TƏBRİKLƏR
Tofiq müəllim!
Sizin hamınızı Milli Mətbuat Günü və “Yeni Tərtər”in 14-cü ildönümü münasibəti ilə Azərbaycan QMƏVŞAİB-nin Tərtər Rayon Şöbəsinin adından və şəxsən öz adımdan təbrik edirik!
Sizə işlərinizdə yeni uğurlar arzulayırıq!
Sizin uzun illər Vətən naminə çəkdiyiniz əziyyətlər çox olmuşdur. Gün o gün olsun ki, mətbuatda Qələbə müjdəsi çap edəsiniz.
Allah hər birinizə uzun ömür versin! Qoy Tanrı sizi bütün arzulara çatdırsın, vətən oğlu!
Bir daha sizi təbrik edirik!
Rövşən MƏMMƏDOV
Tərtər
Əziz dostum Tofiq Yusif!
Azərbaycan Milli Mətbuat və Jurnalistika Günü və “Yeni Tərtər”in ad günü münasibəti ilə sizi və rəhbərlik etdiyiniz kollektivi səmimi qəlbdən təbrik edirəm.
Sizin sayənizdə Tərtər rayon qəzeti ilə uzunmüddətli dostluğumuz davam edir.
Siz Azərbaycan mətbuatının yükünü çiyinlərində daşıyan ziyalılarımızdan birisiniz. Bu şərəfli missiyanı həmişə layiqincə yerinə yetirmisiniz və indi də yerinə yetirirsiniz.
Mübaliğəsiz deyirəm ki, Tofiq Yusif “köhnə kişilər”dəndir. Siz həm də dostluğa dəyər verən insansınız. Tanrı sizə və sizin şəxsinizdə bütün qələm sahiblərinə cansağlığı, yeni yaradıcılıq uğurları qismət etsin!
Hörmətlə: Mərdan HƏSƏNZADƏ
Bərdə
Azərbaycan Milli Mətbuatının 144 və “Yeni Tərtər”in 14 illiyi münasibəti ilə bütün kütləvi informasiya vasitələri işçilərini, o cümlədən, rayonumuzun “Yeni Tərtər” qəzetinin əməkdaşlarını təbrik edirəm.
Hamınıza cansağlığı və yaradıcılıq uğurları arzulayıram!
Hörmətli qardaşım Tofiq Yusif!
Siz uzun müddətdir ki, mətbuat sahəsində çalışırsınız, “Yeni Tərtər” qəzetinə 14 ildir ki, redaktorluq edirsiniz.
Bilirəm ki, rayon qəzetinin 85 yaşı var. “Yeni Tərtər” qəzetinin isə avqust ayında 14 yaşı tamam olacaq. Bu münasibətlə də sizin hamınızı bir daha təbrik edir, rayonumuzun tarixi salnaməsini yazan qəzetçilərimizə yeni-yeni uğurlar diləyirəm.
Zabil ZEYNALOV
Tərtər
Bu gün dahi mütəfəkkir Həsənbəy Zərdabi qələmindən güc alan, “Əkinçi” qəzeti ilə əsası qoyulan, sonradan müxtəlif adları daşıyan Azərbaycan Milli Mətbuatının 144 ili tamam olur. Həm də “Əkinçi”nin davamçılarından olan “Yeni Tərtər” qəzetinin çap olunmasının 14-cü ildönümüdür. Bu münasibətlə “Yeni Tərtər” qəzetinin baş redaktoru Tofiq Yusifi və qəzetin kollektivini ürəkdən təbrik edib onlara cansağlığı və işlərində müvəffəqiyyətlər arzulayıram.
Talıb MƏMMƏDLİ
İrəvanlı kəndi
Həsənbəy Zərdabi şəcərəsinin davamçısı “Yeni Tərtər” qəzetinin baş redaktoru Tofiq Yusifi və rəhbərlik etdiyi kollektivi həmkar olaraq Milli Mətbuatın 144 illiyi və “Yeni Tərtər”in 14 illiyi münasibəti ilə təbrik edirəm.
Milli Mətbuatımızın inkişafında və “Yeni Tərtər”in oxunaqlı və uzunömürlü olmasında əməyi olan hər kəsi təbrik edib, uğurlar diləyirəm! Qələminiz iti, sözünüz kəsərli olsun, əziz həmkarlarım!
