Rayonumzun fəal və işgüzar qadınlarından biri də MKT Qarabağregional filialının növbə laborantı Cəmalə Əhmədovadır. Cəmalə orta ixtisas təhsillidir. Çalışdığı sahədə 25 illik təcrübəsi var. Son illər dövlət başçısı İlham Əliyevin sərəncam və tövsiyələri əsasında pambıqçılığın inkişafına diqqət göstərilməsi bu sahədə işləyənlərin hamısı kimi Cəmalə xanımı da sevindirir. O deyir:
–Kəndlərimizdə pambıq əkini, sahələri genişləndikcə, iş yerləri də çoxalır. Bu isə insanlarımızın rifah halını yüksəldir. Onun yeniyetməlik və gənclik illəri I Qarabağ müharibəsi illərinə təsadüf edib. Bu barədə danışarkən söylədi ki, Tərtər qadınları zəhmətkeş olduqları kimi, həm də vətənpərvərdirlər, qorxmazdırlar. O, orta məktəbdə oxuduğu illərdə yaşadığı Azadqaraqoyunlu kəndinin neçə-neçə igid oğlu döyüş meydanlarında vuruşurdu. Balaları ilə bərabər analar da sanki bir əsgər idi. Hər kəs bacardığı qədər cəbhəyə kömək edirdi.
Cəmalə xanımın ailəsində iki övlad böyüyür–Polad və Murad onlar orta məktəb şagirdləridir. Yaxşı qiymətləri və nümunəvi davranışları ilə valideynlərini sevindirirlər.
“Yeni Tərtər”