1923-cü il aprelin 28-də Naxçıvan Muxtar Respublikası Şərur rayonunun Şahtaxtı kəndində anadan olmuş Zərifə Əliyeva öz həyatını səhiyyə elminin inkişafına həsr etmişdir.

Gələcək taleyini tibb elminə həsr etməyi qarşısına məqsəd qoyan Zərifə xanım 1942-ci ildə orta məktəbi bitirdikdən sonra Azərbaycan Dövlət Tibb İnstitutunun müalicə-profilaktika fakültəsinə daxil olur və 1947-ci ildə institutu əla qiymətlərlə bitirir.

1949-cu ildən başlayaraq Zərifə Əliyeva Azərbaycan Elmi Tədqiqat Göz Xəstəlikləri İnstitutunda elmi işçi kimi fəaliyyətə başlayır, 1950-ci ildə isə aspiranturaya daxil olur, praktik əməli həkim fəaliyyəti ilə yanaşı elmi axtarışlarını davam etdirir.

1960-cı ildən 1967-ci ilədək Zərifə xanım Oftalmologiya İnstitutunda böyük elmi işçi vəzifəsində çalışmışdır. 1963-cü ildə SSRİ Ali Attestasiya Komissiyası ona “Oftalmologiya” ixtisası üzrə böyük elmi işçi adı vermişdir.

XX əsrin qırxıncı illərinin sonunda Azərbaycanda gözü zədələyən və ağır nəticəyə, hətta tam korluğa səbəb olan traxoma infeksion xəstəliyi geniş yayılmışdı. Ona görə də bu infeksiya və onun ağır nəticələri ilə effektiv mübarizə təkcə oftalmologiya elmi üçün deyil, bütövlükdə respublikanın səhiyyəsi üçün mühüm əhəmiyyət daşıyırdı. Belə bir dövrdə Zərifə xanım traxoma xəstəliyinə qarşı aparılan müalicəvi və profilaktik tədbirlərin təşkilində və keçirilməsində fəal iştirak edir, Azərbaycanda traxoma xəstəliyinin daha geniş yayıldığı rayonlara gedir, həkim-oftalmoloqlara məruzələr oxuyur. Daha ətraflı »

Tərtər Rayon İcra Hakimiyyətinin başçısı Müstəqim Məmmədovun sədrliyi ilə keçirilən müşavirədə YAP Tərtər Rayon Təşkilatının sədri Eldar Əsədov, rayon icra hakimiyyəti başçısı aparatının əməkdaşları, idarə, müəssisə və təşkilat rəhbərləri, İƏD üzrə nümayəndələr, bələdiyyə sədrləri iştirak ediblər.
Müşavirədə “Yaşıl dünya naminə həmrəylik ili” ilə bağlı Tədbirlər Planının icrasının təmin edilməsi, vətəndaş müraciətlərinə müvafiq qanunvericiliyin tələblərinə uyğun olaraq operativ surətdə baxılaraq vətəndaş məmnunluğunun təmin olunması, şəhid və qazi ailələrinin problem və sosial qayğılarının öyrənilib həlli istiqamətində mü-vafiq tədbirlərin görülməsi, İƏD üzrə nümayəndələr tərəfindən vergilərin yığılmasına köməklik göstərilməsi, əhali arasında daşınmaz əmlaklarının sığortalanması üçün maariflənmə işlərinin aparılması, şöbələr üzrə verilmiş tapşırıqların icra vəziyyəti, yerlərdə səyyar qəbulların təşkili, rayon ərazisində aparılan tikinti işlərinin mövcud qanunvericiliyin və şəhərsalma-arxitektura tələblərinə uyğun təmin edilməsi, aqrar sahədə aparılan mövsümi işlər, növbəti pambıq əkini üçün fermerlərlə bağlanmış müqavilələrin vəziyyəti, barama saxlanılacaq kümxanaların hazır vəziyyətə gətirilməsi, fermerlərin əkinlərini bəyan etmə prosesinə cəlb olunması, Tərtər şəhərində, o cümlədən bütün yaşayış məntəqələrində, yolkənarı ərazilərdə təmizlik-abadlıq işlərinin aparılması məsələləri müzakirə olunub.
Müzakirə olunan məsələlər barədə başçının birinci müavini Elvin Umudov, YAP Tərtər Rayon Təşkilatının sədri Eldar Əsədov, Tərtər Dövlət Aqrar İnkişaf Mərkəzinin direktoru Mehman Babayev, rayon Statistika İdarəsinin rəisi Ədalət Məmmədov və “MKT İstehsalat Kommersiya” MMC-nin Tərtər filialının direktor müavini Elmir Mustafayev çıxış ediblər. Daha ətraflı »

