Tərtər Rayon İcra Hakimiyyətinin başçısı Müstəqim Məmmədov Vətən müharibəsi iştirakçıları və şəhid ailələri ilə işin təşkili şöbəsinin müdiri Ülvi Nəcəfovla birlikdə Əmlak Məsələləri Dövlət Xidmətinin Bərdə Ərazi Şöbəsinin Torpaqların İdarəedilməsi və istifadəsinə nəzarət Sektorunun müdiri Natiq Əliyevin, Kəngərli kənd İƏD üzrə nümayəndə Xamiz Əsgərovun iştirakı ilə rayonun Kəngərli kəndindən olan şəhid Qənbərli Qənbərin, Səbuhi Məmmədovun, Rövşən Məmmədovun, Elmin Quluzadənin atalarını və qazi İsgəndər İsgəndərlini qəbul edib.
Şəhid valideynləri Bəhruz Məmmədov, Zahid Məmmədov, Rövşən Məmmədov, Şəmsi Quliyev və qazi İsgəndər İsgəndərli rayon rəhbərinə onların icarəsinə kənd təsərrüfatı bitkilərinin əkilməsi, sahibkarlıq obyektinin tikilməsi üçün torpaq verilməsi ilə bağlı müraciət ediblər. Qəbulda iştirak edən 4 şəhid ailəsi və qazinin hər birinin icarəsinə 1 hektar əkin sahəsi ayrılması üçün kənd bələdiyyəsinə müvafiq göstəriş verilib.
Hazırda onların icarəsinə veriləcək əkin sahəsinin və sahibkarlıq obyektinin tikilməsi üçün torpaq sahələrinin ayrılması ilə bağlı sənədləşmə işi aparılır.
Şəhid ailələri qəbuldan razı qalıb, onlara göstərilən diqqət və qayğıya görə Respublika Prezidenti cənab İlham Əliyevə və Birinci vitse-prezident Meh-riban xanım Əliyevaya öz minnətdarlıqlarını bildiriblər.

Yaponiyanın Azərbaycandakı səfirliyi ilə Beynəlxalq Avrasiya Mətbuat Fondu (BAMF) arasında 2022-ci il martın 9-da imzalanan “Tərtər rayonunun minadan təmizlənməsi üçün təchizatların təmin edilməsi” layihəsinin təqdimatı keçirilib.
Açılış mərasimində çıxış edən Tərtər Rayon İcra Hakimiyyətinin başçısı Müstəqim Məmmədov Azərbaycan ilə Yaponiya arasında dostluq və əməkdaşlığın yüksək səviyyədə olduğunu, əlaqələrimizin getdikcə dərinləşdiyini diqqətə çatdırıb, həyata keçirilən humanitar layihələrə görə Yaponiya hökumətinə təşəkkürünü bildirib.
BAMF prezidenti Umud Mirzəyev isə qeyd edib ki, layihənin əsas məqsədi ANAMA-nın tapşırığı ilə fəaliyyət göstərən Fondun İcma Mina Aksiyası komandasını Tərtər rayonunda mina və partlamamış sursatların təmizlənməsi üçün 11 ədəd mina dedektoru, 11 ədəd qoruyucu geyim dəsti və Yaponiyanın “Mitsubişi” şirkətinin istehsalı olan 1 ədəd pikapla təmin etməklə, Azərbaycanda həyata keçirilən mina və partlamamış sursatların təmizlənmə fəaliyyətinin tezləşdirilməsidir. Layihə 11 minaaxtaranı tam olaraq bütün lazımi avadanlıqlar və nəqliyyat vasitəsilə təmin edir.
Diqqətə çatdırılıb ki, Beynəlxalq Avrasiya Mətbuat Fondunun İcma Mina Aksiyası Komandası 20 ildən artıqdır Azərbaycan ərazilərində mina və partlamamış sursatların təmizlənməsi fəaliyyətini həyata keçirir. 2002-2022-ci illərdə ümumilikdə 156.261.899 kvadratmetr ərazi təmizlənib, 912 tank əleyhinə, 1326 piyada əleyhinə mina, 11.218 partlamamış hərbi sursat aşkar edilib. Açılış mərasimi keçirilən “Tərtər rayonunun minadan təmizlənməsi üçün təchizatların təmin edilməsi” layihəsi Yaponiya səfirliyi tərəfindən “Ot Kökləri və İnsan Təhlükəsizliyi” üzrə Qrant Yardımı Proqramı çərçivəsində BAMF-a ayrılmış sayca 3-cü yardım layihəsidir. Daha ətraflı »

