Mövzu ilə bağlı Heydər Əliyev Mərkəzində “Dəyirmi masa” keçirildi.
Tədbirdə rayonun idarə və müəssisələrində çalışan fəal YAP üzvləri iştirak etdilər.
İstirakçılar öncə Ulu Öndərin büstünü ziyarət edərək, önünə gül dəstələri qoydular.
Sonra Mərkəzin direktoru Səlimə Yusibova Ümümmilli Lider Heydər Əliyevin həyat və fəaliyyətini əks etdirən eks-ponatlar haqqında ətraflı məlumat verdi.
Tədbir “Dəyirmi masa” ətrafında davam etdirildi.
YAP Tərtər Rayon Təşkilatının Aparat rəhbəri Kamil Məmmədov Ulu Öndər Heydər Əliyevin gərgin və genişmiqyaslı fəaliyyəti ilə bağlı məruzə etdi.
Əvəzolunmaz tarixi şəxsiyyət Heydər Əliyevin Tərtərə gəlməsindən, tərtərlilər haqqında xoş sözlər söyləməsindən, rayonumuzun inkişafına göstərdiyi diqqət və qayğıdan da söhbət açıldı. Bu ten-densiyanın Prezidentimiz İlham Əliyevin davam etdirməsi razılıqla qeyd olundu.
Toplantıda şəhər 5 saylı tam orta məktəbin tarix müəllimi Rizvan Sultanov və YAP Tərtər Rayon Təşkilatı Aparatının işçisi Arzu Yaqubova Ümummilli Liderin Azərbaycan xalqı qarşısındakı əvəzolunmaz xidmətlərindən bəhs etdilər.
Yeni Tərtər