Taxılçılıq həmişə diqqət mərkəzindədir

Taxıl əkini həmişə bu kənddə diqqət mərkəzində saxlanılıb. Hazırda dünyada taxılın və taxıl məhsullarının qiymətlərinin kəskin qaydada artdığı bir şəraitdə Hacıqərvənd kəndində də taxıl əkininə qayğı ilə yanaşırlar. Belə ki, ötən ilin payızında burada 220 hektar sahədə buğda, 150 hektarda arpa əkilmişdi. Əvvəlki illərdən fərqli olaraq, pay torpaq sahibləri və fermerlər suvarmada çətinliklərlə üzləşmədikləri üçün, zəmilərdən bol məhsul götürmüşlər. Buğda üzrə hektarın məhsuldarlığı 55 sentner, arpa üzrə 61,8 sentner olub.
Hacıqərvənd Bələdiyyəsinin sədri Kəmaləddin Heydərov bildirdi ki, taxılçılıqda ən yüksək göstəriciyə Bəylər Abbasov nail olub.
Bəylər Abbasov bu barədə belə dedi:
–Taxıla, çörəyə hörmət xalqımıza xas olan gözəl xüsusiyyətdir. Son illərdə Ukraynada gedən müharibə ilə bağlı yerli taxıl istehsalını artırmağı qarşımıza məqsəd qoymuşuq.

Plantasiyalarda bol pambıq yetişdirilir

Bu isti yay günlərində pambıq plantasiyalarında sonuncu beçərmə işləri aparılır. Fermerlərdən Elsevər Səfərov, Zabil Əhmədov, Çingiz Məmmədov və başqaları gərgin zəhmət hesabına yaxşı məhsul yetişdirmişlər.
Elsevər Səfərov deyir:
–Keçən il öhdəmdə olan sahədə günəbaxan əkmişdim. Bu il isə üstünlüyü pambığa vermişik. Pambıq da qayğı sevən bitkidir. Gərək hər kolun nazını çəkəsən ki, nəticədə əkinçini sevindirsin. İndiyədək bütün aqrotexniki tədbirləri düzgün və vaxtında gördüyümüzə görə, məhsuldarlığın yüksək olacağına ümid edirik.
Qeyd etmək lazımdır ki, rayonumuzun son illər respublika pambıqçıları arasında məhsuldarlığa görə birincilər sırasında olmasında bu kəndin fermerlərinin də payı var. Cari ildə məqsəd hər hektardan 40 sentnerdən çox məhsul götürməkdir.
* * *
Kənddə heyvandarlıq inkişaf etdiyindən, burada 903 hektar əkin sahəsinin böyük bir hissəsində çoxillik yoncalıqlar yerləşir, 100 hektarda isə günəbaxan əkilib.

“Yeni Tərtər”

Bu isti yay günlərində kəndlərimizdə işlərin qəzğın çağıdır. Zəmilərin məhsulu biçilir, yoncalıqlar becərilir, pambıq plantasiyalarında bol məhsul uğrunda mübarizə aparılır.
Rayon üzrə həmişə ön cərgələrdə addımlayan Yuxarı Qapanlı kəndinin sakinləri də indi halal zəhmətin doğurduğu sevinc hissini yaşayırlar.

Nəzərdə tutulduğundan artıq barama təhvil verilib

Son illər kənddə gəlirli sahə olan baramaçılığın inkişafı diqqət mərkəzində saxlanılır. Bu məqsədlə çəkil tinglərinin əkilib, becərilməsinə qayğı ilə yanaşılır. Odur ki, cari ildə 12 qutu ipəkqurdundan, bütün lazımi qaydalara əməl edilərək, bol məhsul götürülüb. Belə ki, Yuxari Qapanlı kəndindən qəbul məntəqəsinə 702,5 kq barama təhvil verilib ki, bu da nəzərdə tutulduğundan xeyli çoxdur.

