“Başqalarına yardım etmək və yaxşı işlər görmək xoşbəxtlik gətirir. Digərlə-rinin xoşbəxtliyinə nail olaraq, biz özümüzünkünü tapırıq” – Platon.Baş Assambleyanın 12 iyul 2012-ci il qətnaməsinə əsasən, 20 mart Beynəlxalq Xoşbəxtlik Günü elan olunub. Təsisçilərin fikrincə, bu bayram xoşbəxtliyin insanlığın əsas məqsədi olduğunu nümayiş etdirməyə yönəlib. Bununla əlaqədar olaraq təsisçilər bütün ölkələri hər bir insanın məişət vəziyyətinin yaxşılaşdırılmasına can atmağa çağırır.
Bu gün mahiyyəti həyatınızın ən xoşbəxt anlarını yada salmaq, müsbət əhvala köklənmək, pis fikirlərdən uzaq olmaq, gülümsəməkdir. Bu gündə öz əzizlərinizi və doğmalarınızı qucaqlayın və deyin, axı, biz məhz onların sayəsində xoşbəxtik.

Hər il martın 5-i ölkəmizdə Bədən Tərbiyəsi və İdman Günü kimi qeyd olunur. Bu tarix Prezident İlham Əliyevin Bədən Tərbiyəsi və İdman Gününün təsis edilməsi haqqında 2005-ci il 4 mart tarixli Sərəncamına əsasən qeyd edilir. Hazırda Azərbaycanda 43 Olimpiya İdman Kompleksi fəaliyyət göstərir. Təsadüfi deyil ki, Azərbaycandakı möhtəşəm idman qurğuları 2012-ci ildə futbol üzrə 17 yaşlı qızlar arasında dünya çempionatının, 2015-ci ildə birinci Avropa Oyunlarının, 2016-cı ildə futbol üzrə 17 yaşadək oğlanlar arasında Avropa çempionatının, 42-ci Ümumdünya Şahmat Olimpiadasının, 2017-ci ildə IV İslam Həmrəyliyi Oyunlarının və qadınlar arasında voleybol üzrə Avropa çempionatının, habelə Formula-1 Azərbaycan Qranprilərinin yüksək səviyyədə təşkil olunmasına imkan verdi.

HALAL ZƏHMƏTİN PİLLƏLƏRİ

Çeşid-çeşid insanlar içərisində elələri var ki, onları seçilmişlərdən hesab etmək olar. Belə insanlar ailədə də, cəmiyyətdə də öz yeri, sanbalı olanlar, təmkini, müdrikliyi, idarəetmə bacarığı ilə fərqlənənlərdir. Rayonumuzun tarixində belələri çox olub. Onların hər birinin yaddaşlarda özünəməxsus izi qalıb.
Taryel Məmmədov da belə şəxslərdən biri idi. Şəxsi keyfiyyətləri, ağır, sanballı hərəkətləri, səmimi görkəmi, insanlarla işləmək bacarığı onu fərqli biri kimi tanıtmışdı. Zəhmli olmasına baxmayaraq, sadə insanıydı Taryel müəllim.
45-50 il bundan əvvəl rayonumuzun rəhbər vəzifələrdə işləyənlərini yaxşı xatırlayıram. Sanki, onlar bütün cəhətlərində fərqli insanlarıydı. Elə Taryel müəllim də…
Bu gün belə şəxsiyyətləri xatırlamaq, onların keçdiyi ömür yoluna nəzər salmaq hər birimiz üçün vacibdir və gərəklidir.
Məmmədov Taryel Hüseyn oğlunun həyat və fəaliyyətini öyrənmək üçün ailəsinə müraciət etdim. Daha ətraflı »

