İclas salonunda boş yer qalmasa da, tam sakitlik idi. Rəyasət heyətində ən hörmətli adamlar, o cümlədən rayon icra hakimiyyətinin başçısı əyləşmişdilər. Salona daxil olan Loğman bu mənzərəni görüb bir az tutuldu, əlindəki fotoaparatı daha möhkəm sıxaraq irəli addımladı. Burada onun əmək kitabçasına ilk sətirləri yazan insan – “ Yeni Tərtər “ qəzetinin redaktoru əyləş-mişdi. O, gənc fotomüxbiri yanına çağırıb astadan redaksiyada verdiyi tövsiyələri bir daha təkrarladı; “ Sənin vəzifən yalnız şəkil çəkmək deyil , yiğıncağın ən mühüm anlarını oxuculara çatdırmalısan. Məsuliyyətli ol”.
Məsuliyyətli ol. Bu iki söz Loğmanın sonrakı həyatı üçün bir devizə çevrildi. Hər tapşırıq aldıqca püxtələşdi. Fotoaparatın obyektivindən görünən dünya onu daha çox özünə cəlb etdi. Axı, hər anın öz cazibəsi, öz gözəlliyi olur. Fotomüxbirin bacarığı məhz bu anları seçməsi ilə ölçülür.
Loğman Məmmədov “Yeni Tərtər“dən yolu keçən gənclərdən biridir. O, 2007-ci ildə Azərbaycan İqtisad Universitetini menecer ixtisası üzrə bitirib. Özünün dediyi kimi, əmək fəaliyyə
tinə mətbuat işçisi kimi başla-masını həyatının qürurverici səhifəsi hesab edir.
Hazırda Loğman DSMF-nin Tərtər Rayon Şöbəsinin gəlirlər sektorunda məsləhətçi – hüquqşünas vəzi-fəsində çalışır. Respublikamızda çıxan çoxsaylı qəzetlər sırasında ən çox sevdiyi “Yeni Tərtər“dir. Qəzetin hər sayını maraqla oxuyur və həmişə özünü redaksiyanın kiçik kollektivinin bir üzvü hesab edir. Axı, vaxtilə bura onun doğma yuvası olub.
-
06Avq
Müəllif: Redaktor, 15:58
Teqlər: Digər