![\"\"](\"http:\/\/www.yeniterter.az\/wp-content\/uploads\/16133726676117962547_1000x669-300x200.jpg\")
Az\u0259rbaycan Respublikas\u0131n\u0131n Prezidenti \u0130lham \u018fliyev, birinci xan\u0131m Mehriban \u018fliyeva v\u0259 q\u0131zlar\u0131 Leyla \u018fliyeva F\u00fczuli, Z\u0259ngilan, La\u00e7\u0131n v\u0259 C\u0259bray\u0131l rayonlar\u0131nda olublar.\nPrezident \u0130lham \u018fliyev Horadiz-A\u011fb\u0259nd d\u0259mir yolu x\u0259ttinin t\u0259m\u0259lini qoymaq \u00fc\u00e7\u00fcn F\u00fczuli rayonuna g\u0259ldi v\u0259 burada t\u0259m\u0259lqoyma m\u0259rasimi ke\u00e7irildi.
\nSonra Prezident \u0130lham \u018fliyev, birinci xan\u0131m Mehriban \u018fliyeva v\u0259 q\u0131zlar\u0131 Leyla \u018fliyeva Z\u0259ngilan rayonunun \u00dc\u00e7\u00fcnc\u00fc A\u011fal\u0131 k\u0259ndind\u0259 oldular.
\nPrezident burada qeyd etdi ki, b\u00fct\u00fcn \u015f\u0259h\u0259rl\u0259rimizin ba\u015f planlar\u0131 haz\u0131rlan\u0131r. Sonra b\u0259rpa i\u015fl\u0259rin\u0259 start veril\u0259c\u0259k.
\nZ\u0259ngilan rayonunda birinci \u201ca\u011f\u0131ll\u0131 k\u0259nd\u201d layih\u0259si icra edil\u0259c\u0259k. Bu g\u00fcn layih\u0259y\u0259 start verilir. Art\u0131q ilkin ara\u015fd\u0131rmalar apar\u0131l\u0131b. Bu, da\u011f\u0131lm\u0131\u015f A\u011fal\u0131 k\u0259ndidir. B\u0259rpa edil\u0259c\u0259k birinci k\u0259nd m\u0259hz bu k\u0259nddir.
\nQeyd ed\u0259k ki, Prezident \u0130lham \u018fliyev \u00e7\u0131x\u0131\u015flar\u0131nda azad olunmu\u015f \u0259razil\u0259rin \u201cya\u015f\u0131l enerji\u201d zonas\u0131na \u00e7evril\u0259c\u0259yini d\u0259f\u0259l\u0259rl\u0259 bildirib. Erm\u0259ni i\u015f\u011fal\u0131ndan azad olunmu\u015f \u0259razil\u0259rin d\u00f6vl\u0259timizin ba\u015f\u00e7\u0131s\u0131n\u0131n birba\u015fa t\u0259\u015f\u0259bb\u00fcs\u00fc v\u0259 tap\u015f\u0131r\u0131qlar\u0131 il\u0259 n\u0259inki b\u0259rpa edilm\u0259si v\u0259 yenid\u0259n qurulmas\u0131 planla\u015fd\u0131r\u0131l\u0131r,
\nh\u0259tta orada \u201ca\u011f\u0131ll\u0131 \u015f\u0259h\u0259r\u201d v\u0259 \u201ca\u011f\u0131ll\u0131 k\u0259nd\u201d konsepsiyalar\u0131n\u0131n realla\u015fd\u0131r\u0131lmas\u0131 n\u0259z\u0259rd\u0259 tutulur. Haz\u0131rk\u0131 pandemiya \u015f\u0259raitind\u0259 d\u00fcnya iqtisadiyyat\u0131nda b\u00f6y\u00fck probleml\u0259rin yarand\u0131\u011f\u0131 bir d\u00f6vrd\u0259 Az\u0259rbaycan Prezidentinin bu t\u0259\u015f\u0259bb\u00fcs\u00fc bir daha d\u00f6vl\u0259timizin g\u00fcc\u00fcn\u00fc v\u0259 q\u00fcdr\u0259tini n\u00fcmayi\u015f etdirir. \u0130n\u015fa edil\u0259c\u0259k 200 evd\u0259n ibar\u0259t k\u0259ndin enerjiy\u0259 olan t\u0259l\u0259bat\u0131 yaln\u0131z alternativ enerji m\u0259nb\u0259l\u0259rind\u0259n \u0259ld\u0259 olunacaq.
