Tarixə qovuşan 2015-ci il Mamırlı və Poladlı kəndlərinin sakinləri üçün uğurlu illərdən birinə çevrildi. Məhz bu ildə həmin kəndlərin qazlaş-dırılması başa çatdı və bununla da əhalinin ən böyük problemlərindən biri həll olundu. Sosial məsələlərin həlli ilə yanaşı iqtisadiyyatın möhkəmləndirilməsi, hey-vandarlıq və əkinçilik məhsulları istehsalının atırılması da diqqət mərkəzində saxlanıldı.
Bütün bunlar barədə Mamırlı kənd İƏD üzrə nümayəndə Şikar Əliyevin ötən ilin yekunlarına həsr olunmuş hesabat məruzəsində ətraflı bəhs edilib. Qeyd olunub ki, ərazidəki kəndlərdə əhalinin sosial problemləri əsasən həll edilib. Belə ki, sakinlər fasiləsiz elektrik enerjisi və mavi yanacaqla təmin edilib, telefon və internet xidmətlərindən istifadə edirlər. Su problemi qismən aradan qaldırılıb.
Aqrar sahənin daha da inkişaf etdirilməsi məqsədilə ötən il Mamırlı və Poladlı kəndlərində fer-merlər tərəfindən müasir tələblərə cavab verən tövlələr tikilib. Dövlətin ayırdığı subsidiyalardan, güzəştlərdən bəhrələnən əkinçilər də taxıl, arpa, pambıq və digər bitkiçilik məhsullarının istehsalını artırıblar.
Məruzədə həmçinin əhalinin daha cox qayğıya ehtiyacı olan təbəqəsi ilə aparılan işin vəziyyəti, kəndlərdə görülən abadlıq, təmizlik və yaşıllaşdırma tədbirləri, yeni ildə həllini gözləyən məsələlər əksini tapıb.
Mamırlı Bələdiyyəsinin sədri Kamal Quliyevin, Mamırlı kənd tam orta məktəbinin direktoru Məzahir Cəfərovun, həmin kəndin həkim məntəqəsinin müdiri Şakir Qaracayevin, Poladlı kəndinin sakini Asif Abbasovun, Poladlı kənd məktəbinin drektoru Əfruzə Haçıyevanın çıxışlarında ötən il görülən işlərlə bağlı min-nətdarlıq ifadə olunub, eləcə də qədəm qoyduğumuz ildə əhalinin daha yaxşı yaşaması ilə bağlı konkret təkliflər səsləndirilib.
“Yeni Tərtər”
-
22Yan
Müəllif: Redaktor, 09:53
Teqlər: Xəbərlər