“Meliorasiya və su təsərrüfatı obyektləri bizim sərvətimizdir və bu sərvətdən səmərəli istifadə etməliyik” sözlərini tarixə yazmış Ulu Öndər Heydər Əliyev Azərbaycanın kənd təsərrüfatının inkişafında böyük əhəmiyyət kəsb edən meliorasiya və su təsərrüfatı kompleksinin yaradıcısı, müəllifi və təşkilatçısıdır.
Buna misal olaraq ötən əsrin 70-ci illərində Ulu Öndər Heydər Əliyevin təşəbbüsü və bilavasitə rəhbərliyi ilə Tərtər çayı üzərində tikilmiş Sərsəng və Suqovuşan Su Anbarlarını göstərmək olar. Həmin su anbarlarının tikintisi Tərtər və ətraf rayonların kənd təsərrüfatının inkişafında müstəsna rol oynayıb. Məhz bundan sonra bu rayonlar pambıqçılıq və digər sahələr üzrə intensiv inkişaf yoluna qədəm qoyub. Ulu Öndər su anbarlarının tikintisində işlərin gedişi ilə daim maraqlanıb, tövsiyələr verib və açılışlarda iştirak edib. Tikinti zamanı 25.7 mln m3 torpaq işləri, 540.4 min m3 dəmir-beton işləri görülmüş, 5.8 min ton metal-konstruksiyadan istifadə olunmuşdur. Hazırlıq işləri ilə birlikdə tikinti 144 aya, 1975-ci ildə yekunlaşmış, 1976-cı ilin sonunda istismara qəbul aktı təsdiq və qəbul edilmişdir.
Sağ sahil magistral kanalının ümumi uzunluğu 70.2 km təşkil edir.
Tərtərlilər və dirilik suyundan torpaqların suvarılmasında istifadə edən digər rayonların sakinləri Ümummilli Liderimizin bu qayğısını heç zaman unutma-yıblar.
Birinci Qarabağ müharibəsinin başlanması ilə Sərsəng və Suqovuşan Su An-barlarının işğal altına düşməsi kənd təsərrüfatımızı böyük çətinliklərlə üz-üzə qoydu.
Magistral kanallara suyun gəlməsi insanlarımızın ən böyük arzusu idi. Bu arzunu isə Ulu Öndərimizin layiqli davamçısı, möhtərəm Prezidentimiz İlham Əliyev və Şanlı Azərbaycan Ordusu reallaşdırdı. İşğala son qoyulması ilə insanların üzü güldü.
Erməni işğalına son qoyulduqdan sonra kanalın 5250 metrlik hissəsi əsaslı təmir edilmiş, qalan hissəsi isə layihə-smeta sənədlərinin hazırlanması yekunlaşdırıldıqdan, ərazi minalardan təmizləndikdən sonra əsaslı təmir olunub istifadəyə veriləcəkdir. Sol sahil magistral kanalı isə tam həcmdə–yəni 22.4 km hissəsi bütün hidrotexniki qurğularla birlikdə əsaslı təmir edilmişdir. Su anbarında toplanaraq istifadə edilən suvarma suyu 96200 hektar əkin sahələrinin suvarılmasına xidmət edir.
Sərsəng su anbarında bəndin uzunluğu 600 m, gölün uzunluğu normal dolma səviyyəsində 12 km, həcmi 565 min m3, faydalı həcmi 500 mln m3-dir. Anbardan suvarma və enerji məqsədilə isitifadə olunur.
Suqovuşan su anbarı bəndinin uzunluğu 600 m, həcmi 5.86 mln m3, faydalı həcmi 5.21 mln m3 təşkil edir. Anbardan suvarma və enerji istehsalı məqsədilə istifadə olunur.
* * *
Bu günlərdə Tərtərçay Hidroqovşağı İstismarı İdarəsindən qəzetimizdə dərc etmək üçün maraqlı arxiv şəkilləri göndəriblər. Şəkillərdə Ulu Öndər Heydər Əliyevin rəhbərliyi altında Sərsəng və Suqovuşan su anbarlarının tikintisi, həm də işğaldan azad ediləndən sonra anbarların və magistral su kanalının əsaslı təmir edilmiş ilk hissəsinin indiki görünüşü əks olunub. Maraqlı məlumatlara görə idarənin rəisi Emil Hacıyevə təşəkkürümüzü bildiririk.
“YENİ TƏRTƏR”