Kənddə çörək bol olacaq

Xalqımızın adətidir: taxılın əkilib-becərilməsinə müqəddəs bir iş kimi yanaşılır. Yuxarı Qapanlı kəndinin sakinləri də ötən ilin payızında 265 hektar sahəyə buğda, 199 hektara isə arpa səpmişlər.
Aqrotexniki tədbirlər məsuliyyətlə və vaxtlı-vaxtında həyata keçirildiyindən, zəmilərdən bol məhsul götürülüb. Belə ki, arpa üzrə hektarın orta məhsuldarlığı 44, buğda üzrə 42 sentner təşkil edib ki, bu da rayon üzrə ümumi göstəricidən çoxdur. Daha ətraflı »

Məqsədimiz 500 kq barama istehsal etməkdir

Baramaçılıq kənd təsərrüfatının gəlirli sahələrindən biridir. Respublikamızın hər yerində olduğu kimi, rayonumuzda da son illər bu sahənin inkişafına diqqət xeyli artıb. “Azərbaycan Respublikasında baramaçılığın və ipəkçiliyin inkişafına dair 2018-2025-ci illər üçün Dövlət Proqramı”na uyğun olaraq bizim kəndimizdə də barama-çılığın yem bazasını möhkəmləndirmək məqsədi ilə tədbirlər görülüb. Belə ki, təkcə son üç il ərzində Tərtər-Gəncə avtomobil yolunun kənarlarında 1500 ədəd çəkil tingi əkilib. Tinglərin be-cərilməsi, suvarılması işlərinə daim diqqət göstərilir.
Bunun nəticəsidir ki, ötən il kəndimizin kümçüləri 7 qutu ipəkqurdundan 320 kq məhsul təhvil vermişdilər.
Cari ildə isə 12 qutu ipəkqurdu götürmüşük. Bunun 4 qutusunun becərilməsi ilə özüm məşğul oluram. Havalar baramaçılar üçün əlverişli olmasa da, işlərimiz qaydasındadır. İpəkqurdu saxlanılan yer istiliklə təmin olunub, kifayət qədər yemimiz var. Bu günlərdə rayon icra hakimiyyətinin başçısı Müstəqim Məmmədov kəndimizdə olarkən, işimizlə tanış oldu və lazımi tövsiyələrini verdi. Daha ətraflı »

Mövsüm uğurlu başladı

Rayonumuzun iqtisadiyyatının aparıcı sahələrindən biri pambıqçılıqdır. Ulu Öndər Heydər Əliyev birinci dəfə Azərbaycanda hakimiyyətə gəldiyi illərdə Tərtərdə bu sahənin inkişaf etdirilməsinə xüsusi diqqət göstərir, keçirdiyi müşavirələrdə, “ağ qızıl” ustaları ilə görüşlərində rayonun bərəkətli torpaqları, zəhmətsevər insanları olduğunu qeyd edirdi.
Respublikamız müstəqillik əldə etdiyi ilk illərdə pambıqçılığın inkişaf etdirilməsi bir qədər unudulmuşdu. Lakin Ümummilli Liderin hakimiyyətə qayıdışından sonra ölkədə həyata keçirilən aqrar islahatlar, torpaqların əsl sahiblərinə qaytarılması, meliorativ tədbirlər digər vacib problemlər kimi, pambıqçılıqda yaranan çətinliklərin aradan qaldırılmasına şərait yaratdı. Ümummilli Liderimizin layiqli davamçısı Prezident İlham Əliyevin həyata keçirdiyi mühüm tədbirlər nəticəsində, Azərbaycanda mü-hüm strateji məhsul olan pambığın əkilib-becərilməsində yeni-yeni uğurlara nail olundu.
O cümlədən Tərtər rayonu da son illər bu sahədə qabaqcıllar sırasına çıxdı, ardıcıl olaraq hər hektarın məhsuldarlığına görə respublikada birincilər sırasında dayandı. Daha ətraflı »

Ərzaq bolluğu yaradılır

Dünyada baş verən hadisələr, həmçinin ciddi iqlim dəyişikliyi kənd təsərrüfatı işçiləri qarşısında mühüm vəzifələr qoyur. İndi torpaqda çalışan hər kəs bilir ki, ərzaq qıtlığının qarşısını almaq üçün əvvəlkindən qat-qat yaxşı işləmək, xüsusən qabaqcıl texnologiyaları tətbiq etmək lazımdır.
Bu baxımdan Tərtər rayonunun taxılçıları da ildən-ilə zəmiərin məhsuldarlığını artırırlar. Cari təsərrüfat ilində onlar 7092.4 hektarda buğda, 4138.7 hektarda arpa, 154 hektarda isə xəsil üçün arpa becərirlər.
8742 hektar sahədə birinci, 8723 hektarda ikinci vegetasiya suvarması aparılıb. Hazırda zəmilərə üçüncü su verilir.
Eyni zamanda siçanabənzər gəmiriçilərə, digər zərərvericilərə və xəstəliklərə, alaq otlarına qarşı mübarizə tədbirləri aparılır. Daha ətraflı »