\nD\u00f6vl\u0259timizin ba\u015fc\u0131s\u0131 g\u00f6r\u00fcl\u0259c\u0259k i\u015fl\u0259rl\u0259 ba\u011fl\u0131 tap\u015f\u0131r\u0131q v\u0259 g\u00f6st\u0259ri\u015fl\u0259rini verdi.
\nDaha sonra \u00f6lk\u0259 r\u0259hb\u0259ri, birinci xan\u0131m v\u0259 q\u0131zlar\u0131 Leyla La\u00e7\u0131n rayonuna yola d\u00fc\u015fd\u00fcl\u0259r.
\nYol boyunca Qubadl\u0131 rayonunun i\u015f\u011faldan azad edil\u0259n k\u0259ndl\u0259ri bar\u0259d\u0259 Prezident \u0130lham \u018fliyev \u0259trafl\u0131 dan\u0131\u015fd\u0131:
\nPrezident v\u0259 ail\u0259 \u00fczv\u00fcl\u0259ri La\u00e7\u0131n rayonunun \u0259razisin\u0259 \u00e7atanda dedi:
\n\u2013 Bura art\u0131q La\u00e7\u0131n rayonunun \u0259razisidir. Bu, H\u0259k\u0259ri \u00e7ay\u0131d\u0131r. G\u00f6r\u00fcn, n\u0259 g\u00f6z\u0259l \u00e7ayd\u0131r! \u00c7ay\u0131m\u0131z\u0131 da d\u00fc\u015fm\u0259n istismar etmi\u015fdir, t\u0259bi\u0259timizi d\u0259 istismar etmi\u015fdir. Biz buna son qoyduq, d\u00fc\u015fm\u0259ni r\u0259dd etdik.
\nPrezident, Silahl\u0131 Q\u00fcvv\u0259l\u0259rin M\u00fcz\u0259ff\u0259r Ali Ba\u015f Komandan\u0131 \u0130lham \u018fliyev G\u00fcl\u0259bird k\u0259ndind\u0259 Az\u0259rbaycan bayra\u011f\u0131n\u0131 qald\u0131rd\u0131 v\u0259 \u00e7\u0131x\u0131\u015f etdi.
\n-Bizim planlar\u0131m\u0131z bundan ibar\u0259tdir. K\u0259lb\u0259c\u0259r v\u0259 La\u00e7\u0131n rayonlar\u0131nda k\u00fcl\u0259k enerjisinin \u00e7ox b\u00f6y\u00fck potensial\u0131 var. Z\u0259ngilan, C\u0259bray\u0131l rayonlar\u0131nda daha \u00e7ox G\u00fcn\u0259\u015f enerjisinin b\u00f6y\u00fck potensial\u0131 var. Art\u0131q ilkin t\u0259dqiqatlar apar\u0131l\u0131b v\u0259 bel\u0259likl\u0259, biz enerji generasiya g\u00fccl\u0259rimizi, \u00f6t\u00fcr\u00fcc\u00fc x\u0259tl\u0259rimizi yenid\u0259n quraraq Qaraba\u011f\u0131 \u201cya\u015f\u0131l enerji\u201d zonas\u0131na \u00e7evir\u0259c\u0259yik.