Qarabağ Regional Təhsil İdarəsinin təşəbbüsü ilə rayonumuzda 26 iyun–Silahlı Qüvvələr Günü münasibəti ilə şəhid ailələri, qazilər və döyüşçü müəllimlər ilə görüş keçirilib. Görüşdə Tərtər Rayon Təhsil Sektorunun müdir əvəzi Nuranə Addullazadə, Həmkarlar İttifaqının sədri Şəhla Manafova, şəhər 6 saylı tam orta məktəbin direktoru Azad Abbasov, Azərbaycan Vətən Müharibəsi iştirakçıları Tərtər regional bölməsinin rəhbəri Vidadi Məmmədzadə, şəhid Vasif Rüstəmovun həyat yoldaşı Sona Vəliyeva çıxış edərək, Ali Baş Komandan İlham Əliyevin rəhbərliyi altında Azərbaycan Ordusunun 44 günlük Vətən müharibəsində göstərdiyi şücaətlərdən bəhs ediblər.
Çay süfrəsi arxasında keçirilən görüşdə iştirakçıların qayğı və problemləri ətrafında söhbət gedib.

“Yeni Tərtər”

Xoş əhval-ruhiyyəli bayram

Bayram konsertində Tərtər Rayon İcra Hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, Bərdə Regional Mədəniyyət İdarəsinin rəisi Vəsilə Möhsümova, Ağsaqqallar Şurasının, YAP rayon Təşkilatının sədrləri, Şəhid ailələrinin üzvləri, qazilər, veteranlar, idarə, müəssisə, təşkilatların kollektivləri, ziyalılar, rayon ictimaiyyətinin nümayəndələri iştirak ediblər.
Əvvəlcə iştirakçılar Ulu Öndərin abidəsinin önünə gül-çiçək dəstələri qoyaraq, xatirəsini dərin ehtiramla yad ediblər. Sonra Heydər Əliyev Mərkəzində Ümummilli liderə həsr olunmuş filmə baxıblar.
Heydər Əliyev adına parkda açıq yay klubunda təşkil olunmuş konsert proqramından öncə rayon icra hakimiyyətinin başçısı Müstəqim Məmmədov tərtərliləri Milli Qurtuluş Günü münasibətilə təbrik edib. Bildirib ki, Milli Qurtuluş Günü Azərbaycan xalqı üçün sadəcə təqvim bayramı deyil, böyük ictimai-siyasi və tarixi əhəmiyyətə malik əsl qurtuluş günüdür. Bu tarixi yaradan isə Azərbaycanın müstəqilliyinin qorunub saxlanılmasında, möhkəmlənməsində, inkişafında müstəsna rol oynayan, daim xalqına arxalanan Heydər Əliyevdir. Rayon rəhbəri çıxışında bu gün Azərbaycanın idarəçilik sükanının Ulu Öndərin varisi İlham Əliyevin əlində olduğunu qeyd edib, Vətən müharibəsində Ali Baş Komandanın rəhbərliyi ilə qazanılan zəfərdən söhbət açıb. Müstəqil respublikamızın günü-gündən beynəlxalq miqyasda artan nüfuzunu, iqtisadi sahədə imza atdığı uğurları yada salıb. Daha ətraflı »

ÜMUMRAYON TƏDBİRİ KEÇİRİLİB

15 iyun–Milli Qurtuluş Günü münasibəti ilə Tərtər Rayon İcra Hakimiyyətinin və YAP Tərtər Rayon Təşkilatının birgə təşkilatçılığı ilə YAP Tərtər Rayon təşkilatının Qərargahında ümumrayon tədbiri keçirilib.
Tədbir iştirakçıları öncə Ümummilli lider Heydər Əliyevin və torpaqlarımızın azadlığı uğrunda canlarından keçmiş şəhidlərimizin xatirəsini ehtiramla yad ediblər.
Tədbiri Rayon İcra Hakimiyyətinin başçısı Müstəqim Məmmədov açaraq tərtərliləri Milli Qurtuluş Günü münasibəti ilə təbrik edib. Ulu Öndərin Azərbaycan xalqının xilaskarı olduğunu vurğulayıb. Rayon rəhbəri qeyd edib ki, müstəqilliyimizin ilk illərində dövlətin idarəçilik sükanı arxasında xalqın bütün qüvvələrini bir yerə toplaya biləcək qüdrətli lider yox idi. Ölkəyə rəhbərlik edənlər Heydər Əliyevin xalqa rəhbərliyinin qarşısını kəsirdi. Ona qarşı müxtəlif təxribatlar törədilir və böhtanlar atılırdı. Nəticədə isə təzəcə müstəqilliyini elan etmiş bir respublikanın suverenliyinə təhlükə yaranırdı. Azərbaycanda erməni təcavüzünə və saysız-hesabsız təxribatlara sinə gərən nüfuzlu şəxsiyyətə, liderə günbəgün, saatbasaat ehtiyac duyulurdu.
Rəhbərlik Moskvanın diktəsi ilə işləyirdi. Belə bir çətin anda xalqımız öz liderinin–Heydər Əliyevin gəlişini həsrətlə gözləyirdi. Azərbaycanı düçar olduğu bəladan qurtarmağa qadir yeganə şəxsiyyət Heydər Əliyevidi. O dövrdə Heydər Əliyevlə bağlı ən adi informasiyalar hakimiyyət dairələrində narahatlıqla qarşılanırdı. Heydər Əliyevin Naxçıvandakı uğurlarına qısqanc münasibət bəslənirdi. Daha ətraflı »

