ULU ÖNDƏRİN XATİRƏSİNƏ BÖYÜK HÖRMƏT
Tərtər rayonunda Azərbaycan xalqının Ümummilli Lideri Heydər Əliyevin anadan olmasının 94-cü ildönümü münasibətilə silsilə tədbirlər keçirildi. Minlərlə tərtərli rayonun mərkəzi meydanına gələrək Ulu Öndərin xatirəsinə ucaldılmış abidə kompleksini ziyarət edib, öz hörmət və ehtıramını, ümümxalq məhəbbətini nümayiş etdirdilər. Meydana toplaşan insan izdihamının önündə gedən rayon icra hakimiyyətinin başçısı Müstəqim Məmmədov Ümummilli Lider Heydər Əliyevin abidəsini ziyarət edib, önünə əklil qoydu. Anım mərasimində Ulu Öndər Heydər Əliyevin abidəsini rayon rəsmiləri, hüquq-mühafizə orqanlarının və digər müəssisələrin rəhbərləri, ziyalılar və sadə tərtərlilər hörmətlə anaraq, önünə tər gül-çiçək dəstələri düzdülər.
Sonra tədbir Heydər Əliyev Mərkəzində davam etdirildi.
İştirakçılar burada Ulu Öndərin büstü önünə gül-çiçək dəstələri qoyduqdan sonra dahi şəxsiyyətin həyat və fəaliyyətini əks etdirən eksponatlarla tanış oldular.
Heydər Əliyev Mərkəzində “dəyirmi masa” keçirildi. Tərtər Rayon İcra Hakimiyyətinin başçısı Müstəqim Məmmədov çıxış edərək bildirdi ki, Azərbaycanın dövlətçilik tarixində ən şanlı və parlaq səhifələr Ulu Öndər Heydər Əliyevin respublikamıza rəhbərlik etdiyi illərlə bağlıdır. 1969-1982-ci illərdə Ulu Öndərin apardığı uğurlu islahatlar nəticəsində Azərbaycan keçmiş ittifaq respublikaları arasında birinci sıralarda yer alıb.
“Yeni Tərtər”