                                            QAR TORPAĞIN BƏRƏKƏTİDİR

İlin müxtəlif aylarında təzahür edən fəsillərin hər birinin özünəməxsus gözəlliyi vardır. Bu mövsümlərdə təbiət gözəl və fərqli mənzərələr alır. Məhz buna görə deyirlər ki, ən gözəl rəssam təbiətdir.
Qış gələndə isə yorğun təbiət yuxuya gedir. Bu fəsil yorulub yatmış təbiətin üstünə yorğan çəkmək istəyir. Həmin yorğan çox bəyaz, yumşaq və tər-təmizdir. İlk qar hər bir insanın qəlbinə fərəh, üzünə sevinc gətirir. Səhər tezdən durub hər tərəfin ağappaq olduğunu görürük. Qar dənələri ulduz kimi yavaş-yavaş yerə enir. Ağacların, evlərin üstü qarla örtülür. Təmiz havanı sinə dolusu udursan. Ancaq ayağını qarın üstünə qoyub bu gözəlliyi pozmaq istəmirsən. Ağacların qardan ağırlaşmış budaqları sallanır. Yavaşca toxunan kimi qar topaları adamın üstünə və yerə tökülür.
İnsanın qəlbi fərəhlə dolur. Qollarımızı açıb təbiətin bu gözəlliyini sinəmizə sıxmaq istəyirik.
Təsərrüfatla məşğul olan insanlar yazı xoşladığı ki-mi, qış fəslini də ürəkdən sevirlər. Çünki yağan qar özü ilə bol ruzi bərəkət gətirir, firəvanlıq və əmin-amanlıq yaradır.
                                                                                                            Nübar Mehdizadə

QARABAĞIN FƏRYAD ZİRVƏSİ

Azərbaycanın–Qarabağın ən qədim insan məskənlərindən biri olan Xocalı Xankəndi (indiki Stepanakert) şəhərindən 14 km şimal-şərqdə yerləşir.
1992-ci ilin qanlı faciəsinə kimi Xocalıda 7 min əhali yaşayırdı. Məlum hadisələr dövründə Ermənistandan, qonşu Xankəndindən ermənilər tərəfindən didərgin salınmış xeyli azərbaycanlı və 1989-cu ildə Fərqanədən qovulmuş mesxeti türkləri də məskunlaşmışdılar. Daha ətraflı »

Dizlərimi qarnıma çəkib oturdum. Başımı əllərimin arasında sıxıb ağladım.
Şüurlu bir təkliyin içində özümlə qarşılaşmaqdan qorxdum, qaçmaq istədim! Bilirdim əslində qaçmağın, susmağın, qorxmağın nə demək olduğunu! Amma bu dəfə başqa idi… Çünki 23 ildir qurtula bilmirdim!
Yenə həmin 4 gün yaxınlaşır. Yenə mən unutmağa çalışdığım o günləri, xatırlayıb, 4 gün min dəfə ölüb, diriləcəm!
Acımasız qəhqəhələr, bomba səsləri, qan gölünə dönən küçələr, bitməyən fəryadlar!… Daha ətraflı »

Yay son günlərini başa vurmaqda idi. Hamı isti ayların qurtarmasını, payızın gəlişini səbirsizliklə gözləyirdi. Maya ana da sevinc içində idi. Tezliklə onun övladı olacaqdı. Nəhayət, o gün gəlib çatdı. Bəhruz ataya oğlu olduğunu xəbər verdilər. Ata öz oğluna Nicat adını qoydu və dedi:
–Qoy mənim oğlum böyüyüb, Vətəninə, xalqına layiqli igid olsun.
İllər sürətlə keçdi. Nicat məktəbə getdi, müəllimlərinin, məktəbin sevimlisi oldu. Anası ondan: “Oğlum, böyüyəndə kim olacaqsan?”–deyə, soruşanda:
–Mən hərbçi olacağam və torpaqlarımızı düşmən tapdağından azad edəcəyəm–deyə, cavab verərdi. Daha ətraflı »