Böyüməkdə olan nəslin fiziki inkişafına daha çox fikir verilməli, bədən tərbiyəsinin tədrisi yaxşılaşdırılmalı, hər bir məktəbdə səmərəli idman məşğələləri üçün şərait yaradılmalı, uşaqlar fiziki cəhətdən hər vasitə ilə möhkəmləndirilməli, onların sağlamlığına qayğı göstərilməlidir.
                                                                           Heydər Əliyev, Ümummilli Lider

Xalqını, vətənini, torpağını sonsuz məhəbbətlə sevən, bütün həyatını Azərbaycanın inkişafına, tərəqqisinə həsr edən, müasir Azərbaycanın müəllifi olan Heydər Əliyev hakimiyyətdə olduğu bütün dövrlərdə ölkəmizin daha da çiçəklənməsinə, beynəlxalq aləmdə tanınmasına, dövlətçiliyimizin möhkəmlənməsinə, milli-mənəvi dəyərlərimizin qorunub saxlanmasına, bütün sahələrlə yanaşı bədən tərbiyəsi və idmanımızın inkişaf etdirilməsinə çalışmış, uzaqgörən siyasəti nəticəsində ölkəmiz cəmiyyət həyatının bütün sahələrində böyük uğurlar əldə etmişdir.
Taleyinin sahibi olmaq, müstəqil dövlətini qurmaq hər bir xalqın ən böyük arzusudur. Ona görə müstəqillik həm ayrıca bir vətəndaş üçün, həm də bütöv xalqlar, millətlər üçün ən müqəddəs və ən şirin nemətdir. Bu neməti əldə etmək, müstəqillik arzusuna qovuşmaq nə qədər çətindirsə, onu qoruyub saxlamaq ondan da mürəkkəbdir. Bunu yola saldığımız son 30 il bir daha sübuta yetirdi. Bu illər ərzində biz azadlığımız, müstəqilliyimiz və torpaqlarımızın bütövlüyü uğrunda apardığımız mübarizədə çətinliklərdən keçdik, minlərlə şəhidlər verdik, əvəzində müstəqilliyimizi şərəflə qoruduq, Böyük Zəfərə nail olduq. Respublikamızda bədən tərbiyəsi və idmanın inkişafında Ümummilli Liderimiz Heydər Əliyevin xidmətləri əvəzsizdir. Gəncləri idman vasitəsilə layiqli Azərbaycan vətəndaşları kimi yetişdirmək, kütləvi bədən tərbiyəsi vasitəsilə xalqın fiziki hazırlığına, sağlamlığına nail olmaq, peşəkar idmançıların uğur-lu çıxışına kömək edib onların gücü ilə Azərbaycanı dünyaya tanıtdırmaq Ümummilli Liderimiz Heydər Əliyevin başlıca amalı, həyat kodeksi idi. “Ən qədim zamanlardan belə Vətənin düşmənlərdən qorunması məqsədilə Azərbaycanda güclü pəhləvanlar hazırlanmış, onlar öz şücaəti və cəsarəti ilə ölkəmizə şan-şöhrət gətirmişlər. Daha ətraflı »