Tərtər Rayon İcra Hakimiyyətinin başçısı Müstəqim Məmmədov Azərbaycan Respublikası Dövlət Şəhərsalma və Arxitektura Komitəsinin Proqnozlaşdırma və risklərin təhlili şöbəsinin sektor müdiri Əli Həsənovun, Komitənin Proqnozlaşdırma və risklərin təhlili şöbəsinin müdir müavini Vasif Quliyevin, rayon icra başçısının birinci müavini Elvin Umudovun, başçının müavini Abbas Cavadovun, rayon İcra hakimiyyəti başçısı Aparatında Memarlıq və tikinti şöbəsinin müdiri Tofiq Kərimovun, rayon İcra hakimiyyəti başçısı Aparatında Ərazi idarəetmə və yerli özünüidarəetmə şöbəsinin müdiri Fizuli Əliyevin iştirakı ilə Vətən müharibəsində evlərinə ziyan dəymiş 18 nəfər sakini evlərində təmir-bərpa işlərinin aparılmasına şərait yaratmaları məqsədilə qəbul edib, sakinlərdən evlərində təmir-bərpa işlərinin aparılması üçün razılıq alınıb

Vətəndaş məmnunluğu təmin olunub

Tərtər Rayon İcra Hakimiyyətinin başçısı Müstəqim Məmmədovun növbəti səyyar qəbul-görüşü rayonun İsmayılbəyli kəndində keçirilib. Görüşdə hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, YAP Rayon Təşkilatının sədri, ərazi icra nümayəndələri, bələdiyyə sədrləri və kənd sakinləri iştirak ediblər.
Qəbuldan əvvəl tədbir iştirakçıları Azərbaycanın ərazi bütövlüyü uğrunda canından keçən kəndin Şəhidlərinin xatirəsinə ucaldılmış abidənin və bulağın önünə gül-çiçək dəstələri düzərək, onları ehtiramla yad ediblər.
Görüşdə çıxış edən rayon rəhbəri Azərbaycan Respublikası Prezidenti cənab İlham Əliyevin diqqət və qayğısı altında respublikamızda, eləcə də bölgələrdə aparılan tikinti-quruculuq, abadlıq işlərindən, əhalinin sosial durumunun yaxşılaşdırılması üçün həyata keçirilən geniş həcmli layihələrdən danışıb. Vətən müharibəsində qazanılan Zəfərin insanlarda doğurduğu ruh yüksəkliyini diqqətə çatdırıb, həmçinin, müharibə dövründə rayonun infrastrukturuna dəymiş ziyan barədə məlumat verib. Bildirib ki, Vətən müharibəsi dövründə sakinlər düşmənin atdığı mərmilər nəticəsində evlərinin dağılmasına baxmayaraq kəndi tərk etməyib, yüksək vətənpərvərlik, dözüm və fədakarlıq nümayiş etdiriblər. İcra başçısı şəhid və qazi ailələrinə dövlət tərəfindən göstərilən diqqət və qayğıdan da danışıb. O, Rəqəmsal icra hakimiyyətinin Portalı barədə də sakinlərə məlumat verib, vətəndaşlara vaxt itkisinə yol vermədən rastlaşdıqları çətinliklər, problemlər barədə portala müraciət etməyi tovsiyə edib. Daha ətraflı »

Tərtər Rayon İcra Hakimiyyətində həftə ərzində vətəndaşlarla görüşlər keçirilir, onların problemlərinin həlli istiqamətində əməli addımlar atılır. Həftə ərzində keçirilən görüşlərdə Tərtər Rayon İcra Hakimiyyəti başçısının müavinləri və şöbə müdirləri ilə yanaşı YAP Tərtər rayon Təşkilatının sədri Eldar Əsədov da iştirak edir.
Təsdiq olunmuş qrafik üzrə keçirilən qəbullarda sakinlərin sosial-iqtisadi, ictimai-siyasi və humanitar, tikinti və memarlıq, təsərrüfat, hüquq və digər sahələr üzrə müraciətləri dinlənilir. Fərdi qaydada baş tutan qəbullarda səsləndirilən müraciətlərin bəziləri yerindəcə öz həllini tapır. Araşdırılması vacib olan məsələlər isə müvafiq qurumlara yönləndirilir.
Sakinlər Sənədlərlə və vətəndaşların müraciətləri ilə iş şöbəsinə yaxınlaşaraq, Tərtər Rayon İcra Hakimiyyəti başçısının, icra başçısının birinci müavininin, habelə Sosialiq-tisadi inkişafın təhlili və proqnozlaşdırılması, İctimai-siyasi və humanitar məsələlər, Hüquq, Memarlıq və tikinti, Vətən müharibəsi iştirakçıları və şəhid ailələri ilə işin təşkili şöbələri üzrə qəbul günləri barədə məlumatı öyrənə, həmçinin Tərtər Rayon İcra Hakimiyyətinə Rəqəmsal İcra Hakimiyyəti (https://rih.gov.az/) portalı vasitəsi ilə də müraciət edə bilərlər.
Qeyd edək ki, bütün keçirilən görüşlərin əsasında Prezi-dent İlham Əliyevin tapşırıq və tövsiyələrinə uyğun olaraq vətəndaş məmnunluğu dayanır.