                                                    MÜQƏDDƏS XATİRƏLƏR

1990-cı illərin əvvəlləri yaddaşlarada hərc-mərclik, münaqişə, iğtişaşlar və müharibə dövrü kimi xatırlanır. Xüsusilə o illər kiçik yaşlı uşaqların yaddaşına, mərmi, güllə səsləri ilə yazılıb. Xatırlandıqca “Qrad”ların, “Alazan”ların, “Kristal”ların uğultuları, vıyıltı səsləri qulaqlarda əks-səda verir. Mənfur qonşumuz olan ermənilərin fitnəkar siyasəti nə böyükləri, nə də uşaqları dinc yaşamağa qoymurdu. Gecənin tən yarısında top-tüfəng səsinə şirin yuxudan ayılmaq dəhşətiydi.
İlqar Vəliyevin anası Hafizə Zəngilan rayonundan olduğu üçün İlqar da 1976-ci ildə orada doğulmuşdu. Ailənin tək övladı olub. Tale uşaqlıqdan İlqarı sınağa çəkib. Hələ bir yaşı olarkən anası xərçəng xəstəliyindən dünyasını dəyişib. Odur ki, altı yaşa kimi İlqarın qayğısını əvvəl ana nənəsi Pakizə, sonra isə ata nənəsi Gülüstan çəkib. On bir- on iki yaşı olanda erməni quldurlarının atdığı atəşlərin tükürpədici səslərinə yuxudan ayılan uşaqlardan biri də İlqar idi. Daha ətraflı »

Tərtər rayonunda Gənclər Gününə həsr olunmuş ümumrayon tədbiri keçirilib. Tədbir iştirakçıları əvvəlcə Mərkəzi Meydanda ulu öndərin abidəsinin önünə gül-çiçək dəstələri qoyaraq, onun əziz xatirəsini yad ediblər.
Tədbir “Asiman” şadlıq sarayında davam etdirildi.
Öncə torpaqlarımızın azadlığı uğrunda canından keçmiş şəhidlərimizin ruhu bir dəqiqəlik sükutla yad edilib.
Toplantını giriş sözü ilə rayon Gənclər və İdman İdarəsinin rəisi Emin Pənahov açaraq gəncləri bayram münasibəti ilə təbrik edib. Qeyd edib ki, bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Prezident İlham Əliyev ulu öndərin gənclər siyasətinə sadiqliyini öz qərarları ilə təsdiq edir. Gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiə ehtiyacı olanların problemlərinin həlli istiqamətində görülən işlər, gənclər təşkilatlarının formalaşması və inkişafı üçün yaradılan şərait, böyük diqqətin nəticəsidir. Daha ətraflı »

Azərbaycan xalqının mentalitetinə uyğun olaraq yaşlı insanlara qayğı göstərməyi cavan nəsil hər zaman özünə borc bilir. Bütün dünyada olduğu kimi Azərbaycanda da oktyabrın 1-i Beynəlxalq Ahıllar günü kimi qeyd olunur. Lakin nənə və baba olan insanlar üçün ayrıca bir gün müəyyən edilib. Bir çox Avropa ölkələrində “Nənələr və babalar” günü qeyd olunur. 2008-ci ildən 8 fevral günü Beynəlxalq nənələr və babalar günü kimi qəbul olunub və bu təşəbbüsü həm YUNESKO, həm də Avropa Birliyinin mədəniyyət üzrə komissiyaları dəstəkləyib. Həmin gün yaşından aslı olmayaraq nənə və babası olan hər kəs onların ziyarətinə gedir.

Ailəni evin kişisi ilə tanıyarlar.
Ailələrimizin ağıllı, dünyagörüşlü böyüklərə–nənə və babaya həmişə ehtiyacı var. Həm böyük, ağsaqqal-ağbirçək kimi, həm də nəvələrin böyüdülməsində və tərbiyə olunmasında ata-analarla bərabər bu iki şəxsin də zəhməti olur. Nənə və babalar təkcə bi-zum nağıl dünyamız deyil, həm də ağıl dünyamızdır.
Bu günlərdə fotomüxbirimiz Kənan Hüseynzadənin bələdçiliyi ilə bir nənə-babanın görüşünə getdim. Onlarla görüşüm məni heyrətləndirdi. Xüsusilə babanın sinədəftər və iti yaddaşlı olması məndə təəccüb yaratdı. Onun sinəsi ibrətamiz sözlərlə dolu idi. Olanları sanki dünən olubmuş kimi danışması, söz xəzinədarlarımız Aşıq Ələsgərdən, Molla Vəli Vidadidən, Füzulidən, Əliağa Vahiddən və başqalarından gətirdiyi nümunələr elə bil məni sehirləmişdir. Daha ətraflı »