Heydər Əliyev Mərkəzində 28 May – Respublika Gününə həsr olunmuş ümumrayon tədbiri keçirilmişdir. Toplantı iştirakçıları əvvəlcə torpaqlarımız uğrunda canından keçmiş vətən övladlarının xatirəsini bir dəqiqəlik sükutla yad etmişlər.
Sonra rayon icra hakimiyyətinin ictimai-siyasi və humanitar məsələlər şöbəsi müdirinin müavini – dini qurumlarla işin təşkilatçısı Elvin Umudov Respublika Günü münasibəti ilə məruzə etmişdir. O bildirmişdir ki, xalqımızın çoxəsrlik tarixinə qızıl hərflərlə yazılmış 1918-ci ilin 28 May Günü Azərbaycan Xalq Cümhuriyyətinin yarandığı gün kimi tarixdə yeni bir mərhələnin başlanğıcını qoymuşdur.
Qeyd olunmuşdur ki, 1991-ci il oktyabrın 18-də “Azərbaycanın dövlət müstəqilliyi haqqında” Konstitusiya Aktının qəbul edilməsi ilə xalqımız yenidən öz istiqlalına qovuşsa da, həmin vaxt hakimiy-yətin savadsız və qətiyyətsiz adam-ların əlində olması milli dövlətçiliyimizin taleyini təhlükə altında qoyurdu.
Yalnız 1993-cü ilin iyununda Ulu Öndər Heydər Əliyevin xalqın təkidli tələbi ilə siyasi hakimiyyətə qayıtmasından və dövlətçiliyimizin sükanını öz qüdrətli əllərinə almasından sonra həmin mənzərə dəyişdi. Daha ətraflı »

Türkiyə Respublikasının Gəncə baş konsulu Orxan İşıq rayonumuza səfəri zamanı Ermənistan silahlı bölmələrinin yaşayış məntəqələrimizi şiddətli artilleriya atəşinə tutması nəticəsində dinc əhaliyə dəymiş ziyanla tanış olub.
Bu barədə qardaş ölkənin diplomatına Tərtər Rayon İcra Hakimiyyətinin Başçısı Müstəqim Məmmədov ətraflı məlumat verib. Bundan sonra konsul Orxan İşıq rayon icra hakimiyyətinin başçısı ilə fikir mübadiləsi edib, müzakirələr aparıb.

“Yeni Tərtər”

Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov rayonumuza səfəri zamanı məcburi köçkünlərlə görüşüb. O, Tərtər Rayon İcra Hakimiyyətinin Başçısı Müstəqim Məmmədovla birlikdə aprel döyüşləri zamanı ermənilərin atdıqları mərmilərdən zərər çəkmiş evlərdə olub. Bildirib ki, bu evlərin hamısı əvvəlkindən də yaxşı bərpa olunacaq.
Şıxarx qəsəbəsində olarkən Əli Həsənov xeyli hissəsi ermənilər tərəfindən dağıdılmış “Marağa–150” abidəsinə baxıb. O deyib ki, erməni məkrini və yalanını ifşa etmək üçün bu abidənin böyük əhəmiyyəti var. Abidə tezliklə bərpa olunmalı, ölkəmizə səfər edən xarici nümayəndələr ermənilərin Qarabağda məskunlaşması münasibətilə ucaltdıqları bu abidədəki tarixi görməlidirlər.

“Yeni Tərtər”

“Tərtər rayonundakı 51 yaşayış məntəqəsindən 38-də əhali təbii qazdan istifadə edir. Kəbirli kəndinin qazlaşdırılması başa çatıb, bundan başqa daha 4 kənddə bu iş yekunlaşmaq üzrədir. Bu kəndlərdə də qazlaşma başa çatdıqdan sonra 15230 abonentə qaz verilmiş olur ki, bu da ümumi abonentlərin 92,7 faizidir”. Bu sözləri Tərtər Rayon İcra Hakimiyyətinin Başçısı Müstəqim Məmmədov Kəbirli kəndinə qaz verilməsi münasibətilə keçirilən açılış mərasimində söyləmişdir.
Kəndlərdə sosial problemlərin həlli əhali tərəfindən böyük razılıqla qarşılanır. Bu barədə isə həmin tədbirdə iştirak edən Kəbirli kənd İƏD üzrə nümayəndə Azər Yaqubzadə, kənd sakinləri Zakir Bayramov, Rafiq Səfərov, Aybəniz Məmmədova danışıblar.
Rayon rəhbəri həmçinin Kəbirli kəndində səyyar görüş-qəbul keçirib, əhalini narahat edən məsələləri öyrənib, bunların həlli üçün konkret tapşırıqlar verib. O bildirib ki, Respublika Prezidenti İıham Əliyevin Tərtərə və tərtərlilərə daimi qayğısı var. Burada insanların rahat yaşaması üçün bütün işlər görülür və bundan sonra da görüləcəkdir. Düşmənlərimizin törətdikləri bütün təxribatlara baxmayaraq, tərtərlilər, o cümlədən Kəbirli kəndinin sakinləri,ölkə rəhbərinin ətrafında sıx birləşərək, əkin-biçin işləri ilə məşğul olur, rayonun iqtisadiyyatını möhkəmləndirirlər.
Eyni zamanda rayonumuzun sakinləri böyük həvəslə dinc quruculuq-abadlıq işlərini həyata keçirir, şəhərimizin və kəndlərimizin simasını gözəlləşdirirlər. Bütün bunlar isə düşmənlərimizin gözünə ox kimi batır.

