Tofiq Yusif-65
Tofiq Yusif haqqında fikir söyləmək mənim üçün çox çətindir.  O, gözəl insan, gözəl dost, gözəl şairdir.
Zəmanəmizin mənəvi dəyərlərinin ucuzlaşdığı bir şəraitdə bunların hər üçü çətindir. İnsan olub insan kimi qalmaq da, axıradək   dost kimi etibarlı olmaq da, şair olub Vətənini, Yurdunu sonsuz bir məhəbbətlə tərənnüm etmək də, onun dərdlərini çiyinlərində daşıya bilmək də çətindir.

Bilmirəm, hansı daha güclüdür onda. Deyəsən hər üçü. Həm insan, həm dost, həm də şair kimi bənzərsizdir Tofiq Yusif. Vətəninin, Yurdunun başı kimi, onun da başı müsibətlər çəkib. Bəlkə də ona görə Vətəninin dərdlərini duymaq qabiliyyətinə sahib olub. Hələ gənc yaşlarından qoynunda bəsləndiyi dağlardan uzaq düşməyi bəs deyilmiş kimi, şəxsi həyatında baş verən faciələr də dərd üstən dərd verib… Daha ətraflı »

Kəndimizə məktub

Bir əzabdır gülüşlərim,

 Mən sənsiz gülə bilmirəm

Həsrət, hicran yaşlarını

**********

Çatdırıb silə bilmirəm.

Yaşamıram, ömrüm yanır,

İnsan insanlığın danır.

Tanrı varkən haqq tapdanır,

Niyəsin bilə bilmirəm.

Daha ətraflı »

«Yeni Tərtər » qəzetinin baş redaktoru  Tofiq Yusifə

 Çox möhtərəm Tofiq müəllim!

Son illər qəlbimin və qələmimin susduğunu yaxşı bilirsiniz. İradəsiz və mətanətsiz bir insan olaraq yaradıcılıq əzablarından qaçdım. Bəsirət gözüm bağlandı, həyatda işıqlı heç nə görməyərək depressiyaya qərq oldum. İlham məndən uzaq düşdü.

Dünyada mənə ən əziz olan üç əvəzsiz neməti (dağlarımızı, meşələrimizi, kəndimizi) itirməklə bahəm bir çox inam və inanclarımın puç və əfsanə olduğunu görmək məni sarsıtdı, çilik-çilik elədi, ümidsizlik kölgəsinə çevirdi.

Vaxtilə kənddə, cavanlığın şahlıq taxtında olarkən Əli Kərimin «dərdli səhərlər» ifadəsinə çox təəccüblə baxardım. Necə yəni «dərdli səhərlər»? Səhərə də dərd yaraşarmı? Səhər yeni günün işıqlı başlanğıcıdır, sevincidir, fərəhdir, qanadlanan arzulardır. Daha ətraflı »

Televiziya ekranı və milli mentalitetimiz

«Dəyirman öz işindədir, çax-çax baş ağrıdır»

                                                    (Atalar sözü)

Hazırda televiziya ekranlarından milli mentalitetimizə vurulan ağır zərbələri ən azından bir qədər yumşaltmaq üçün yüksək səviyyələrdə, hətta Prezident adminstrasiyasının rəhbəri hörmətli Ramiz Mehtiyev tərəfindən dəfələrlə kəskin iradlar söylənilməsinə baxmayaraq, onlar yenə öz əməllərindədir, yəni «Dəyirman öz işindədir, çax-çax baş ağrıdır». Mən də dəfələrlə milli-mentalitetimizə qənim kəsilən, düşmən mövqeyindən əl çəkməyən bu üzdən iraq televiziya kanalları haqqında ciddi yazılar yazıb respublika mətubatında çap etdirmişəm. Lakin «zəhmətim özümə qalıb», heç kəs bu yazılara əhəmiyyət verməyib, yəni «cəhd çarıq yırtar» məntiqindən o yana getməyib.

Yaxşı, bəs nə edək? Oturub gözləyək ki, görək bu millimənəviyyatsızlar milli-mənəvi dəyərlərimizin axırına nə vaxt çıxacaqlar?! «söz azadlığı», «müstəqillik» anlayışlarını əllərində bayrağa çevrilib, bu qədim-qayın xalqın tarixinə ermənilərdən betər ləkə yaxan, adət-ənənələrimizə xor baxan müstəqil televiziya kanallarına hansı yolla təsir olunmalıdır ki, onlar bu nankorluğa son qoysunlar?!