Hörmətlə: İlyas QASIMOV
Şəmkir rayonu
Mənim üçün doğma olan əziz qəzetim “Yeni Tərtər”in baş redaktoru Tofiq Yusif və qəzetin kollektivini Milli Mətbuatın 144 illiyi və “Yeni Tərtər”in 14 illiyi münasibətilə səmimi qəlbdən təbrik edirəm.
Svetlana ƏZİZOVA
Tərtər
Hörmətli Tofiq Yusif!
Yaradıcı kollektivinizi Milli Mətbuatın 144 və “Yeni Tərtər”in 14 illiyi münasibəti ilə təbrik edirəm. Qələminizin uğurları bol olsun! Qəzetinizdə ziyalı insanların fikirlərini, dövlətimizin siyasətinə və şanlı inkişafına aid xəbərləri dərc edəsiniz.
Zakir BAĞIROV
Tərtər
Rayon qəzetləri arasında böyük nüfuza malik olan “Yeni Tərtər”in baş redaktoru Tofiq Yusifi və əməkdaşlarını Azərbaycan Milli Mətbuatının yaranmasının 144 illiyi və “Yeni Tərtər”in 14 yaşının tamam olması münasibəti ilə təbrik edirəm.
Qılman İMAN
Bakı
Hörmətli Tofiq müəllim!
Peşə bayramınız münasibəti ilə sizi təbrik etməyi özümə vətəndaşlıq borcu bilirəm! Ən gözəl uğurlar sizə qismət olsun! Hər zaman milli-mənəvi dəyərlərimizin qorunub saxlanılmasında, mədəni irsimizin təbliğində böyük səylə çalışmısınız. Yaradıcılığınızın hər zaman zəngin olmasını və oxucularınızın sayının həmişə çox olmasını arzu edirəm!
Saleh ƏDİLOV
Tərtər
Əziz “Yeni Tərtər”in kollektivi!
Sizin qəzetin daimi oxucusu olaraq əməkdaşlarınıza yeni uğurlar arzu edirəm! Ziyalı insanlar mətbuat işçisi olmağı şərəf işi hesab ediblər. Cəmiyyəti maarifləndirmək nə qədər çətin iş olsa da bir o qədər qürurvericidir. Bu yenilməz yolda sizə bol-bol uğurlar diləyirəm!
Səbuhi KƏRİMOV,
Tərtər
Hər zaman dövlətçilik ənənələrinə sadiq qalan “Yeni Tərtər” qəzetini 22 iyul–Milli Mətbuat və Jurnalistika Günü və “Yeni Tərtər”in ad günü münasibəti ilə səmimi qəlbdən təbrik edirəm! Bilirəm ki, qəzetin əməkdaşları fəal işlərinə görə həmişə müxtəlif mükafatlarla təltif ediliblər. Həm sizi, həm də oxucularınızı bayramlar münasibəti ilə təbrik edirəm. 85 yaşlı Tərtər rayon qəzeti qürur mənbəyimizdir.
Hörmətli Tofiq müəllim!
Sizə və kollektivin hər bir üzvünə yaradıcılıq uğurları diləyirəm.
Asif TALIBOĞLU Kəlbəcərli
Tərtər
* * *
Redaksiyadan: Azərbaycan Milli Mətbuatının 144 illiyi və “Yeni Tərtər” qəzetinin 14 illiyi münasibəti ilə Natiq Ələkbərov, İradə Günəş, Mansur İmamverdiyev, Səbuhi Paşayev, Elnur Baxış, Hikmət Bağırov, Pərvanə Xuduyeva, Alı Səfolu–Alıyev, Həcər Əsgərova, Şəhla Bayramova, Şöhrət Hümbətov, Elvin Umudov, Afaq Xəlilova, Esmira Hidayətova, Şahid Həmidov, Həqiqət Həqiqi, Kamil Məmmədov, Mehriban Həsənova, Fəxrəddin Binnətov, Məmməd Mərzili, Məhəbbət Paşayeva da bizi təbrik edirlər. Buna görə onların hamısına redaksiyamızın kollektivi adından təşəkkür edir və məmnun qaldığımızı bildiririk.