\nQeyd olundu ki, bizim b\u00f6y\u00fck planlar\u0131m\u0131z var. Biz b\u0259rpa i\u015fl\u0259rin\u0259 start verdik. \u00c7al\u0131\u015faca\u011f\u0131q ki, minalardan t\u0259mizl\u0259m\u0259 i\u015fl\u0259ri q\u0131sa m\u00fcdd\u0259t \u0259rzind\u0259 ba\u015fa \u00e7ats\u0131n, d\u0259ymi\u015f ziyan\u0131n qiym\u0259tl\u0259ndirilm\u0259si apar\u0131ls\u0131n v\u0259 bununla paralel olaraq, art\u0131q infrastruktur layih\u0259l\u0259rin\u0259 start verildi. Bu g\u00fcn Horadizd\u0259 Horadiz-Z\u0259ngilan-A\u011fb\u0259nd d\u0259mir yolunun t\u0259m\u0259l da\u015f\u0131 qoyuldu. Bu d\u0259mir yolunun \u00e7ox b\u00f6y\u00fck strateji \u0259h\u0259miyy\u0259ti var. \u0130lk n\u00f6vb\u0259d\u0259 ona g\u00f6r\u0259 ki, bu d\u0259mir yolu azad edilmi\u015f torpaqlara h\u0259m v\u0259t\u0259nda\u015flar\u0131n g\u0259lm\u0259si, h\u0259m d\u0259 y\u00fckl\u0259rin da\u015f\u0131nmas\u0131 \u00fc\u00e7\u00fcn b\u00f6y\u00fck \u0259h\u0259miyy\u0259t\u0259 malik olacaq. Dig\u0259r t\u0259r\u0259fd\u0259n, bu d\u0259mir yolu Nax\u00e7\u0131vana ged\u0259c\u0259k. Noyabr\u0131n 10-da imzalanm\u0131\u015f Birg\u0259 B\u0259yanatda Nax\u00e7\u0131van d\u0259hlizinin yarad\u0131lmas\u0131 il\u0259 ba\u011fl\u0131 x\u00fcsusi m\u00fcdd\u0259a var. Art\u0131q bu i\u015fl\u0259r\u0259 start verildi. Bizim t\u0259\u015f\u0259bb\u00fcs\u00fcm\u00fczl\u0259 h\u0259yata ke\u00e7iril\u0259n bu layih\u0259, \u0259min\u0259m ki, icra edil\u0259c\u0259k. Uzun fasil\u0259d\u0259n sonra Az\u0259rbaycan v\u0259 onun ayr\u0131lmaz hiss\u0259si olan Nax\u00e7\u0131van Muxtar Respublikas\u0131 d\u0259mir yolu il\u0259 bir-birin\u0259 ba\u011flanacaq v\u0259 bel\u0259likl\u0259, bizim h\u0259m strateji, h\u0259m iqtisadi, h\u0259m d\u0259 siyasi m\u0259qs\u0259dl\u0259rimiz h\u0259yata ke\u00e7iril\u0259c\u0259k.
\nV\u0259t\u0259n m\u00fcharib\u0259sinin \u00e7ox\u015fax\u0259li \u0259h\u0259miyy\u0259ti bundan ibar\u0259tdir – biz h\u0259m do\u011fma torpaqlar\u0131m\u0131z\u0131 i\u015f\u011fal\u00e7\u0131lardan azad etdik, d\u00fc\u015fm\u0259ni torpaqlar\u0131m\u0131zdan qovduq, h\u0259m d\u0259 \u00f6lk\u0259mizin \u0259razi b\u00fct\u00f6vl\u00fcy\u00fcn\u00fc b\u0259rpa etdik. B\u00fct\u00fcn d\u00fcnyaya xalq\u0131m\u0131z\u0131n, d\u00f6vl\u0259timizin q\u00fcdr\u0259tini g\u00f6st\u0259rdik, xalq\u0131m\u0131z\u0131n \u0259yilm\u0259z ruhunu g\u00f6st\u0259rdik. Eyni zamanda, \u00f6lk\u0259mizin g\u0259l\u0259c\u0259yi il\u0259 ba\u011fl\u0131 strateji h\u0259d\u0259fl\u0259r\u0259 \u00e7atmaq \u00fc\u00e7\u00fcn \u0259m\u0259li add\u0131mlar ataraq \u00f6n\u0259mli s\u0259n\u0259dl\u0259ri imzalad\u0131q. Noyabr\u0131n 