«İndi bazar iqtisadiyyatıdır»–deyib, «başlı-başını saxlasın» prinsipi ilə işləyərək, Azərbaycan xalqının milli mental dəyərlərini yıxıb sürümək də düz deyil, axı! «Dədəm mənə kor deyib, hər yetəni vur deyib» düşünərək, ağına-bozuna baxmadan milli-mənəvi keyfiyyətlərimizə yad və iyrənc olan əməlləri təlqin və təbliğ etmək hansı əndazəyə sığır ki? Daha ətraflı »

Dünyada ən uca zirvə anadır

Rayonumuzdakı «Asiman» şadlıq sarayında 8 Mart–Beynəlxalq Qadınlar Günü münasibətilə təşkil olunmuş bayram tədbiri məhz onlara–dünyanın ən uca zirvəsi olan ana və bacılarımıza həsr olunmuşdur. Zalda şəhid anaları, rayonumuzun tanınmış ağbirçəkləri, əmək də və ictimai həyatımızda fərqlənən tərtərli qadınlar əyləşmişdilər. Əlbəttə ki, onlarla bərabər bu tədbirdə qadınların daim həyatda arxalandıqları, «başlarının tacı» hesab etdikləri kişilər iştirak edirdilər. Rayon icra hakimiyyətinin başçısı Müstəqim Məmmədovun şəxsi iştirakı və tapşırığı əsasında onlar əllərindən gələni etmişlər ki, qadınlarımızın üzü gülsün, könlü sevinsin Daha ətraflı »

İdmançılarımızın uğurları

1995-ci il martın 5-də Ulu Öndər Heydər Əliyev Bakı İdman sarayında dünya və Avropa çempionatlarının qalibləri və mükafatçıları ilə görüşüb İdman Fondunu təsis edib, bədən tərbiyəsi və idmanın inkişafında yeni srtategiyanın təməlini qoyub. Ölkə Prezidenti İlham Əliyev 1997-ci ildə Milli Olimpiya Komitəsinin rəhbəri seçildikdən sonra ölkəmizdə idmana və bədən tərbiyəsinə qayğı yüksəldi. Bu tarix İlham Əliyevin «Bədən tərbiyəsi və İdman gününün təsis edilməsi haqqında 4 mart 2005-ci il tarixli sərəncamına əsasən qeyd edilir.

Azərbaycan idmançıları müxtəlif səviyyəli beynəlxalq yarışlarda iştirak edərək yüksək qələbələr qazanırlar. Qaliblər arasında da vardır. Hazırda Kiq-boksinq idmanının peşəkar «K-1» növü üzrə Moskva şəhərində dünya çempionatında bizim idmançılar da iştirak edir. İnanırıq ki, həmyerlimiz qələbə ilə qayıdacaqdır.

Tərtər rayonunun idmançıları da muxtəlif olimpiadalarda iştirak edərək uğurlar qazanırlar. Ötən il yeniyetmələr arasında  Tərtərdə  keçirilən kiq-boksinq zona yarışında iştirak edən 15 komanda arasında komandamız 1-ci yerə çıxmış, Araz Yusifzadə, Rəvan Cəlal Hüseynov, Əlizamin Nağızadə, Vüqar Bağırov, Cəhdi çempion adı qazanmışlar. Yunan-roma güləşi üzrə yarışda 2 nəfər həmyerlimiz–İsgəndər Mirzəzadə və Yasin Quliyev birinci yerin qalibi olmuşlar. Daha ətraflı »

Jurnalistlər cəbhəyanı kəndindəki məktəbdə və hərbi hissədə olublar

Təhsil Nazirliyinin Müdafiə Nazirliyi ilə birgə kütləvi informasiya vasitələri (KİV) nümayəndələrinin cəbhə bölgəsinə təşkil etdiyi səfərin ikinci günündə jurnalistlər Tərtər rayonunun cəbhə xəttində yerləşən Qapanlı kənd tam orta məktəbinə gəliblər. Jurnalistlərə məlumat verilib ki, Ermənistan hərbi birləşmələri tərəfindən rayonun digər cəbhəyanı kəndləri kimi Qapanlı kəndində də atəşkəs rejimi tez-tez pozulur. Lakin buna baxmayaraq kənddə vəziyyət sabitdir. Həyat öz axarı ilə davam edir. Sakinlər Azərbaycan ordusuna güvənərək gündəlik məişət və təsərrüfat işləri ilə məşğul olurlar.

