Saytın ümumi statistikası:

Saytda məqalələrin sayı - 5,855
Saytda ismarıcların sayı - 0

Bölmələr:

Arxiv

  • 10İyl

    DAĞLAR KÜSÜB

    Ədəbiyyat

     

    . Neçə yazdı düşmür yolum,

    Yəqin dağlar küsüb məndən.

    Gedib öpüm, qurban olum,

    Yəqin dağlar küsüb məndən.

    		 . Sağsağanlar səksəkəli,

    Kim baltalı, kim gülləli?..

    Yarpaq gördüm qan ləkəli,

    Yəqin dağlar küsüb məndən.
     

    Çoxdan dağa-daşa yadam,

    Salmır qonum-qonşu yada.

    Əlim yatmır qoşmaya da,

    Yəqin dağlar küsüb məndən.

     

    		  

    Düzlərimə şöhrət Araz,

    Harayıma həsrət Araz.

    Gecikmisən, Məmməd Araz,

    Yəqin dağlar küsüb səndən.

     
    Kəklik uçmur çopur daşdan,

    Dağ kəlləri baxmır qaşdan.

    Bulaq tutqun, çay pərişan,

    Yəqin dağlar küsüb səndən.

     

    Müəllif: Redaktor, 11:03

İsmarıclar bağlıdır.