Azərbaycan Silahlı Qüvvələrinin giziri, 2016-cı ilin Aprel hadisələrində Fizuli istiqamətində gedən döyüşlərdə şəhid olmuş Nicat Bəhruz oğlu İsgəndərovun şəhadətə yüksəlməsinin 8-ci ildönümüdür.
Bu münasibətlə şəhidin böyüyüb boya-başa çatdığı evin qarşısında təşkil olunmuş tədbirdə Tərtər Rayon İcra Hakimiyyətinin başçısı Müs-təqim Məmmədov, rayon polis şöbəsinin rəis müavini, mayor Samir Bayramov, Vətən Müharibəsi Qəhrəmanı Azər Abdullazadə, Qafqaz Müsəlmanları İdarəsinin səlahiyyətli nümayəndəsi, Tərtər Cümə məscidinin imamı Sadiq Cəfərov, şəhid ailələri, qazilər, veteranlar, ictimaiyyət nümayəndələri və məktəblilər iştirak ediblər.
Tədbirdə çıxış edən Tərtər Rayon İcra Hakimiyyətinin başçısı Müstəqim Məmmədov işğal olunmuş Qarabağ torpaqlarının azad olunması uğrunda zaman-zaman canından keçmiş Nicat kimi igid oğulların döyüş yolundan, Ali Baş Komandan cənab İlham Əliyevin komandanlığı altında 44 günlük Vətən müharibəsində qazanılan şanlı qələbədən, ötən ilin sentyabr ayının 19-da aparılan lokal xarakterli antiterror əməliyyatlarından danışıb, ölkə rəhbərinin, Birinci vitse-prezident Mehriban xanım Əliyevanın şəhid ailələrinə və qazlərə göstərdiyi diqqət və qayğını dilə gətirib. Nicat kimi oğul böyütdükləri üçün valideynlərinə təşəkkür edib, şəhid analarının qarşısında baş əydiyini bildirib. Daha ətraflı »

Tərtər Rayon İcra Hakimiyyətinin başçısı Müstəqim Məmmədov YAP Rayon Təşkilatının sədri Eldar Əsədovla birlikdə birinci Qarabağ müharibəsi şəhidi Vüqar Əkbərovun anası Səmayə Əkbərovanı 85 illik yubileyi münasibəti ilə təbrik edərək ona səmimi arzularını çatdırıb. İcra başçısı bütün şəhid valideynlərinin baş tacımız olduğunu bildirib. Şəhid anasına rayon icra hakimiyyəti tərəfindən təşəkkürnamə və gül dəstəsi təqdim edib, ailənin qayğıları ilə maraqlanıb.
Qeyd edək ki, birinci Qarabağ müharibəsi şəhidi Əkbərov Vüqar Əsgər oğlu 1971-ci ildə Tərtər rayonunun Qaynaq kəndində anadan olub. Doğulduğu kənddə 8 illik məktəbi bitirib. Təhsilini 96 №-li Texniki Peşə Məktəbində davam etdirib. 1989-1991-ci illərdə keçmiş Sovet Ordusu sıralarında həqiqi hərbi xidmətdə olub. 1992-ci ilin sentyabr ayında Ağdərə Polis Şöbəsində işə qəbul edilib. O dövrdə Ağdərə polis şöbəsi hərbçilərlə birgə bölgədə erməni faşistlərinə qarşı döyüşmək tapşırığı almışdı. Torpaqlarımızın azad edilməsində bilavasitə iştirak etmək tapşırığı almış Ağdərə polisinin bütün əməkdaşları kimi Vüqar Əkbərov da erməni işğalçılarına qarşı döyüşlərdə iştirak edirdi. 1992-ci il dekabr ayının 14-də Ağdərə rayonunun Çıldıran kəndinin azadlığı uğrunda gedən döyüşlərdə şəhid olub.
Subay idi. Qaynaq kənd qəbiristanlığında dəfn olunub. Daha ətraflı »

Məmur kimi heç vaxt inzibatçı olmayan yazıçı…–Zahid İsmayılov

                                                                       Başı dumanlar-çənlər içində…
Milli Mətbuatımızın unudulan qələm sahiblərindən biri, Kəlbəcərin ağır günlərində ömrünü girov qoyan Zahid İsmayılovu daha çox söz adamı, qələm sahibi kimi tanıdıq, lakin, təəssüf ki… yada salmadıq…
Adı fəxrlə çəkilənlər şəxsiyyət kimi zaman-zaman yetişirlər. Onlar bu səviyyəyə çatmaq üçün həyatın çox sınaqlarından keçirlər. İnsan üçün ən böyük sınaq isə vətənpərvərlikdən başlanan yoldur. Bu, elə bir yoldur ki, onun məsafə ölçüsü yoxdur, sonu isə görünmür, uzandıqca-uzanır, bir sözlə, əməlisalehlər üçün cənnət son dayanacaq olur. Bu səbəbdən deyirlər ki, Vətən yolunda şəhid olanlar, yol çəkdirib, körp ü salanlar, su çəkdirənlər də dərs verən, elm öyrədən müəllimlər kimi, cənnətməkan olurlar.
Ta qədimdən xalqımızın belə ziyalıları çox olub və bu gün də həmin ənənə davam edir. Tikib-quranlar, yazıb-yaradanlar, elm öyrədənlər həyatda iz qoyub gedirlər, onların yerini isə gənc nəsillər tutur.
Şəxslərin şəxsiyyət kimi yetişməsində müxtəlif amillər rol oynayır ki, onlardan biri də doğulduğu məkan, tərbiyə aldığı ailə və ictimai mühitdir.
Tarixi şəxsiyyətlər yetişdirən el-obalarımız dünən də olub, bu gün də var. Onların yetişməsində ailə, cəmiyyət əsas rol oynasa da, ilk qədəm basdıqları məktəb, dərs aldıqları müəllimlər unudulmayıblar. Çünki buna onların mənəvi haqları olub.