10-da imzalanm\u0131\u015f Birg\u0259 B\u0259yanat, \u0259lb\u0259tt\u0259 ki, La\u00e7\u0131n, K\u0259lb\u0259c\u0259r v\u0259 A\u011fdam rayonunun qaytar\u0131lmas\u0131n\u0131 t\u0259min etdi, bir g\u00fcll\u0259 atmadan biz bu torpaqlara qay\u0131td\u0131q. Eyni zamanda, Az\u0259rbaycan\u0131n onun ayr\u0131lmaz hiss\u0259si olan Nax\u00e7\u0131vanla birl\u0259\u015fm\u0259si d\u0259 m\u0259hz o B\u0259yanatda t\u0259sbit olunur. H\u0259m\u00e7inin bu d\u0259mir yolu infrastrukturu T\u00fcrkiy\u0259y\u0259 q\u0259d\u0259r uzanacaq v\u0259 bel\u0259likl\u0259 Az\u0259rbaycan\u0131 T\u00fcrkiy\u0259 il\u0259 birl\u0259\u015fdir\u0259n ikinci d\u0259mir yolu \u015f\u0259b\u0259k\u0259si yarad\u0131lacaqd\u0131r. Biz \u00fc\u00e7 il yar\u0131m bundan \u0259vv\u0259l Bak\u0131-Tbilisi-Qars d\u0259mir yolunu istismara verdik. Bu da tarixi nailiyy\u0259t idi. Tarixd\u0259 ilk d\u0259f\u0259 biz Az\u0259rbaycan\u0131 v\u0259 T\u00fcrkiy\u0259ni d\u0259mir yolu il\u0259 birl\u0259\u015fdirdik. \u0130ndi is\u0259 ikinci d\u0259mir yolu \u00e7\u0259kil\u0259c\u0259k v\u0259 eyni zamanda, bu yoldan b\u00fct\u00fcn b\u00f6lg\u0259 \u00f6lk\u0259l\u0259ri istifad\u0259 ed\u0259 bil\u0259rl\u0259r. B\u00f6lg\u0259 \u00f6lk\u0259l\u0259ri bu yolun tikintisin\u0259 d\u0259 b\u00f6y\u00fck maraqla yana\u015f\u0131rlar. Dem\u0259k olar ki, bizim b\u00f6lg\u0259mizd\u0259 yerl\u0259\u015f\u0259n \u00f6lk\u0259l\u0259r bu layih\u0259y\u0259 \u00f6z m\u00fcsb\u0259t qiym\u0259tini vermi\u015fl\u0259r.
\nBiz t\u0259klif etmi\u015fdik ki, b\u00f6lg\u0259mizin uzunm\u00fcdd\u0259tli inki\u015faf\u0131, sabitliyin t\u0259min edilm\u0259si v\u0259 m\u00fcharib\u0259 riskl\u0259rinin s\u0131fra endirilm\u0259si \u00fc\u00e7\u00fcn b\u00f6lg\u0259d\u0259 n\u0259qliyyat layih\u0259l\u0259rinin x\u00fcsusi rolu vard\u0131r v\u0259 burada i\u015ftirak ed\u0259n b\u00fct\u00fcn \u00f6lk\u0259l\u0259r ancaq xeyir g\u00f6t\u00fcr\u0259c\u0259k, fayda g\u00f6t\u00fcr\u0259c\u0259k. Eyni zamanda, Rusiyadan Erm\u0259nistana d\u0259mir yolu x\u0259tti a\u00e7\u0131la bil\u0259r. Bu x\u0259tt yaln\u0131z Az\u0259rbaycan \u0259razisind\u0259n ke\u00e7\u0259 bil\u0259r. H\u0259m\u00e7inin Rusiya il\u0259 \u0130ran aras\u0131nda Nax\u00e7\u0131van \u0259razisi il\u0259 d\u0259mir yolu ba\u011flant\u0131s\u0131 olacaq. \u0130ran il\u0259 Erm\u0259nistan aras\u0131nda d\u0259mir yolu ba\u011flant\u0131s\u0131 olacaq. T\u00fcrkiy\u0259 il\u0259 Rusiya aras\u0131nda d\u0259mir yolu ba\u011flant\u0131s\u0131 olacaq. Y\u0259ni, b\u00fct\u00fcn b\u00f6lg\u0259 \u00f6lk\u0259l\u0259ri bundan ancaq xeyir g\u00f6r\u0259c\u0259kl\u0259r.
