Bu gün 1993-cu ildə Ulu Öndər Heydər Əliyev tərəfindən rəsmi olaraq dövlət bayramı kimi elan edilmişdir. O vaxtdan dünyanın hər yerində yaşayan azərbaycanlılar üçün əziz olan 31 dekabr Dünya Azərbaycanlılarının Həmrəylik Günü olaraq bayram edilir. Bu bayram ayrı-ayrı ölkələrdə yaşayan azərbaycanlılarla əlaqələr qurmaq onlar arasında birlik və həmrəylik yaratmaq prosesində mühüm rol oynayır.
Həmyerlimiz-tərtərli Elməddin Kərimov Kanadanın Toronto şəhə- rində yaşayır. Iki universitet təhsili alıb. Gəncə Dövlət Universitetinin tarix fakültəsini 2003-cü ildə bitirib. Əvvəllər Bakı poladəritmə və Xəzər boru zavodlarında çalışıb. 2009-cu ildən xaric-də Vətəni layiqincə təmsil edən Vətən oğludur. Elməddin ikinci ali təhsilini Kanadada alıb. O, Rezson Universitetinin tikinti mühəndisi fakültəsini müvəffəqiyyətlə bitirib. Hazırda tikinti şirkətində calışır.
Ailəlidir. Həyat yoldaşı Günay Quliyeva Şəki rayonunun Şəki kəndin-dəndir. O da ikinci təhsilini Kanadada alıb. Iki oğlanları var. Elgün və Fizuli. Elgün 2-ci sinifdə oxuyur. Bu mehriban ailə xariçi ölkədə Azərbaycan xalqının adət-ənənələrini daim qoruyub yaşadır. Elməddin Kərimovu tez-tez oradakı Azərbaycan diasporasının üzvləri ilə bir yerdə görmək olur. Azərbaycan cəmiyyəti yaradaraq milli-mənəvi dəyərlərimizi təbliğ edirlər. Həftədə bir gün Azərbaycan dili dərsi kecirilir. Ottavadakı Azərbaycan səfirliyi ilə əlaqə saxlayırlar. Milli bayramlarımızın və başqa tədbirlərin həyata kecrilməsi ilə bağlı səfirlik qarşısında məsələlər qaldırılır. Nəticələr isə Kanadada yaşayan azərbaycanlıların birliyinə səbəb olur. Azərbaycanın müxtəlif rayonlarından olan vətəndaşlar burada bir ailə kimi, daim mehribançılıq və dostluq şəraitində yaşayırlar. Bu cür ailələrlə təkcə onların yaxınları-doğmaları deyil, bütün Azərbaycan fəxr edir. Cünki onlar Kanadada Azərbaycanı yaşadırlar.
Dünya Azərbaycanlılarının Həmrəylik Günü münasibəti ilə Elməddin Kərimovun və onun ailəsinin timsalında Kanadada,o cümlədən dünyanın müxtəlif ölkələrində yaşayan bütün azərbaycanlıları təbrik edib, xoş arzularımızı bildiririk.
Elfuzə Camalqızı
-
25Dek
Müəllif: Redaktor, 09:40
Teqlər: Digər