Təmas xəttinə yaxın məsafədə yerləşən kənddə əhalinin həyat şəraitinin yaxşılaşdırılması, sosial problemlərinin həlli məqsədilə ardıcıl tədbirlər həyata keçirilir. Hər bir evə içməli su və telefon xətti çəkilib, qaz və elektrik problemləri həll edilib. Kənddə 240 şagird yerlik yeni orta məktəb binası inşa olunub, müharibə zamanı dağıdılmış evlər bərpa edilib, kəndarası yolda gecə işıqlandırma sistemi quraşdırılıb. Hazırda kənd yolunun asfaltlanması davam etdirilir. Daha ətraflı »

Qayğıkeş ziyalı qadın

1975-ci ildə Gəncə Pedaqoji Universitetini fərqlənmə diplomu ilə bitirən Məxmər Cəfərovanın həyatında bir iş yeri olub – Qapanlı kənd tam orta məktəbi. Orta təhsilini əla qiymətlərlə başa vuran  Məxmər müəllim uzun illərdir ki, biliyini, bacarığını doğma kəndinin övladlarının maariflənməsinə sərf edir. Məktəbin direktoru Fitat Əliyeva deyir ki, bu müəllimin dərs dediyi şagirdlər riyaziyyatdan daim yüksək bal toplayır və ali məktəblərə qəbul zamanı uğur qazanırlar.

Məxmər müəllim öz yetirmələri ilə haqlı olaraq fəxr edir. Onlardan Tahirə müəllim hal-hazırda özü ilə çiyin-çiyinə çalışır və vaxtilə müəlliminin ona öyrətdiyi və sevdirdiyi riyaziyyat fənnini şagirdərinə həvəslə tədris edir. Daha ətraflı »

Ümid həmişə bizimlədir

Tərlan Əliyeva Tərtər Mərkəzi Rayon Xəstəxanasında onkoloq-cərrah işləyir.1986-cı ildə Bakıdakı kimya-biologiya təmayüllü məktəbi, 1994-cü ildə Azərbaycan Tibb Universitetinin müalicə-profilaktika fakültəsini bitirib. İlk iş yeri Milli Onkologiya Mərkəzidir. Təcrübəsindən bəhrələndiyi ilk həkim onkoginekoloq Svetlana Mirzəyəvadır. 1995-ci ildən təyinatla rayonumuza gəlib.

Atalar yaxşı deyiblər ki, «Elin gözü tərəzidir». Mən Tərlan həkimi görməmişdim və tanımırdım, ancaq tərtərlilərin ona olan hörməti və inamı haqqında çox eşitmişdim. Onun qəbulunda olan xəstələr həkimin peşəkarlığı ilə yanaşı insanpərvərliyini, xəstənin sağalması üçün nəinki iş vaxtı, işdən sonra da əlindən gələni əsirgəməməsini  yüksək qiymətləndirirlər.

Beynəlxalq Qadınlar Günü ərəfəsində Tərlan xanımla görüşüb söhbət etdim. İlk sualım belə oldu:

­­­– Nə zaman sevinirsiniz?

– Əsrin bəlası olan onkoloji xəstəlikləri vaxtında, ilkin mərhələdə aşkar edib, insanları  düzgün istiqamətləndirəndə özümü çox rahat hiss edirəm. Buna nail olmaq üçün isə maarifləndirici tədbirləri genişləndirməliyik. Hal-hazırda möhtərəm Prezidentimiz İlham Əliyev tərəfindən keçirilən əhalinin pulsuz müayinəsini biz həkimlər, xüsusən də onkoloq həkimlər alqışlayırıq. Daha ətraflı »

Mən anam qədər sevdiyim müəlliməmdən danışmaq istəyirəm. O,1980-ci ildə ilk pedaqoji fəaliyyətinə başlayıb. Se- vinclə əlinə jurnal alıb sinif ota-ğına daxil olan müəllimə gülərüzlə 1-ciləri salamlayıb. Haqqında danışdığım şəxs Umudlu kənd tam orta məktəbinin  müəllimi Kifayət Aslanovadır.

İlk dəfə sən tutdun körpə əlimdən

«Ana» kəlməsini dəftərə yazdım. Daha ətraflı »