpərvərlik ruhu yüksəldilməlidir. Daha ətraflı »
Teqlər: Xəbərlər
10Noy

Tərtər Rayon İcra Hakimiyyətinin və Yeni Azərbaycan Partiyası Tərtər Rayon Təşkilatının birgə təşkilatçılığı ilə Yeni Azərbaycan Partiyasının yaradılmasının 25 illik yubileyi münasibəti ilə genişmiqyaslı ağacəkmə aksiyası keçirildi.
“Tərtər-Şıxarx” avtomobil yolunun ətrafında, 1170 məcburi köçkün ailəsi üçün yeni inşa edilmiş qəsəbənin ərazisində keçirilən aksiyada rayon icra hakimiyyətinin, bütün idarə, müəssisə və təşkilatların kollektivləri, eləcə də ictimaiyyət nümayəndələri fəal iştirak etdilər.
Rayon İcra Hakimiyyətinin başçısı Müstəqim Məmmədovun da iştirak etdiyi tədbirdə 5000-dən çox müxtəlif növ ağac, dekorativ çiçəklər və gül kolları əkildi.
Aksiya zamanı ərazidəki yaşıllıq sahələrində təmizlik işləri aparıldı və yeni əkilən ağaclar suvarıldı.
“Yeni Tərtər”
Teqlər: Xəbərlər
27Okt
Tərtər rayon Heydər Əliyev Mərkəzində Bakı şəhər Heydər Əliyev Mərkəzinin əməkdaşları ilə birlikdə “Heydər Əliyev irsinin öyrənilməsi, təbliği və tədqiqində Heydər Əliyev Mərkəzlərinin rolu” mövzusunda tədbir keçirilib.
Tədbiri giriş sözü ilə Tərtər rayon İcra Hakimiyyətinin başçısı Müstəqim Məmmədov açıb və Tərtər rayonu haqqında qonaqlara məlumat verib.
Bakı şəhər Heydər Əliyev Mərkəzinin Heydər Əliyev irsinin tədqiqi və təbliği departamentinin direktoru Məhəbbət Mehdiyeva Heydər Əliyev irsinin öyrənilməsi, təbliği və tədqiqi barədə məruzə ilə çıxış edib.
Tədbirdə Tərtər rayon Heydər Əliyev Mərkəzinin direktoru Səlimə Yusibova, qonaqlardan Könül Abdulova, Heydər Əliyev Mərkəzinin ekspozisiya və fondlarının zənginləşdirilməsi haqqında Departamentin Elmi araşdırmalar və təbliğat şöbəsinin aparıcı mütəxəssisi Günay Səfərova, Tərtər rayon Ağsaqqallar Şurasının üzvü Rauf Həsənzadə maraqlı çıxışlar ediblər. Daha ətraflı »
Teqlər: Xəbərlər
27Okt
“Yeni Tərtər” qəzeti ərazi ilk partiya təşkilatı tərəfindən Yeni Azərbaycan Partiyasının 25 illiyinə həsr olunmuş yığıncaq keçirildi.
Ərazi ilk partiya təşkilatının sədri Elfuzə Vəliyeva məruzə etdi.
Ərazi ilk partiya təşkilatının üzvləri Əvəz Nəsirov, Bəxtilə Əliyeva, Nigar Əmrahova, Aysel Hüseynova çıxış edərək YAP-ın 25 illiyi ilə bağlı fikirlərini söylədilər.
Daha sonra YAP Tərtər Rayon Təşkilatının nümayəndəsi Zakir Bağırov və şura üzvü, “Yeni Tərtər” qəzetinin baş redaktoru Tofiq Yusif çıxış edərək YAP üzvlərini təbrik etdilər və Yeni Azərbaycan Partiyasının yaradılma tarixindən, 25 ildə keçdiyi şərəfli yoldan, bu müddət ərzində ölkəmizdə aparılan möhtəşəm quruculuq yollarından söz açdılar. Qeyd olundu ki, Ulu Öndər Heydər Əliyevin yaratdığı Yeni Azərbaycan Partiyası daim öz avanqard rolunu saxlamaqla gərgin siyasi mübarizələrdən keçib, cəmiyyətə layiqli töhfəsini verib və bundan sonra da verəcəkdir.
“Yeni Tərtər”
Teqlər: Xəbərlər
27Okt

Azərbaycan Respublikası Baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov Tərtər rayonunda məcburi köçkünlər üçün inşa edilən yaşayış məhəlləsində aparılan son tamamlama işləri ilə tanış olub.
Baş nazirin müavini Tərtər, Ağdam, Laçın və Kəlbəcər Rayon İcra hakimiyyətlərinin başçıları və yaşayış məhəlləsinin tikintisində çalışan şirkətlərin rəhbərləri ilə birlikdə tam orta məktəbə, musiqi məktəbinə və uşaq bağçasına baxış keçirib.
Bildirilib ki, burada 1176 məcburi köçkün ailəsinin mənzil-məişət şəraitinin yaxşılaşdırılması məqsədilə bütün zəruri sosial-texniki infrastruktur obyektləri ilə birlikdə salınan yaşayış məhəlləsinin tikintisində son tamamlama işləri görülür. Layihəyə əsasən yaşayış məhəlləsində hər biri 4 mərtəbəli olmaqla, 34 yaşayış binası, 1200 şagird yerlik məktəb, 280 yerlik uşaq bağçası, musiqi məktəbi, həkim məntəqəsi, inzibati bina, klub, icma mərkəzi, avtomat telefon stansiyası inşa edilib. Binalardakı mənzillərin 120-si bir, 504-ü iki, 472-si üç, 80-ni dördotaqlıdır. Daha ətraflı »
Teqlər: Xəbərlər
11Okt
Prokurorluq işçilərinin peşə bayramı günü əvvəlcə rayonun mərkəzi meydanında Ümummilli Lider Heydər Əliyevin abidəsi önünə gül-çiçək dəstələri düzüb, xatirəsini ehtiramla yad etdilər.
Sonra tədbir rayon icra hakimiyyətinin akt zalında davam etdirildi.
Çıxış edən Tərtər Rayon İcra Hakimiyyətinin başçısı Müstəqim Məmmədov prokurorluq işçilərini peşə bayramları günü münasibəti ilə təbrik edib, onlara işlərində uğurlar arzuladı. Qeyd etdi ki, çətin və şərəfli bir təkamül yolu keçmiş prokurorluq orqanları bu gün dövlətçilik ideyalarına sarsılmaz inam və sadiqlik nümayiş etdirir, qanunlarımızın aliliyinin təmin olunmasında, cinayətkarlığa qarşı mübarizədə, vətəndaşların hüquqlarının etibarlı müdafiəsində öz xidmətlərini göstərir. Daha ətraflı »
Teqlər: Xəbərlər
11Okt
Səhiyyə naziri Oktay Şirəliyev Tərtər Mərkəzi Rayon Xəstəxanasında Tərtər, Bərdə, Ağdam və Ağcabədi rayon sakinlərini qəbul edib.
Qəbulda vətəndaşların sağlamlıq problemləri, işlə təminat və digər məsələlərlə bağlı müraciətləri dinlənilib.
Vətəndaşların müraciətində qaldırılan məsələlər nazirliyin mü
vafiq qurumlarının əməkdaşlarının iştirakı ilə araşdırılıb, onların bəziləri yerindəcə həllini tapıb.
Bəzi məsələlər qeydiyyata alınaraq nəzarətə götürülüb.
“Yeni Tərtər”
Teqlər: Xəbərlər
Yeni ismarıclar