\nOnu da bildirm\u0259liy\u0259m ki, Bak\u0131-Tbilisi-Qars d\u0259mir yolunun istismara verilm\u0259si n\u0259tic\u0259sind\u0259 art\u0131q Rusiya il\u0259 T\u00fcrkiy\u0259 aras\u0131nda bu d\u0259mir yolundan istifad\u0259 ed\u0259r\u0259k y\u00fckl\u0259r da\u015f\u0131nma\u011fa ba\u015flam\u0131\u015fd\u0131r. G\u00f6r\u00fcn, biz n\u0259 q\u0259d\u0259r b\u00f6y\u00fck uzaqg\u00f6r\u0259nlik g\u00f6st\u0259rmi\u015fdik, b\u00f6y\u00fck irad\u0259 g\u00f6st\u0259rmi\u015fdik. Eyni zamanda, maliyy\u0259 resurslar\u0131n\u0131 s\u0259f\u0259rb\u0259r etmi\u015fdik v\u0259 bu d\u0259mir yollar\u0131 ba\u011flant\u0131lar\u0131n\u0131 biz t\u0259min edirik. Bu, \u00f6lk\u0259miz \u00fc\u00e7\u00fcn laz\u0131md\u0131r. \u00c7\u00fcnki bu, \u00f6lk\u0259mizin geosiyasi \u0259h\u0259miyy\u0259tini art\u0131r\u0131r, iqtisadi g\u00fcc\u00fcn\u00fc art\u0131r\u0131r. \u00c7\u00fcnki biz etibarl\u0131 tranzit \u00f6lk\u0259si kimi bundan b\u00f6y\u00fck maliyy\u0259 g\u0259liri \u0259ld\u0259 ed\u0259c\u0259yik, eyni zamanda, b\u00f6lg\u0259d\u0259 sabitliyin v\u0259 s\u00fclh\u00fcn t\u0259min edilm\u0259si \u00fc\u00e7\u00fcn d\u0259 bunun \u00e7ox b\u00f6y\u00fck \u0259h\u0259miyy\u0259ti var.
\nBu, eyni zamanda, ona g\u00f6r\u0259 \u00f6n\u0259mlidir ki, bu g\u00fcn d\u0259 Erm\u0259nistanda revan\u015fist q\u00fcvv\u0259l\u0259r ba\u015f qald\u0131rma\u011fa \u00e7al\u0131\u015f\u0131r. Az\u0259rbaycan\u0131 n\u00f6vb\u0259ti t\u0259xribatlarla, n\u00f6vb\u0259ti m\u00fcharib\u0259 il\u0259 h\u0259d\u0259l\u0259m\u0259y\u0259 \u00e7al\u0131\u015f\u0131rlar. Onlar anlamal\u0131d\u0131rlar ki, biz h\u0259r \u015fey\u0259 diqq\u0259t yetiririk, h\u0259r \u015fey\u0259 n\u0259zar\u0259t edirik v\u0259 he\u00e7 vaxt imkan ver\u0259 bilm\u0259rik ki, erm\u0259ni fa\u015fizmi bir daha ba\u015f\u0131n\u0131 qald\u0131rs\u0131n. \u018ffsuslar olsun ki, Erm\u0259nistan\u0131n v\u0259 onun b\u0259zi xarici havadarlar\u0131n\u0131n m\u00f6vqeyi ondan ibar\u0259t idi ki, be\u015f rayon Az\u0259rbaycana qaytar\u0131ls\u0131n, Az\u0259rbaycan bununla kifay\u0259tl\u0259nsin v\u0259 Da\u011fl\u0131q Qaraba\u011fa n\u0259 vaxtsa m\u00fcst\u0259qillik verilsin, K\u0259lb\u0259c\u0259r v\u0259 La\u00e7\u0131n rayonlar\u0131 Erm\u0259nistan\u0131n \u0259b\u0259di n\u0259zar\u0259ti alt\u0131nda qals\u0131n. M\u0259n bu t\u0259klifi r\u0259dd etdim.