Becərmə işləri davam edir

Rayonumuzda yazlıq əkinlərin becərilməsi işləri müvəffəqiyyətlə davam etdirilir. Belə ki, cari ildə rayonumuzun kənd əməkçiləri 1782.5 hektar sahədə günəbaxan, 152 hektarda qarğıdalı, 1203 hektarda təzə yonca, 384 hektarda kartof, 890 hektarda tərəvəz becərirlər.
Qeyd etmək lazımdır ki, son illər rayonumuzda günəbaxan bitkilərinin əkininə maraq xeyli artıb. Bu gəlirli sahənin inkişaf etdirilməsi həm də əhalinin işlə təmin olunmasına kömək edir.
Qarğıdalı, yonca əkinləri isə heyvandarlığın yem bazasının möhkəmləndirilməsində mühüm rol oynayır ki, bu da ərzaq təhlükəsizliyinin təmin edilməsinə mühüm töhfədir.
Rayonumuzda becərilən kartof və tərəvəz keyfiyyətinə görə alıcılar tərəfindən çox bəyənilir ki, bu da özümüzün lazımi ərzaq məhsulları ilə təmin olunmasına köməkdir. Daha ətraflı »

Valideynlərimdən eşitmişdim ki, torpaq da canlıdır, qayğını sevir. Torpağa əyilən hər zaman ucalar.
Mənim öz həyatım bu sözlərin nə qədər doğru olduğunu sübut edir. İlk vaxtlar fermer kimi fəaliyyətə başlayanda çətinliklərim çox oldu. Lakin qarşıma məqsəd qoydum və yorulmaq bilmədən çalışdım. Hal-hazırda İsmayılbəyli kəndində 80 hektar sahədə toxumluq taxıl becərirəm. Qeyd edim ki, nailiyyətlərimiz yüksəkdir. Təkcə ötən il hər hektardan 60-65 sentner birinci reproduksiyalı, 50-55 sentner 2-ci reproduksiyalı taxıl götürmüşük. Bu, orta rəqəmdir, halbuki ayrı-ayrı sahələrdə məhsuldarlıq daha yüksək olub.
Uğurlarımın səbəbi nədir? Buna birmənalı olaraq cavab verərdim: dövlətimizin fermerlərə göstərdiyi qayğı, ölkədə bizim üçün yaradılan şərait. Belə ki, toxumluq taxıl becərən fermerlərə dövlət tərəfindən kvota ilə elit toxum verilir. Mən özüm əsasən “Qobustan” sortu seçirəm. Həm məhsuldardır, həm də becərilməsi zamanı problemlərlə rastlaşmırıq. Texnika sarıdan da çətinliklərimiz yoxdur. Dövlət aqrolizinq yolu ilə əldə etdiyimiz texnikanın qiymətinin müəyyən hissəsini özü ödəyir. Gübrələr pulsuz verilir. Becərdiyimiz məhsula gö-rə subsidiyalar alırıq.
Həm rayonumuzun fermerlərini, həm də ətraf rayonlardan gələnləri yüksək məhsuldar toxumlarla təmin edirik.
Hazırkı dönəmdə, dünya ciddi ərzaq qıtlığı ilə üz-üzə qaldığı bir vaxtda, üzərimizə düşən vəzifənin məsuliyyətini anlayır və hər bir aqrotexniki tədbiri yüksək səviyyədə həyata keçirərək, ölkəmizin taxıl ehtiyatlarının artırılmasına öz töhfəmizi verməyə çalışırıq.
Qeyd edim ki, təkrar əkindən istifadə etməyə başlamışıq. Belə ki, ötən mövsümdə biçindən dərhal sonra 40 sentner sahədə qarğıdalı əkdik və hər hektardan 38 ton yem bitkisi götürüldü. Bu işdə müasir texnologiyalardan və texnikadan istifadə etməklə, təsərrüfatımızın gəlirlərini xeyli artıra bildik. Bu ildən təkrar əkini 50 hektarda aparmağı qərara almışıq. Daha ətraflı »