Şəhid polkovnik-leytenant Soltan Məmmədovun adına sinif otağı verilib

Ölkəmizin müstəqilliyi, ərazi bütövlüyü uğrunda canlarından keçən igid Vətən oğullarının xatirəsi dövlətimiz tərəfindən hər zaman əziz tutulur.
Tərtər rayonunda da torpaqlarımızın azadlığı uğrunda qəhrəmancasına şəhid olanların xatirəsi ehtiramla yad olunur, onların adlarının əbədiləşdirilməsi istiqamətində tədbirlər davam etdirilir.
Bu günlərdə Tərtər şəhər 1 nömrəli tam orta məktəbdə Vətən Müharibəsi şəhidi polkovnik-leytenant Soltan Məmmədovun adına sinif otağı verilib. Artıq bu gündən 8 C sinifi şəhidin adını daşıyacaqdır. Sinif otağının qapısı üzərində şəhidin adı yazılmış lövhə yerləşdirilib, həyat və döyüş fəaliyyətini əks etdirən guşə yaradılıb.
Bununla əlaqədar məktəbdə şəhidin xatirəsinə həsr edilən tədbir keçirilib. Tədbirdə şəhidin ailə üzvləri, Şəhid ailələri, qazilər, veteranlar, məktəbin kollektivi, ictimaiyyət nümayəndələri iştirak ediblər. Tədbir iştirakçıları əvvəlcə Şəhidlər Abidə Kompleksini ziyarət edib, şəhidlərin ruhuna dualar oxuyublar. Sonra şəhidin adını daşıyan sinif otağında davam etdirilən tədbirdə qəhrəmanın həyat və döyüş yoluna nəzər salınıb. Məktəblilərin ifasında şəhidlərə, vətənə həsr olunmuş şeirlər səsləndirilib. Daha ətraflı »

“ASAN xidmət”in müasir texnoloji avadanlıqla təchiz edilmiş irihəcmli xüsusi avtobusu 8 iyun 2022-ci il tarixdən başlayaraq rayonda sakinlərə səyyar xidmət göstərir.
Rayon sakinləri əvvəlcə məlumat bürosundan növbə alır. Daha sonra növbə əsasında avtobusa daxil olaraq müraciətlərini edirlər.
“Asan xidmət” sakinlərə səyyar şəkildə tərcümə, tibbi, bank xidmətləri, daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışın verilməsi, mənzillər üzərində mülkiyyət hüquqlarının dövlət qeydiyyatına alınması barədə çıxarışların verilməsi, yaşayış evlərinin (fərdi) üzərində mülkiyyət hüquqlarının dövlət qeydiyyatına alınması barədə çıxarışların (ilkin qeydiyyat istisna olmaqla) verilməsi, əmək pensiyalarının təyin olunması, ümumvətəndaş pasportlarının verilməsi və dəyişdirilməsi, şəxsiyyət vəsiqələrinin verilməsi və dəyişdirilməsi, vətəndaşlıq vəziyyəti aktlarının dövlət qeydiyyatı, notariat fəaliyyəti, sürücülük vəsiqələrinin dəyişdirilməsi və digər xidmətlər göstərir. Bu günə kimi ümumilikdə 598 nəfər rayon sakini xidmətin fəaliyyətindən yararlanmışdır.
“ASAN xidmət”in səyyar avtobusu rayonda 24 iyun 2022-ci il tarixədək xidmət göstərəcəkdir.
Tərtər Rayon İcra Hakimiyyətinin başçısı Müstəqim Məmmədov “ASAN xidmət”in səyyar avtobusunda sakinlər üçün yaradılmış şəraitlə tanış olmuş, sakinlərin qayğıları ilə maraqlanmış, onlarla səmimi söhbət etmişdir.
Xidmətdən yararlanan sakinlər onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə, Birinci vitse-prezident Mehriban xanım Əliyevaya öz minnətdarlıqlarını bildiriblər.