Avropa Parlamenti I Avropa Oyunları ərəfəsində də antiazərbaycan kampaniyasını gücləndirmiş və ölkəmizi gözdən salmağa çalışmışdır. Bunun nəticəsini hamı gördü. I Avropa Oyunları dünya idman tarixinə qızıl hərflərlə yazıldı.
Indi də ölkəmizdə keçiriləcək parlament seçkiləri qarşısında bizi istəməyən qüvvələr yenə də fəallaşıblar. Hər kəsə aydındır ki, burada erməni lobbisinin əli var. Məhz onların təsiri ilə dünyanın bəzi ölkələri Azərbaycana ikili standartlar mövqeyindən yanaşırlar.
Biz tərtərli gənclər Avropa Parlamentinin qərəzli mövqeyini qətiyyətlə pisləyirik. Bildirmək istəyirik ki, dünyanın hec bir ölkəsində gənclərə Azərbaycandakı kimi diqqət və qayğı göstərilmir. Bunu idmançılarımızın I Avropa Oyunları zamanı qazandıqları parlaq qələbələr bir daha təsdiqlədi. Biz tərtərli gənclər də daim təhsildə, idmanda, əməkdə, ictimai işlərdə fəallıq göstəririk.
Hər zaman olduğu kimi Prezident İlham Əliyevin ətrafında sıx birləşir və onu dəstəkləyirik.
-
28Sen
Emin PƏNAHOV,
Müəllif: Redaktor, 13:43
Teqlər: Digər