Yaz aylarının ən sevilən giləmeyvələrindən olan qarpızın əvvəllər sadəcə şəkər və sudan ibarət, qidalandırıcı dəyəri olmayan məhsul olduğu hesab edilirdi. Trendin məlumatına görə, aparılan araşdırmalar isə qarpızın əslində çox dəyərli bir giləmeyvə olduğunu göstərir.
Qarpızın 92 faizi su, yüzdə 6 faizi isə şəkərdən ibarətdir. Qarpız C, A vitaminlərinin və betakarotinlərin ən yaxşı mənbəyidir. Bu səbəbdən o, ürək xəstəlikləri, döş xərçəngi, ağciyər, prostat vəzinin xərçəngi və yaşla əlaqədar görmə qabiliyyətinin pozulmasına qarşı müqavimət göstərir.
Qeyd edək ki, 150 qram qarpız gündəlik C vitamini ehtiyacının yüzdə 24,3 faizini, A vitamininə olan tələbatın 11 faizini ödəyir.
Qarpız ayrıca enerji hasilatı üçün vacib olan B, B1, B6 vitaminləri, maqneziumun miqdarı baxımından da zəngin bir mənbədir. Böyük hissəsi sudan ibarət olduğu üçün az kalorili olan qarpızın 200 qramında təxminən 50 kalori var. Bu səbəbdən hər kalori üzrə alınan qidalı maddələrin miqdarı çoxdur. Qarpızın daha bir faydası isə onun yüksək qan təzyiqini aşağı salmasıdır
Qarpızın xərçəngdən müdafiə xüsusiyyətləri var. Belə ki, qarpız tərkibindəki xərçəngdən müdafiə edən antioksidant olan likopenin miqdarına görə liderdir. Bu güclü antioksidant orqanizmdəki sərbəst radikallarla mübarizə apararaq müdafiə təsiri göstərir.
Osteoartrid, revmatoidli artrid və astma xəstəliklərinin bəzi simptomlarını zəiflədir. Araşdırmalar yaşıl çayla və likopenlə zəngin olan məhsulların birgə istifadəsinin sienergetik təsir yaradaraq orqanizmin xərçəngdən güclü şəkildə müdafiə olunmasına imkan verdiyini göstərir. Qarpızla bağlı müzakirə olunan daha bir mövzu isə onun tumlarının udulmasının apendi-sitlə bağlı problemlərə yol açması ilə bağlıdır. Qeyd edək ki, bütöv halda udulan qarpız tumlarının çox az hallarda apendisitə səbəb ola biləcəyi ehtimalı mövcuddur.
Hazırladı:
Ceyran QULİYEVA