\nLa\u00e7\u0131n rayonu \u015eu\u015fadan sonra i\u015f\u011fala m\u0259ruz qalm\u0131\u015f ikinci rayondur. La\u00e7\u0131n rayonunun i\u015f\u011fal alt\u0131na d\u00fc\u015fm\u0259si faktiki olaraq Erm\u0259nistanla Da\u011fl\u0131q Qaraba\u011f aras\u0131nda co\u011frafi ba\u011flant\u0131 yaratm\u0131\u015fd\u0131r. Halbuki sovet vaxt\u0131nda bu ba\u011flant\u0131 yox idi. 1992-ci il may\u0131n 8-d\u0259 \u015eu\u015fan\u0131n i\u015f\u011fal\u0131ndan 10 g\u00fcn ke\u00e7\u0259nd\u0259n sonra La\u00e7\u0131n rayonu i\u015f\u011fal alt\u0131na d\u00fc\u015fd\u00fc. La\u00e7\u0131n rayonunu satanlar, \u015eu\u015fan\u0131 satanlar eyni adamlard\u0131r. M\u0259n bunu demi\u015f\u0259m. Bir daha dem\u0259k ist\u0259yir\u0259m ki, Az\u0259rbaycan xalq\u0131 bunu bilsin v\u0259 he\u00e7 vaxt unutmas\u0131n. AXC-M\u00fcsavat m\u0259nfur c\u00fctl\u00fcy\u00fc hakimiyy\u0259t\u0259 g\u0259lm\u0259k \u00fc\u00e7\u00fcn bu torpaqlar\u0131 d\u00fc\u015fm\u0259n\u0259 sat\u0131b. O vaxt hakimiyy\u0259ti y\u0131xmaq \u00fc\u00e7\u00fcn Bak\u0131da mitinql\u0259r t\u0259\u015fkil edirdil\u0259r, \u00e7axna\u015fma t\u0259\u015fkil edirdil\u0259r, hakimiyy\u0259t\u0259 g\u0259lm\u0259k \u00fc\u00e7\u00fcn ist\u0259nil\u0259n satq\u0131nl\u0131\u011fa haz\u0131r idil\u0259r v\u0259 bu satq\u0131nl\u0131\u011f\u0131 etdil\u0259r. \u015eu\u015fan\u0131 bo\u015faltd\u0131lar. Halbuki onlar\u0131n n\u0259zar\u0259ti alt\u0131nda q\u00fcvv\u0259l\u0259r var idi. \u015eu\u015fa erm\u0259nil\u0259r oraya gir\u0259nd\u0259, faktiki olaraq, bo\u015f idi. \u015eu\u015fan\u0131 he\u00e7 kim m\u00fcdafi\u0259 etmirdi. Sonra La\u00e7\u0131n rayonunu da satd\u0131lar v\u0259 ondan sonra he\u00e7 bir ay ke\u00e7m\u0259mi\u015f hakimiyy\u0259t\u0259 g\u0259ldil\u0259r. AXC-M\u00fcsavat c\u00fctl\u00fcy\u00fc bu satq\u0131nl\u0131\u011f\u0131, bu x\u0259yan\u0259ti edib, bu cinay\u0259ti t\u00f6r\u0259dib. 1993-c\u00fc ilin aprelind\u0259 K\u0259lb\u0259c\u0259r d\u0259 i\u015f\u011fal alt\u0131na d\u00fc\u015f\u0259nd\u0259n sonra qorxaqcas\u0131na qa\u00e7\u0131b gizl\u0259nib, f\u0259rarilik edib. Az\u0259rbaycan xalq\u0131 bunu he\u00e7 vaxt unutmamal\u0131d\u0131r, bu satq\u0131nlar\u0131, bu xainl\u0259ri, bu d\u00fc\u015fm\u0259nl\u0259ri unutmamal\u0131d\u0131r! Bizim Q\u0259l\u0259b\u0259miz tarixi Q\u0259l\u0259b\u0259dir. Biz tarixi \u0259dal\u0259ti b\u0259rpa etdik. Biz \u00f6z haqlar\u0131m\u0131z\u0131 b\u0259rpa etdik, biz \u015f\u0259hidl\u0259rimizin qan\u0131n\u0131 ald\u0131q, biz d\u00fc\u015fm\u0259nd\u0259n qisas ald\u0131q v\u0259 qay\u0131tm\u0131\u015f\u0131q. M\u0259n demi\u015f\u0259m, biz bu b\u00f6lg\u0259ni – Qaraba\u011f\u0131 c\u0259nn\u0259t\u0259 \u00e7evir\u0259c\u0259yik.
