Tərtər Rayon Icra Hakimiyyətinin Başçısı Müstəqim Məmmədovun növbəti səyyar görüş-qəbulu iri yaşayış məntəqələrindən olan Səhlabad kəndində keçirilib. Görüşdə rayon icra hakimiyyəti aparatının işçiləri, hüquq-mühafizə orqanlarının rəhbərləri, təhsil, səhiyyə, mədəniyyət sahələrinin, təmsilçiləri, İƏD üzrə nümayəndələr və kənd bələdiyyə sədrləri iştirak ediblər.
Tədbiri rayon rəhbəri Müstəqim Məmmədov açaraq bildirib ki, bu gün sizinlə görüşə gəlmişik ki, qayğı və problemlərinizi öyrənib, sizlərə kömək edək.
Sonra müraciətlər olub. Mübariz Mahmudov, Ramiz Quliyev, Habil Məmmədov, Roza Adıgözəlova, Şəmistan Cava-dov, Süleyman Sadıqov, Fəqan Paşayev, Asif Məhərrəmov, Solmaz Məmmədova, İsrafil Quliyev, Xuraman Məmmədova və başqaları kənddə əhalinin həyat şəraiti və mövcud problemlərdən danışaraq arzu və istəklərini bildiriblər.
Tərtər Rayon İcra Hakimiyyətinin Başçısı Müstəqim Məmmədov əsası Ulu Öndər Heydər Əliyev tərəfindən qoyulmuş sosial-iqtisadi inkişaf siyasətinin bu gün möhtərəm Prezidentimiz İlham Əliyev tərəfindən uğurla davam etdirildiyini bildirib, rayonumuzda dövlət səviyyəsində həyata keçirilən proqramların əhəmiyyətindən, infrastrukturun yaxşılaşdırılması istiqamətində görülən həllivacib işlərdən danışıb.
İcra başçısı sonda sakinlərin müraciətləri ilə əlaqədar müvafiq strukturların rəhbərlərinə konkret tapşırıqlar verib.
“Yeni Tərtər”