“Yeni Tərtər”

Azərbaycan xalqının Ümummilli Lideri Heydər Əliyevin anadan olmasının 93-cü ildönümü münasibətilə mərasim keçirilmişdir.
Minlərlə tərtərli rayonun mərkəzi meydanına gələrək, Ulu Öndərin xatirəsinə ucaldılmış abidə kompleksini ziyarət etmiş, ona öz hörmət və ehtiramlarını, ümümxalq məhəbbətini nümayiş etdirmişlər. Meydana toplaşan insan izdihamının önündə gedən rayon icra hakimiyyətinin başçısı Müstəqim Məmmədov Ümummilli Liderin abidəsini ziyarət edərək, önünə əklil qoymuşdur. İcra başçısının ardınca anım mərasimində rayon rəsmiləri, hüquq-mühafizə orqanlarının, idarə, təhsil, səhiyyə və mədəniyyət müəssisələrinin rəhbərləri, ziyalılar, minlərlə sadə tərtərli Azərbaycan xalqının Ümummillli Lideri Heydər Əliyevi hörmətlə anaraq, abidəsi önünə tər gül-çiçək dəstələri düzmüşlər. Abidənin ətrafı güllərdən düzəldilmiş kompozisiya və əl işləri ilə bəzədilmişdir.
Tədbir rayon ərazisində iməcilik və ağacəkmə kampaniyası, Heydər Əliyevin adını daşıyan parkda kitab və rəsm müsabiqəsi ilə davam etdirilmişdir.

“Yeni Tərtər”

LƏLƏTƏPƏ QƏHRƏMANLARI– İSGƏNDƏROV NİCAT BƏHRUZ OĞLU

12 may – həmin gün onun qırx mərasimi idi. Bütün tərtərlilər toplaşmışdılar şəhərin mərkəzi meydanına. Lələtəpə uğrunda gedən döyüşlərdə Nicat İsgəndərovun göstərdiyi igidliyə görə hər bir tərtərli qürrələnirdi. Şəhidin şəkli güllərlə bəzədilmişdir. Tədbirə rayon icra hakimiyyətinin, hüquq-mühafizə orqanlarının nümayəndələri, Müdafiə Nazirliyinin nümayəndəsi, artıq bütün tərtərlilərin yaxşı tanıdığı və sevdiyi polkovnik Abdulla Qurbani, təhsil, səhiyyə, mədəniyyət işçiləri, N. saylı hərbi hissənin əsgərləri, şəhid Nicat İsgəndərovun ailə üzvləri və döyüş yoldaşları da qatılmışdılar.
Tədbiri rayon icra hakimiyyətinin başçısı Müstəqim Məmmədov açdı, Azərbaycan torpaqlarının bütövlüyü uğrunda həlak olmuş şəhidlərimizin ruhu bir dəqiqəlik sükutla yad edildi.
Sonra rayon rəhbəri 1-5 aprel tarixlərində Milli Ordumuzun düşmənə layiqli cavab verməsindən, tərtərlilərin döyüş əzmkarlığından danışdı. Bildirdi ki, həmin günlərdə Tərtər camaatı ordu ilə monolit birlik nümayiş etdirdi. Daha ətraflı »