Son illər Tərtər rayonunda sənaye sahəsi sürətlə inkişaf edir. Rayon iqtisadiyyatının əsas sahələri üzrə ümumi məhsul buraxılışının 7.3 faizi sənaye sahəsinin hesabına formalaşır.
2022-сi ildə rayonda sənaye sahəsində fəaliyyət göstərən təsərrüfat subyektləri tərəfindən istehsal olunmuş mal və xidmətlərin həcmi 2021-ci illə müqayisədə 35.7 faiz artaraq 17206.2 min manat təşkil etmişdir ki, onun da 3440 min manatı və ya 20 faizi qeyri-dövlət sektorunun payına düşür.
Sənaye məhsulunun 546 min manatı və ya 3.2 faizi mədənçıxarma, 7480.4 min manatı və ya 43.5 faizi emal, 7780 min manatı və ya 45.2 faizi elektrik enerjisi, qaz və buxar istehsalı, bölüşdürülməsi və təchizatı, 1399.8 min manatı və ya 8.1 faizi su təchizatı, tullantıların təmizlənməsi və emalı sektorlarında istehsal olunmuşdur. 2021-ci ilə nisbətən emal sənayesi 5.2 dəfə, elektrik enerjisi, qaz və buxar istehsalı, bölüşdürülməsi və təchizatı sahəsi 39 faiz, su təchizatı, tullantıların təmizlənməsi və emalı sahəsi 10.3 faiz artmışdır.
İstehsal olunmuş sənaye məhsullarının böyük əksəriyyəti istehlakçılara göndərilmişdir. Bununla yanaşı, 2023-cü ilin yanvar ayının 1-i vəziyyətinə sənaye müəssisələrinin anbarlarında 3207.6 min manatlıq hazır məhsul qalığı olmuşdur.

Tərtər Rayon Statistika İdarəsi

Azərbaycan Respublikası Dövlət Statistika Komitəsinin statistik işlər haqqında proqramına uyğun olaraq 2023-cü il yanvarın 1-i vəziyyətinə rayon ərazisində heyvanların, quşların və arı ailələrinin tam uçotu aparılmışdır.
Uçotda rayonun bütün kənd təsərrüfatı müəssisə və təşkilatları, eləcə də kənd yerlərində yaşayan fərdi sahibkar, ailə kəndli və ev təsərrüfatlarının hamısı, şəhər və qəsəbələrdə isə yalnız mal-qarası olan ev təsərrüfatları əhatə edilmişdir. Beləliklə, rayon üzrə müxtəlif təşkilati-hüquqi formalı 13877 uçot vahidi sorğuya cəlb olunmuşdur.

Ayrı-ayrı mal-qara növləri üzrə heyvandarlığın baş sayının əvvəlki illə müqayisədə dəyişilməsi aşağıdakı kimi olmuşdur.
İribuynuzlu mal-qara. 2023-cü il yanvarın 1-i vəziyyətinə rayonda 31503 baş iribuynuzlu mal-qara, o cümlədən 13220 baş inək və camış olmuş və onların sayı il ərzin-də müvafiq olararq 4.5 və 4 faiz artmışdır. Iribuynuzlu mal-qaranın sayı 2019-cu il yanvarın 1-nə nisbətən 2983 baş və ya 10.5 faiz, 2020-ci il yanvarın 1-nə 1836 baş və ya 6.2 faiz, 2021-ci il yanvarın 1-nə 2103 baş və ya 7.2 faiz artmışdır.
Sürü dövriyyəsinin təhlili göstərir ki, süd istehsalını artırmaq məqsədilə təsərrüfatlar ana malın sayının artırılmasına daha çox meyllidirlər. Belə ki, son 5 il ərzində inək və camışların sayı 12156 başdan 13220 başa çatmaqla 8.9 faiz artmış, mövcud iribuynuzlu mal-qaranın 42 faizini inək və camışlar, 1646 başı və ya 5.2 faizini düyələr təşkil etmişdir.
Mövcud iribuynuzlu mal-qaranın 31243 baş və ya 99.2 faizini inək naxırı, 260 baş və ya 0.8 faizini camış naxırı təşkil edir.
Rayonda mövcud olan iribuynuzlu mal-qaranınm 97.3 faizi və ya 30658 başı ailə kəndli və ev təsərrüfatlarına, ümumilikdə isə kənd təsərrüfatı müəssisələri də daxil olmaqla 99.8 faizi və ya 31450 başı qeyri-dövlət bölməsinə məxsus olmuşdur.
Qoyun və keçilər. Qoyunçuluq heyvandarlığın mühüm ənənəvi sahələrindəndir. 2023-cü il yanvarın 1-i vəziyyətinə rayonda bütün təsərrüfat kateqoriyaları üzrə 43470 baş qoyun və keçi (o cümlədən 42186 baş qoyun, 1284 baş keçi) mövcud olmuşdur. İl ərzində qoyun və keçilərin sayı 38 baş və ya 0.1 faiz azalmışdır. Daha ətraflı »