                                                                Ömrünü jurnalistikaya bağlasa da…
Belə şəxsiyyətlərdən bi-ri də vaxtilə ucqar dağ rayonu kimi gözdən-könüldən uzaq düşmüş, 30 ilə yaxındır ki, erməni vandallarının əsarətində inləyən Kəlbəcərdə dünyaya göz açıb, respublikada tanındı, sayılıb-seçildi. Əslində, bilmirsən ki, onun yaradıcı insan olmasından, yoxsa məmur kimi üzərinə düşən vəzifə borcunu layiqincə yerinə yetirməsindən və elə bu yolda da ömrünü şam kimi əridib dağlarda dumanda-çəndə qalmasından söz açasan. Hər iki halda yazılası, deyiləsi çoxsaylı faktlar var. Daha ətraflı »

Həyatı seviriksə, yaşıllığı artırmalıyıq

Məlum olduğu kimi, bu il Azərbaycanda Birləşmiş Millətlər Təşkilatının İqlim Dəyişikliyi Konfransı Tədbirlər Konvensiyasının 29-cu sessiyası (COP29) kimi mötəbər bir tədbir keçiriləcək. Bu məqsədlə Azərbaycanın hər bir guşəsində “Təmiz şəhər”, “Təmiz kənd” uğrunda kampaniyalar həyata keçirilir, küçələrdə, həyətlərdə təmizlik işləri aparılır, yol kənarlarında, ərazilərdə yeni ağaclar əkilir.
Məqsəd dünyanın üz-üzə qaldığı ətraf mühitin çirklənməsi və iqlim dəyişiklikliyinin yaratdığı problemlərin həllinə kömək etməkdir. Təsadüfi deyil ki, Prezident İlham Əliyev tərəfindən təsdiq edilmiş “Azərbaycan 2030: sosial-iqtisadi inkişafa dair Milli Prioritetlər”də 5-ci prioritet “Təmiz ətraf mühit və “yaşıl artım” ölkəsi adlanır.
Tərtər rayonunun sakinləri də ekologiyamızın saflaşdırılması naminə görülən işlərə elliklə qoşulublar.

Tərtər-Hindarx avtomobil yolunun Qaraağacı kəndi ərazisindən keçən hissəsində ağacəkmə aksiyası keçirilib.
Aksiyada Tərtər Rayon İcra Hakimiyyətinin başçısı Müstəqim Məmmədov, YAP rayon təşkilatının sədri Eldar Əsədov, Ekologiya və Təbii Sərvətlər Nazirliyinin 9 saylı Ekologiya və Təbii Sərvətlər İdarəsinin, 9 nömrəli Avtomobil Yollarının Yaşıllaşdırılması MMC-nin əməkdaşları, qazilər, veteranlar, idarə, müəssisə, təşkilatların kollektivləri, İƏD üzrə nüma-yəndələr, bələdiyyələr, konüllülər və ictimaiyyət nümayəndələri iştirak ediblər.
Aksiyada iştirak edən Tərtər Rayon İcra Hakimiyyətinin başçısı Müstəqim Məmmədov bildirib ki, aksiyanın keçirilməsində məqsəd ekoloji vəziyyətin sağlamlaşdırılması, cəmiyyətdə ekoloji mədəniyyəti və təbiətə qayğını təbliğ etmək ənənələrini davam etdirmək, ağac əkilməsini və yaşıllıqların çoxaldılmasını təşviq edərək ətraf mühitin qorunmasına töhfə verməkdən ibarətdir. Daha ətraflı »