İMƏCİLİK KEÇİRİLMİŞDİR

Rayonumuzda Ümummilli Lider Heydər Əliyevin anadan olmasının 93-cü ildönümünə həsr olunmuş iməcilik keçirilmişdir. İməcilikdə 1150 nəfərdən çox sakin iştirak etmişdir. Onlar Tərtər-Bərdə, Tərtər- Ağdam, Tərtər-Goranboy magistral avtomobil yollarının kənarlarında, şəhərin Heydər Əliyev prospektində və Elman Hüseynov küçəsində 150 ədəd çinar, 2000 ədəd Eldar şamı, 500 ədəd küknar, 100 ədəd göyrüc, 300 ədəd sərv, 90 ədəd söyüd, 80 ədəd alma, 70 ədəd gavalı, 50 ədəd armud, 50 ədəd qoz, 50 ədəd qovaq, 10 ədəd zeytun, ümumilikdə 11 adda 3450 ədəd müxtəlif növ ağac, 100 min ədəd təkgöz kol bitkisi, 10000 ədəd gül və çiçək əkmişlər. Ağacların və güllərin suvarılması üçün yeni su xətləri çəkilmiş, yaşıllıqlara lazımi səviyyədə qulluq göstərilməsi təmin olunmuşdur.
İməcilikdə rayon icra hakimiyyətinin başçısı Müstəqim Məmmədov sakinlərlə birlikdə ağac əkmiş, gələcəkdə də ekoloji vəziyyətin yaxşılaşdırılması üçün iməciliklərin davam etdiriləcəyini bildirmişdir.

Prezident İlham Əliyev və xanımı Mehriban Əliyeva Ermənistan silahlı qüvvələri ilə təmas xəttində yerləşən Tərtər rayonunda olmuşlar.
Dövlət başçısı əvvəlcə Tərtər rayonundakı “N” saylı hərbi hissəyə gedərək hərbi hissənin qərargahı ilə tanış olmuşdur.
Müdafiə naziri Zakir Həsənov təmas xəttindəki son vəziyyət barədə Ali Baş Komandan İlham Əliyevə məlumat vermişdir.
Dövlət başçısı hərbi hissənin müasir standartlara cavab verən yeməkxanası, kazarması ilə də tanış olmuşdur.
Sonra Ali Baş Komandan hərbi hissənin şəxsi heyəti ilə görüşmüşdür.
Prezident İlham Əliyev təmas xəttində baş verən son hadisələrdən danışaraq dedi ki, həmişə Ermənistana beynəlxalq təzyiqlər artan zaman işğalçı dövlət danışıqlar prosesindən yayınmaq üçün atəşkəs rejimini pozur və təxribata əl atır. Daha ətraflı »

Ekologiya və Təbii Sərvətlər naziri Hüseynqulu Bağırov Tərtər rayonunun cəbhəyanı kəndlərində olmuşdu.
Tərtər Rayon İcra Hakimiyyətinin Başçısı Müstəqim Məmmədovla birlikdə Tərtər şəhərində və Qapanlı kəndində mərmi düşməsi nəticəsində dağılan evlərə baxış keçirmiş, ev sahibləri ilə görüşmüşdür. Erməni silahlı birləşmələrinin iriçaplı silahlardan intensiv atəşləri nəticəsində aprelin 27-də Tərtər rayonunun 10 yaşayış məntəqəsində 58 evə, iki tam orta məktəbə və digər qeyri-yaşayış obyektlərinə ciddi ziyan dəymişdir.
Nazir jurnalistlərə ermənilərin mülki əhaliyə qarşı törətdiyi cinayətlərin, terror aktlarının nəticələrinin sənədləşdirilərək beynəlxalq təşkilatlara göndəriləcəyini bildirmişdir. Qeyd etmişdir ki, mənbəyi Ermənistan ərazisində olan çaylarda təmizləmə qurğuları tikilir: “Biz bilirik ki, onlar çaylara zəhərli maddələr axıdırlar. Daha ətraflı »

İqtisadiyyat Nazirliyinin Sahibkarlığa Kömək Milli Fondu sahibkarlığın inkişafında, xüsusilə cəbhə və sərhəd bölgələrində fəaliyyət göstərən sahibkarların investisiya layihələrinin maliyyələşdirilməsi və həmin ərazilərdə yaşayan insanların məşğulluğunun təmin edilməsi istiqamətində Tərtər rayonunda tədbir keçirib.
Tədbiri giriş sözü ilə rayon icra hakimiyyətinin başçısı Müstəqim Məmmədov açaraq, rayonda sahibkarlara göstərilən diqqət və qayğıdan, əhalinin məşğulluq səviyyəsinin artırılması, yeni iş yerlərinin açılması istiqamətində görülən işlərdən danışıb. Qeyd edib ki, rayonda kənd təsərrüfatı məhsulları istehsalının artırılması, pambıqçılığın, baramaçı-lığın inkişafı üçün yeni tədbirlər həyata keçirilir.
Rayon rəhbəri sahibkarlara göstərilən dəstəyə görə rayon əhalisi, o çümlədən rayon sahibkarları adından cənab Prezidentə öz minnətdarlığını bildirib. Daha ətraflı »