\nSonra Prezident \u0130lham \u018fliyev H\u0259k\u0259ri \u00e7ay\u0131 \u00fcz\u0259rind\u0259 yerl\u0259\u015f\u0259n 8 meqavat g\u00fcc\u00fcnd\u0259 \u201cG\u00fcl\u0259bird\u201d Su Elektrik Stansiyas\u0131n\u0131n a\u00e7\u0131l\u0131\u015f\u0131nda i\u015ftirak etdi.
\nSonra d\u00f6vl\u0259timizin ba\u015f\u00e7\u0131s\u0131, birinci xan\u0131m v\u0259 q\u0131zlar\u0131 Leyla Z\u0259ngilan rayonundak\u0131 B\u0259sit\u00e7ay D\u00f6vl\u0259t T\u0259bi\u0259t Qoru\u011funun \u0259razisin\u0259 g\u0259ldil\u0259r.
\nErm\u0259ni q\u0259sbkarlar i\u015f\u011fal alt\u0131nda saxlad\u0131qlar\u0131 d\u00f6vrd\u0259 dig\u0259r \u0259razil\u0259rd\u0259 oldu\u011fu kimi, B\u0259sit\u00e7ay qoru\u011funda da ekoloji terror t\u00f6r\u0259dibl\u0259r. M\u0259nfur d\u00fc\u015fm\u0259n qoru\u011fun me\u015f\u0259lik \u0259razisinin dem\u0259k olar ki, yar\u0131s\u0131n\u0131 m\u0259hv edib, a\u011faclar\u0131n k\u00f6k\u00fcn\u00fc, odunca\u011f\u0131n\u0131 yand\u0131r\u0131b.
\nPrezident \u0130lham \u018fliyev, birinci xan\u0131m Mehriban \u018fliyeva v\u0259 q\u0131zlar\u0131 Leyla \u018fliyeva B\u0259sit\u00e7ay qoru\u011funda \u00e7inar a\u011faclar\u0131 \u0259kdil\u0259r.
\nSonra d\u00f6vl\u0259timizin ba\u015f\u00e7\u0131s\u0131, birinci xan\u0131m v\u0259 q\u0131zlar\u0131 B\u0259sit\u00e7aya bal\u0131q buraxd\u0131lar.
\nSonra d\u00f6vl\u0259timizin ba\u015f\u00e7\u0131s\u0131 \u0130lham \u018fliyev, birinci xan\u0131m Mehriban \u018fliyeva v\u0259 q\u0131zlar\u0131 Leyla \u018fliyeva C\u0259bray\u0131l rayonunun Soltanl\u0131 k\u0259ndin\u0259 yola d\u00fc\u015fd\u00fcl\u0259r.
\nPrezident s\u00f6z\u00fcn\u0259 davam ed\u0259r\u0259k dedi:
\n-G\u00f6st\u0259ri\u015f vermi\u015fdim ki, vaxt itirm\u0259d\u0259n pay\u0131zl\u0131q \u0259kin d\u0259 apar\u0131ls\u0131n. Biz q\u0131sa m\u00fcdd\u0259t \u0259rzind\u0259 b\u00fct\u00fcn imkanlar\u0131m\u0131z\u0131, texnikan\u0131, i\u015f\u00e7i q\u00fcvv\u0259sini s\u0259f\u0259rb\u0259r etmi\u015fik v\u0259 7 min hektarda \u0259kin i\u015fl\u0259ri apar\u0131lm\u0131\u015fd\u0131r. Builki m\u00f6vs\u00fcmd\u0259 t\u0259qrib\u0259n 20-25 min hektarda \u0259kin i\u015fl\u0259ri apar\u0131lacaq. \u0130\u015f\u011fal d\u00f6vr\u00fcnd\u0259 \u0259n az\u0131 90 min hektarda tax\u0131l \u0259kilmi\u015fdi. Buna da son qoyuldu.
\nC\u0259bray\u0131l rayonunun Soltanl\u0131 k\u0259ndinin \u0259razisin\u0259 g\u0259l\u0259n Prezident \u0130lham \u018fliyev\u0259 i\u015f\u011faldan azad olunmu\u015f torpaqlarda \u0259kinl\u0259rl\u0259 ba\u011fl\u0131 g\u00f6r\u00fcl\u0259n i\u015fl\u0259r bar\u0259d\u0259 m\u0259lumat verildi.<\/p>\n","protected":false},"excerpt":{"rendered":"