Təqdimetmə mərasimində Tərtər Rayon İcra Hakimiyyəti başçısının birinci müavini Elvin Umudov, YAP Rayon Təşkilatının sədri Eldar Əsədov və Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəis vəzifəsini icra edən Pərviz Hüseynov iştirak ediblər.
Əvvəlcə Ümummilli Lider Heydər Əliyevin və dövlətimizin ərazi bütövlüyü uğrunda həlak olan şəhidlərin xatirəsi bir dəqiqəlik sükutla anılıb.
Sonra rayon icra hakimiyyəti başçısının birinci müavini Elvin Umudov çıxış edərək bildirib ki, dövlətimiz hər zaman şəhid ailələri və veteranlara yüksək diqqət və qayğı göstərir. Veteranlar da hər zaman olduğu kimi bundan sonra da dövlətimizin və xalqımızın yanında olacaq.
YAP rayon Təşkilatının sədri Eldar Əsədov və Səfərbərlik və Hərbi Xid-mətə Çağırış üzrə Dövlət Xidmətinin rayon şöbəsinin rəis vəzifəsini icra edən Pərviz Hüseynov çıxış edərək veteranların xalqımız və dövlətimiz qarşısındakı tarixi xidmətindən danışıb, eləcə də hazırda onlar qarşısında dayanan vəzifələrə diqqət çəkiblər. Veteranların gənc nəsil üçün örnək olduğunu, onların İkinci Qarabağ müharibəsində göstərdiyi tarixi qəhrəmanlıqların heç vaxt unudulmayacağını vurğulayıblar. Daha ətraflı »

Rayon rəhbərinin yerlərdə keçirdiyi səyyar-qəbul görüşlər artıq ənənə halını alıb. Belə görüşlər zamanı kəndlərin sosial-iqtisadi inkişafı, təhsil sahəsində vəziyyət daha yaxından öyrənilməklə yanaşı, həm də ayrı-ayrı vətəndaşları narahat edən məsələlər üzə çıxır, onların operativ həlli üçün tədbirlər görülür.
Bu günlərdə Qazyan kəndində keçirilən belə görüşlərin birində kənd sakini Ədalət Ələkbərov müraciət edərək, suvarma arxı təmizlənən zaman tullantıların onun həyətyanı torpaq sahəsinə töküldüyünü bildirib. Rayon İcra Hakimiyyəti başçısının tapşırığına əsasən, rayon Suvarma Sistemləri İdarəsi tərəfindən tullantılar xüsusi texnikalar vasitəsilə ərazidən təmizlənərək daşınıb.

“Yeni Tərtər”

    Əziz “Yeni Tərtər”in kollektivi!

Sizi çalışdığınız qəzetin 90 illik yubileyi münasibəti ilə səmimi qəlbdən təbrik edir, uzun ömür, cansağlığı, yeni-yeni yaradıcılıq uğurları arzulayıram.

“Qəzet ictimai-siyasi həyatın güzgüsüdür,“ – deyirlər. Zaman-zaman rayon qəzeti də Tərtərin ictimai-siyasi həyatını işıqlandırıb, onun səhifələrində oxucular öz maraq dairəsinə uyğun yazılar görüb, oxuyub, yaddaşına həkk edib.

Bu gün informasiya bolluğudur. Onlarla saytlar fəaliyyət göstərir. Bu qədər informasiya bolluğunda “Yeni Tətrər” yenə də öz aktuallığını qoruyub saxlayır. Sözsüz, maddi çətinliklər istisna deyil. Ancaq qəzetimizi susmağa qoymur, onu yaşatmaq  üçün əlimizdən gələni əsigəmirik.

“Yeni Tərtər” qəzetinin 90 yaşı  tamam olur. Uzun illər ərzində bu mətbu orqan rayonumuzun tarixinin öyrənilməsində, təhsil, mədəniyyət və kənd təsərrüfatının inkişafında mühüm xidmətlər göstərib.

Müxtəlif dövrlərdə qəzet rayon sakinlərini cəmiyyətin qarşısında duran vəzifələrin yerinə yetirilməsinə səfərbər edib, düzü-düz, əyrini-əyri göstərərək, hər bir evdə,  ailədə maraqla oxunub. Daha ətraflı »